မြောက်ဦးဒေသ ယူနက်စကို တင်သွင်းနိုင်ရေး တရုတ်နှင့် အီတလီ ထောက်ပံ့မှုဖြင့် သုတေသနပြုလုပ်မည်

မြောက်ဦးဒေသကို ကမ္ဘာ့ယဉ် ကျေးမှုအမွေအနှစ်စာရင်းဝင်ဒေ သတစ်ခုအဖြစ် ယူနက်စကိုသို့ တင်သွင်းနိုင်ရန် တရုတ်နှင့် အီတလီ နိုင်ငံတို့၏ အထောက်အပံ့ဖြင့်နိုင်ငံတကာပညာရှင်များနှင့် ပူးပေါင်းပြီး သုတေသနလုပ်ငန်းများ
ဆောင်ရွက်မည်ဟု ရှေးဟောင်း သုတေသနနှင့် အမျိုးသားပြတိုက်ဦးစီးဌာန(မြောက်ဦး) ညွှန်ကြားရေးမှူးဒေါက်တာသန်းထိုက်က ပြောကြားသည်။ 


‘‘အီတလီရော တရုတ်ပြည် သူ့သမ္မတနိုင်ငံနဲ့ပါ MoU လက် မှတ်ရေးထိုးပြီးတော့ ကမ္ဘာ့ယဉ် ကျေးမှုအမွေအနှစ်တင်သွင်းရေး ပူးပေါင်းဆောင်ရွက်နေတာတွေ ရှိပါတယ်။ အခု အဲဒီနိုင်ငံနှစ်ခုရဲ့ အဓိကထောက်ပံ့မှုတွေနဲ့ သုတေ သနလုပ်ငန်းတွေကို ဆောင်ရွက် မှာဖြစ်ပါတယ်’’ ဟု ဒေါက်တာ သန်းထိုက်က ပြောသည်။ 

 သုတေသန လုပ်ငန်းများ ဆောင်ရွက်ရာတွင် မြောက်ဦးဒေ သရှိ ဘုရားစေတီပုထိုးများ၏ တည်နေရာ၊ အရေအတွက်တို့ကို စစ်တမ်းကောက်ယူခြင်း၊ မြေပုံများထုတ်လုပ်ခြင်း၊ ထိန်းသိမ်း ရေးလုပ်ငန်းများဆောင်ရွက်ခြင်း၊ လိုအပ်သည့် နည်းပညာအကူအ ညီများပေးအပ်ခြင်းတို့ပါဝင်မည် ဖြစ်ပြီး အဆိုပါလုပ်ငန်းစဉ်များကို ၂၀၁၈-၁၉ ဘဏ္ဍာနှစ်၊ ၂၀၁၉-၂၀ ဘဏ္ဍာနှစ်ဟူ၍ ၂ နှစ် စီမံကိန်း ဖြင့် အကောင်အထည်ဖော်ဆောင် ရွက်မည်ဖြစ်သည်။ 

‘‘တရုတ်နဲ့ လုပ်တဲ့ MoU ကတော့ ကုန်ကျစရိတ်သတ်မှတ် ထားတာမရှိဘူး။ လိုအပ်တဲ့လုပ် ငန်းတွေကို ထောက်ပံ့ပေးသွားမှာ ပါ။ အီတလီနဲ့လုပ်မယ့် ပရော ဂျက်ကတော့ ဒေါ်လာတစ်သန်း ထောက်ပံ့ပြီး လုပ်သွားမှာဖြစ်ပါ တယ်။ ပရောဂျက်ကာလကတော့ ၂ နှစ်သတ်မှတ်ထားပါတယ်’’ ဟု ဒေါက်တာသန်းထိုက်က ပြော သည်။  သုတေသနလုပ်ငန်းများကို တရုတ်နှင့် အီတလီနိုင်ငံတို့က အဓိကထောက်ပံ့မည် ဖြစ်သော် လည်း လုပ်ငန်းများလာရောက် ဆောင်ရွက်ရာတွင် ဗြိတိန်၊ သြစတြေးလျ၊ အိန္ဒိယ အစရှိသည့် နိုင်ငံများမှ ပညာရှင်များလည်း လိုအပ်သည့် နည်းပညာအကူအညီများ ဆောင်ရွက်မည်ဖြစ်ကြောင်း ၎င်းက ပြောသည်။ 

မြောက်ဦးဒေသကို ကမ္ဘာ့ ယဉ်ကျေးမှု အမွေအနှစ်ဒေသ တစ်ခုအနေဖြင့် ယူနက်စကိုသို့ တင်သွင်းနိုင်ရေး ဆောင်ရွက်ရာ၌ ၂၀၁၉ စက်တင်ဘာတွင် မူကြမ်း တင်သွင်းမည်ဖြစ်ပြီး ၂၀၂၀ ဇန်နဝါရီတွင် နောက်ဆုံးအဆင့်အနေ ဖြင့် အပြီးသတ်တင်သွင်းမည်ဖြစ် သည်။