ဆက်သွယ်ရေးတာဝါတည်ဆောက်ခြင်း ကန့်ကွက်မှုအချို့ ရှိနေ၍ အစိုးရအကူအညီလိုဟုဆို

 ဆက်သွယ်ရေးတာဝါ တိုင် တည်ဆောက်မှု ပြည်သူအ ချို့က ကန့်ကွက်မှုများရှိနေ၍ မိုဘိုင်းကွန်ရက် ကောင်းမွန်ရန်အစိုးရအကူအညီများစွာ လိုအပ်ကြောင်း တယ်လီနော ကွန်ရက်တာဝန်ခံ ဦးမြတ်သူရကပြောသည်။

 ဆက်သွယ်ရေးတာဝါတိုင် တည်ဆောက်မှု နယ်ဒေသများ တွင်သာ ကန့်ကွက်ခြင်းမဟုတ်ဘဲ ရန်ကုန်မြို့၌လည်း ကန့်ကွက်မှု များနှင့် ရင်ဆိုင်နေရကြောင်း ၎င်း ကပြောသည်။ ‘‘အဓိကရန်ကင်း ဧရိယာဆိုရင် တာဝါဆောက်ခွင့် မရတာမဟုတ်ဘူး။ ရတယ်။ ကန့် ကွက်မှုတွေရှိတော့ ရပ်လိုက်ရ တယ်’’ဟု ဦးမြတ်သူရက ပြော သည်။


တာဝါတည်ဆောက်မှု ကန့် ကွက်သူများသည် အိမ်နီးချင်းများဖြစ်ပြီး ၂၀၁၇ အတွင်း ရန်ကုန်မြို့၌ တာဝါတည်ဆောက်မှုကို ကန့် ကွက်သည့်အရေအတွက် ၃၀ ခန့်ရှိကြောင်း ၎င်းကပြောသည်။

ဆက်သွယ်ရေးတာဝါတည် ဆောက်မှုကို တိုင်းဒေသကြီးနှင့် ပြည်နယ်များအနက် ကယားပြည် နယ်က အများဆုံးကန့်ကွက်ပြီး ၂၀၁၇ အတွင်း ဒေသတွင်း တာဝါများ၏ ၂၀ ရာခိုင်နှုန်းရပ်တန့်ခဲ့ရကြောင်း တယ်လီနောက ထုတ်ပြန်သည်။

 ‘‘ကယားပြည်နယ်မှာက အဓိကကျတဲ့ ဆိုက်တချို့ပါ ရပ်ခဲ့ ရတာပါ’’ဟု တယ်လီနော ပြန် ကြားရေးတာဝန်ခံ ကိုအဲလက်စ်က ပြောသည်။  တာဝါတည် ဆောက်ရေးလုပ်ငန်းတွင် အချို့ဒေသများ၌ စတင်တည်ဆောက် စဉ် အဆင်ပြေချောမွေ့သော် လည်း တည်ဆောက်ပြီးစီးသည့် အခါ ပတ်ဝန်းကျင်အန္တရာယ်ရှိသည်ဆိုကာ ကန့်ကွက်မှုများရှိ ကြောင်း တာဝါတည်ဆောက်ရေး လုပ်ကိုင်သူ ဦးဉာဏ်ဝင်းဖြိုးက ပြောသည်။

ဆက်သွယ်ရေးတာဝါတည် ဆောက်ရာတွင် မတည်ဆောက် မီ ပတ်ဝန်းကျင်၏သဘောတူ လက်ခံမှုဦးစွာယူရမည်ဟု စည်းကမ်းချက်ပါရှိကြောင်း၊ ၀န်ကြီးဌာနပိုင်မြေများ၌ တာဝါတည် ဆောက်လိုပါက ညှိနှိုင်းဆောင် ရွက်မှုကို ကြားခံအနေဖြင့် ဆောင်ရွက်ပေးကြောင်း ဆက်သွယ်ရေး ညွှန်ကြားမှုဦးစီးဌာန ပြောရေးဆို ခွင့်ရှိသူ ဦးမျိုးဆွေက ပြောသည်။

ဆက်သွယ်ရေးတာဝါတည် ဆောက်မှုကို ကျန်းမာရေးအ ကြောင်းပြချက်ဖြင့်လည်းကောင်း၊  မီးစက်ဆူညံမှုအကြောင်း ပြချက်ဖြင့်လည်းကောင်း၊ မြေငှားရမ်းမှု စီးပွားရေးကို ဒေသနေထိုင်သူအချင်းချင်း မကျေနပ်မှုကြောင့် လည်းကောင်း ကန့်ကွက်ခြင်းဖြစ်သည်။

ဆက်သွယ်ရေးတာဝါတိုင် များမှ ထုတ်လွှတ်သည့် သတ်မှတ် လှိုင်းနှုန်းစဉ်သည် ကျန်းမာရေးကို ထိခိုက်နိုင်ခြင်းမရှိကြောင်း ကမ္ဘာ့ ကျန်းမာရေးအဖွဲ့ ကြေညာချက် ကိုကိုးကား၍ ပို့ဆောင်ရေးနှင့် ဆက်သွယ်ရေးဝန်ကြီးဌာနက ၂၀၁၇ တွင် ထုတ်ပြန်ခဲ့သည်။ အော်ပရေတာများအနက် ဆက်သွယ်ရေးတာဝါတိုင်တည်ဆောက်မှု ကို ကန့်ကွက်မှုများနှင့် ရင်ဆိုင် နေရသည်ဟု တယ်လီနောကသာ ထုတ်ပြန်ပြောကြားသည်။