မြန်မာကင်းထောက် အမျိုးသမီးခုနစ်ဦးကို ဂျပန်နိုင်ငံသို့ စေလွှတ်မည်

 မြန်မာနိုင်ငံရှိ ကင်း ထောက်အမျိုးသမီးငယ်ခုနစ်ဦး ကို ဂျပန်အမျိုးသမီးကင်းထောက် အဖွဲ့နှင့်ပူးပေါင်း၍ စေလွှတ်မည် ဖြစ်ကြောင်း မြန်မာကင်းထောက် အမျိုးသမီးအဖွဲ့ ညှိနှိုင်းရေးနှင့် ဆက်သွယ်ရေးတာဝန်ခံ ဒေါ်တင် ညွန့်ဦးက ပြောသည်။

အဆိုပါစေလွှတ်မည့် ကိစ္စ နှင့်ဆက်နွှယ်သည့် ချစ်ကြည်ရေး ရန်ပုံငွေဈေးရောင်းပွဲတော်တစ် ရပ်ကို နှစ်နိုင်ငံအမျိုးသမီး ကင်း ထောက်အဖွဲ့များပူးပေါင်း၍ မတ် လ ၁၈ ရက် နံနက် ၁၀ နာရီမှ ညနေ၅ နာရီအထိ ရန်ကုန်ပညာရေး တက္ကသိုလ်ဝင်းရှိ   LearningHub တွင် ကျင်းပမည်ဖြစ်သည်။

 ‘‘တစ်နိုင်ငံလုံးအတိုင်းအ တာနဲ့ နယ်က ကင်းထောက်လေး တွေခေါ်ထားတယ်။ ၁၅ ရက်နေ့ ကျ စာမေးပွဲစစ်မယ်။ ၁၅ ယောက်ထဲက ခုနစ်ယောက်ကို ရွေးထုတ် ပြီး ဂျပန်ကို ပို့မှာ။ အခုပွဲက ရန်ပုံ ငွေနဲ့ကလေးတွေကို ဂျပန်ကို လွှတ်ဖို့ပါ။ သြဂုတ်မှာ လွှတ်မှာ ပါ’’ဟု ဒေါ်တင်ညွန့်ဦးက ဆို သည်။

အဆိုပါဈေးရောင်းပွဲတော် သို့ တိုင်းဒေသကြီးနှင့် ပြည်နယ် အသီးသီးမှ မြန်မာကင်းထောက် အမျိုးသမီးအဖွဲ့ဝင်များ ပူးပေါင်း ပါဝင်ရန် ဖိတ်ခေါ်ထားကြောင်း ၎င်းက ပြောသည်။

ယင်းပွဲတွင်    ဂျပန်လူမျိုး များ၏ရိုးရာပစ္စည်းများ၊ မြန်မာ တိုင်းရင်းသား ပစ္စည်းများ ရောင်းချမည်ဖြစ်သည်။

မြန်မာကင်းထောက်အဖွဲ့ ကို ၁၉၁၆ တွင် စတင်ဖွဲ့စည်းပြီး ၁၉၆၄ ၌ ရပ်ဆိုင်းခဲ့သည်။ ၂၀၁၂ တွင် မြန်မာနိုင်ငံ ကင်းထောက် အဖွဲ့ကို ပြန်လည်ဖွဲ့စည်းသည်။ ၂၀၁၆ သြဂုတ် ၁၁ ရက်တွင် ကမ္ဘာ့ကင်းထောက်အဖွဲ့ဝင် နိုင်ငံ ၁၆၃ နိုင်ငံက မြန်မာကင်းထောက် အဖွဲ့ကို ကမ္ဘာ့ကင်းထောက်အဖွဲ့ ဝင်အဖြစ် ကန့်ကွက်သူမရှိ အ တည်ပြုခဲ့သည်။ ၂၀၁၆ နိုဝင်ဘာအထိ စာရင်းများအရ တက္ကသိုလ်၊ ကောလိပ်များနှင့် အခြေခံပညာ ကျောင်းများတွင် ကင်းထောက် အဖွဲ့ဝင်မောင်မယ် ၆၀,၀၀၀ ခန့် ရှိသည်။