မဟာမဲခေါင်ဒေသခွဲ လမ်းမများ အဆင့်မြှင့်တင်ရန် ဒေါ်လာသန်း ၃၆၀ ချေးယူမည့်အစီအစဉ်ကို ကိုယ်စားလှယ်အချို့က ကန့်ကွက်၊ လွှတ်တော်က ဆိုင်းငံ့ထား

မဟာမဲခေါင်ဒေသခွဲလမ်းမများ အဆင့်မြှင့်တင်ရန် ဒေါ်လာ သန်း ၃၆၀ ချေးယူမည့်အစီအစဉ်ကို ကိုယ်စားလှယ်အ ချို့က ကန့်ကွက်ပြီး လွှတ်တော်အနေဖြင့်လည်း ပြန်လည်သုံးသပ်မည်ဖြစ်၍ အဆုံးအဖြတ်ရယူခြင်း မရှိသေးဘဲ ဆိုင်းငံ့ထားမည်ဖြစ်ကြောင်း ပြည်ထောင်စုလွှတ် တော်နာယကက ကြေညာသည်။

မဟာမဲခေါင်ဒေသခွဲ အ တွင်းရှိ ရန်ကုန်-မန္တလေးလမ်း၊ ပဲခူး-သန်လျင်လမ်းနှင့် ရန်ကုန် -ပုသိမ်လမ်းတို့ကို အဆင့်မြှင့် တင်ရန် အာရှဖွံ့ဖြိုးရေးဘဏ် (ADB)နှင့် အာဆီယံအခြေခံအ ဆောက်အအုံရန်ပုံငွေ (AIF)တို့မှ ဒေါ်လာသန်း ၃၆၀ ချေးယူမည့် အစီအစဉ်အပေါ် ၀န်ကြီးဌာနများ က ပြန်လည်ရှင်းလင်းအပြီးတွင် နာယကက ယင်းကဲ့သို့ ကြေညာ ခြင်းဖြစ်သည်။


‘‘ပြန်လည်သုံးသပ် ဆောင် ရွက်ရန် ရှိတဲ့အတွက် လွှတ်တော် အဆုံးအဖြတ်ရယူခြင်းကို ဆိုင်းငံ့ ထားမှာဖြစ်ကြောင်း ကြေညာပါ တယ်’’ဟု ပြည်ထောင်စုလွှတ် တော်နာယက မန်းဝင်းခိုင်သန်း က ပြောသည်။

မတ်လ ၁၉ ရက်အတွက် ကြိုတင်ထုတ်ပြန်ထားသည့် ပြည် ထောင်စုလွှတ်တော် အစီအစဉ် တွင် ယင်းချေးငွေချေးယူမည့်အစီ အစဉ်အပေါ် လွှတ်တော်၏အဆုံး အဖြတ်ရယူမည်ဟု ဖော်ပြထား သော်လည်း လွှတ်တော်နာယက က အထက်ပါအတိုင်းပြောကြား ခြင်းဖြစ်သည်။

 အဆိုပါလမ်းမကြီးများ သည် ပုဂ္ဂလိကလုပ်ငန်းရှင်များ ရင်းနှီးမြှုပ်နှံလိုသည့် လမ်းများ ဖြစ်သဖြင့် ချေးငွေချေးယူကာ အ ဆင့်မြှင့်တင်ရန် မလိုအပ်ကြောင်း လွှတ်တော်ကိုယ်စားလှယ်များက ဆွေးနွေးခဲ့သည်။

သို့သော် ဆောက်လုပ်ရေး ၀န်ကြီးဌာန ဒုတိယ၀န်ကြီး ဦးလှ ကျော်ကမူ အဆိုပါလမ်းမများ သည် အဓိကကျသည့် လမ်းမများဖြစ်သည့်အပြင် နိုင်ငံတော် ဖွံ့ဖြိုးတိုးတက်ရေး၊ ခရီးသွားလုပ်ငန်းတိုးတက်ရေးတို့အတွက် အထောက်အကူပြုမည့် လမ်းမများ ဖြစ်သဖြင့် ချေးငွေချေးယူသင့် ကြောင်းဆိုသည်။

