မြန်မာကိုရိုက်ခတ်လာသော တရုတ်၏ ဆင်စွယ်အဝယ် ပိတ်ပင်မှု ဂယက်

တရုတ်နိုင်ငံက ဆင်စွယ်ဝယ်ယူမှု မပိတ်သိမ်းမီ တစ်နှစ်တာကာလအတွင်း မြန်မာနိုင်ငံ၌ အစွယ်နှင့် အရေခွံလို၍ ဆင်များ သတ်ဖြတ်ခံရမှု ပိုများခဲ့သည်။ Taylor Weidman/Getty Images

တိရစ္ဆာန်များ၏ သင်္ချိုင်းဟုတင်စားခေါ်ဝေါ်ခံရသည့် တရုတ်နိုင်ငံ က ဆင်စွယ်ဝယ်ယူမှုကို ၂၀၁၇ နှစ် ကုန်၌ အပြီးသတ်ပိတ်ပင်တားမြစ် ခဲ့ခြင်းက တောဆင်ရိုင်းကောင် ရေ သုံးထောင်အောက်သာ ကျန်ရှိ တော့သည့် မြန်မာနိုင်ငံအတွက် ဝမ်းသာရမည်လား၊ ဝမ်းနည်းရ မည်လား ဝေခွဲရခက်နေသည်။


 အဘယ်ကြောင့်ဆိုသော် ပိတ်ပင်တားမြစ်မှု အသက်မဝင်မီ ၂၀၁၇ အတွင်း အသတ်ခံရသည့် တောဆင်ရိုင်း ၄၆ ကောင်ရှိခဲ့ပြီး ၂၀၁၁ မှ ၂၀၁၆ အတွင်း တောဆင် ရိုင်း အသတ်ခံရမှု ၄၂ ကောင်သာ ရှိခဲ့ရာ ယင်းပမာဏနှင့်နှိုင်းယှဉ်ပါ က တစ်နှစ်အတွင်း တောဆင်ရိုင်း သတ်ဖြတ်ခံရမှု တစ်ဟုန်ထိုးတက် လာသောကြောင့်ပင်။

၂၀၁၇ အတွင်း တောဆင် ရိုင်းသေဆုံးမှု ၅၉ ကောင်ရှိခဲ့ပြီး သတ်ဖြတ်ခံရသည့် ဆင်အ ကောင်ရေ ၄၆ ကောင်ရှိခဲ့သည်။ မည်သည့်အတွက်ကြောင့် သေဆုံးသည်ဟု မှတ်ချက်ပေးမရသည့် သေဆုံးမှုမှာ ၁၃ ကောင်ရှိခဲ့သည်။

‘‘ဒါက ဌာနကကောက်ထား တဲ့ စာရင်းတွေပါ။ အပြင်မှာ ဒီ ထက်လည်းများနိုင်တယ်။ သဘာ ဝအလျောက်သေတာဟုတ်၊ မ ဟုတ် အတည်မပြုနိုင်သေးတဲ့အ တွက် ကျွန်တော်တို့က ဒါကိုသေ ဆုံးမှုလို့ပဲ သတ်မှတ်ထားပါ တယ်’’ ဟု သားငှက်ထိန်းသိမ်းရေး အဖွဲ့မှ တောရိုင်းတိရစ္ဆာန်များ ရောင်းဝယ် ဖောက်ကားခြင်း တား ဆီးရေးဆိုင်ရာ ညှိနှိုင်းရေးမှူး ဦး အောင်ကျော်က ပြောသည်။

 တောဆင်ရိုင်းများသည် ဧရာဝတီ၊ ရန်ကုန်၊ ပဲခူး၊ မန္တလေး တိုင်းဒေသကြီး၊ ရခိုင်နှင့် ကရင် ပြည်နယ်တို့တွင် သတ်ဖြတ်ခံရ သည့် ပြီးခဲ့သည့်နှစ်အတွင်း ဧရာ ဝတီတိုင်းဒေသကြီးတွင်  အများ ဆုံးသတ်ဖြတ်ခံရကာ ရန်ကုန် တိုင်းက ဒုတိယ၊ ပဲခူးတိုင်းက တတိယအများဆုံး ဖြစ်ခဲ့သည်။

တရုတ်နိုင်ငံမှ တားမြစ်ပိတ် ပင်မှု မထုတ်ပြန်မီ ၂၀၁၆ က မြန်မာနိုင်ငံအတွင်း တောဆင်ရိုင်း သတ်ဖြတ်ခံရမှု ၁၈ ကောင်သာ ရှိခဲ့ရာ ၂၀၁၇ တွင် အကောင်ရေ  ၃၀ ခန့်ပိုတိုးလာခဲ့သည်။

ဆင်စွယ်ဝယ်ယူမှု တိုးပွား လာခြင်းကြောင့် ကမ္ဘာ့နေရာအနှံ့ အပြားတွင် ၁၅ မိနစ်လျှင်တစ် ကောင်နှုန်း နေ့စဉ်သေဆုံးနေ ကြောင်း Convention on International Trade in Endangered Species of Wild (CITES) က ထုတ်ပြန်ထားသည်။

