ရော်ဘာကုန်ကြမ်းဈေး တရုတ်နိုင်ငံက ထိန်းချုပ်ထား၍ ပြည်တွင်းဈေး ၁၀ ရာခိုင်နှုန်းခန့် ကျဆင်း

ရော်ဘာကုန်ကြမ်းများကို မသန့်စင်မီ တွေ့မြင်ရစဉ် ဓာတ်ပုံ − စိုင်းဇော်

တရုတ်နိုင်ငံက ရော်ဘာဈေးနှုန်း ထိန်းချုပ်ထားမှုကြောင့် မြန်မာ နိုင်ငံမှတင်ပို့နေသည့် ရော်ဘာ ကုန်ကြမ်းဈေးနှုန်း သုံးလအတွင်း ၁၀ ရာခိုင်နှုန်းခန့် ဈေးကျဆင်းခဲ့ ကြောင်း မြန်မာနိုင်ငံ ရော်ဘာ စိုက်ပျိုးထုတ်လုပ်သူများအသင်း အတွင်းရေးမှူး ဦးခိုင်မြင့်ကပြော သည်။


မြန်မာနိုင်ငံမှ တစ်နှစ်လျှင် ရော်ဘာကုန်ကြမ်းတန်ချိန် တစ် သိန်းကျော် ပြည်ပသို့တင်ပို့ရောင်း ချရာတွင် ၇၀ ရာခိုင်နှုန်းကျော် သည် တရုတ်နိုင်ငံသို့ တင်ပို့ခြင်း ဖြစ်သည်။ ထို့အတွက် လက်ရှိတရုတ်နိုင်ငံက ရော်ဘာဈေးနှုန်း ထိန်းချုပ်မှုကို ပြည်တွင်းက စိုက်ပျိုးထုတ် လုပ်သူများခံစားရခြင်း ဖြစ်သည်ဟု ၎င်းကဆိုသည်။

နိုင်ငံတကာ ရော်ဘာကုန် ကြမ်းဈေးနှုန်းသည် တစ်တန်လျှင် ကန်ဒေါ်လာ ၁,၇၀၀ ခန့် ဈေးဖွင့် သော်လည်း မြန်မာရော်ဘာကုန် ကြမ်းသည် အရည်အသွေးပိုင်း အားနည်းချက်ကြောင့် တစ်တန် လျှင် ကန်ဒေါ်လာ ၁,၄၀၀ ခန့်သာ ရရှိသည်။

ပြည်တွင်းဈေးကွက်တွင် ရော်ဘာကုန်ကြမ်းဈေးနှုန်းသည် ၂၀၁၇ ဒီဇင်ဘာလကုန်ပိုင်းက RSS-3 အမျိုးအစား ရော်ဘာကုန်ကြမ်း တစ်ပေါင်လျှင် ကျပ် ၈၅၀မှ ၂၀၁၈ မတ်လ ၁၈ ရက်တွင် ကျပ် ၇၇၀ သို့ ကျဆင်းလာသည်။

လက်ရှိ ရော်ဘာကုန်ကြမ်း ဈေးနှုန်းသည် စိုက်ပျိုးထုတ်လုပ် သူ တောင်သူလယ်သမားများအ တွက် ဆုံးရှုံးမှုမရှိသေးသော်လည်း ယခုဈေးနှုန်းထက် ကျဆင်းလာပါက အလုပ်သမားစရိတ်၊ အထွေထွေ ကုန်ကျစရိတ်များကြောင့် ဆက်လက်ထုတ်လုပ်ရန် ခက်ခဲမည်ဟု ဘီးလင်းမြို့နယ်ရှိ ရော် ဘာခြံပိုင်ရှင်တစ်ဦးက ပြောကြား သည်။

ကမ္ဘာ့ ရော်ဘာကုန်ကြမ်း ထုတ်လုပ်သည့် နိုင်ငံများ ယခုနှစ် တွင် ကုန်ကြမ်းထုတ်လုပ်မှု တိုး မြှင့်လာခြင်းကြောင့် ဝယ်လိုအား ပုံမှန်ရှိချိန်တွင် နိုင်ငံတကာ ဈေးကွက်၌ ရော်ဘာကုန်ကြမ်းဈေး နှုန်း ဆက်လက် ကျဆင်းနိုင် ကြောင်း ဦးခိုင်မြင့်ကပြောသည်။

မြန်မာနိုင်ငံမှ ထုတ်လုပ် သည့် ရော်ဘာကုန်ကြမ်းကို တရုတ်နိုင်ငံသာမက အာဆီယံ အဖွဲ့ဝင်နိုင်ငံများဖြစ်သည့် မလေးရှား၊ စင်ကာပူ၊ အင်ဒိုနီးရှားတို့အ ပြင် ကိုရီးယား၊ ဂျပန်နှင့် အိန္ဒိယ နိုင်ငံသို့ တင်ပို့နေသည်။