ဂျပန်တွင် အရွယ်ရောက်သူအဖြစ် အသက်အရွယ် သတ်မှတ်ချက်ကို ၁၈ နှစ်သို့ လျှော့ချဖွယ်ရှိနေ

ဂျပန်တွင် အရွယ်ရောက်သူအဖြစ် စံသတ်မှတ်ချက်ကို ၁၈ နှစ်သို့ ပြင်ဆင် လျှော့ချရန် စီစဉ်နေကြောင်း သိရှိရသည်။

လက်ရှိ ဥပဒေများအရ ဂျပန်တွင် အသက် ၂၀ မပြည့်မချင်း ကလေး၊ လူငယ်ဟုသာ သတ်မှတ်ပြီး အသက် ၂၀ ကျော်လွန်မှသာ အရွယ်ရောက်သူဟု ပြဋ္ဌာန်းထားသည်။

ယခုအခါ အဆိုပါ သတ်မှတ်ချက်ကို ပြင်ဆင်ပြောင်းလဲပြီး အရွယ်ပြီဟု ယူဆသော အသက်အရွယ်ကို ၁၈ နှစ်အဖြစ် သတ်မှတ်ရန် စဉ်းစားနေခြင်း ဖြစ်သည်။

ထိုသို့ ပြောင်းလဲလိုက်ပါက အသက် ၁၈ နှစ်ပြည့်သော ဂျပန်နိုင်ငံသားတိုင်းသည် လက်ထပ်ထိမ်းမြားခွင့်၊ စာချုပ် လက်မှတ်ရေးထိုးခွင့်များကို မိဘ အုပ်ထိန်းမှု မလိုဘဲ ဆောင်ရွက်ပိုင်ခွင့် ရှိလာမည်ဟု ဆိုသည်။

သို့သော် ဆေးလိပ်သောက်ခွင့်၊ အရက်သောက်ခွင့်နှင့် လောင်းကစားခွင့်များကိုမူ ယခင်ကအတိုင်း အသက် ၂၀ အောက် အရွယ်တွင် ခွင့်မပြုသေးသော ကန့်သတ်ချက်ကို ဆက်လက် ထားရှိမည်ဟု သိရသည်။

ယင်းပြောင်းလဲမှုကို လွှတ်တော်တွင် အဆိုပြု မဲခွဲမည်ဖြစ်ပြီး အောင်မြင်ခဲ့ပါက ၂၀၂၂ ခုနှစ်တွင် စတင် အကျုံးဝင်လာမည် ဖြစ်သည်။ ဂျပန်တွင် အရွယ်ရောက်သည့် အသက်အရွယ် သတ်မှတ်ချက်ကို ၁၈၇၆ ခုနှစ်နောက်ပိုင်း ပထမဆုံးအကြိမ် ပြောင်းလဲရန် စီစဉ်ခြင်း ဖြစ်သည်။

လက်ရှိ ဥပဒေ၌ အသက် ၂၀ အောက် လူငယ်များ လက်ထပ် ထိမ်းမြားခွင့် ရှိသည့်တိုင် မိဘ အုပ်ထိန်းမှု လိုအပ်ပြီး အမျိုးသားက ၁၈ နှစ်၊ အမျိုးသမီးက ၁၆ နှစ် ပြည့်ရန်လည်း ကန့်သတ်ထားသည်။ ဥပဒေသစ်အရမူ အမျိုးသားရော၊ အမျိုးသမီးပါ အသက် ၁၈ နှစ် ပြည့်သည်နှင့် မိဘ ခွင့်ပြုချက် မရှိသည့်တိုင် လက်ထပ်စာချုပ်တွင် လက်မှတ် ရေးထိုးနိုင်မည့်သဘောဟု သိရှိရသည်။

Ref: BBC

Top News