ယင်းကဲ့သို့ သဘောထားကွဲ လွဲနေသဖြင့် ပြန်လည်သုံးသပ်ရန် မတ်လ ၁၉ ရက်တွင် ကျင်းပသည့် ပြည်ထောင်စုလွှတ်တော်၌ ပြည် ထောင်စုလွှတ်တော် နာယကက ဆုံးဖြတ်ခြင်းဖြစ်သည်။

အဆိုပါ ချေးငွေချေးယူမည့် ကိစ္စကို အလျင်စလို အတည်မပြု သင့်ဘဲ အစိုးရ၊ လွှတ်တော်နှင့် ADB တို့အကြား အကျေအလည် ပြန်လည်ညှိနှိုင်းပြီးမှသာ ဆက် လက် ဆောင်ရွက်သင့်ကြောင်း ဆိပ်ကြီးခနောင်တိုမြို့နယ် ပြည် သူ့လွှတ်တော်ကိုယ်စားလှယ် ဦး တင်ထွန်းနိုင်က ပြည်ထောင်စု လွှတ်တော်သို့ တိုက်တွန်းသည်။

‘‘ဒီလို အကြွေးတင်မခံသင့် တဲ့ စီမံကိန်းတွေကို ဘာကြောင့် ရွေးချယ်ဆောင်ရွက်ရလဲဆိုတာ အံ့ဩမိပါတယ်’’ဟု ၎င်းကပြော သည်။

 မဟာမဲခေါင်ဒေသတွင်း လမ်းမများ အဆင့်မြှင့်တင်ရေး မဟာဗျူဟာ လိုအပ်ချက်အရ မဖြစ်မနေ အဆင့်မြှင့်တင်ရမည် ဆိုပါက ပုဂ္ဂလိကလုပ်ငန်းရှင်များ ပျော်ပျော်ကြီး ရင်းနှီးမြှုပ်နှံမည့် ကိစ္စဖြစ်သဖြင့် အမြန်ဆုံးတင်ဒါ ခေါ်ယူရန်သာ စီစဉ်ဆောင်ရွက် ရမည်ဖြစ်ကြောင်း ဦးတင်ထွန်း နိုင်က လွှတ်တော်တွင် ဆွေးနွေး သည်။

ပုဂ္ဂလိကကဏ္ဍမှ ဆောင် ရွက်နိုင်မည့် အခြေခံအဆောက် အအုံ စီမံကိန်းများကို ပြည်ပချေး ငွေရယူပြီး စီမံချက်ချဆောင်ရွက် ခြင်းသည် စီးပွားရေးမူဝါဒနှင့် မကိုက်ညီသလို နိုင်ငံတော်အတွက်လည်း ပြည်ပကြွေးမြီ ၀န်ထုပ်ဝန်ပိုးဖြစ်စေကြောင်း ၎င်းကဆို သည်။

မဟာမဲခေါင်ဒေသခွဲ အ တွင်းရှိ လမ်းမများ အဆင့်မြှင့်တင်ရန် ချေးငွေယူခြင်းနှင့်ပတ် သက်၍ လွှတ်တော်အဆုံးအဖြတ် ရယူမှုကို ဆိုင်းငံ့ထားသော်လည်း မဟာမဲခေါင်ဒေသခွဲ အရှေ့-အနောက် စီးပွားရေးစင်္ကြံလမ်းတစ်လျှောက်ရှိ မြို့များ ဖွံ့ဖြိုးမှုစီမံ ကိန်းဆောင်ရွက်ရန် ဒေါ်လာသန်း ၈၀ ချေးယူမှုကိုမူ လွှတ်တော်ကအတည်ပြုခဲ့သည်။