ပညာရေးကဏ္ဍ နိမ့်မြင့်တက်ကျများ

၂၀၁၇ ဒီဇင်ဘာက နေပြည်တော်တွင် ကျင်းပခဲ့သည့် ပညာရေးဖွံ့ဖြိုးတိုးတက်မှုအကောင်အထည်ဖော်ရေး နှီးနှောဖလှယ်ပွဲတွင် တွေ့ရသည့် ဒေါ်အောင်ဆန်းစုကြည်နှင့် ကျောင်းသားအချို့ (ဓာတ်ပုံ − နိုင်ငံတော်အတိုင်ပင်ခံရုံး)

ဒီချုပ်အစိုးရသက်တမ်း ၂နှစ် အတွင်း ပညာရေးကဏ္ဍ အလွှာ တိုင်းတွင် ပြုပြင်ပြောင်းလဲမှုများ ဆောင်ရွက်နေသော်လည်း မှန်း ချက်နှင့်နှမ်းထွက် မကိုက်သည့် လုပ်ဆောင်ချက်များကြောင့် ကမ္ဘာ့အဆင့်မီ မြန်မာ့ပညာရေးသည် အလှမ်းဝေးဆဲဖြစ်သည်ဟု ပညာရေးကျွမ်းကျင်သူများက သုံးသပ်ပြောကြားသည်။

အခြေခံကျကျ ပြောင်းလဲမှု ကြီးနှစ်ရပ်ဖြစ်သည့် သင်ကြား နည်းစနစ်နှင့် စာမေးပွဲစစ်ဆေး သည့်စနစ်ကိုပင် မပြောင်းလဲနိုင် သေးကြောင်း ပညာရေးအသိုင်း အဝိုင်းမှ ဆရာ၊ ဆရာမများက ဆိုသည်။

‘‘အားမရဘူး။ အစိုးရသစ် တက်လာရင် အများကြီးပြုပြင် ပြောင်းလဲမှုတွေ လုပ်ပေးမယ်လို့ မျှော်လင့်ထားတာ။ ဒါပေမဲ့ အခု ၂ နှစ်အတွင်းမှာ လုပ်နေတာတွေ က အရင်အစိုးရလက်ထက်က စခဲ့ တဲ့ ပြုပြင်ပြောင်းလဲမှုတွေကို ဆက်လုပ်နေတာကလွဲလို့ သိသိ သာသာ ပြောင်းလဲလာတာက မျှော်လင့်ထားသလောက် ဖြစ် မလာသေးဘူး’’ဟု မြန်မာနိုင်ငံလုံး ဆိုင်ရာ ဆရာ၊ ဆရာမများအဖွဲ့ ချုပ် အတွင်းရေးမှူး ဒေါက်တာ ဇော်မျိုးလှိုင်က ဆိုသည်။

အမျိုးသား ဒီမိုကရေစီအဖွဲ့ ချုပ်၏ ၂၀၁၅ ရွေးကောက်ပွဲ ကြေ ညာစာတမ်းတွင် ပညာရေးကဏ္ဍ ပြုပြင်ပြောင်းလဲရန် ဆောင်ရွက် မည့်အချက်များကြောင့် သိသာ ထင်ရှားသည့် ပြောင်းလဲမှုများ တွေ့မြင်ရမည်ဟု ပြည်သူများက မျှော်လင့် ထားကြသော်လည်း လက်တွေ့တွင် မပြောင်းလဲသေး သည့် အခြေအနေဖြင့်သာ ရှိနေဆဲ ဖြစ်သည်။

‘‘ရွေးကောက်ပွဲကြေညာစာ တမ်းမှာ ပြောခဲ့တာတွေရှိပေမယ့် ပြည်သူက ဒါတွေ မခံစားရသေး ဘူး’’ဟု ပဲခူးတိုင်းဒေသကြီးမှ ကိုယ်ပိုင်ကျောင်းဆရာတစ်ဦးက ဆိုသည်။

