လာမည့်ခရီးသွားရာသီတွင် အမေရိကန်နှင့် ဥရောပ ခရီးသွားအ၀င် ထပ်မံကျဆင်းဖွယ်ရှိဟုဆို

လာမည့် ၂၀၁၈-၁၉ ခရီးသွား ရာသီ၌ အမေရိကန်နှင့် ဥရောပနိုင်ငံများမှ ခရီးသွားဝင်ရောက်မှု ၂၅ ရာခိုင်နှုန်းအထိ ထပ်မံကျဆင်းနိုင်ကြောင်း ဟိုတယ်နှင့် ခရီးသွားလာရေးဝန်ကြီးဌာန ပြည်ထောင်စုဝန်ကြီး၏ အကြံပေးပုဂ္ဂိုလ်
ဦးခင်ဇော်က ပြောသည်။


ပြည်ပခရီးသွားဝင်ရောက် သည့် ရာသီကို အောက်တိုဘာမှ မတ်လအထိ သတ်မှတ်ထားပြီး ၂၀၁၇-၁၈ ခရီးသွားရာသီတွင် အမေရိကန်နှင့် ဥရောပနိုင်ငံများမှ ခရီးသွားဝင်ရောက်မှု ၁၅ ရာခိုင် နှုန်းအထိ ကျဆင်းခဲ့ကြောင်း ၎င်းကပြောသည်။ 

၂၀၁၆-၁၇ ခရီးသွားရာသီ တွင် အမေရိကန်နှင့် ဥရောပနိုင်ငံ များမှ ခရီးသွားဝင်ရောက်မှု ၁ ဒသမ ၃ သန်းခန့်ရှိသော်လည်း နှစ်စဉ်အလိုက် ခရီးသွားဝင်ရောက် မှုသည် ရခိုင်ပြည်နယ်အရေး ကြောင့် အထက်ပါအတိုင်း ဆက်
လက်လျော့ကျနိုင်ကြောင်း ဦးခင်ဇော်က ပြောသည်။

မြန်မာနိုင်ငံသို့ အာရှနိုင်ငံ များမှ ခရီးသွားဝင်ရောက်မှု ၆၀ ရာခိုင်နှုန်းရှိပြီး ဥရောပနိုင်ငံများ မှ ၄၀ ရာခိုင်နှုန်းရှိကြောင်း၊ အနာ ဂတ်ခရီးသွားလုပ်ငန်းတွင် အာရှ နိုင်ငံများအပေါ် ဈေးကွက်ချဲ့ထွင် ထားသင့်ကြောင်း Nature Dream
ခရီးသွားလုပ်ငန်းမှ ဒေါ်စံ ပယ်အောင်က အကြံပြုသည်။

၂၀၁၇  သြဂုတ်အတွင်း ဖြစ်ပွားသည့် ရခိုင်ပြည်နယ်ပဋိပက္ခ ဖြစ်စဉ်ကြောင့် အမေရိကန်နှင့် ဥရောပနိုင်ငံများမှ ခရီးသွားဝင်ရောက် မှု ကျဆင်းပြီး အချို့ခရီးစဉ်များ ဖျက်သိမ်းခဲ့သဖြင့် ပြည်ပခရီးသွားလုပ်ငန်းကို မှီခိုနေသည့်
စီးပွားရေးလုပ်ငန်းများကျဆင်းခဲ့ကြောင်း ၎င်းကပြောသည်။

ရခိုင်ပြည်နယ်ဖြစ်စဉ်သည် ပြည်ပခရီးသွားလာမှုအတွက် ခွင့်ပြုထားသည့် နေရာဒေသနှင့် သက်ဆိုင်မှုမရှိကြောင်း၊  အမေရိကန်နှင့် ဥရောပနိုင်ငံများမှ ခရီးသွားများ သည် သတင်းအမှားများကိုသာ ရရှိခဲ့ကြောင်း ဟိုတယ်နှင့် ခရီးသွားလာရေးဝန်ကြီးဌာနက ကြေညာသည်။အမေရိကန်နှင့် ဥရောပနိုင်ငံ များမှ ၀င်ရောက်လာမည့် ခရီးသွား ဈေးကွက်သည် အနည်းဆုံး ၂နှစ်ခန့် ဆက်လက်ကျဆင်း မည်ဖြစ်သော်လည်း နောက်ပိုင်းတွင် တဖြည်းဖြည်းပြန်
လည်ကောင်းမွန်လာမည်ဟု ဦးခင်ဇော်က ခန့်မှန်း သည်။

မြန်မာနိုင်ငံအနေဖြင့် ဈေး ကွက်အလားအလာရှိသည့် စပိန်၊ ပေါ်တူဂီ၊ ရုရှား၊ ကနေဒါ၊ လက် တင်အမေရိကနှင့် စကင်ဒီနေးဗီး ယန်းနိုင်ငံများတွင် ဈေးကွက်ကြို တင်ချဲ့ထွင်ထားသင့်ကြောင်း ၎င်းက အကြံပြုသည်။