မိုးကုတ် နှစ် (၈၀၀) ပြည့်ပွဲတော်၏ ထူးခြားချက်ငါးချက်

သဘာဝအလှများဖြင့် တွေ့ရသော နှစ် ၈၀၀ ပြည့် ပတ္တမြားမြို့တော် ဓာတ်ပုံ − စည်သူလင်း

ပတ္တမြားမြေ ဟူသော ဂုဏ်ပုဒ်ဖြင့် မြန်မာတွင်သာမက ကမ္ဘာ၌ပါ ထင်ရှားပြီး လူသိများသည့် မိုးကုတ်မြို့၌ မတ်လ ၂၉ ရက်တွင်မြို့သမိုင်းတစ်လျှောက် အကြီးကျယ်၊ အခမ်းနားဆုံးပွဲတော်တစ်ခုအဖြစ် မိုးကုတ်နှစ် (၈၀၀) ပြည့်
ပွဲတော်ကို ကျင်းပတော့မည် ဖြစ်သည်။


 အဆိုပါပွဲတော် ကျင်းပနိုင် ရေး မန္တလေးတိုင်းအစိုးရအဖွဲ့က လိုအပ်သည့် အကူအညီအချို့ ဆောင်ရွက်ပေးထားသည့် အပြင် ဟိုတယ်နှင့်ခရီးသွားလာရေး ၀န်ကြီးဌာနက ပွဲတော်ကာလအတွင်း နိုင်ငံခြားသားခရီးသွားများ ခွင့်ပြုချက်တောင်းခံကာ သွားရောက်လည်ပတ်နိုင်ကြောင်း ထုတ်ပြန်ပေးခဲ့သည်။

ပွဲတော်တွင် ဒေသခံတိုင်း ရင်းသားများ၏ ရိုးရာယဉ်ကျေးမှု ဓလေ့များ၊ ဖျော်ဖြေရေးအစီအစဉ် အများအပြား ထည့်သွင်းထားပြီး ဒေသခံမြို့သူမြို့သားများအတွက် သာမက ပြည်တွင်း၊ ပြည်ပ ခရီး သွားများအတွက် ဆွဲဆောင်နိုင် မည့်ပွဲတော်တစ်ခုဖြစ်လာစေရန် ပွဲတော် ကျင်းပရေးကော်မတီက မျှော်မှန်းထားသည်။ ပွဲကျင်းပရေး ကျပ်သိန်းသုံးထောင်အသုံးပြုမည်ဟုဆိုသည်။ ထို့ကြောင့် မိုးကုတ်နှစ် ၈၀၀ ပြည့်ပွဲတော်၏ ထူးခြားချက်ငါးချက်ကို ဖော်ပြလိုက်ပါသည်။

မိုးကုတ်မြို့သမိုင်းတစ်လျှောက် ပထမဆုံးကျင်းပမည့်ပွဲတော်

 သမိုင်း မှတ်တမ်းများအရ မြန်မာသက္ကရာဇ် ၅၇၉ ခုနှစ် မိုး မိတ်စော်ဘွားကြီး သိုဟန်ဖက် လက်ထက်တွင် ရှမ်းမုဆိုးသုံး ယောက်မျက်စိလည်လမ်းမှားကာ ရောက်ခဲ့သည့် သဖန်းပင်ကြီး အနီး ၌ ပတ္တမြား ကျောက်အနီများကို တွေ့ရှိသဖြင့် စော်ဘွားကြီးထံ ဆက်သခဲ့ရာ တန်ဖိုးရှိမှန်းသိ၍ ရှမ်းလူမျိုးအစောင့်များဖြင့် စောင့် ရှောက်စေခဲ့ရာမှ သဖန်းပင်ရွာဟူ ၍ ပေါ်ပေါက်လာခဲ့သည်။ နောင် တွင် ၎င်းတို့၏တိုးချဲ့နေထိုင်မှုများ မှ မိုးကုတ်မြို့ဟူ၍ ပေါ်ပေါက်လာ ခဲ့ခြင်းဖြစ်သည်။

