နိုင်ငံတော်သမ္မတသစ် ဦးဝင်းမြင့်အား ပြည်တွင်း၊ ပြည်ပမှ ဂုဏ်ပြုကြိုဆို

နှစ်နိုင်ငံအကျိုး အတူတကွ ကြိုးပမ်းလိုကြောင်း တရုတ်သမ္မတပြောကြား မြန်မာကို အားပေးထောက်ခံရန် သန္နိဋ္ဌာန်ချထားဟု အမေရိကန်ဆို
မြန်မာနိုင်ငံ၏ (၁၀)ဦးမြောက် သမ္မတဖြစ်လာသည့် ဦးဝင်းမြင့် (ဓာတ်ပုံ − စိုင်းဇော်)

မြန်မာနိုင်ငံ၏ (၁၀)ဦး မြောက်သမ္မတအဖြစ်ရွေးချယ်ခံရသည့် နိုင်ငံတော်သမ္မတ ဦးဝင်းမြင့်အား ဂုဏ်ယူဝမ်းမြောက်ကြောင်း တရုတ်နှင့်အမေရိကန်နိုင်ငံများအပါအဝင် နိုင်ငံတကာကရော ပြည်တွင်းကပါ ဂုဏ်ပြုခဲ့သည်။

ယခင် ပြည်သူ့လွှတ်တော်ဥက္ကဋ္ဌအဖြစ် တာဝန်ယူခဲ့သူ ဦးဝင်းမြင့်အား မတ်လ ၂၈ ရက်တွင် ပြည်ထောင်စု လွှတ်တော်က သမ္မတအဖြစ် ရွေးချယ်တင်မြှောက်ခဲ့ပြီး ယင်းအပေါ် လှိုက်လှဲစွာ ဝမ်းမြောက်ကြောင်း တရုတ် သမ္မတစီကျင်းပင်က ဝမ်းမြောက်ဂုဏ်ပြုလွှာပေးပို့သည်။

‘အဆွေတော်၏ ဦးဆောင်မှုအောက်တွင် မြန်မာအစိုးရနှင့် ပြည်သူ၊ ပြည်သားများသည် တည်ငြိမ်အေးချမ်းမှု ထိန်းသိမ်းကာကွယ်ရေး၊ စီးပွားရေးဖွံ့ဖြိုးတိုးတက်ရေး၊ ပြည်တွင်းငြိမ်းချမ်းရေးဖြစ်စဉ် ဆက်လက်တွန်းအားပေးရေး၊ နိုင်ငံတကာနှင့် ပူးပေါင်းဆောင်ရွက်မှုတိုးချဲ့ရေး အစရှိသည့် နယ်ပယ်များ၌ အောင်မြင်မှုအသစ်များရရှိနိုင်မည်ဟု ကျွန်ုပ်ယုံကြည်ပါသည်’ ဟု တရုတ်သမ္မတ၏ ဝမ်းမြောက်ဂုဏ်ပြုလွှာတွင် ဖော်ပြသည်။

တရုတ်-မြန်မာ ဆက်ဆံရေးဖွံ့ဖြိုးတိုးတက်ရန် အထူးအလေး ထားပြီး ချစ်ကြည်ရေး ပိုမိုခိုင်မာ စေရန်၊ အပြန်အလှန် အကျိုးဖြစ် ထွန်းစေသော ပူးပေါင်းဆောင် ရွက်မှုကို နက်ရှိုင်းစေရန်နှင့် နှစ် နိုင်ငံပြည်သူလူထုအတွက် အကျိုးစီးပွား ပိုမိုဆောင်ကြဉ်းလာရန် အဆွေတော်နှင့် အတူတကွ ကြိုး ပမ်း ဆောင်ရွက်လိုပါသည်ဟု လည်း တရုတ်သမ္မတ၏ ဂုဏ်ပြု လွှာတွင် ပါရှိသည်။

မြန်မာနိုင်ငံဆိုင်ရာ အမေရိကန်သံအမတ် စကော့မာစီ ရယ်ကလည်း သမ္မတအဖြစ် ရွေးချယ် တင်မြှောက်ခြင်းခံရသည့် ဦးဝင်းမြင့်ကို ဂုဏ်ပြုကြောင်း ထုတ်ပြန်သည်။