ဦးသိန်းစိန်အစိုးရလက်ထက် က ဆောင်ရွက်ခဲ့သော ဘက်စုံ လွှမ်းခြုံနိုင်သော ပညာရေးကဏ္ဍ လေ့လာသုံးသပ်ရေး (CESR) အစီရင်ခံစာများ၊ ပညာရေးဆိုင် ရာ လုပ်ငန်းအဖွဲ့များ၏ အစီရင် ခံစာများ၊ ပညာရေးဆိုင်ရာ လုပ် ငန်းအဖွဲ့များ၏ အစီရင်ခံစာများ၊ အမျိုးသားပညာရေး ဥပဒေနှင့် ယင်းဥပဒေကို ပြင်ဆင်သည့် ဥပဒေ၊ ကဏ္ဍအလိုက် လုပ်ငန်း စီမံကိန်းကိုးစောင်နှင့် အစိုးရ၏ ပညာရေးပြုပြင်ပြောင်းလဲမှု ဦး စားပေးလုပ်ငန်းများအပေါ် အခြေ ခံ၍ အမျိုးသားပညာရေး မဟာ ဗျူဟာ စီမံကိန်း (၅နှစ်စီမံကိန်း)ကို ဒီချုပ်အစိုးရသက်တမ်း ပထမ နှစ်အတွင်း ရေးဆွဲချပြခဲ့သည်။

အမျိုးသားပညာရေး မဟာ ဗျူဟာ စီမံကိန်းသည် အမျိုးသား ပညာရေးစနစ်တစ်ခုကို ပြုပြင် ပြောင်းလဲပေးမည့် အစီအစဉ်ဖြစ် ပြီး ကျောင်းများနှင့် ပညာသင်ယူ ရာဌာနများ၏ သင်ကြားသင်ယူမှု များကို တိုးတက်မြင့်မားစေရန် အထောက်အကူပြုမည့် စီမံကိန်း ဖြစ်ကြောင်း နိုင်ငံတော်၏ အတိုင် ပင်ခံပုဂ္ဂိုလ် ဒေါ်အောင်ဆန်းစု ကြည်ကလည်း ပြောကြားခဲ့သည်။

သို့သော် အဆိုပါစီမံကိန်း စာအုပ်ကို မဖတ်ဖူးသည့် ဆရာ၊ ဆရာမများရှိနေပြီး အစိုးရအနေ ဖြင့် အောက်ခြေမှ အသံများကို နားထောင်ပေးရန် လိုသည်ဟု ဒေါက်တာ ဇော်မျိုးလှိုင်ကထောက် ပြသည်။ ဒီချုပ်အစိုးရလက်ထက် တွင် မြင်သာသည့် ပြောင်းလဲမှု တစ်ခုသည် ပညာရေးအသုံးစရိတ် တိုးမြှင့်လာခြင်းဖြစ်သည်။

 ဒီချုပ်အစိုးရလက်ထက် ၂၀၁၆-၁၇ ဘဏ္ဍာနှစ်တွင် ပညာ ရေးအသုံးစရိတ်အဖြစ် ကျပ် ၁,၇၂၆ ဘီလီယံချထားပေးခဲ့ပြီး ဦးသိန်းစိန် အစိုးရ လက်ထက် ၂၀၁၅-၁၆ ဘဏ္ဍာနှစ်ကထက် ကျပ်ဘီလီယံ ၃၀၀ ကျော် တိုးမြှင့် သုံးစွဲခဲ့သည်။ ၂၀၁၇-၁၈ ဘဏ္ဍာ နှစ်တွင်လည်း ပညာရေးအသုံး စရိတ်ကို ထပ်မံတိုးမြှင့်ခဲ့ပြီး ကျပ် ၁,၇၅၆ ဘီလီယံ ခွဲဝေပေးခဲ့ကာ ပညာရေးတွင် အသုံးစရိတ် တိုး မြှင့်မှုကို သိသိသာသာ ဆောင် ရွက်ခဲ့သည်။

၂၀၁၇-၁၈ ပညာသင်နှစ် တွင် အခြေခံပညာကျောင်း ၅,၀၀၀ ကျော်ကို အဆင့်တိုးမြှင့် ဖွင့်လှစ်ခဲ့သည်။

ထို့အပြင် နှစ်ပေါင်း ၂၀ ကျော်အကြာ စစ်အစိုးရလက် ထက်ကတည်းက ပိတ်ထားသော ရန်ကုန်တက္ကသိုလ်(လှိုင်နယ်မြေ) နှင့် အင်းစိန်ဂျီတီအိုင်တို့ ပြန်လည် ဖွင့်လှစ်ခဲ့ခြင်းက ဒီချုပ်အစိုးရ၏ ပုံရိပ်ကို မြင့်တက်စေသည့် ဆောင်ရွက်မှုတစ်ခုဖြစ်ခဲ့သည်။