မြို့တည်ခါစ အစောပိုင်းကာ လများ၌ မိုးမိတ်စော်ဘွားများ လက်အောက်တွင် တည်ရှိခဲ့သည့် မိုးကုတ်မြို့သည် သာလွန်မင်း လက်ထက်၌ ၎င်းတို့ပိုင်နယ်မြေ ကို လက်လွှတ်ခဲ့ရသည်။ သီပေါ မင်းလက်ထက်တွင် မိုးကုတ်မှ ပတ္တမြားများတူးဖော်ကာ အနောက်နိုင်ငံများနှင့် အရောင်းအ၀ယ် ပြုလုပ်ခဲ့ပြီး အင်္ဂလိပ်တို့ မြန်မာနိုင်ငံကို သိမ်းပိုက်ထားသည့် ကာလများတွင် ပတ္တမြားခရိုင်ဟုဖွဲ့စည်းကာ ခရိုင်ရုံးစိုက်မြို့အဖြစ် တည်ရှိခဲ့သည်။

၁၉၄၇ စစ်ပြီးကာလတွင် မိုး ကုတ်မြို့ကို ရှမ်းပြည်နယ်တောင် တန်းဒေသများနှင့်ပူးပေါင်းရန် ကြံ စည်ခဲ့သော်လည်း မအောင်မြင်ခဲ့ ဘဲ ပြင်ဦးလွင်ခရိုင်အတွင်းပါဝင် သည့်မြို့တစ်ခုအနေဖြင့်သာသတ် မှတ်ခဲ့သည်။

မြန်မာသက္ကရာဇ် ၁၃၇၉  (၂၀၁၈)တွင် မြို့တည်ထောင်မှုနှစ် (၈၀၀) ပြည့်ခဲ့ပြီဖြစ်သည့် မိုး ကုတ်မြို့သည် ပတ္တမြားကျောက်များထွက်ရှိရာ ဒေသတစ်ခု ဖြစ်သဖြင့် ပြည်တွင်းသာမက ပြည်ပနိုင်ငံများတွင်ပါ ပတ္တမြားမြေ အဖြစ် လူသိများသည့်မြို့တစ်ခု ဖြစ်သည်။

မိုးကုတ်မြို့တည်နှစ် ၈၀၀ ပြည့်ပွဲကို ကျောက်မျက်ရတနာနှင့် ခရီးသွားလုပ်ငန်းများ ဖွံ့ဖြိုးတိုး တက်ရန်၊ မိုးကုတ်ဒေသ၏ အလှ အပနှင့် တိုင်းရင်းသားများ၏ရိုးရာ ယဉ်ကျေးမှုများကို မြန်မာနိုင်ငံ တွင်းသာမက ကမ္ဘာကသိရှိရန်နှင့် မျိုးဆက်သစ်များအား သမိုင်းအမွေလက်ဆင့်ကမ်းပေးနိုင်ရန် ကျင်းပမည်ဖြစ်ကြောင်း ပွဲတော်ကျင်းပရေးကော်မတီကဆိုသည်။

 ‘‘ဒီလိုမြို့တည်ပွဲတစ်ခါမှ ကျင်းပခဲ့တာမရှိဘူး။ ဒါပထမဆုံး ပဲ’’ ဟု ပွဲတော်ကျင်းပရေးကော်မ တီအဖွဲ့ဝင်ဦးသန်းဝင်းက ပြော သည်။

အေးချမ်းသည့် တောင်ပေါ်ဒေသ လည်ပတ်စရာနေရာများ

မိုးကုတ်မြို့သည် အပူပိုင်း ဒေသတွင်းကျရောက်သော်လည်း တောင်ပေါ်ဒေသဖြစ်သဖြင့် အေး မြသည့်ရာသီဥတုကိုပိုင်ဆိုင်ထား သည်။ 

