နယ်စပ်မြို့များတွင် တရားမ၀င် အင်တာနက်လိုင်းများ သုံးစွဲမှုလျော့နည်းစေရေး ဆောင်ရွက်မည်ဟုဆို

 နယ်စပ်မြို့များတွင် တရားမ၀င်အင်တာနက်လိုင်း အ သုံးပြုနေခြင်းများ လျော့ပါးရန် ဈေးနှုန်းအနေဖြင့်သော်လည်း ကောင်း၊ အရည်အသွေးအနေဖြင့် သော်လည်းကောင်း ပြိုင်ဆိုင်မည်ဟု Global Technology ကုမ္ပဏီစီအီးအို ဦးသိန်းသန်းတိုးက ပြော သည်။

Global Technology သည် နယ်စပ်ဒေသဖြစ်သည့် ကရင်၊ မွန်ပြည်နယ်နှင့် တနင်္သာရီဒေသ တွင် 4G အင်တာနက်ကွန်ရက် ၀န်ဆောင်မှုပေးရန် မြန်မာအစိုး ရထံမှ တရားဝင်ခွင့်ပြုချက်ရရှိ ထားသည့် ကုမ္ပဏီဖြစ်သည်။


လက်ရှိတွင် နယ်စပ်ဒေသ ရှိမြို့ကြီးများသည် အိမ်နီးချင်း နိုင်ငံမှ ကွန်ရက်ဖြန့်ကြက်ထား သည့် အင်တာနက်ကွန်ရက်ကို တရားမ၀င် အသုံးပြုနေသည်။ ‘‘သူတို့ဟာတွေကို လျော့သွား အောင်လုပ်မယ်။ မလျော့ရင် တော့ ဆက်သွယ်ရေးညွှန်ကြားမှု ဦးစီးဌာနကို အကြောင်းကြားရ မှာပေါ့’’ဟု ၎င်းကပြောသည်။

အိမ်နီးချင်းနိုင်ငံများမှ အင် တာနက်လိုင်းများသည် ကြိုးမဲ့ စနစ်ဖြင့် ၀င်ရောက်လာခဲ့ခြင်း ဖြစ်ပြီး ပြည်တွင်းရှိလိုင်စင်ရ ကုမ္ပ ဏီများက ၀န်ဆောင်မှုမပေးအပ် မီကာလတွင် ၀င်ရောက်လုပ်ကိုင် နေသည်။

နယ်စပ်ဒေသရှိ မြို့ကြီးများ တွင် အင်တာနက်ကွန်ရက်ကို အိမ်နီးချင်းနိုင်ငံမှ တရားမ၀င်ရ ယူအသုံးပြုနေသည်ကို အစိုးရအ နေဖြင့် သိရှိကြောင်း၊ အဆိုပါ ကိစ္စကို အမိန့်အာဏာဖြင့် ဖယ် ရှားခြင်းထက် တရားဝင်လုပ်ခွင့် ရရှိသည့် ကုမ္ပဏီများက ဈေးနှုန်း အရ၊ အရည်အသွေးအရ ဦးစွာ ပြိုင်ဆိုင်ရန် လိုအပ်ကြောင်း ဆက်သွယ်ရေးညွှန်ကြားမှု ဦးစီး ဌာနမှ ပြောရေးဆိုခွင့်ရှိသူ ဦးမျိုး ဆွေက ပြောသည်။

‘‘သုံးနေတာကို ဟန့်တားဖို့ ထက် ကိုယ့်ဘက်က ကောင်း အောင် အရင်လုပ်ပေးနိုင်ဖို့က အရေးကြီးတယ်။ ကောင်းနေရင် လူတွေက တခြားနိုင်ငံကဟာ ဘယ် သုံးမလဲ။ ဒါတွေက နှစ်ဖက်နိုင်ငံ ညှိရမှာတွေပါ’’ဟု ၎င်းကပြော သည်။

အိမ်နီးချင်းနိုင်ငံများမှ တရားမ၀င်အင်တာနက်လိုင်းအသုံးပြု မှုသည် ဈေးကွက်အရ ယခင်က စိုးရိမ်ဖွယ်ဖြစ်သော်လည်း စစ် တမ်းမျာကောက်ယူ၍ လေ့လာခဲ့ သည့်နောက်ပိုင်း စိုးရိမ်မှုမရှိတော့ ကြောင်း ဦးသိန်းသန်းတိုးက ပြော သည်။

‘‘သူတို့တွေက အိမ်သုံးတွေ အထိ အဆင်ပြေတဲ့စနစ်တော့ မဟုတ်ဘူး။ ဟိုတယ်လိုမျိုးလုပ် ငန်းအကြီးစားတွေက မရှိလို့ သုံး နေရတဲ့ သဘောပါ’’ဟု ၎င်းက ပြောသည်။ အဆိုပါ တရားမ၀င် အင်တာနက်လိုင်းအသုံးပြုမှု ဈေး ကွက်ကို အထူးသဖြင့် မြ၀တီမြို့ တွင် ယှဉ်ပြိုင်ရမည်ဟု ဦးသိန်း သန်းတိုးက ပြောသည်။

Global Technology သည် 4G အင်တာနက်ဝန်ဆောင်မှု လုပ်ကိုင်ရန် ၂၆၀၀ လှိုင်းနှုန်းစဉ် ကို ကန်ဒေါ်လာ ခုနစ်သန်းကျော် ပေးသွင်း၍ ၂၀၁၆ အတွင်း လိုင်စင်ရယူခဲ့သည်။ အဆိုပါ ကုမ္ပဏီက 4G အင်တာနက်ဝန်ဆောင်မှု လုပ်ကိုင်ခွင့်ရရှိသည့် နယ်မြေများတွင် ဇွန်လကစတင်၍ ၀န်ဆောင်မှုပေးမည်ဖြစ်ကြောင်း ကြေညာထားသည်။