ထပ်မံပြောင်းလဲမှုများအဖြစ် အစိုးရဌာန သီးသန့်ရပ်တည်ခဲ့ သော ပညာရေးဝန်ကြီးဌာနသည် ၂၀၁၇ အတွင်း မြန်မာနိုင်ငံလုံး ဆိုင်ရာ ဆရာ၊ ဆရာမများအဖွဲ့ ချုပ်အပါအဝင် အရပ်ဘက်အဖွဲ့ အစည်းများနှင့် ပူးပေါင်းလာခြင်း၊ ပညာရေးတက္ကသိုလ်၊ ကောလိပ် ဝင်ခွင့်များ ခေါ်ယူသည့် သတ်မှတ် ချက်တွင် မသန်စွမ်းသူများကို ခွဲခြားရာရောက်သည့် အချက်များ ကို ပယ်ဖျက်ခြင်း၊ တက္ကသိုလ်၊ ကောလိပ် ကျောင်းစည်းကမ်းများ တွင် နိုင်ငံရေးဆူပူမှုဆိုင်ရာ ပြစ်မှု၊ ပြစ်ဒဏ်များကို ပယ်ဖျက်ခဲ့ခြင်းက အရပ်ဘက်အဖွဲ့အစည်း၊ ကျောင်း သားအဖွဲ့အစည်းများ၏ အခန်း ကဏ္ဍကို အစိုးရက အလေးပေး လာသည့် အနေအထားဖြစ်သည်။

သို့သော် ဒီချုပ်အစိုးရသက် တမ်း ဒုတိယနှစ်တွင် ဆရာ၊ ကျောင်းသားအဖွဲ့အစည်းများ၏ ဆန္ဒပြမှုဖြစ်စဉ်များကို ဦးသိန်းစိန် အစိုးရလက်ထက်ကထက် ကြုံ တွေ့ခဲ့ရသည်။ ပညာရေးကော လိပ်ဆင်း ဆရာ၊ ဆရာမများကို အချိန်မီ အလုပ်ခန့်အပ်ပေးခြင်း မရှိသဖြင့် ဖဲကြိုးစိမ်းလှုပ်ရှားမှု အနေဖြင့် ဇွန်လအတွင်း ပညာရေး ကောလိပ်ဆင်း ဆရာ၊ ဆရာမ များက ရန်ကုန်နှင့် မန္တလေးတွင် လမ်းလျှောက် ဆန္ဒဖော်ထုတ်ခဲ့ သည်။ နည်းပညာနှင့် ကွန်ပျူတာ တက္ကသိုလ်များမှ ဆရာ၊ ဆရာမ များကို ရာထူးတိုး မဆောင်ရွက် ပေးခြင်းကြောင့် ဖဲကြိုးပြာ ကမ် ပိန်းဖြင့် တောင်းဆို အရေးဆိုမှုများ ကြုံတွေ့ခဲ့ရသည်။

 ဒီချုပ်အစိုးရလက်ထက် ၂၀၁၇ တက္ကသိုလ်ဝင်စာမေးပွဲ တွင် သင်္ချာမေးခွန်းမှားယွင်းမှု၊ ၂၀၁၈ တက္ကသိုလ်ဝင်စာမေးပွဲ တွင် ဓာတုဗေဒမေးခွန်း၌ သင်ရိုးမှ ပယ်ထားပြီးသား မေးခွန်းများ မေး မြန်းခဲ့ခြင်းတို့က ပညာရေးဝန်ကြီး ဌာန၏ လုပ်ငန်းစွမ်းဆောင်ချက် များအပေါ် မေးခွန်းထုတ်စရာဖြစ်ခဲ့သည်။ လက်ရှိ ဒီချုပ်အစိုးရသက် တမ်း ၂နှစ်အတွင်း ပညာရေးကဏ္ဍ ပြုပြင်မှုများ၌ ပညာရေးစနစ် အတွက် အဓိကကျသည့် ပြုပြင် ပြောင်းလဲမှုများ မလုပ်နိုင်သေး ကြောင်း ပညာရေးအသိုင်းအဝိုင်း က ဆိုသည်။