 တောင်ပတ်လည် ၀န်းရံ သည့် နေရာတွင် မြို့တည်ထားသဖြင့် ဒယ်အိုးပုံသဏ္ဌာန်တည်ရှိနေသောမြို့တစ်မြို့ဖြစ်သည်။

 ရာသီဥတု ကောင်းမွန်ပြီး တောတောင်ရေမြေတို့သည် သ ဘာဝအတိုင်းတည်ရှိနေဆဲဖြစ်သ ဖြင့် သာယာလှပသည့်မြင်ကွင်း များ ခံစားနိုင်မည့်အပြင်တောင် ထိပ်များတွင် တည်ထားသည့် စေ တီများနှင့် ချိုင့်ဝှမ်းအတွင်းအစီ အရီတည်ဆောက်ထားသည့် လူ နေအိမ်များမှာ လာရောက်လည် ပတ်သူများအတွက် အမြင်ဆန်း စေနိုင်သည်။

‘‘ဒီမှာက ရာသီဥတုကောင်း တယ်။ တောတောင်တွေကလည်း သဘာဝအတိုင်းပဲ ရှိနေသေး တယ်။ နောက်ပြီးတောင်ထိပ်တွေ မှာ တည်ထားတဲ့စေတီ၊ ပုထိုးတွေ မှာလည်း ရှုခင်းတွေကလှပတဲ့အ တွက် မိုးကုတ်ကိုလာတဲ့သူတွေအ တွက် စိတ်ချမ်းမြေ့မှုကို ပေးနိုင် မှာဖြစ်ပါတယ်’’ ဟု ပွဲတော်ကျင်း ပရေးကော်မတီ၏ ပြန်ကြားရေး တာဝန်ခံဦးမင်းသူရက ပြောကြား သည်။

 အထင်ကရနေရာများ အ ဖြစ် ကျောက်ပြာသာဒ်၊ ဒေါ်နန်း ကြည်တောင်၊ ပင့်ကူတောင်၊ ဖောင်တော်ဦး၊ ပတ္တမြားစေတီ၊ ချမ်းသာကြီးဘုရား၊ ဘားနက်စစ် သင်္ချိုင်းတို့သို့ကို သွားရောက်လည် ပတ်နိုင်မည့်အပြင် လူငယ်များအ တွက် တောင်တက်ခရီးများလည်း သွားရောက်နိုင်ကြောင်း ၎င်းက ဆိုသည်။

ဒေသခံတိုင်းရင်းသားများ၏ ယဉ်ကျေးမှုဓလေ့များ

မိုးကုတ်မြို့သည် ၂၀၁၄ သန်းခေါင်စာရင်းအရ လူဦးရေ ၇၇,၆၀၀ ကျော်နေထိုင်ပြီး ဗမာ၊ ရှမ်း၊ လီဆူ၊ ပလောင်၊ ဂေါ်ရခါး နှင့် တရုတ်လူမျိုးများအတူတကွ နေထိုင်သည့် မြို့ဖြစ်သည်။ သို့ ဖြစ်ရာ လာရောက်လည်ပတ်သူ များအနေဖြင့် တိုင်းရင်းသားများ ၏ မတူကွဲပြားသောရိုးရာယဉ် ကျေးမှု၊ လူနေမှုပုံစံများ၊ ဓလေ့ စရိုက်များကိုလည်း လေ့လာနိုင် မည်ဖြစ်သည်။

ပွဲတော်ကာလအတွင်း ဖျော်ဖြေရေးအစီအစဉ်များ

နှစ် (၈၀၀) ပြည့်ပွဲတော်ကို မတ်လ ၂၉ ရက်မှ ၃၁ ရက်အထိ သုံးရက်ကြာကျင်းပမည်ဖြစ်ပြီး ပွဲ တော်ကာလအတွင်း မိုးကုတ်ဇာ တိအနုပညာရှင်များ၊ အဆိုတော် များ၏ သီဆိုဖျော်ဖြေမှုများ၊ အား ကစားပြိုင်ပွဲများ၊ တိုင်းရင်းသား ရိုးရာအကများဖြင့် ဖျော်ဖြေမည် ဖြစ်သည်။

