ပြည့်တန်ဆာဘ၀မှ ရုန်းထွက်နိုင်အောင် ကူညီပေးမည့် ဥပဒေကြမ်းရေးဆွဲပြီးစီး

ပြည့်တန်ဆာများကို တစ်ကြိမ်ဖမ်းမိရုံဖြင့် ထောင်မချဘဲ အသက်မွေးဝမ်းကျောင်းပညာနှင့် လုပ်ငန်းရင်းနှီးငွေများ ထုတ်ပေးရန် အချက်များပါဝင် ၊ ပြည့်တန်ဆာများအတွက် ကျန်းမာရေးဆိုင်ရာ စောင့်ရှောက်မှုများ ရရှိနိုင်သည့် အချက်များလည်း ထည့်သွင်း
လိင်လုပ်သားအခွင့်အရေးတောင်းဆိုသည့် အခမ်းအနားတစ်ခု ပြုလုပ်နေစဉ် (ဓာတ်ပုံ − စိုင်းဇော်)

 ပြည့်တန်ဆာအ ဖြစ် လုပ်ကိုင်နေသော အမျိုးသ မီးများအား ယင်းဘ၀မှ ရုန်းထွက် နိုင်အောင် ကူညီပေးနိုင်မည့် ပြည့်တန်ဆာဆိုင်ရာ ဥပဒေကို ရေးဆွဲပြီးစီး၍ အစိုးရအဖွဲ့ထံ တင်ပြထားကြောင်း လူမှုဝန်ထမ်း၊ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန အမျိုးသမီးများ ဖွံ့ဖြိုးတိုးတက်ရေးဌာနခွဲ ညွှန်ကြားရေးမှူး ဒေါ်နော်သ၀ါးက ပြောသည်။

‘‘သူတို့ကို အပြစ်ပေးအရေး ယူတာထက် သူတို့ရဲ့ အသိပညာ၊ အတတ်ပညာ၊ အသက်မွေးဝမ်း ကျောင်းပညာရရှိဖို့ကို အဲဒီဘက် ကို ဦးတည်သွားပါတယ်။ ထောင် ဒဏ်ဆိုတာလည်း မရှိတော့ဘူး’’ ဟု ၎င်းကပြောသည်။

လက်ရှိကျင့်သုံးနေသည့် ၁၉၄၉ ပြည့်တန်ဆာ နှိပ်ကွပ်ရေး အက်ဥပဒေအရ ပြည့်တန်ဆာ များကို ဖမ်းဆီး၍ အရေးယူမှုများ ပြုလုပ်သော်လည်း လျော့နည်း ပပျောက်ခြင်းမရှိကြောင်း ဒေါ်နော်သ၀ါးက ထောက်ပြပြောဆိုသည်။

‘‘အခုဆွဲထားတဲ့ ဥပဒေ ကြမ်း ၁၉၄၉ ဥပဒေနဲ့ကတော့ တက်တက်စင် ဆန့်ကျင်ဘက်ဖြစ် တယ်’’ ဟု ၎င်းကဆိုသည်။

ပြည့်တန်ဆာအဖြစ် လုပ် ကိုင်နေသူများသည် စီးပွားရေး အရ လုံးဝထွက်ပေါက် မရှိသော ကြောင့် ယင်းဘ၀သို့ ရောက်ရှိ နေရပြီး ၎င်းတို့လုပ်အားဖြင့် လုပ်ကိုင်နိုင်မည့် အခြားအသက်မွေးဝမ်းကျောင်းတစ်ခု ဖန်တီးပေးနိုင်ပါ က ပြည့်တန်ဆာအဖြစ်မှ ရုန်းထွက်နိုင်မည်ဟု ယုံကြည်ကြောင်း ဒေါ်နော်သ၀ါးက ပြောသည်။

အသက်မွေးဝမ်းကျောင်း ပညာသင်ပေးပြီးက ၎င်းတို့လုပ် ကိုင်စားသောက် ရင်းနှီးရန် အ လုပ်အကိုင် အခွင့်အလမ်းအပြင် ဖွင့်လှစ်လိုသည့် လုပ်ငန်းအတိုင်း အတာနှင့် ကိုက်ညီသည့် ငွေအ ရင်းအနှီးကို သတ်မှတ်ချက်အ တိုင်း သက်ဆိုင်ရာအစိုးရ၀န်ကြီး ဌာနများနှင့် ပူးပေါင်းကာကူညီ မည်ဟု ဒေါ်နော်သ၀ါးက ပြော သည်။

