၁,၅၀၀ စီစီအထက်မှ ၂,၀၀၀ စီစီအထိ ကားများကို အထူးကုန်စည်ခွန် ၁၀ ရာခိုင်နှုန်းပေး

အင်ဂျင်ပါဝါ ၁,၅၀၀ စီစီအထက်မှ ၂,၀၀၀ စီစီ အထိ ကားများကို အထူးကုန်စည် ခွန် ၂၀ ရာခိုင်နှုန်းမှ ၁၀ ရာခိုင်နှုန်းသို့ လျှော့ချကောက်ခံရန် ယမန် နေ့က ကျင်းပသည့် ပြည်ထောင်စု လွှတ်တော်အစည်းအဝေးတွင် အ တည်ပြုခဲ့သည်။

အစိုးရအဖွဲ့က တင်သွင်း သည့် ၂၀၁၈ ပြည်ထောင်စုအခွန် အကောက် ဥပဒေကြမ်းတွင် Double Cab 4 Door Pickup မှအပ ၁,၅၀၁ စီစီမှ ၂,၀၀၀ စီစီ အထိ ဗင်ကားများ၊ ဆလွန်း၊ ဆီဒင်နှင့် ဝက်ဂွန်ကားများ၊ ကူပေး (Coupe) ကားများကို အထူးကုန်စည်ခွန် ၂၀ ရာခိုင်နှုန်း ပေးဆောင်ရန် ဖော်ပြထားသည်။

အဆိုပါဥပဒေသည် ဧပြီ ၁ ရက်တွင် စတင်အကျိုးသက် ရောက်မည်ဖြစ်သည်။

ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီ ၏ မူလအစီရင်ခံစာတွင် အစိုးရ အဖွဲ့က တင်သွင်းသည့် နှုန်းထား အတိုင်း ပြဋ္ဌာန်းရန်ပါရှိသော် လည်း မောက်မယ်မဲဆန္ဒနယ်မှ ဦးစိုင်းငေါင်းဆိုင်ဟိန်းက ၁၀ ရာခိုင်နှုန်းသာ ကောက်ခံသင့် ကြောင်း ဆွေးနွေးခဲ့ရာ ကော်မတီ က သဘောတူခဲ့ပြီး လွှတ်တော်က အတည်ပြုခဲ့သည်။

အထက်ပါ မော်တော်ယာဉ် များသည် ပြည်သူအများ ဝယ်ယူ စီးနင်းနိုင်သည့် အိမ်သုံးကား အမျိုးအစားများဖြစ်၍ အထူးကုန် စည်ခွန် ၂၀ ရာခိုင်နှုန်းအစား ၁၀ ရာခိုင်နှုန်းသို့ ပြင်ဆင်သတ်မှတ် သင့်ကြောင်း လေ့လာတွေ့ရှိရ သည်ဟု ပြည်ထောင်စုလွှတ် တော် ဥပဒေကြမ်း ပြည်ထောင်စုလွှတ်တော် ဥပဒေကြမ်း ပူးပေါင်းကော်မတီက ယမန်နေ့တွင် တင်သွင်းသည့် အစီရင်ခံစာ၌ ဖော်ပြထားသည်။ ‘‘ပြင်ဆင်သတ်မှတ်သင့်ကြောင်းကို စီမံကိန်းနဲ့ ဘဏ္ဍာရေးဝန်ကြီးဌာန၊ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနတို့ အပါအဝင် ကျွန်တော်တို့ အကျေအလည် ညှိနှိုင်းပြီးတော့ သဘောတူညီမှုရရှိခဲ့ပါတယ်’’ဟု ဥပဒေကြမ်း ပူးပေါင်းကော်မတီ အတွင်းရေးမှူး ဒေါက်တာမြတ်ဉာဏစိုးက အစီရင်ခံစာဖတ်ကြားစဉ် ရှင်းပြသည်။

၂၀၁၈ မော်တော်ယာဉ် တင်သွင်းမှု မူဝါဒအရ ၂၀၁၄ မော်ဒယ် အထက် ဘယ်မောင်းမော်တော် ယာဉ်များကိုသာ တင်သွင်း၍ လက်ရှိ အသုံးပြုနေသည့် ညာ မောင်းကားများနှင့် လိုင်စင်မဲ့ ကားများကို တဖြည်းဖြည်း ဖြုတ်သိမ်းရတော့မည်ဖြစ်ရာ ယင်းစနစ်အောင်မြင်လိုပါက မော်တော်ယာဉ်များအပေါ် စည်းကြပ်ထားသည့် အခွန်နှုန်းထားများ လျှော့ချရန် လိုအပ်ကြောင်း ဦးစိုင်းငေါင်းဆိုင်ဟိန်းက ပြောကြားသည်။

ပြည်ထောင်စု လွှတ်တော်၏ အတည်ပြုချက်အရ ၁,၅၀၁ စီစီ မှ ၂,၀၀၀ စီစီအထိ မော်တော် ယာဉ်များကို အထူးကုန်စည်ခွန် ၁၀ ရာခိုင်နှုန်းသာ ပေးဆောင်ရ တော့မည်ဖြစ်သည်။ သို့သော် အစိုးရ အဖွဲ့က တင်သွင်းထား သည့် ဥပဒေကြမ်းပါ Double Cap 4 Door Pickup မှအပ ၂,၀၀၁ စီစီမှ ၄,၀၀၀ စီစီအထိ ကားများအတွက် အခွန် ၁၀ ရာခိုင်နှုန်း၊ Double Cap 4 Door Pickup မှအပ ၄,၀၀၁ စီစီနှင့် အထက် ကားများအတွက် အခွန် ၅၀ ရာခိုင်နှုန်း သတ်မှတ်ချက်ကို လွှတ်တော်က ပြင်ဆင်ခြင်းမရှိဘဲ မူလအတိုင်း အတည်ပြုသည်။