ယင်းသို့ သေဆုံးမှု များလာ ခြင်းကြောင့် ဆင်အပါအဝင် အခြားရှားပါး တောရိုင်းတိရစ္ဆာန် များ ကုန်သွယ်မှုတားမြစ်ခြင်းကို တစ်ကမ္ဘာလုံးအနှံ့ ဆောင်ရွက်ရန် ၂၀၁၆ နှစ်ကုန်ခါနီးတွင် ချမှတ်ခဲ့ သည်။ 

မြန်မာနိုင်ငံနှင့် နယ်နိမိတ် ချင်း ထိစပ်နေသည့် တရုတ်နိုင်ငံ သည် ဆင်စွယ်ဈေးကွက်ကို ချုပ် ကိုင်ထားပြီး ဆင်စွယ်ရောင်းဝယ်မှု အကြီးဆုံး နေရာဖြစ်ကာ တစ် ကမ္ဘာလုံးက ရောင်းချသည့် ဆင် စွယ် ၇၀ ရာခိုင်နှုန်းကို တရုတ်က နှစ်စဉ်ဝယ်ယူနေပြီး ဆင်စွယ် တစ်ကီလိုဂရမ်လျှင် လက်ရှိပေါက် ဈေး ကန်ဒေါ်လာ ၁,၁၀၀ ခန့် ဈေးရှိသည်။

နယ်စပ်ဒေသရှိ တိုင်းရင်း သားလက်နက်ကိုင်များ ထိန်းချုပ် ရာ ဒေသများတွင် တောရိုင်း တိရစ္ဆာန်များကို အခွန်ဆောင် ရောင်းချခြင်းများ ရှိနေပြီး ပြည် တွင်းက တောရိုင်းတိရစ္ဆာန်မှောင် ခို ရောင်းဝယ်သူများလည်း ယင်း ဒေသမှတစ်ဆင့် တရုတ်နိုင်ငံသို့ တင်ပို့ရောင်းချနေသည်။

တောရိုင်း တိရစ္ဆာန်ရောင်း ဝယ်ဖောက်ကားရေး ဈေးကွက် ရှိနေသဖြင့် အလွယ်တကူ ကူး သန်းရောင်းဝယ်နိုင်သည့် လမ်း ကြောင်းများ မြန်မာနိုင်ငံအတွင်း ရှိနေသည်။ ယင်းဈေးကွက်သည် ရှမ်းပြည်နယ်မြောက်ပိုင်း ကိုယ်ပိုင် အုပ်ချုပ်ခွင့်ရ မိုင်းလားဒေသဖြစ် သည်။

‘‘အရင်ကဆင်စွယ်ပဲ။ အခုက အရေခွံတွေပါ ဈေးကွက်ဖြစ်လာတယ်’’ ဟု ဈေးကွက်ပြောင်းလဲ လာပုံနှင့် ပတ်သက်၍ ဦးအောင် ကျော်က ပြောသည်။

ယခင်က ဆင်စွယ်ကိုသာ အ ဓိကထား ရောင်းဝယ်ရာမှ ယခု လျှင် ဆင်စွယ်သာမက ဆင်အရေ ခွံ၊ ဆင်နှာမောင်းနှင့် ဆင်အသား များကိုလည်း ရောင်းဝယ်ဖောက် ကားလာသည်။ ဆင်အစိတ်အ ပိုင်းများ ဈေးကွက်ကောင်းလာမှု သည် ၁၉၉၀-၂၀၀၀ အတွင်းဖြစ် ပေါ်ခဲ့သည့် ဈေးကွက်နှင့် နှိုင်း ယှဉ်၍ မရအောင်ပင်ကွာခြားနေ သည်ဟု သဘာဝပတ်ဝန်းကျင် ထိန်းသိမ်းရေး လေ့လာစောင့် ကြည့်သူများက ပြောသည်။

‘‘အရင်ကဆင်စွယ်လိုချင်လို့ ဆင်ထီး (စွယ်စုံ) ဆင်တွေပဲအ သတ်ခံရတာပါ။ အခုချိန်မှာတော့ ဆင်တစ်ကိုယ်လုံးရဲ့ အစိတ်အ ပိုင်းအားလုံး ဈေးကွက်လိုအပ် ချက် ဖြစ်လာလို့ ဆင်ထီးသာမက ဆင်မရော၊ ဆင်ကလေးတွေပါ အသတ်ခံရတာပါ’’ ဟု သဘာဝ ပတ်ဝန်းကျင် ထိန်းသိမ်းရေးဦးစီး ဌာန လက်ထောက်ညွှန်ကြားရေး မှူး ဦးမြင့်ဆွေက ပြောသည်။

