တောရိုင်းတိရစ္ဆာန်အစိတ်အပိုင်းများ မရောင်းချရေး ဗိုလ်ချုပ်အောင်ဆန်းဈေးရှိ ဈေးဆိုင်ပိုင်ရှင်များအား အသိပညာပေး

ဗိုလ်ချုပ်အောင်ဆန်းဈေး ဆိုင်ပိုင်ရှင်များအား မတ်လ ၁၆ ရက်က တွေ့ဆုံနေစဉ်(ဓာတ်ပုံ − နစ်ကီ)

 ဗိုလ်ချုပ်အောင်ဆန်း ဈေးတွင် တောရိုင်းတိရစ္ဆာန်အ စိတ်အပိုင်းများ ရောင်းချမှုမရှိစေ ရေး ဈေးဆိုင်ပိုင်ရှင်များအား အ သိပညာပေးခြင်းကို မတ်လ ၁၆ ရက်က ပြုလုပ်ခဲ့သည်။

ဗိုလ်ချုပ်အောင်ဆန်း ဈေး  သည်  ကမ္ဘာလှည့်ခရီးသွားအ များဆုံး လာရောက်သောနေရာ ဖြစ်ပြီး တောရိုင်းတိရစ္ဆာန်အစိတ် အပိုင်းဖြင့် ပြုလုပ်သောပစ္စည်း ရောင်းချမှုများ၍ သစ်တောဦးစီး ဌာန၊ ရန်ကုန်စည်ပင်သာယာရေး ကော်မတီ ဈေးများဌာန၊ WWF- မြန်မာတို့ ပူးပေါင်းလုပ်ဆောင် ခြင်းဖြစ်သည်။


WWF - မြန်မာ စစ်တမ်း အရ ဗိုလ်ချုပ်အောင်ဆန်းဈေး တွင် ဆင်စွယ်ဖြင့်ပြုလုပ်သော အသုံးအဆောင်ပစ္စည်း ရောင်း ၀ယ်သည့်ဆိုင် ၆၇ ရာခိုင်နှုန်းရှိ ပြီး ရွှေတိဂုံစေတီ၌ ၃၀ ရာခိုင်နှုန်းရှိကြောင်း သိရသည်။

ဈေးဆိုင်များတွင် ဆင်စွယ် ဖြင့်ပြုလုပ်ထားသော ပစ္စည်း များ၊ အခြားတောရိုင်းတိရစ္ဆာန် အစိတ်အပိုင်းဖြင့် ပြုလုပ်ထား သော ပစ္စည်းများ လက်ဝယ်ရှိနေ ပါက သစ်တောဦးစီးဌာနသို့လာ ရောက်ရန် တရားဝင်ကိုင်ဆောင် ခွင့်ရှိရေး မှတ်ပုံတင်ရန်လိုအပ် ကြောင်း အလုံသစ်တောဦးစီးဌာန ဦးစီးအရာရှိ ဒေါ်ခင်သီတာထွန်း ကပြောသည်။

‘‘မှတ်ပုံတင်တာကလည်းတ ရားဝင်ရောင်းချဖို့ မဟုတ်ပါဘူး။ လက်ရှိရှိနေတဲ့ဟာကို တရားဝင် ကိုင်ဆောင်ခွင့်ပြုတာပါ။ အဲဒီ ပစ္စည်းကို တခြားသူက ၀ယ်မယ် ဆိုရင်လည်း နောက်ဝယ်မယ့်သူ ကမှတ်ပုံတင် ထပ်လုပ်ရမှာပါ’’ ဟု ၎င်းကဆိုသည်။

WWF-မြန်မာသည် တော ရိုင်းတိရစ္ဆာန် အစိတ်အပိုင်းဖြင့် ပြုလုပ်ထားသော ပစ္စည်းများ ရောင်းဝယ်ခြင်းနှင့် ပတ်သက်၍ ရန်ကုန်တိုင်းဒေသကြီး ၀န်ကြီး ချုပ်နှင့် ဆွေးနွေးကာ ပညာပေး ကာလတစ်ခုသတ်မှတ်ပြီး အရေး ယူမည်ဟု WWF- မြန်မာမှ တာဝန်ရှိသူ တစ်ဦးကပြောသည်။

‘‘ရန်ကုန် ၀န်ကြီးချုပ်က ပညာပေးကာလပြီး အရေးယူမှု အပိုင်းကို တရားဝင်စာထုတ်မှာ ပါ။ ကျွန်မအခုလိုလုပ်တာလည်း  ချက်ချင်းလုံးဝ မရောင်းရတော့ ဘူးလို့ ပြောတာမဟုတ်ပါဘူး။ တဖြည်းဖြည်းချင်း လျှော့ချဖို့ ပညာပေးတာပါ’’ ဟု WWF - မြန်မာမှ တာဝန်ရှိသူကပြောသည်။

‘‘ကျွန်တော်ဆိုင်မှာ ဆတ် ချို၊ တောင်ဆိတ်ချိုတွေရှိတယ်။ တောဝက်စွယ်လည်း ရှိတယ်၊ နောက် အကောင်တစ်ကောင်ရဲ့ သွားတွေလည်းရှိတယ်။အဲဒါတွေ ရောင်းကုန်ရင်ထပ်မရောင်းတော့ ဘူး’’  ဟု ဗိုလ်ချုပ်အောင်ဆန်း ဈေးမှ ပစ္စည်းဟောင်းရောင်းချ သူ ဦးဝင်းမောင်ကပြောသည်။

တောရိုင်းတိရစ္ဆာန်အစိတ် အပိုင်းဖြင့် ပြုလုပ်ထားသော ပစ္စည်းများ ရောင်းဝယ်ခြင်းနှင့် ပတ်သက်၍ ဥပဒေအရတားမြစ် ကန့်သတ်ထားသော ပစ္စည်းများ ကို ဈေးများတွင် ရောရောင်းချ ခြင်းမပြုရန်နှင့် ယင်းပစ္စည်း ရောင်းချမှုနှင့် ပတ်သက်​၍ မှတ် ပုံတင်မပေးကြောင်း ရန်ကုန်မြို့ တော်စည်ပင်သာယာရေးကော်မ  တီ ဈေးများဌာနမှူး ဒေါက်တာတိုး အောင်ကပြောသည်။

WWF-မြန်မာသည် ပြီးခဲ့ သည့် ဖေဖော်ဝါရီကလည်း ရွှေ တိဂုံစေတီတော်ရှိ ဈေးဆိုင်ပိုင်ရှင် များအား တောရိုင်းတိရစ္ဆာန်အ စိတ်အပိုင်းဖြင့် ပြုလုပ်ထားသော ပစ္စည်းရောင်းဝယ်မှုမရှိစေရန် အ သိပညာပေးဆွေးနွေးခဲ့သည်။