‘‘အဲဒီလောက်လုပ်ပေးတာ တောင်မှ ဒီလုပ်ငန်းကိုဆက်ပြီး လုပ်မယ်ဆိုရင် သူ့ကိုတစ်လ ထက်မပိုသော ထောင်ဒဏ်ဆိုပြီး ထပ်ထည့်ထားတယ်။ ဒီလိုပေး တာတောင်မှ ဒီလိုကျူးလွန်တယ် ဆိုရင် ကျူးလွန်တယ်ဖြစ်သွား တာပေါ့။ ပထမတစ်ခါက သူ့အ တွက် အခွင့်အလမ်းမရှိလို့ အခွင့် အလမ်းရှိအောင် ဆောင်ရွက်ပေး တယ်။ ဆောင်ရွက်ပေးပြီး ဒီဘ၀ က ရုန်းထွက်နိုင်အောင်၊ မရုန်း ထွက်ရင်တော့ ပြစ်ဒဏ်ပေးရမှာ ပေါ့’’ဟု ၎င်းကဥပဒေကြမ်းတွင် ပါဝင်ရေးဆွဲမည့် အချက်များကို ရှင်းပြသည်။

ပြည့်တန်ဆာဥပဒေကြမ်း သည် လက်တွေ့ဘ၀တွင် လုပ် ကိုင် စားသောက်နေသူများ၏ ဘ၀ကို ထင်ဟပ်ဖြေရှင်းပေးနိုင် ရန် လိုအပ်ပြီး ပြည့်တန်ဆာဘ၀ သို့ ရောက်ရှိရခြင်းသည် ဆင်းရဲမွဲ တေမှု အဓိကကျကြောင်း အခရာအမျိုးသမီးအဖွဲ့မှ ဒါရိုက်တာမထားထားက ပြောသည်။

‘‘ဆင်းရဲမွဲတေမှုကြောင့် (ပြည့်တန်ဆာလောက) ၀င်လာ ပြီးတဲ့အချိန်မှာ သူတို့ကဒါကိုဘာ ကြောင့် ဆက်လုပ်နေသလဲဆို တော့ သူတို့လိုချင်တဲ့ ပိုက်ဆံပမာဏကိုရနေလို့ ဆက်လုပ်နေကြ တာ။ ဒီထဲကနေ ဆွဲထုတ်ပြီးသွား ရင် ဒီလောက် Amount ပမာဏ ရမလားပေါ့။ အဲဒါရှိသေးတယ်’’ ဟု ၎င်းကဆိုသည်။

ထို့အပြင် ပြည့်တန်ဆာများ သည် အကျင့်စာရိတ္တမကောင်း သူများ မဟုတ်ဘဲ ၎င်းတို့အား ထောင်ဒဏ်ထည့်သွင်းထားမှုကို လုံးဝသဘောမတူကြောင်း ၎င်းကပြောသည်။ ‘‘ပြည့်တန်ဆာတွေကို ထောင်ချတာ လုံးဝသဘောမတူဘူး။ တစ်ရက်ဖြစ်ဖြစ်၊ တစ်လဖြစ်ဖြစ်’’ဟု ယခုရေးဆွဲနေသော ဥပဒေကြမ်းတွင် ပြည့်တန်ဆာ များအတွက် ထောင်ဒဏ်ထည့် သွင်းထားခြင်းအပေါ် ၎င်းကကန့် ကွက်ပြောကြားသည်။

သို့သော် ယခုဥပဒေကြမ်း တွင် ပြည့်တန်ဆာများကို လက်ရှိကျင့်သုံးနေသော ဥပဒေကဲ့သို့ ဖမ်း မိပါက ထောင်ချက်ချင်းချမည် မဟုတ်ဘဲ  ပထမအကြိမ် ဖမ်းဆီးခံရပါက ကိုယ်တိုင်ခံဝန်ထိုး၍ နောက်တစ်ဆင့် ထပ်မံဖမ်းဆီးခံရ မှသာ ထောင်ဒဏ်အရေး ယူမှုခံရမည်ဖြစ်ကြောင်း ပြည့်တန်ဆာ အဖြစ် အသက်မွေးဝမ်းကျောင်းပြုလုပ်ဖူးသူ အမျိုးသမီးများနှင့် ဖွဲ့စည်းထားပြီး ဥပဒေကြမ်းရေး ဆွဲရာတွင် ပါဝင်သူ တော်ဝင်ခရေ ကွန်ရက်မှ ဥက္ကဋ္ဌ မသူဇာဝင်းက ပြောသည်။

