ဘင်္ဂလားဒေ့ရ်ှထက် မြန်မာ့စစ်အင်အားပိုသာလွန်ကြောင်း Global Fire Power Index တွင် ဖော်ပြထား

ဘင်္ဂလားဒေ့ရ်ှစစ်တပ်သည် ကမ္ဘာတွင် ၅၇ ခုမြောက် စွမ်းအားအကြီးဆုံး စစ်တပ်အဖြစ် ရပ်တည်နေသည်။ (Wikimedia)

Global Fire Power Index က ကောက်ယူထားသော အချက်အလက်များအရ မြန်မာ့တပ်မတော်သည် ဘင်္ဂလားဒေ့ရ်ှစစ်တပ်ထက် အင်အားသာလွန်ကြောင်း သိရှိရသည်။

နယ်နိမိတ်ရေးရာ အငြင်းပွားစရာအခြေအနေအချို့ရှိခဲ့ဖူးသော အိမ်နီးချင်းနှစ်နိုင်ငံသည် ဘင်္ဂါလီပြဿနာနှင့် ပတ်သက်၍လည်း ပြီးခဲ့သည့် လပိုင်းများအတွင်း ဆက်ဆံရေးအဖုအထစ်များဖြစ်ပေါ်ခဲ့သည်။ မကြာသေးမီက နှစ်နိုင်ငံနယ်စပ်အနီးတွင် မြန်မာ့တပ်မတော်က တပ်ဖြန့်ထားကြောင်း ဘင်္ဂလားဒေ့ရ်ှဘက်က စွပ်စွဲမှုများ ပြုလုပ်ခဲ့သေးသည်။

ထိုသို့သော အခြေအနေများကြောင့် မြန်မာနှင့် ဘင်္ဂလားဒေ့ရ်ှတို့ကြား ထိပ်တိုက်ပဋိပက္ခမျိုး ဖြစ်လာနိုင်ခြေအပေါ် နိုင်ငံတကာ စစ်ရေးသုတေသီများက ခန့်မှန်းခဲ့ကြပြီး ၂၀၁၇ အတွက် ထုတ်ပြန်သည့် Global Fire Power Index ညွှန်ကိန်းများဖြင့် ချိန်ဆတွက်ချက်ခဲ့ခြင်း ဖြစ်သည်။

အဆိုပါ စစ်တမ်းများ၌ မြန်မာ့တပ်မတော်သည် ကမ္ဘာပေါ်ရှိ အင်အားအတောင့်ဆုံး စစ်တပ်များစာရင်း၏ အဆင့် ၃၁ နေရာ၌ရှိနေပြီး ဘင်္ဂလားဒေ့ရှ် စစ်တပ်ကမူ အဆင့် ၅၇ နေရာတွင်သာ ရပ်တည်နိုင်ခဲ့သည်။

နိုင်ငံလူဦးရေချင်းယှဉ်ပါက ဘင်္ဂလားဒေ့ရ်ှက အလွန်များပြားသော်လည်း စစ်မှုရေးရာ စုဖွဲ့မှုတွင်မူ မြန်မာ၏ နောက်တွင်သာ ရှိနေကြောင်း အဆိုပါ စစ်တမ်းက ဆိုသည်။ Global Fire Power Index သည် နိုင်ငံအလိုက် တပ်ဖွဲ့ဝင်ဦးရေ၊ ကာကွယ်ရေးအသုံးစရိတ်၊ ကြည်း၊ ရေ၊ လေနှင့် လက်နက်ကြီးတပ်ဖွဲ့များ၏ တောင့်တင်းမှုတို့ကို ဘက်ပေါင်းစုံ အခြေပြုတွက်ချက်ခြင်း ဖြစ်သည်။

