တနင်္သာရီသစ်တောများ ဖြတ်သန်းပြီး အဝေးပြေးလမ်းမ တည်ဆောက်မည့် အစီအစဉ်ကို စိုးရိမ်ကြောင်း WWF-မြန်မာ ထုတ်ပြန်

ထားဝယ်အထူးစီးပွား ရေးဇုန်နှင့် ဆက်စပ်သော အဝေး ပြေးလမ်းကို တနင်္သာရီသစ်တော များကို ဖြတ်သန်းဖောက်လုပ် ရန် စီစဉ်နေမှုကို စိုးရိမ်ကြောင်း WWF-မြန်မာက ဧပြီ ၂ ရက်တွင် သတင်းထုတ်ပြန်သည်။

အဆိုပါ လမ်းဖောက်ရန် ထိုင်းနိုင်ငံ ဘဏ္ဍာရေးဝန်ကြီးဌာန အောက်ရှိ အိမ်နီးချင်းနိုင်ငံများ စီးပွားရေးဖွံ့ဖြိုးမှုဆိုင်ရာ ပူးပေါင်းဆောင်ရွက်ရေး အေဂျင်စီ (NEDA)ထံမှ ချေးငွေ ဒေါ်လာ ၁၄၄ သန်းရယူရန် ပြည်ထောင်စု လွှတ်တော်အနေဖြင့် လွန်ခဲ့သော သီတင်းပတ်က လက်ခံအတည် ပြုခြင်းအပေါ် စိုးရိမ်မကင်းဖြစ်မိကြောင်း၊ ကျားနှင့် ဆင်များ အပါအဝင် မျိုးသုဉ်းလုနီး သားငှက် တိရစ္ဆာန်အများအပြား ကျက်စား နေထိုင်ရာနှင့် သဘာဝတောတောင်များကို အသက်မွေးဝမ်း ကျောင်းမှုနှင့် အရင်းအနှီးများအ တွက် အားထားမှီခိုနေရသည့် ဒေသခံများနေထိုင်ရာ နယ်မြေ များအပေါ် လူမှုရေးနှင့် သဘာဝပတ်ဝန်းကျင်ဆိုင်ရာ ထိခိုက်သက်ရောက်မှုများ ရှိလာနိုင်မည်ကို စိုးရိမ်ကြောင်း ထုတ်ပြန်ထား သည်။


အဆိုပါလမ်းကို စနစ်တကျ စီစဉ်ဖောက်လုပ်ခြင်း မရှိပါက တစ်ကမ္ဘာလုံးအတိုင်းအတာဖြင့် အရေးပါသော ဇီဝမျိုးစုံမျိုးကွဲများ နှင့် ဂေဟစနစ်ချိတ်ဆက်မှုများ ဆုံးရှုံးနိုင်ကြောင်း WWF-မြန်မာ၏ အစိမ်းရောင်စီးပွားရေး အစီအစဉ်မန်နေဂျာ မစ္စဟန်နာဟယ် ဆင်ဂန်က ပြောသည်။

‘‘လမ်းဖောက်တာနဲ့ ပတ် သက်ပြီး လမ်းမကြီးတစ်လျှောက် က ရွာတော်တော်များများက မသိကြတာတွေရှိတယ်။ အဲဒါအပြင် ထားဝယ် အထူးစီးပွားရေးဇုန်ရဲ့ အဆိုပြုနယ်မြေမှာ မကြာသေးခင်ကပြုလုပ်တဲ့ တိုင်ပင်အသိပေး မှု အခမ်းအနားမှာလည်း အကျိုး သက်ရောက်မှု ခံစားရတဲ့ လူထုအများအပြား ဖိတ်ကြားမခံရလို့ မတက်နိုင်ခဲ့ကြဘူး’’ဟု မစ္စဟယ် ဆင်ဂန်ကဆိုသည်။

အထူးစီးပွားရေးဇုန်နှင့် ချိတ် ဆက်လမ်းမကြီးအပါအဝင် ထား ဝယ်စီမံကိန်းသည် ဒေသတွင်းရှိ သဘာဝပတ်ဝန်းကျင်နှင့် လူထု အပေါ် သက်ရောက်မှု လုံးဝမရှိ ရေး ရှောင်လွှဲရန် မဖြစ်နိုင်သော် လည်း အထူးဂရုပြု၍ ထိခိုက်မှု လျှော့ချရေးနည်းလမ်းများ အသုံးပြုခြင်းဖြင့် သက်ရောက်မှုအနည်းဆုံးဖြစ်ရန် ဆောင်ရွက်မည်ဟု ယုံ ကြည်ကြောင်း ဖော်ပြထားသည်။

Top News