‘‘တက္ကသိုလ်ဝင်ခွင့်စနစ်တွေ ပြုပြင်စေချင်တယ်။ အခြေခံပညာ မှာရော၊ အဆင့်မြင့်ပညာမှာရော သင်ကြားမှုပုံစံတွေ၊ စစ်ဆေးမှုပုံစံ တွေ ပြောင်းပေးစေချင်တယ်။ သင်ထောက်ကူပစ္စည်းတွေ တိုး ပေးစေချင်တယ်။ ကျောင်းသားနဲ့ ဆရာအချိုး မမျှတာတွေ လုပ်ပေး စေချင်တယ်။ အဲဒါတွေက ထိ ရောက်စွာလုပ်ဖို့ လိုနေတာ’’ဟု ဒေါက်တာဇော်မျိုးလှိုင်က အကြံ ပြုသည်။

အမြစ်တွယ်နေသည့် အ လွတ်ကျက်မှတ်ရသော ပညာရေး စနစ်မှ စဉ်းစားတွေးခေါ်မှုကို အခြေခံသော ပညာရေးစနစ်ဆီသို့ ပြောင်းလဲရာတွင် ဆရာနှင့် ကျောင်းသားအများစု အရိုးစွဲနေ သော ပြဋ္ဌာန်းစာအုပ်များကိုသာ သင်ကြားပေးခြင်း၊ သင်ရိုးမာတိ ကာအတိုင်း အမြန်ကုန်ရန် သင် ကြားပေးခြင်း၊ အတန်းအောင် ချက်မြင့်မားခြင်းကိုသာ အာရုံစူး စိုက်ခြင်း၊ စာမေးပွဲအောင်ရန် အတွက်သာ သင်ကြားပေးခြင်း များ မဖြစ်မနေ ပြုပြင်ပြောင်းလဲ ရမည်ဟု ၂၀၁၇ ဒီဇင်ဘာ ၈ ရက် က နေပြည်တော်ရှိ MICC II တွင် ကျင်းပသော ပညာရေးဖွံ့ဖြိုးတိုး တက်မှု အကောင်အထည်ဖော်ရေး နှီးနှောဖလှယ်ပွဲ (အခြေခံပညာ ကဏ္ဍ)၌ ဒေါ်အောင်ဆန်းစုကြည် က ပြောကြားခဲ့သည်။

မြန်မာနိုင်ငံ၏ ပညာရေး စနစ် ပြောင်းလဲရာတွင် အဓိကကျ ကျ ပြုပြင်ပြောင်းလဲမည့် အချက် များကိုလည်း ဒေါ်အောင်ဆန်းစု ကြည်က အဆိုပါဆွေးနွေးပွဲတွင် လမ်းညွှန်ပြောကြားခဲ့သည်။

၁။ KG+12 ပညာရေးစနစ် အဖြစ် ပြောင်းလဲရန်။

၂။ ကျောင်းထွက်နှုန်းမြင့်မား နေရသည့် အခြေခံအကြောင်းရင်း များကို ဖြေရှင်းနိုင်အောင် ပံ့ပိုးပေး နိုင်ရန်။

(၃)။ အလွတ်ကျက်မှတ်ရ သည့် စနစ်မှ စဉ်းစားတွေးခေါ်မှုကို အခြေခံသည့် ပညာရေးစနစ်ဆီသို့ ပြောင်းလဲရေးအတွက် ဆရာ၊ ဆရာမများ၏ အရည်အသွေး ပြည့်ဝလာစေရန်။

၎။ သင်ရိုးညွှန်းတမ်းနှင့် ကျောင်းသုံးဖတ်စာအုပ်များ အရည်အသွေးမြှင့်တင်ရန်။

၅။ ပညာရေးဆိုင်ရာ အုပ် ချုပ်မှုစွမ်းဆောင်ရည်များ တိုး တက်စေရန်တို့ကို ဆောင်ရွက်ရ မည်ဟုဆိုသည်။

ထိုပြုပြင်ပြောင်းလဲမှုများကို ဒီချုပ်အစိုးရ သက်တမ်းအတွင်း ပြည်သူများ မြင်တွေ့ရမည်လားဆို သည်ကို စောင့်ကြည့်ရမည်ဖြစ် သည်။