စစ်အင်အား၌ မြန်မာ့တပ်မတော်၌ အမြဲတမ်းတပ်ဖွဲ့ဝင် ၅၁၆,၀၀၀ မျှနှင့် အရန်တပ်ဖွဲ့ဝင် ၁၁၀,၀၀၀ မျှ ရှိနေသော်လည်း ဘင်္ဂလားဒေ့ရ်ှတွင်မူ အမြဲတမ်း တပ်ဖွဲ့ဝင် ၂၂၅,၀၀၀ နှင့် အရန်တပ်ဖွဲ့ဝင် ၆၅,၀၀၀ မျှသာ ပိုင်ဆိုင်သည်။ ကာကွယ်ရေး အသုံးစရိတ်တွင် မြန်မာက ဒေါ်လာ ၂ဒသမ၄ ဘီလီယံမျှ အသုံးပြုနေပြီး ဘင်္ဂလားဒေ့ရှ်၏ ဘတ်ဂျတ်သည် ဒေါ်လာ ၁ ဒသမ ၅၉ ဘီလီယံခန့် ဖြစ်သည်။

ဘင်္ဂလားဒေ့ရှ် လေတပ်တွင် လေယာဉ် ၁၆၆ စီးရှိပြီး မြန်မာဘက်တွင် တိုက်လေယာဉ်များ အပါအဝင် လေယာဉ် ၁၃၃ စီး ပိုင်ဆိုင်ထားသည်။ ရဟတ်ယာဉ် ပိုင်ဆိုင်မှုတွင်မူ မြန်မာက ၈၆ စီးဖြင့် အသာရနေပြီး ဘင်္ဂလားဒေ့ရ်ှတွင် ၆၁ စီးသာရှိကြောင်း ယင်းစစ်တမ်း၌ ပါရှိသည်။

ကြည်းတပ်တွင် မြန်မာ့တပ်မတော်က တင့်ကား ၅၉၂ စီးနှင့် သံချပ်ကာယာဉ် ၁,၃၅၈ စီး ရှိသော်လည်း ဘင်္ဂလားဒေ့ရ်ှတွင် တင့်ကား ၅၃၄ စီးနှင့် သံချပ်ကာယာဉ် ၉၈၂ စင်းမျှသာ ပိုင်ဆိုင်သည်။ လက်နက်ကြီး ယူနစ်များ ပိုင်ဆိုင်မှုတွင်လည်း မြန်မာဘက်က ထင်ထင်ရှားရှား သာလွန်နေကြောင်း သိရသည်။ ဘင်္ဂလားဒေ့ရှ် ရေတပ်တွင် ဖရီးဂိတ် စစ်သင်္ဘောခြောက်စင်း အပါအဝင်ရေယာဉ် ၈၉ စင်းမျှရှိသော်လည်း မြန်မာ့တပ်မတော်(ရေ)တွင် ရေယာဉ် ၁၅၅ စီးမျှ အသုံးပြုနေကြောင်း သိရသည်။ ဘင်္ဂလားဒေ့ရ်ှတွင် ရေငုပ်သင်္ဘော ပိုင်ဆိုင်သည်ဟု ဖော်ပြမထားသော်လည်း မကြာသေးမီက ဘင်္ဂလားဒေ့ရ်ှရေတပ်သည် ရေငုပ်သင်္ဘောနှစ်စီးကို ဝယ်ယူထားသည်။

ဖရီးဂိတ်စစ်သင်္ဘောအရေအတွက်အရမူ ဘင်္ဂလားဒေ့ရ်ှက မြန်မာထက် ပိုင်ဆိုင်မှုပိုများပြီး မြန်မာ့တပ်မတော်(ရေ)တွင် ဖရီးဂိတ် ငါးစင်းရှိကြောင်း စစ်တမ်း၌ ပါရှိသည်။

 Global Fire Power Index စစ်တမ်းအရ ကမ္ဘာပေါ်တွင် စစ်အင်အား အတောင့်တင်းဆုံးနိုင်ငံအဖြစ် အမေရိကန်က ဦးဆောင်နေပြီး ရုရှား၊ တရုတ်နှင့် အိန္ဒိယတို့က အမေရိကန်နောက်တွင် အစဉ်လိုက်ရှိနေကြသည်။ ယင်းနိုင်ငံကြီးများနောက်တွင် ပြင်သစ်၊ ဗြိတိန်၊ ဂျပန်၊ တူရကီ၊ ဂျာမနီနှင့် အီဂျစ်တို့လည်း ထိပ်ဆုံး ၁၀ နိုင်ငံ စာရင်းဝင်များအဖြစ်ရပ်တည်နေကြောင်း သိရှိရသည်။

—Ref: Global Fire Power Index, Dhaka Tribune

Top News