အလယ်တန်းပြဆရာအဖြစ်ခန့်မည့် ဘွဲ့လွန်မာလ်တီမီဒီယာ (ပညာရေး) သင်တန်းလျှောက်လွှာများစခေါ်

သင်တန်းပြီးဆုံးပါက အခြေခံပညာကျောင်းများတွင် အလယ်တန်းပြအဖြစ် ခန့်အပ် မည့် ဘွဲ့လွန်မာလ်တီမီဒီယာအ တတ်ပညာ (ပညာရေး) (PGDMA)သင်တန်း လျှောက်လွှာများကို မတ်လ ၁၆ ရက်၌ စတင်ခေါ်ယူ နေသည်။

 ဘွဲ့တစ်ခုခုရရှိထားသူများကို လျှောက်ထားခွင့်ပြုထားပြီး လျှောက်ထားသူနှင့် မိဘနှစ်ဦး စလုံးသည် လက်ရှိနိုင်ငံသားပြုမှု ဥပဒေနှင့်ကိုက်ညီပြီး ဒေသမရွေး တာဝန်ထမ်းဆောင်နိုင်သူဖြစ်ရ မည်။


‘‘PGDMA တွေစခေါ်နေပြီ။ တိုင်းဒေသကြီးနဲ့ ပြည်နယ်ပညာ ရေးမှူးရုံးမှာပဲ လာလျှောက်ပြီး လူတွေ့၊ နှုတ်ဖြေစစ်ပြီး ၀င်ခွင့် လက်ခံမှာပါ’’ဟု ရန်ကုန်တိုင်း ဒေသကြီး ပညာရေးမှူးရုံးမှ ညွှန် ကြားရေးမှူးတစ်ဦးက ပြောသည်။လျှောက်ထားသူသည် ဇွန် လ ၁ ရက်တွင် အသက် (၂၅) နှစ် ထက်မကြီးသူ၊ ၀န်ထမ်းဖြစ်ပါက (၃၅) နှစ်ထက်မကြီးသူဖြစ်ရမည် ဖြစ်ပြီး ၀န်ထမ်းဖြစ်ကြောင်း မိမိတာဝန်ထမ်းဆောင်နေသည့်ရုံး၊ ဌာနဆိုင်ရာအကြီးအကဲ ထောက်ခံစာကို ပူးတွဲ၍ သက်ဆိုင်ရာတိုင်းဒေသကြီးနှင့် ပြည်နယ်ပညာရေးမှူးရုံးများသို့ မတ်လကုန်နောက်ဆုံးလျှောက်ရမည် ဖြစ်သည်။

 လျှောက်ထားသူများသည် ကွန်ပျူတာပညာရပ်နားလည် တတ်ကျွမ်းမှုအခြေခံသည့် အင်္ဂ လိပ်စာနှင့် အထွေထွေဗဟုသုတ ဘာသာရပ်ရေးဖြေစာမေးပွဲတို့ကို ဧပြီ ၄ ရက်တွင် ရန်ကုန်နှင့် မန္တလေးရှိ စာဖြေဌာနများ၌ ဖြေဆိုရမည် ဖြစ်ပြီး ရေးဖြေအောင်မြင်သူများ ကို မေလ ၂၀ ရက်၌ နှုတ်ဖြေစစ် ဆေးမည် ဖြစ်သည်။

ထိုသင်တန်းကို ရန်ကုန်ပညာရေးတက္ကသိုလ်နှင့် စစ်ကိုင်းပညာ ရေးတက္ကသိုလ်တွင် ဇွန်လ ၁ ရက်မှ ၂၀၁၉ ဧပြီအထိ ၁၁ လကြာ သင်ကြားမည်ဖြစ်ပြီး သင်တန်းတက်ရောက်အောင်မြင်ပါက အခြေခံပညာကျောင်းများ၌ အလယ်တန်းအဖြစ် ခန့်အပ်တာဝန်ပေးမည် ဖြစ်သည်။

  ဘွဲ့လွန်မာလ်တီမီဒီယာအ တတ်ပညာ (ပညာရေး) (PGDMA)သင်တန်းကို ရန်ကုန်နှင့် စစ်ကိုင်း ပညာရေးတက္ကသိုလ်ရှိ လူ့စွမ်း အားအရင်းအမြစ်ဖွံ့ဖြိုးမှုဌာနများ ၏ အစီအစဉ်ဖြင့် နှစ်စဉ်ဖွင့်လှစ် ခြင်း ဖြစ်သည်။