မေတ္တာ- ထီးခီးလမ်း အဆင့်မြှင့်တင်ရန် ထိုင်းဘတ် ၄ ဒသမ ၅ ဘီလီယံ ချေးယူမည်

ထားဝယ်အထူးစီး ပွားရေးဇုန် ဖွံ့ဖြိုးတိုးတက်ရေးအ တွက် ထားဝယ်ရေနက်ဆိပ်ကမ်း နှင့် ထိုင်းမြန်မာနယ်စပ် ထီးခီးမြို့ အကြား ဆက်သွယ်ထားသည့် မေတ္တာ-ထီးခီးလမ်း အဆင့်မြှင့် တင်ရန် ထိုင်းဘတ် ၄ ဒသမ ၅ ဘီလီယံချေးယူမည့် အစီအစဉ်ကို ဆောက်လုပ်ရေး ဝန်ကြီးဌာနက ယမန်နေ့က ကျင်းပသော ပြည် ထောင်စု လွှတ်တော်သို့ တင်ပြခဲ့ သည်။

ချေးငွေများကို ထိုင်းအစိုးရ ကိုယ်စားပြု အဖွဲ့ Neighbouring Countries Economic Development Cooperation Agency- NEDA ထံမှ ချေးယူ မည်ဖြစ်သည်။

အဆိုပါ မေတ္တာ- ထီးခီး လမ်းသည် ကျောက်ကြမ်းလမ်းအ ဆင့်သာ ရှိသေးပြီး နှစ်လမ်းသွား လမ်းဖြစ်စေရန် ချေးငွေဖြင့် အ ဆင့်မြှင့်တင်မည်ဖြစ်ကြောင်း ဆောက်လုပ်ရေးဝန် ကြီးဌာနဒုဝန် ကြီး ဦးကျော်လင်း က ပြောသည်။

ထိုသို့ အဆင့်မြှင့်တင်ခြင်း ဖြင့် ထိုင်းနိုင်ငံမှတစ်ဆင့် ထား ဝယ်ရေနက်ဆိပ်ကမ်းသို့  ကုန် ကြမ်းများ   အလွယ်တကူပို့ဆောင်နိုင်မည်ဖြစ်ကြောင်း ၎င်းက  ဆိုသည်။

အဆင့်မြှင်တင်မည့် မေတ္တာ -ထီးခီးလမ်းသည် ၁၅၆ ကီ လိုမီတာရှိမည်ဖြစ်ပြီး ၃ ဒသမ ၅ မီတာကျယ်ကာ ကတ္တရာကွန် ကရစ်အမျိုးအစား သုံးစွဲရန်လျာ ထားပြီးဆောက်လုပ်ရေးဝန်ကြီး ဌာနက တင်ဒါခေါ်ယူဖောက်လုပ် မည်ဖြစ်ကြောင်း ၎င်းကပြော သည်။

အဆိုပါချေးငွေ၏ ဆိုင်းငံ့ ကာလသည် ၁၀ နှစ်ဖြစ်ပြီး အတိုး နှင့်အရင်း ပြန်ဆပ်ကာလ အနှစ် ၂၀ ဖြစ်ကြောင်း၊ ချေးငွေအတွက် အတိုးနှုန်း  ၀ ဒသမ ၁ ရာခိုင်နှုန်း ပေးဆောင်ရမည်ဖြစ်ပြီး Management Fee အဖြစ် ၀ ဒသမ ၁၅ ရာခိုင်နှုန်း ပေးဆောင်ရမည် ဖြစ်ကြောင်း ဦးကျော်လင်းက  လွှတ်တော်သို့ ရှင်းပြသည်။ အဆို ပါချေးငွေရယူမည့် ကိစ္စနှင့်ပတ် သက်၍ လွှတ်တော်တွင် ဆက် လက်ဆွေးနွေးကြမည် ဖြစ်သည်။

More in News Section