ပုဂံတွင် နေ၀င်ချိန်ကြည့်ရန် တောင်ကုန်းများ တည်ဆောက်မှု အမြန်ဆုံးရပ်တန့်ရန် ရှေးဟောင်းသုတေသနအသင်း သတိပေး

ပုဂံနေ၀င်ချိန် ရှုခင်းအား ကြည့်ရှုနေသူ အချို့အား တွေ့ရစဉ် (ဓာတ်ပုံ - ဂျေမောင်မောင်(အမရပူရ))

ပုဂံမြို့တွင် နေ၀င်ချိန် ကြည့်ရှုရန် တောင်ကုန်းများတည် ဆောက်နေမှုသည် ယဉ်ကျေးမှုအ မွေအနှစ်ကို ပျက်စီးစေခြင်း ကြောင့် အမြန်ဆုံးရပ်တန့်ပေးရန် နှင့် ဆက်လက်လုပ်ဆောင်ပါက လူပုဂ္ဂိုလ်၊ အဖွဲ့အစည်းနှင့် ဌာန များကို ယဉ်ကျေးမှုအမွေအနှစ် ထိန်းသိမ်းရေးဆိုင်ရာ တည်ဆဲ ဥပဒေများနှင့်အညီ တရားစွဲဆို မည်ဖြစ်ကြောင်း မြန်မာနိုင်ငံရှေး ဟောင်းသုတေသနပညာအသင်း က ကြေညာချက်ထုတ်ပြန်သည်။


နေ၀င်ချိန်ကြည့်ရှုရန် တောင်ကုန်းများ ပြုလုပ်နေမှုသည် ပုဂံ၏မြို့ပြမြင်ကွင်းကို ပျက်စီးစေခြင်း၊ ရှေးဟောင်းသုတေသနဆိုင်ရာမြေလွှာဖွဲ့စည်းမှုကို ထိခိုက်စေခြင်းနှင့် စက်ယန္တရားများ အ သုံးပြုခြင်းကြောင့် တုန်ခါမှုများရှိ၍ စေတီပုထိုးများ ထိခိုက်ပျက်စီးစေသဖြင့် ယင်းလုပ်ငန်းဆောင်ရွက်မှုကို အမြန်ဆုံး ရပ်တန့်ပေး ရန် မြန်မာရှေးဟောင်းသုတေ သနပညာအသင်းက မတ်လ ၁၉ ရက်တွင် ကြေညာချက်ထုတ်ပြန် ခဲ့သည်။

လက်ရှိတွင် ပုဂံဒေသကို ယူ နက်စကို၏ ကမ္ဘာ့အမွေအနှစ် စာရင်းဝင်ရေး ကြိုးပမ်းနေချိန် ဖြစ်သောကြောင့် ဂရုတစိုက်ထိန်း သိမ်းစောင့်ရှောက်ရမည့်ကာလ ဖြစ်သလို ပုဂံအတွက် ဆောင် ရွက်မှုလုပ်ငန်းများနှင့် ဆုံးဖြတ် ချက်များသည် အမွေအနှစ် ထိန်း သိမ်းရေးနှင့် အစဉ်တည်တံ့ရေး ဆိုသည့် အချက်ကို ဦးစားပေး စဉ်းစားရမည့်အခြေအနေဟု သုံး သပ်ကြောင်း ထုတ်ပြန်ချက်တွင် ပါရှိသည်။

ပုဂံဒေသတွင် ရှေးဟောင်း သုတေသနဆိုင်ရာ လုပ်ငန်းများ ပြီးစီးအောင်မလုပ်ရသေးမီ ပုဂံ ဒေသ၏ ရှေးဟောင်းမြို့ပြမြင် ကွင်းများ ပျက်စီးစေနိုင်မည့် မည် သည့်လုပ်ငန်းမျိုးမဆို မလုပ်သင့် ကြောင်းလည်း အဖွဲ့ကအကြံပြု ထားသည်။

‘‘ပုဂံမှာ မင်းနန်သူကန်ရှိ တယ်ဗျာ။ အဲဒီကန်ထဲကမြေတွေ ကို ကော်ပြီးကုန်းလုပ်တာပေါ့။ အဲဒါမျိုးတွေက တော်တော်ကို မဖြစ်သင့်တဲ့အရာတွေပေါ့။ ရှေး ဟောင်းနယ်မြေအတွင်းမှာ ရှေး ဟောင်းမြင်ကွင်းကို ပျက်စီးစေ မယ့် အလုပ်မျိုးကို မလုပ်ရဘူးလို့ ဥပဒေမှာလည်း ပါတယ်’’ ဟု ယင်းအသင်း အတွင်းရေးမှူး ဦးသူရအောင်ကပြောသည်။