အားကစားပြိုင်ပွဲများအနေ ဖြင့် မာရသွန်ပြိုင်ပွဲများ၊ အလွတ် တန်းဘောလုံးပြိုင်ပွဲများ၊ တင်းနစ် ပြိုင်ပွဲများ၊ ရိုးရာခြင်းခတ်ပြိုင်ပွဲ များပါဝင်မည်ဖြစ်ပြီး တိုင်းရင်း သားအကများအဖြစ် ရိုးရာအက ၁၁ မျိုး ထည့်သွင်းဖျော်ဖြေမည် ဖြစ်သည်။

ခရီးသွားများအတွက် နေရာထိုင်ခင်းစီစဉ်ပေးမှု

နှစ် (၈၀၀) ပြည့်ပွဲတော်ကာလအတွင်း လာရောက်လည်ပတ်မည့် ပြည်တွင်း၊ ပြည်ပခရီးသွားဧည့်သည်များ အဆင်ပြေစေရန် မြို့ပေါ်ရှိ ဘုန်းကြီးကျောင်း၊ တရားရိပ်သာ၊ စာသင်ကျောင်း၊ ဓမ္မာရုံစသည့်နေရာများတွင် အခမဲ့ တည်းခိုနိုင်ရန် ပွဲတော်ကျင်းပရေး ကော်မတီကစီစဉ်ပေးမည်ဖြစ် သည်။

 ‘‘ကျွန်တော်တို့ ဆီမှာက တည်းခိုခန်းတို့၊ ဟိုတယ်တို့က အ ရေအတွက်ကနည်းတယ်။ အဲဒီ တစ်ဝက်လောက်ကလည်း လူ ကြီးခရီးစဉ်တွေရှိတော့ ဌာနဆိုင် ရာနဲ့ပဲ ပြည့်သွားလောက်မှာ။ တ ခြားလာမယ့်သူတွေအတွက် နေ ရာထိုင်ခင်းအဆင်မပြေနိုင်တဲ့အ တွက် လာရောက်လည်ပတ်သူ တွေအဆင်ပြေစေဖို့ အခမဲ့တည်း ခိုနိုင်မယ့် နေရာလေးတွေစီစဉ် ပေးထားတာပါ’’ ဟု ပွဲတော်ကျင်း ပရေးကော်မတီ ပြန်ကြားရေး တာဝန်ခံဦးမင်းသူရကပြောသည်။

 ထို့အပြင် ပွဲတော်ကာလ တွင် မန္တလေး-မိုးကုတ်ခရီးစဉ် တိုးချဲ့ပြေးဆွဲရန် ယာဉ်လိုင်းများ ကို အသိပေးနှိုးဆော်ထားကြောင်း ပွဲတော်ကျင်းပရေးကော်မတီက ဆိုသည်။

မိုးကုတ်နှစ် (၈၀၀) ပြည့်ပွဲ တော်သို့ လာရောက်လည်ပတ် မည့်ပြည်တွင်းခရီးသွားဦးရေ သုံး သောင်းခန့်နှင့် နိုင်ငံခြားသားဦးရေ ၅၀၀ ခန့်အထိရှိနိုင်ကြောင်း ပွဲ တော်ကျင်းပရေးကော်မတီက ခန့် မှန်းထားသည်။

‘‘ကျွန်တော်တို့မိုးကုတ်နှစ် (၈၀၀) ပြည့်ပွဲကို အကောင်းဆုံးပြင်ဆင်နေပါတယ်။ မိဘပြည်သူတွေကို လာရောက်ဖို့ဖိတ်ခေါ်ချင်ပါတယ်’’ ဟု ဦးမင်းသူရက ပြော သည်။။