‘‘နိုင်ငံ၏ ရည်မှန်းချက်များ ဖြစ်သည့် ငြိမ်းချမ်းသာယာ၍ ဒီမို ကရေစီနည်းကျသော ဖက်ဒရယ် ပြည်ထောင်စုကြီး တည်ဆောက် ရေးနှင့် ခိုင်မာ၍ ဖွံ့ဖြိုးတိုးတက် ပြီး အားလုံးပါဝင်နိုင်သည့် စီးပွား ရေးကို အကောင်အထည်ဖော်နေ သည့် မြန်မာနိုင်ငံကို လက်တွဲ ဖက်အနေနှင့်ရော မိတ်ဆွေအနေနှင့်ပါ အားပေးထောက်ခံရန် အမေရိကန်ပြည်ထောင်စုက သန္နိဋ္ဌာန်ချထားပါသည်’’ဟု အမေရိကန်သံအမတ်က ဆိုိသည်။

၈၈ မျိုးဆက် (ငြိမ်းချမ်းရေး နှင့် ပွင့်လင်းလူ့အဖွဲ့အစည်း) က လည်း ပြည်သူ့ကိုယ်စားလှယ်များ က နိုင်ငံတော်သမ္မတသစ်အဖြစ် အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင် အတွင်း ရေးမှူးအဖွဲ့ဝင်၊ ပြည်သူ့လွှတ် တော်ဥက္ကဋ္ဌ (ငြိမ်း) ဦးဝင်းမြင့်ကို ရွေးချယ်တင်မြှောက်နိုင်ခဲ့ခြင်းအ ပေါ် လွန်စွာဝမ်းမြောက်ဂုဏ်ယူ ကြောင်း အဖွဲ့အစည်း၏ ခေါင်း ဆောင် ဦးမင်းကိုနိုင် လက်မှတ် ထိုး၍ သဝဏ်လွှာပေးပို့သည်။

ပထမအကြိမ် လွှတ်တော် တွင် ပြည်သူ့လွှတ်တော်ဥက္ကဋ္ဌ အဖြစ် တာဝန်ယူခဲ့သူ သူရဦးရွှေ မန်းကလည်း သမ္မတဦးဝင်းမြင့် အား ဂုဏ်ပြုကြောင်း ဖော်ပြပြီး ဦးဝင်းမြင့် အနေဖြင့် သမ္မတ တာဝန်ထမ်းဆောင်ရာ၌ နိုင်ငံ ရေးသမား၊ ပြည်သူ့ကိုယ်စား လှယ်၊ လွှတ်တော်ဥက္ကဋ္ဌနှင့် အ ခြားအတွေ့အကြုံကောင်းများ ရရှိထားသူတစ်ဦးဖြစ်၍ တာဝန်ကို ကျေပွန်စွာ ထမ်းဆောင်နိုင်မည် ဟု ယုံကြည်ကြောင်း ဆိုသည်။

ဦးဝင်းမြင့်သည် ပထမအ ကြိမ် လွှတ်တော်သက်တမ်းတွင် ပြည်သူ့လွှတ်တော် ကိုယ်စား လှယ်၊ တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မတီ အတွင်းရေးမှူးအဖြစ်လည်း ကောင်း၊ ယခု ဒုတိယအကြိမ် လွှတ်တော်သက်တမ်းတွင် ပြည် သူ့လွှတ်တော်ဥက္ကဋ္ဌအဖြစ်လည်း ကောင်း တာဝန်ယူခဲ့သည်။

 နိုင်ငံတော်သမ္မတသစ် ဦးဝင်းမြင့်ကို ပြည်သူများက ထောက်ခံကြိုဆိုပွဲများ ပြုလုပ်ခဲ့ ရာ ရန်ကုန်၊ မုံရွာနှင့် ပုသိမ်မြို့ ရှိ ပြည်သူများက ဂုဏ်ပြုကြိုဆိုခဲ့သည်။