‘‘အရင်ဥပဒေထက်စာရင် ဒီဥပဒေမှာရှိနေတဲ့ဟာက အကာ အကွယ်ပေးနိုင်တယ်။ ကျန်းမာ ရေးစောင့်ရှောက်မှု၊ ဥပဒေ အ ထောက်အကူပြုရယူခွင့်၊ လူမှု ပတ်ဝန်းကျင်အတွက် အလုပ်အ ကိုင် အခွင့်အလမ်း ဒါတွေပါလာ တာပေါ့။ အရင်ဥပဒေထက် အ များကြီး ကောင်းလာမှာပါ’’ဟု ၎င်းက ပြောသည်။

ထို့ပြင် ပြည့်တန်ဆာများကို ဖမ်းဆီးအရေးယူမှုများ မပြုလုပ် သော်လည်း ယင်းလုပ်ငန်းကို စီး ပွားရေးတစ်ရပ်အနေဖြင့် တည်ထောင်လုပ်ကိုင်နေသူများကို အရေးယူမှုများ ပြုလုပ်ရန် ဥပဒေတွင်ထည့်သွင်းရေးဆွဲထားကြောင်း ဒေါ်နော်သ၀ါးက ပြောသည်။

 ‘‘ပြည့်တန်ဆာလုပ်ငန်း လုပ်ကိုင်နေတဲ့ ကလေးတွေကို မတော်မတရားနဲ့ လူကုန်ကူးတာ မျိုး၊ ထွက်ခွင့်မပေးဘဲ ချုပ်ချယ် တာမျိုး၊ ခေါင်းပုံဖြတ်တာမျိုး၊ အဲ ဒါမျိုးတွေရှိရင်လည်း ထိရောက် သော ပြစ်ဒဏ်ဆိုပြီး ထည့်ထား တယ်’’ဟု ၎င်းကရှင်းပြသည်။

ထိုသို့ ပြုလုပ်ပါက ၎င်းတို့ ပိုင်ဆိုင်သည့် ပြည့်တန်ဆာလုပ် ငန်းနှင့်ပတ်သက်သော ပစ္စည်း များသိမ်းဆည်း၍ ထောင်ဒဏ်သုံး နှစ်မှ ငါးနှစ်အထိ ချမှတ်နိုင် ကြောင်း ရေးဆွဲထားသည်။ ယင်း အပြင် ပြည့်တန်ဆာများကို လူ ကုန်ကူးသကဲ့သို့ ခေါင်းပုံဖြတ်အ မြတ်ထုတ်မှုများ ပြုလုပ်ပါက လူ ကုန်ကူးဥပဒေဖြင့် အရေးယူနိုင် ရန်ကိုလည်း ဥပဒေတွင် ရေးဆွဲ ထားကြောင်း ဒေါ်နော်သ၀ါးက ဆိုသည်။

ထို့အပြင် ပြည့်တန်ဆာများ အတွက် ကျန်းမာရေးနှင့်ပတ် သက်သည့် ဆေးဝါးများ လက် လှမ်းမီရရှိရန်နှင့် ယင်းဘ၀သို့ ရောက်ရှိနေသော်လည်း ၎င်းတို့ ထံလာသည့် Customer ဖောက် သည်များနှင့် ပြည့်တန်ဆာတို့ သည် အကာအကွယ်ကို သေသေ ချာချာသုံးစွဲရန် ဥပဒေကြမ်းတွင် ထည့်သွင်းထားကြောင်း ဒေါ်နော် သ၀ါးက ပြောသည်။

ပြည့်တန်ဆာဥပဒေကြမ်း  ရေးဆွဲရခြင်းသည် ယင်းလုပ်ငန်းခွင်ထဲသို့ ခြေချော် လက်ချော်ရောက်ရှိခဲ့ရပြီး အတားအဆီးများကို ရုန်းမထွက်နိုင်သူများအတွက် အဓိကရည်ရွယ်ကာ အခန်း ၁၀ ခန်းနှင့် ပုဒ်မ ၄၁ ခုပါဝင်ကြောင်း ၎င်းကဆိုသည်။

အဆိုပါ ဥပဒေကြမ်းသည် လက်ရှိ ပြည်ထောင်စုရှေ့နေရုံး ထံ တင်ပြထားပြီး အကြံပြုချက် များ ရရှိပါက မကြာမီလွှတ်တော် သို့ တင်နိုင်မည်ဖြစ်ကြောင်း ဒေါ်နော်သ၀ါးက ပြောသည်။

ဥပဒေကြမ်းကို ပြဋ္ဌာန်းပြီး ပါက လက်ရှိကျင့်သုံးနေသည့် ၁၉၄၉ ပြည့်တန်ဆာ နှိပ်ကွပ်ရေး အက်ဥပဒေကို ဖျက်သိမ်းရမည် ဖြစ်သည်။။

Top News