ဆီအုန်းစိုက်ခင်းအကြောင်းပြ၍ သစ်ထုတ်ယူခြင်းကြောင့် ဒေသခံများစားဝတ်နေရေးခက်ခဲလာဟုဆို

တနင်္သာရီတိုင်းတွင် မြန်မာအော်တိုကော်ပိုရေးရှင်းက စိုက်ပျိုးထားသော ဆီအုန်းစိုက်ခင်းအချို့ကိုတွေ့ရစဉ် ဓာတ်ပုံ − စိမ်းလန်းအမိမြေဖွံ့ဖြိုးတိုးတက်ရေးအသင်း

တောင်ကိုရီးယားအခြေစိုက် မြန် မာအော်တိုကော်ပိုရေးရှင်းသည် တနင်္သာရီတိုင်းဒေသကြီးအတွင်း ဆီအုန်းစိုက်ပျိုးခြင်းအတွက် မြေ ဧကတစ်သိန်းကျော် (၁၃၃,၆၀၀) လုပ်ကိုင်ခွင့်ရသော်လည်း ဧက၄,၀၀၀ တွင်သာ ဆီအုန်းစိုက်ပျိုးခဲ့ ကြောင်း ‘ဆီအုန်းနောက်ကွယ် ဆွယ်ယောင်ပြစိုက်ပျိုးရေး ရင်းနှီး မြှုပ်နှံမှုများအကျိုးဆက်အစီရင်ခံ စာ’ ၌ ဖော်ပြသည်။ 


ယင်းအစီရင်ခံစာကို မတ်လ ၁၇ ရက်တွင် ထုတ်ပြန်ပြီး စိမ်း လန်းအမိမြေဖွံ့ဖြိုးတိုးတက်ရေး အသင်းအပါအဝင် ဒေသခံအရပ် ဘက်အဖွဲ့များက သုတေသနပြု ခဲ့သည်။ 

အဆိုပါစီမံကိန်းသည် ဦး သိန်းစိန်အစိုးရမတိုင်မီက ပေး ထားသော စီမံကိန်းဖြစ်ကြောင်း သစ်တောဦးစီးဌာန ဝန်ထမ်း ဟောင်းများက ပြောသည်။ 

မြန်မာအော်တိုကော်ပိုရေး ရှင်းသည် မြန်မာ့သစ်လုပ်ငန်းနှင့် တရားဝင်စာချုပ်ချုပ်ဆိုထားပြီး ၂၀၁၂-၁၃ အတွင်း ဧက ၅,၀၀၀ တွင် သစ်ထုတ်လုပ်ခွင့်ပြုသော် လည်း ယင်းနှစ်တွင် သစ်မထုတ် နိုင်သဖြင့် ၂၀၁၃ တွင် သက်တမ်းတိုးခွင့်ပြုခဲ့ရာ သစ် ၆,၆၇၇ တန်ရရှိကာ ကုမ္ပဏီကို အကျိုးခံစားခွင့်ပြု ခဲ့ကြောင်း၊ ၂၀၁၃-၁၄ တွင် ယင်းကုမ္ပဏီကို ဧက ၅,၀၀၀ အပြောင်ရှင်းခွင့်ပြုထားပြီး သစ်တန် ၁၀,၁၅၄ ထွက်ရှိ၍ ကုမ္ပဏီက ၅၀ ရာခိုင်နှုန်းနှင့် ဌာနက ၅၀ ရာခိုင်နှုန်းရရှိကြောင်း မြန်မာ့သစ်လုပ် ငန်း ဒုတိယအထွေထွေမန်နေဂျာ ဦးခင်မောင်ကြည်က ပြောသည်။ 

‘‘ဒီစီမံကိန်းက ဆီအုန်းစိုက်ဖို့ အဓိကပေးတာ။ ဆီအုန်းစိုက်ဖို့ မြေရှင်းရင်းနဲ့ သစ်ထွက်လာတဲ့အ ခါ၊ သစ်ထုတ်ခွင့်ပေးလိုက်တဲ့အခါ ကျတော့ ဆီအုန်းစိုက်တာ အဓိက ဦးစားမပေးတော့ဘဲနဲ့ သစ်ခုတ် တာကို အဓိကဦးစားပေးသလိုဖြစ် သွားတယ်’’ဟု အစီရင်ခံစာပြုစု ရာတွင် ပါဝင်သော စိမ်းလန်းအမိ မြေ ဖွံ့ဖြိုးတိုးတက်ရေးအသင်း ဥက္ကဋ္ဌ ဦးဝင်းမျိုးသူက ဆိုသည်။ 