ရန်ကုန်တိုင်း တာမွေမြို့နယ် နှင့် ဗိုလ်တထောင်မြို့နယ်ရှိ ပြည် သူများက ဦးဝင်းမြင့်၏ ရုပ်ပုံဖြင့် ‘‘နိုင်ငံတော်သမ္မတကြီး ဦးဝင်းမြင့် အား လှိုက်လှဲစွာကြိုဆိုပါသည်’ ဟု ရေးသားထားသော ဗီနိုင်းကို ချိတ်ဆွဲ၍ ကြိုဆိုခဲ့သည်။

ဧရာဝတီတိုင်း ပုသိမ်မြို့ ဒေသခံများကလည်း နိုင်ငံတော် သမ္မတသစ် ဦးဝင်းမြင့်ကို ထောက်ခံကြိုဆိုပွဲပြုလုပ်ခဲ့ပြီး စတုဒိသာ ကျွေးမွေးခဲ့သည်။ သမ္မတ ဦးဝင်း မြင့်သည် ဧရာဝတီတိုင်း ဓနုဖြူ မြို့၌ မွေးဖွားခဲ့သူဖြစ်ပြီး ပုသိမ် မြို့ အထက (၆)မှ အထက်တန်း အောင်မြင်ခဲ့သူဖြစ်သည်။ ထိုသို့ ကြိုဆိုထောက်ခံသော ဓာတ်ပုံ များ လူမှုကွန်ရက်စာမျက်နှာ များပေါ် ပျံ့နှံ့လာသည့်အပြင် ဖေ့စ်ဘွတ်ခ် သုံးစွဲသူ အချို့က လည်း ၎င်းတို့၏ ပရိုဖိုင်ပုံကို သမ္မတဦးဝင်းမြင့်၏ ရုပ်ပုံဖြင့် အ စားထိုးဖော်ပြပြီး ကြိုဆိုခဲ့သည်။

နိုင်ငံတော်သမ္မတ ဦးဝင်းမြင့်ကို ကြိုဆိုကြောင်း တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) လက် မှတ်ထိုးအဖွဲ့နှင့် မထိုးရသေး သည့်အဖွဲ့များကပါ ကြေညာချက် ထုတ်ပြန်သည်။

နိုင်ငံတော်သမ္မတသစ်အနေ ဖြင့် ငြိမ်းချမ်းရေးအကျပ်အတည်း အပါအဝင် လက်ရှိကြုံတွေ့နေရ သည့် အထွေထွေအကျပ်အတည်း များကို ကျော်လွှားနိုင်ရေး ပြည်သူ နှင့်အတူ ဆောင်ရွက်နိုင်မည်ဟု ယုံကြည်ကြောင်း NCA လက်မှတ် ထိုး ပအိုဝ်းအမျိုးသားလွတ် မြောက်ရေးအဖွဲ့ချုပ် (PNLO) ကထုတ်ပြန်သည်။

သမ္မတသစ်အဖြစ် ရွေး ချယ်ခံရသော ဦးဝင်းမြင့်အား ကြို ဆိုကြောင်း မြောက်ပိုင်းလက်နက် ကိုင်ခုနစ်ဖွဲ့က ကြေညာချက် ထုတ်ပြန်ပြီး သမ္မတသစ်၏ ဦးဆောင်မှုအောက်တွင် မြန်မာ့ ငြိမ်းချမ်းရေးကို ဆောလျင်စွာ အ ကောင်အထည်ဖော်နိုင်ရန် မျှော် လင့်ကြောင်း ဖော်ပြသည်။

မြောက်ပိုင်းလက်နက်ကိုင် ခုနစ်ဖွဲ့တွင် ‘ဝ’အဖွဲ့ (UWSA)၊ ကချင်အဖွဲ့ (KIO/KIA)၊ မိုင်း လားအဖွဲ့ (NDAA)၊ ရှမ်းအဖွဲ့ (SSPP)၊ တအာင်းအဖွဲ့ (TNLA)၊ကိုးကန့်အဖွဲ့ (MNDAA)၊ ရခိုင် အဖွဲ့ (AA) NCA လက်မှတ်မထိုးရသေးသည့် တိုင်းရင်းသားလက်နက်ကိုင်ခုနစ်ဖွဲ့ ပါဝင်ဖွဲ့စည်းထားသည်။