ရန်ကုန်တိုင်းတွင် အလုပ်သမား ခုနစ်သောင်းခန့် အလုပ်ရစေမည့်လုပ်ငန်းများ ယခုဘဏ္ဍာနှစ်အတွင်း ခွင့်ပြုပေးခဲ့ဟုဆို

 ရန်ကုန်တိုင်းဒေသကြီး အတွင်း အလုပ်သမား ခုနစ် သောင်းခန့်အလုပ်အကိုင်ရရှိစေ မည့်ရင်းနှီးမြုပ်နှံမှုလုပ်ငန်းများကို ၂၀၁၇-၂၀၁၈ဘဏ္ဍာနှစ်အတွင်း ခွင့်ပြုပေးခဲ့ကြောင်း တိုင်းဒေသကြီး စီမံကိန်းနှင့် ဘဏ္ဍာရေးဝန် ကြီး ဦးမြင့်သောင်းကပြောသည်။

ရင်းနှီးမြှပ်နှံမှုနှင့် ကုမ္ပဏီ များ ညွှန်ကြားမှုဦးစီးဌာန စာ ရင်းများအရ ၂၀၁၇-၂၀၁၈ ဘဏ္ဍာနှစ်အတွင်းရန်ကုန်တိုင်း ဒေသကြီး၌ ခွင့်ပြုပေးခဲ့သည့်  နိုင်ငံခြားရင်းနှီးမြုပ်နှံမှု လုပ်ငန်း ၁၂၁ခုရှိပြီး ယင်းတို့မှ ဒေါ်လာ သန်း ၂,၆၀၀ ခန့်ရင်းနှီးမြှုပ်နှံ ခဲ့ကြောင်း ဦးမြင့်သောင်းကပြော သည်။

ထို့အပြင် မြန်မာနိုင်ငံသား ရင်းနှီးမြှုပ်နှံမှုလုပ်ငန်း  ၃၃ ခုကို လည်းခွင့်ပြုထား ပြီး ရင်းနှီးမြှုပ် နှံမှုပမာဏကျပ် ၅၉၄ဘီလီယံ ကျော်ရှိကြောင်းဆိုသည်။

‘‘အလုပ်အကိုင် အခွင့်အ လမ်းအနေနဲ့ ၆၈,၀၉၇ဦးအလုပ် အကိုင်ရဖို့အတွက် အလုပ်အကိုင် အခွင့်အလမ်း ပေါ်လာပါတယ်။ ဆက်လက်ပြီး အထူးစီးပွားရေး ဇုန်များ အကောင်အထည်ဖော် ခြင်း အလုပ်အကိုင်အခွင့်အလမ်း တွေတစ်ဖက်တစ်လမ်း ကနေရရှိ ပါတယ်’’ ဟု ၀န်ကြီးဦးမြင့်သောင်း ကပြောသည်။

မတ်လ ၆ရက် ရန်ကုန်တိုင်း ဒေသကြီးလွတ်တော်အစည်းအ ဝေးတွင် ကိုကိုးကျွန်းမြို့နယ် မဲ ဆန္ဒနယ်အမှတ်(၂) တိုင်းဒေသ ကြီးလွှတ်တော်ကိုယ်စားလှယ် ဦး တင်ဝင်း၏ ရန်ကုန်တိုင်းဒေသကြီး အတွင်း အလုပ်အကိုင် အခွင့် အလမ်းဖန်တီးရန်နှင့် ဆင်းရဲနွမ်း ပါးမှုလျှော့ချပေးရန် အစီအစဉ် ရှိ၊ မရှိမေးမြန်ရာ၌ ၀န်ကြီးက ပြောကြားခြင်းဖြစ်သည်။

‘‘အလုပ်အကိုင် အခွင့်အ လမ်းရှားပါးနေမယ်ဆိုရင် ဆင်း ရဲနွမ်းပါးမှုအပေါ် တိုက်ရိုက်သက် ရောက်နေမှာဖြစ်တဲ့အတွက် ဒါ ဟာအရေးကြီးတဲ့ကိစ္စတစ်ရပ်လို့ မြင်ပါတယ်’’ ဟုရန်ကုန်တိုင်းဒေ သကြီး လုံခြုံရေးနှင့်နယ်စပ်ရေးရာ ၀န်ကြီးဟောင်း ဦးတင်ဝင်းက ပြောသည်။

သီလ၀ါအထူးစီးပွားရေးဇုန် တွင် အလုပ်သမားဦးရေ တစ် သောင်းကျော်အတွက် အလုပ် အကိုင်ဖန်တီး ပေးရန်ရှိကြောင်း ဦးမြင့်သောင်းကပြောသည်။

သီလ၀ါအထူး စီးပွားရေးဇုန် တွင် အလုပ်ခန့်ထားရန် ရည်မှန်း ထားသည့် အရေအတွက်သည် ၁၅,၀၀၀ ကျော်ရှိပြီး ၂၀၁၈ ဇန်န၀ါရီကုန်အထိအလုပ်သမား ဦးရေ သုံးထောင်ကျော်အလုပ် ရရှိကြောင်း ဦးမြင့်သောင်းကဆို သည်။

 ယင်းအထူးစီးပွားရေဇုန် တွင် ဇန်န၀ါရီကုန်အထိ လုပ် ကိုင်ခွင့်ပြုထားသော ကုမ္ပဏီ ၉၀ ကျော်ရှိပြီးလုပ်ငန်းလည်ပတ်နေ သည့် ကုမ္ပဏီ ၄၂ ခု၌ အလုပ် သမားဦးရေ သုံးထောင်ကျော်  အလုပ်ခန့်ထားသည်။