ယင်းစီမံကိန်းကြောင့် ဒေသ ခံများ အလုပ်အကိုင်ခက်ခဲခြင်း၊ စားဝတ်နေရေးခက်ခဲခြင်းများ ဖြစ်ပေါ်ပြီး သစ်တောပြုန်းတီးခြင်း များလည်း ဖြစ်လာကြောင်း ဘုတ် ပြင်းမြို့နယ် ပြည်ကြီးမဏ္ဍိုင်မြို့ နယ်ခွဲရှိ မနိုးရုံးရွာဒေသခံများက ပြောသည်။ 

မြန်မာအော်တိုကော်ပိုရေး ရှင်း စတင် ဝင်ရောက်ပြီးနောက် ဆီအုန်းစိုက်ခင်းအကြောင်းပြကာ မြေယာသိမ်းယူခြင်း၊ သစ်ထုတ်ယူ ခြင်းများကြောင့် ယခင်က ပေါများ စွာပေါက်ရောက်သော သင်္ကန်း၊ ကညင်နှင့် ပျဉ်းမဖြူနီ စသည့် သစ်မျိုးစိတ်များ ပျောက်ဆုံးလုနီးပါး ဖြစ်လာသည့်အပြင် အဆိုပါသစ် များနှင့် ယှဉ်တွဲပေါက်လေ့ရှိသော ဆေးဘက်ဝင်အပင်များ၊ တော ရိုင်းတိရစ္ဆာန်များ ပျောက်ကွယ်ခဲ့ ကြောင်း ဒေသခံများက ဆိုသည်။ 

ထို့ကြောင့် ဒေသခံများသည် ၂၀၁၇ ဇွန်လတွင် ယင်းကုမ္ပဏီမှ ကိုယ်စားလှယ်များနှင့်တွေ့ဆုံ ကာ မြေယာများပြန်ပေးရန် တောင်းဆိုခြင်းကြောင့် ၂၀၁၇ ဒီဇင်ဘာတွင် မြန်မာနိုင်ငံ ရင်းနှီးမြှုပ်နှံမှုကော်မ ရှင်၊ စိုက်ပျိုးရေးဦးစီးဌာန၊ သစ် တောဦးစီးဌာန၊ မြေစာရင်းဦးစီး ဌာန၊ အထွေထွေအုပ်ချုပ်ရေးဦး စီးဌာနတို့မှ တာဝန်ရှိသူများ လာရောက်စစ်ဆေးသော်လည်း လက်ရှိအထိ ပြန်လည်ပေးအပ်ခြင်း မရှိ ကြောင်း ဒေသခံများက ဆိုသည်။ 

တနင်္သာရီတိုင်းဒေသကြီး တွင် ဆီအုန်းစိုက်ပျိုးရန် ၂၀၁၁ မှ ၂၀၁၆ အတွင်း မြေဧက ၁ ဒသမ ၉ သန်းကျော်ချထားပေးရာ ကုမ္ပဏီများအနေဖြင့် ခွင့်ပြုချထားပေး သည့်အတိုင်း အကောင်အထည် ဖော်ဆောင်ရွက်ခြင်းမရှိဘဲ ရေတို အကျိုးစီးပွားဖြစ်သည့် သယံဇာတ ထုတ်ယူရေးကိုသာ ဦးတည်နေ ကြောင်း၊ ထို့ကြောင့် မူလရည်မှန်း ချက်ဒေသလူမှုစီးပွား ဖွံ့ဖြိုးတိုး တက်ရေးကို အထောက်အကူမပြု ဘဲ မလိုလားအပ်သည့် လူမှုရေး နှင့်ပတ်ဝန်းကျင်ပျက်စီးမှုများသာ ဖြစ်ပေါ်၍ အကျင့်ပျက်ခြစားမှု များ၊ အဂတိလိုက်စားမှုများ ကြောင့် အခွန်ဘဏ္ဍာဆုံးရှုံးမှုများ ဖြစ်ပေါ်နေကြောင်း ယင်းအစီရင်ခံ စာတွင် ဖော်ပြထားသည်။ 

