အခြေခံပညာသင်ရိ်ုးညွှန်းတမ်းများ ငါးနှစ်အတွင်း အပြီးပြောင်းလဲမည်

စာသင်ယူနေသော အခြေခံပညာမူလတန်း ကျောင်းသူ၊ ကျောင်းသားလေးများ (ဓာတ်ပုံ - စိုင်းဇော်)

အခြေခံပညာအတန်း များ၏ သင်ရိုးညွှန်းတမ်းများကို ငါးနှစ်အတွင်း အပြီးပြောင်းလဲ မည်ဟု ပညာရေးဝန်ကြီးဌာနပြော ရေးဆိုခွင့်ရှိသူ ဒေါက်တာခိုင်မြဲက ပြောကြားသည်။


အခြေခံပညာရေးကို သူ ငယ်တန်းအပါအ၀င် မူလတန်း ငါးနှစ်၊ အလယ်တန်း လေးနှစ်၊ အထက်တန်း သုံးနှစ်စနစ်အဖြစ် စတင်ပြောင်းလဲနေသည်။ အခြေ ခံပညာတွင် ယခင်ကသူငယ်တန်း မှ ဒသမတန်းအထိ ၁၁တန်းတက် ရောက်ခဲ့ရသော်လည်း ပညာရေး စနစ်သစ်အရ သူငယ်တန်းမှ ဒွါ ဒသမတန်း အထိ ၁၃တန်းတက် ရောက်ရမည်ဖြစ်သည်။

စနစ်သစ်တွင် အတန်းအား  လုံးကို ၂၁ ရာစု ကျွမ်းကျင်မှုကို အခြေခံသည့် သင်ရိုးညွှန်းတမ်း အသစ်များဖြင့် ပြောင်းလဲသင် ကြားမည်ဖြစ်ပြီး သတ်မှတ်ပညာ  သင်နှစ်အလိုက် သင်ရိုးပြောင်းလဲ မှုစတင်မည်ဟု ၎င်းကဆိုသည်။

‘‘သင်ရိုးသစ်က KG(သူငယ် တန်း) နဲ့ Grade-1(ပထမတန်း) ပြောင်းပြီးပြီ။ ဒီနှစ် Grade-2 ထွက်မှာ။ ပုံနှိပ်တွေလည်း ရိုက် နေပြီ။ ၂၀၂၂-၂၃ မှာအတန်း အားလုံး အပြီးပြောင်းမှာပါ။ နောက် ငါးနှစ်အတွင်း အပြီးပြောင်းဖို့သေချာပါပြီ’’ ဟု ကျောင်းပြင်ပနှင့် တစ်သက်တာပညာရေးဦးစီးဌာန ညွှန်ကြားရေးမှူးချုပ် ဒေါက်တာခိုင်မြဲကပြောသည်။

၂၀၁၆-၁၇ ပညာသင်နှစ် တွင် သူငယ်တန်း၊ ၂၀၁၇-၁၈ ပညာသင်နှစ်တွင် ပထမတန်းကို  သင်ရိုးညွှန်းတမ်းအသစ်များဖြင့်  စတင်သင်ကြားခဲ့သည်။

၂၀၁၈-၁၉ ပညာသင်နှစ် တွင် ဒုတိယတန်း၊ ၂၀၁၉-၂၀ ပညာသင်နှစ်တွင်  တတိယတန်း နှင့် ဆဋ္ဌမတန်း၊ ၂၀၂၀-၂၁  ပညာသင်နှစ်တွင် စတုတ္ထတန်း၊ သတ္တမတန်းနှင့် ဒသမတန်း၊  ၂၀၂၁-၂၂ ပညာသင်နှစ်တွင် ပဉ္စမတန်း၊ အဋ္ဌမတန်းနှင့် ဧကာ ဒသမတန်း (၁၁တန်း)၊ ၂၀၂၂-၂၃ ပညာသင်နှစ်တွင် န၀မတန်း နှင့် ဒွါဒသမတန်း (၁၂ တန်း) တို့ကိုစနစ်သစ်  သင်ရိုးညွှန်းတမ်း များဖြင့်ပြောင်း လဲသင်ကြားမည် ဟု ပညာရေးဝန်ကြီးဌာနက သတ်မှတ်ထားသည်။

‘‘သူငယ်တန်းနဲ့ တစ်တန်း ကတော့ စနေပြီပေါ့။ အမျိုးသား  ပညာရေးမဟာဗျူဟာ စီမံကိန်း မှာတော့ဘယ်နှစ် ဘယ်အတန်း တွေကို သင်ရိုးပြောင်းမယ်ဆိုတာ  အစီအစဉ်လေးခုလောက် လျာ ထားတာတွေ့တယ်။ ခုကတော့  ငါးနှစ်အတွင်းသေချာပြီလို့ကြား တာပဲ။ သင်ရိုးကို ဖတ်ကြည့်ရင် တော့ အတော်ကောင်းတဲ့ သင် ရိုးလို့ဆိုရမှာပဲ။ ဒါပေမဲ့ ဒီသင်ရိုးအကောင်အထည်ဖော်ဖို့က ကျောင်းသား၊ မိဘ၊ ဆရာ သုံးနားညီမှ ဖြစ်မှာ။ သုံးနာမညီသရွေ့တော့ အားနည်းချက်တွေ ပေါ်နေမှာပဲ’’ ဟု မကွေးတိုင်းဒေသကြီးမှ ကိုယ်ပိုင်ကျောင်းဆရာတစ်ဦးက ပြောသည်။

အခြေခံပညာ မူလတန်းသင် ရိုးညွှန်းတမ်းအသစ်များ ရေးဆွဲ နိုင်ရန် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင် စီ (JICA)၊ အလယ်တန်းနှင့် အ ထက်တန်း သင်ရိုးညွှန်တမ်းအ သစ်များကို အာရှဖွံ့ဖြိုးရေးဘဏ်  (ADB)တို့က ပညာရေးဝန်ကြီးဌာ နသို့ နည်းပညာနှင့် ဘဏ္ဍာရေး ဆိုင်ရာပံ့ပိုးပေးထားသည်။

အခြေခံပညာသင်ရိုးညွှန်း တမ်းအသစ်များကို ၂၁ ရာစုကျွမ်း  ကျင်မှုများ၊ ပေါင်းသင်းဆက်ဆံ ရေး၊ ဉာဏ်ရည်ဉာဏ်သွေး၊ တစ် ကိုယ်ရေဖွံ့ဖြိုးမှု၊ အလုပ်အကိုင် ရရှိမှုဆိုင်ရာ ကျွမ်းကျင်မှုများနှင့် အဆင့်မြင့် စဉ်းစားတွေးခေါ်မှု ဆိုင်ရာ ကျွမ်းကျင်မှုများ ဖွံ့ဖြိုး လာစေရန်သင်ကြားမှုနယ်ပယ် များ ထည့်သွင်းရေးဆွဲမည်ဟု သင်ရိုးညွှန်းတမ်းမူဘောင်တွင် ဖော်ပြထားသည်။