ဆင်စွယ် ရောင်းချခြင်းကို မြန်မာအစိုးရက တရားဝင်ပိတ်ပင် တားမြစ်ထားသော်လည်း တရားမ ဝင်နည်းလမ်းများဖြင့် တရုတ်ဈေး ကွက်သို့ ဆင်စွယ်အပါအဝင် အ စိတ်အပိုင်းများ ဝင်ရောက်နေပြီး တောဆင်ရိုင်းများ နေ့စဉ်အသက် အန္တရာယ် ခြိမ်းခြောက်ခံနေရသည်။

‘‘ဝန်ကြီးဌာနက အဓိကတာ ဝန်ရှိတာ မှန်ပေမယ့် ဆင်ခိုးကြ တာဂိုဏ်းဖွဲ့ခိုးတယ်။ လက်နက် တွေပါပါတော့ တခြားဌာနအပြင် တပ်မတော်၊ ရဲ၊ အုပ်ချုပ်ရေးက အစ ပါဝင်ဆောင်ရွက်ဖို့ လိုနေပါ တယ်’’ ဟု စစ်ကိုင်းတိုင်းဒေသကြီး ရှိ သစ်တောဝန်ထမ်းတစ်ဦးက ပြောသည်။

ဆင်ခိုးဂိုဏ်းအဖွဲ့များ ပြန် လည် ပစ်ခတ်မှုကြောင့် ၂၀၁၇  နှစ်ကုန်ပိုင်းတွင် ဧရာဝတီတိုင်းအ တွင်း တိုင်းအစိုးရ၊ သစ်တောဦးစီး ဌာန၊ သစ်တောရဲနှင့် ကာကွယ် ရေး ဦးစီးချုပ်ရုံးတို့ ပူးပေါင်း၍ တပ်မတော်စစ်ကြောင်းဖြင့် ဆင်မုဆိုး များကို ပိုက်စိပ်တိုက်ဖမ်းဆီး ခဲ့သည်။

‘‘ဧရာဝတီမှာ စစ်ကြောင်းဝင် လိုက်လို့ အခုလက်ရှိတော်တော် လျော့သွားပေမယ့် ဈေးကွက်ကရှိ နေတော့ အမြစ်မပြတ်သေးဘူး။ ရှိနေသေးတယ်’’ ဟု ဦးအောင် ကျော်က ပြောသည်။

တရုတ်အစိုးရက မည်သို့ပင် ပိတ်ပင်တားမြစ်စေကာမူ မှောင်ခို ရောင်းဝယ်နေသည့် လက်နက် ကိုင် တိုင်းရင်းသားအဖွဲ့အစည်း အချို့နှင့် ဆွေးနွေးနိုင်မှသာ ထိ ရောက်နိုင်မည်ဟု ပြည်တွင်း သ ဘာဝ ပတ်ဝန်းကျင်ထိန်းသိမ်းရေး သမားများက သုံးသပ်ပြောသည်။

၂၀၁၇ အတွင်း ဆင်စွယ်အ ပြင် အခြားအစိတ်အပိုင်းများ မှောင်ခိုရောင်းဝယ်မှု များလာနိုင် သောကြောင့် ဥပဒေကြောင်း အရ အရေးယူရန် ပြင်ဆင်မည်ဟု ပြည်သူ့လွှတ်တော် သယံဇာတနှင့် သဘာဝပတ်ဝန်းကျင် ထိန်း သိမ်းရေးကော်မတီ ဥက္ကဋ္ဌ ပြည် သူ့လွှတ်တော် ကိုယ်စားလှယ် ဦးစိုးသူရထွန်းက ၂၀၁၇ နှစ် ဆန်းပိုင်းက ဖြေကြားခဲ့သည်။

တောဆင်ရိုင်းများ သတ်ဖြတ် ခံရမှုနှင့်ပတ်သက်၍ ဌာနက အ ရေးယူမှုသည် ၂၀၁၀ မှ ၂၀၁၇ အထိ ၅၅ မှု ဖွင့်ခဲ့ပြီး သတ်ဖြတ် သည့် ၁၁၄ ဦးကို တရားစွဲဆို အရေးယူခဲ့သည်။ တောရိုင်းဆင် သတ်ဖြတ်မှုများကို ဝန်ကြီးဌာနက ပိုက်စိပ်တိုက် ဖမ်းဆီးသော်လည်း ဆင်များ သတ်ဖြတ်ခံရမှု လျော့ကျ ခြင်းမရှိပေ။

တရုတ်၏ ဆင်စွယ်ဝယ်ယူမှု တရားဝင်ပိတ်ပင်ခြင်းသည် တရား ဥပဒေအရ အရေးယူရန် တွန်း အားတစ်ခု ဖြစ်သော်လည်း ဝယ်လိုအားကို အထောက်အကူဖြစ်စေမည့် မှောင်ခိုဈေးကွက်ပါ တားဆီးနိုင်ရေး အဖြေရှာရမည်ဖြစ်သည်။