‘‘ကျွန်မတို့မြေတွေကို ကုမ္ပ ဏီစကားပြန်က ပျိုးထောင်ဖို့အ တွက် သုံးနှစ်မြေငှားတယ်ဆိုလို့ တစ်ဧက တစ်သောင်းနဲ့ မြေ ၁၀ ဧက ငှားလိုက်တာ ပိုက်ဆံလည်း အခုထိမပေးဘူး။ မြေညှိမယ်ဆိုပြီး ဘူဒိုဇာနဲ့ အကုန်ထိုးတာ သီဟိုဠ် ပင်တွေ ပါသွားတယ်’’ဟု မနိုးရုံး ရွာ ဒေသခံအမျိုးသမီးတစ်ဦးက ဆိုသည်။ 

ဒေသခံများသည် မြေယာ ဆုံးရှုံးပြီး ဒေသဖွံ့ဖြိုးရေးကို မည် သို့မျှ အထောက်အကူမပြုသော စီမံကိန်းများကြောင့် ဒေသခံများ နှင့် ကုမ္ပဏီအကြား ပဋိပက္ခ ပိုမို  များပြားလာကာ ဒေသခံများစား ဝတ်နေရေး ပိုမိုကျယ်တည်းလာ ခြင်း၊ အလုပ်အကိုင်ရှားပါးလာ ခြင်းများ ရင်ဆိုင်နေရကြောင်း ဒေသခံများက ပြောသည်။ 

‘‘မြေယာတွေကို ပြန်ပေးဖို့ စိစစ်နေတာ အများပြည်သူလည်း သိမနေဘူး။ ဒေသခံတွေလည်း သိမနေဘူး။ ပွင့်လင်းမြင်သာမှုရှိ အောင် လုပ်ပေးဖို့ အခုလို သတင်း စာရှင်းလင်းပွဲလုပ်တာပါ’’ဟု စိမ်း လန်းအမိမြေဖွံ့ဖြိုးတိုးတက်ရေး အသင်းဥက္ကဋ္ဌ ဦးဝင်းမျိုးသူက အစီရင်ခံစာနှင့် ပတ်သက်သည့် သတင်းစာရှင်းလင်းပွဲတွင် ဆို သည်။ 

မြေယာများ ပြန်လည်ပေး အပ်ရန် လွှတ်တော်တွင် ဆွေးနွေး ကာ သက်ဆိုင်ရာ နိုင်ငံတော်အ ကြီးအကဲများအနေဖြင့် မြေယာ များ ပြန်လည်ပေးအပ်ရန်  ဆောင် ရွက်နေသော်လည်း အကြောင်း ကြောင်းကြောင့် အောက်ခြေ၌ ဆောင်ရွက်မှုများနှေးနေကြောင်း ယင်းအစီရင်ခံစာပြုလုပ်သော အ ဖွဲ့တွင် ပါဝင်သူများက ပြောသည်။မြန်မာအော်တိုကော်ပိုရေး ရှင်းသည် ကိုရီးယားနိုင်ငံအခြေ စိုက် အော်တိုစက်မှု လုပ်ငန်းစု (AIC) နှင့် စင်ကာပူနိုင်ငံအခြေ စိုက် Resources & Resouce Pte, Ltd တို့ ပူးတွဲတည်ထောင်ထား သော ကုမ္ပဏီဖြစ်သည်။ 

မြန်မာအော်တိုကော်ပိုရေး ရှင်းသည် ၂၀၁၁ ဧပြီတွင် တရား ဝင်မှတ်ပုံတင်ပြီး ၂၀၁၈ မတ်လ တွင် သက်တမ်းကုန်ဆုံးမည်ဖြစ် သည်။ ယင်းကုမ္ပဏီသည် ၂၀၁၀ အောက်တိုဘာ၌ မြန်မာနိုင်ငံ ရင်းနှီးမြှုပ်နှံမှုကော်မရှင်ထံမှ ဆီ အုန်းစိုက်ပျိုးခွင့်လျှောက်ထားပြီး ခွင့်ပြုချက်ရရှိထားကာ နိုင်ငံခြား ရင်းနှီးမြှုပ်နှံမှု ရာနှုန်းပြည့်ခွင့်ပြု ထားသော ပထမဆုံးစီမံကိန်းဖြစ် သည်။