ဘဏ္ဍာနှစ်မကုန်မီ တစ်လအလိုတွင် ရည်မှန်းထားသော ကုန်သွယ်မှုပမာဏရောက်ရှိ

ရွှေလီမြစ်ကိုဖြတ်သန်းကာ တရုတ်ဘက်သို့ သွားရောက်မည့် ကုန်တင်ယာဉ်တစ်စီးကို မူဆယ်ဘက်ကမ်းမှ မြင်တွေ့ရစဉ် ဓာတ်ပုံ − စိုင်းဇော်

၂၀၁၇-၁၈ ဘဏ္ဍာနှစ်၏ ၁၁ လ တာ ကာလအတွင်း မြန်မာနိုင်ငံ၏ ကုန်သွယ်မှု ပမာဏသည် စီးပွား ကူးသန်းဝန်ကြီးဌာနက မျှော်မှန်း ထားသည့်အတိုင်း ကန်ဒေါ်လာ ၃၀ ဘီလီယံကျော်ရှိနေပြီဖြစ်ပြီး ကုန်သွယ်မှုလိုငွေ ကန်ဒေါ်လာ ၃ ဒသမ ၇ ဘီလီယံကျော် ရှိနေ သည်။


ယခုဘဏ္ဍာနှစ် ဧပြီမှမတ်လ ၂ ရက်အထိ ၁၁ လကျော်အတွင်း ပို့ကုန်ပမာဏသည် ကန်ဒေါ်လာ ၁၃ ဒသမ ၂ ဘီလီယံကျော်ရရှိခဲ့ ပြီး၊ သွင်းကုန်တန်ဖိုးသည် ကန်ဒေါ်လာ ၁၆ ဒသမ ၉ ဘီလီယံကျော်ရှိ နေကြောင်း စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနစာရင်း များတွင် ဖော်ပြထားသည်။ ထို့ ကြောင့် ရည်မှန်းချက်အတိုင်း ကုန်သွယ်မှုပမာဏကို ၁၁ လ၌ပင် ရောက်ရှိခဲ့ပြီး ၂၀၁၆-၁၇ဘဏ္ဍာ ရေးနှစ် ကာလတူနှင့်နှိုင်းယှဉ်လျှင် လေးဘီလီယံခန့် ပိုများကြောင်း စာရင်းများတွင် ဖော်ပြထားသည်။

လုပ်ငန်းရှင်များ ပြည်ပသို့ ကုန်ပစ္စည်းများ လွယ်ကူစွာတင်ပို့နိုင်ရန် ဌာနဆိုင်ရာများနှင့်ပူးပေါင်း ဆောင်ရွက်မှု တိုးမြှင့်လုပ်ဆောင် နိုင်ခြင်းကြောင့် ပို့ကုန်ကဏ္ဍတွင် ပြီးခဲ့သည့် ဘဏ္ဍာနှစ်ကာလတူ ထက် ၂ ဒသမ ၃ ဘီလီယံ ပိုများ လာသည်ဟု စီးပွားကူးသန်း ညွှန်ကြားရေးမှူးချုပ် ဦးရန်နိုင်ထွန်းက ပြောသည်။

လယ်ယာထွက်ကုန်၊ မွေးမြူ ရေး၊ ရေလုပ်ငန်းထွက်ကုန်များ၊ စက်မှုကုန်ချောထုတ်ကုန်များ၊ အထည်ချုပ်ကဏ္ဍ စသည်တို့တွင် ယခု ဘဏ္ဍာနှစ်အတွက် ပို့ကုန် ကဏ္ဍတိုးမြှင့်ရေး အဓိကအခန်း ကဏ္ဍ၌ ပါဝင်နေကြောင်း စီးပွား ကူးသန်း အမြဲတမ်းအတွင်းဝန် ဦးတိုးအောင်မြင့်ကပြောသည်။

မြန်မာနိုင်ငံ၏ ပို့ကုန်ကဏ္ဍတွင် ဆန်ပြည်ပတင်ပို့မှုသည် ယခင်ဘဏ္ဍာနှစ်ကာလတူထက် နှစ်ဆပိုများလာပြီး ယခုဘဏ္ဍာနှစ်၌ကန်ဒေါ်လာ ၁ ဘီလီယံကျော်ရရှိ သည်။ ထိုအတူ လက်ခစားစနစ် ဖြင့် ပြည်ပချုပ်ထည်တင်ပို့မှုက ယခင်နှစ်ထက် ၂ ဒသမ ၃ ဘီလီယံကျော် ပိုမိုရရှိခဲ့သည်။

ပို့ကုန်ကဏ္ဍ၌ ၀င်ငွေတိုးရရှိ ခဲ့သလို ပြည်ပမှ သွင်းကုန်တင် သွင်းမှုက ယခင်ဘဏ္ဍာနှစ်ကာလ တူထက် ၁ ဒသမ ၆ ဘီလီယံကျော် ပိုများလာသည်။

ကုန်သွယ်မှုလိုငွေပမာဏသည် ပြီးခဲ့သည့်ဘဏ္ဍာနှစ်ကာလ တူတွင် ကန်ဒေါ်လာ ၄ ဒသမ ၄ ဘီလီယံရှိသဖြင့် ယခုနှစ်လိုငွေပမာဏဒေါ်လာသန်း ၇၀၀ ခန့် လျော့နည်းခဲ့သည်။ မြန်မာနိုင်ငံတွင် ကုန်သွယ်မှုလိုငွေပမာဏ နှစ်စဉ်ရှိနေခြင်းကို အစိုးရအနေဖြင့် စနစ်တ ကျလျှော့ချနိုင်ရေး မူဝါဒချမှတ်ဆောင်ရွက်သင့်ကြောင်း စီးပွားရေးပညာရှင်များက ထောက်ပြသည်။

ကုန်သွယ်မှု လိုငွေများနေခြင်းက ပြည်တွင်းနိုင်ငံခြားငွေလဲ နှုန်း တည်ငြိမ်ရေးနှင့် စီးပွားရေးတိုးတက်မှု အခက်အခဲဖြစ်စေသည် ဟု ၎င်းတို့ကဆိုသည်။