အဆိုပါတောင်ကုန်းများ ပြု လုပ်နေမှုနှင့်ပတ်သက်ပြီး ပုဂံမြို့ ရှိ ယဉ်ကျေးမှုအမွေအနှစ်ဖော် ဆောင်ရေးကော်မတီကလည်း ‘ပုဂံဒေသ ယူနက်စကိုဝင်ရောက် နိုင်ရေး အဟန့်အတားအနှောင့်အ ယှက်များအား အချိန်မီကာကွယ် တားဆီးပေးရန်’ ခေါင်းစဉ်ဖြင့် ကြေညာချက်တစ်စောင်ကို မကြာ သေးမီက ထုတ်ပြန်ထားသည်။

ရှေးဟောင်းဇုန်အတွင်း နေ၀င်၊နေထွက်ကြည့်ရှုရန် ရှေး ဟောင်းကန်ပေါင်များ မြှင့်တင် ခြင်း၊ ကန်များကိုအင်အားကြီး မားသောမြေထိုးစက်ကြီးများဖြင့် တူးဖော်ခြင်း၊ မုခ်ဦးအသစ်တည် ဆောက်ရန် စီမံချက်ချဆောင် ရွက်နေခြင်း၊ ရှေးဟောင်းဘုရား ရွှေဆံတော်အနီး ဂေါပကအ ဆောက်အအုံသစ်ဆောက်လုပ် ထားခြင်း၊ အထင်ကရဘုရားများ အနီး ကားရပ်နားရန်ကွန်ကရစ် များခင်းခြင်း စသည့်လုပ်ငန်းများ ပြုလုပ်နေမှုသည် ကာကွယ်ထိန်း သိမ်းရေးဥပဒေကို မျက်ကွယ်ပြု ရာရောက်သလို ကမ္ဘာ့အမွေအ နှစ်ဝင်ရောက်ရေးကိုလည်း ထိ ခိုက်လာစေနိုင်ကြောင်း အဆိုပါ ထုတ်ပြန်ချက်တွင်ပါရှိသည်။

ပုဂံဒေသတွင် ဘုရားပေါ် တက်၍ နေ၀င်ချိန်ကြည့်ရှုနေမှုကို ထိန်းချုပ်ရန် ယခုကဲ့သို့စီစဉ် ဆောင်ရွက်ခြင်းဖြစ်သလို အဖွဲ့ အစည်းဌာနတစ်ခုတည်း ဆောင် ရွက်ခြင်းမဟုတ်ဘဲ ကော်မတီ တစ်ခုဖွဲ့၍ ဆောင်ရွက်ခဲ့ခြင်းဖြစ် ကြောင်း ပုဂံရှေးဟောင်းသုတေ သနနှင့် အမျိုးသားပြတိုက်ဦးစီး ဌာန ညွှန်ကြားရေးမှူးဦးအောင် အောင်ကျော်က ပြောသည်။

‘‘ကန်ပေါင်တွေကို မြှင့်နေ တာ။ ကန်တွေကို ဆယ်နေတာ ပေါ့။ မြင်ကွင်းတွေကို အနည်းအ ကျဉ်းတော့ ထိခိုက်တာရှိတာပေါ့။ အရင်တုန်းက ဘာမှမရှိတဲ့နေရာ မြှင့်လိုက်တော့ ထိခိုက်မှုတွေ တော့ရှိတာပေါ့။ ဒါက ဘာ ကြောင့်လုပ်ရတာလဲဆိုရင်ဘုရား တွေပေါ်မှာ တက်တဲ့အတွက်၊ ထိ ခိုက်မှုတွေများတဲ့အတွက်၊ လျှော့ ချဖို့အတွက် ဒါတွေလုပ်တာ’’ ဟု ဦးအောင်အောင်ကျော်က ပြော သည်။

ယခင်ကပုဂံတွင် နေ၀င်ချိန် ကြည့်ရန် စေတီငါးဆူပေါ် တက် ခွင့်ပေးထားသော်လည်း ၂၀၁၆ ဩဂုတ်အတွင်း လှုပ်ခတ်ခဲ့သည့် ငလျင်ကြောင့် စေတီများထိခိုက် မှုရှိခဲ့သဖြင့် ရွှေဆံတော်၊ တောင် ဂူနီနှင့် မြောက်ဂူနီစေတီတို့၌သာ နေ၀င်ချိန်ကြည့်ရန်ခွင့်ပြုခဲ့သည်။

သို့သော် လက်ရှိတွင် ပုဂံ ဘုရားများပေါ် တက်ခွင့်ပိတ်ထား ပြီး ယင်းသို့ပိတ်ပင်မှုကို ဒေသခံ များက အပြင်းအထန်ကန့်ကွက် နေသည်။

ပုဂံဒေသသို့ လာရောက်သူ များ နေ၀င်ချိန်ကြည့်ရှုရန် ယခင် က ရေကန်ဟောင်းများကို ဆယ် ယူ၍ တောင်ကုန်းသဏ္ဌာန်ပြုလုပ် ပေးကာ နေ၀င်ချိန်ကြည့်ရှုရန် ဖန် တီးပေးထားသည်။ လက်ရှိတွင် နေ၀င်ချိန်ကြည့်ရှုရန် တောင် ကုန်းသုံးခု ပြုလုပ်ပြီးစီးပြီဖြစ် သည်။