ပုဂံယဉ်ကျေးမှု နယ်မြေရှိ ဘုရား သုံးဆူ ဘုရားပြုပြင် ထိန်းသိမ်းရန် ကိုရီးယားနိုင်ငံ ကမ်းလှမ်း

 ပုဂံယဉ်ကျေးမှုနယ်မြေမင်းနန်သူကျေးရွာအနီးရှိ ဘုရားသုံးဆူဘုရားပြုပြင်ထိန်းသိမ်းရန် ကိုရီးယားနိုင်ငံက မတ်လတတိယ ပတ်က လာရောက်ကမ်းလှမ်းခဲ့ ၍ မကြာမီ MoU ရေးထိုးကာ ဆောင်ရွက်နိုင်ရန် စီစဉ်နေ ကြောင်း ရှေးဟောင်းသုတေသန နှင့် အမျိုးသားပြတိုက်ဦးစီးဌာန (ပုဂံ)ညွှန်ကြားရေးမှူး ဦးအောင် အောင်ကျော်က ပြောသည်။

‘‘ပြုပြင်မှာကတော့ အလုံးစုံ ပါတာပေါ့။ ဘယ်လိုပြုပြင်မလဲဆို တာကတော့ MoU လက်မှတ်ရေး ထိုးပြီးရင် သုတေသနလုပ်ငန်း တွေ၊ ဓာတ်ခွဲစမ်းသပ်တာတွေ အရင်ဆုံးလုပ်ရမှာပေါ့။ ပြီးမှ ဘယ်လိုနည်းပညာနဲ့ ဘယ်လိုပြု ပြင်ထိန်းသိမ်းရမယ်ဆိုတာ ဆက် ပြီး ဆောင်ရွက်သွားရမှာ ဖြစ်ပါ တယ်’’ဟု ဦးအောင်အောင်ကျော် က ပြောသည်။

ကိုရီးယားနိုင်ငံသည် ပုဂံဒေသရှိ စေတီပုထိုးများကို ပြုပြင်ထိန်းသိမ်းပေးရန် ပထမဆုံးလာရောက်ကမ်းလှမ်းခြင်းဖြစ်ပြီး ဘုရားသုံးဆူဘုရားပြုပြင် ထိန်းသိမ်းရန်လိုအပ်မည့် ကုန်ကျစရိတ်များ တွက်ချက်ကာ မကြာမီ သာသနာရေးနှင့် ယဉ်ကျေးမှုဝန် ကြီးဌာနနှင့် MoU သဘောတူညီမှု လက်မှတ်ရေးထိုးပြီး လုပ်ငန်းများ စတင်နိုင်ရန် စီစဉ်နေကြောင်း ၎င်းကပြောသည်။

‘‘MoU ကို အမြန်ဆုံးလက် မှတ်ရေးထိုးနိုင်ဖို့အတွက်ကို လည်း သူတို့ဘက်က ပြင်ဆင်နေ ပါတယ်။ သူတို့ရဲ့ ဘတ်ဂျက်ရရှိ မှုနဲ့ စပြီးဆောင်ရွက်မယ့်အချိန် အပေါ် မူတည်ပြီး MoU ထိုးပြီး ဆောင်ရွက်နိုင်မှာ ဖြစ်ပါတယ်’’ ဟု ၎င်းကပြောသည်။

လက်ရှိတွင် ပုဂံဒေသရှိ  စေတီပုထိုးများ ပြုပြင်ထိန်းသိမ်းရန် ကိုရီးယားနိုင်ငံအပြင်၊ ဂျာမနီ၊ ဂျပန်၊ အမေရိကန်၊ အိန္ဒိယနှင့်တရုတ်နိုင်ငံတို့ကလည်း ကမ်းလှမ်းထားသဖြင့် လိုအပ်သည့် ညှိနှိုင်းမှုများ ဆောင်ရွက်နေကြောင်း ၎င်းက ပြောသည်။

More in News Section