ပအိုဝ်းအမျိုးသားခေါင်းဆောင် ဦးအောင်ခမ်းထီ၏ နိုင်ငံရေးခရီး (ဦးခွန်မောင်တုတ်)

ယနေ့အချိန်သည် အမျိုးသားပြန်လည်ရင်ကြား စေ့ရေး၊ ပြည်တွင်းစစ်အလုံးစုံရပ်စဲရေးနှင့် ဖက်ဒရယ် ပြည်ထောင်စုပေါ်ထွန်းလာရန် အစိုးရနှင့်အတူတိုင်း ရင်းသားလူမျိုးအဖွဲ့အစည်းများ ပူးပေါင်းကြိုးပမ်းနေချိန် ဖြစ်ပါသည်။ ထိုသို့သောအချိန်တွင် လူနည်းစု တိုင်းရင်းသားများ၏အရေးသည် အဓိကအခန်း ကဏ္ဍမှ ပါဝင်နေသည်။ မိမိတို့ ပြည်ထောင်စုတိုင်း ရင်းသားများ၏ ပကတိဖြစ်ရပ်မှန်ကိုသိမြင်မှသာ အ ခြေအနေမှန်ကို တွက်ဆနိုင်ပေမည်။ ထို့ကြောင့် တိုင်းရင်းသားလူမျိုးများ၏အရေး ပြည့်ပြည့်စုံစုံသိရှိ နိုင်ရေးသည် ၎င်းတို့၏ဒေသ၊ ကိုးကွယ်ရာဘာသာနှင့်ဖြတ်သန်းခဲ့သော သမိုင်းကြောင်းများကို လေ့လာသိရှိထားရန် အလွန်လိုအပ်ပေသည်။ ထိုသို့ သိရှိမှသာ ပကတိအခြေအနေကို သုံးသပ်နိုင်ပြီး အားနည်းချက်၊ အားသာချက်များ ရှာဖွေကာ အမျိုးသားပြန်လည်ရင်ကြားစေ့ရေး အောင်မြင်နိုင်မည်ဖြစ်ပေသည်။ 


ယခုလပိုင်းအတွင်း တိုင်းရင်းသားလူမျိုးခေါင်း ဆောင်များအကြောင်း ရေးသားသည့် အတ္ထုပ္ပတ္တိများ ပေါ်ထွက်လျက်ရှိရာ တစ်ပတ်အတွင်း ကချင်တိုင်း ရင်းသား ဒူဂျန်ပြုစုသော ဆမား ဒူဝါ ဆင်ဝါးနောင် အတ္ထုပ္ပတ္တိနှင့် ပအိုဝ်းတိုင်းရင်းသားဦးခွန်မောင်တုတ် ရေးသားသော ဦးအောင်ခမ်းထီ၏ နိုင်ငံရေးခရီး အ မည်ရှိ စာအုပ်နှစ်အုပ် ထွက်လာသည်။ ယင်းတွင် ‘ဦးအောင်ခမ်းထီ၏ နိုင်ငံရေးခရီး’စာအုပ်ကို ညွှန်းဆို ဖော်ပြလိုက်ပါသည်။ ပအိုဝ်းအမျိုးသားခေါင်းဆောင် ဦးအောင်ခမ်းထီသည် ယခုအခါ အသက်(၈၂)နှစ်ရှိ ပြီဖြစ်ပြီး ပအိုဝ်းတိုင်းရင်းသားတို့၏ ကျောက်တလုံး ကြီးမြို့၌ နေထိုင်လျက်ရှိသည်။ ပအိုဝ်းတိုင်းရင်းသား တို့၏ ရိုသေလေးစားမှု အပြည့်အ၀ရရှိထားသော ဦး အောင်ခမ်းထီသည် ၎င်း၏ဘ၀တစ်လျှောက်လုံးတိုင်း ရင်းသားလူမျိုးအရေးရှေ့တန်းထားကာ မဆုတ်မနစ် သောဇွဲဖြင့် ကြိုးပမ်းခဲ့သူဖြစ်၏။ ထို့ကြောင့် ယခုစာအုပ်တွင် ၎င်း၏အကြောင်းကို အခန်း(၂၀) ခွဲ၍ ပြုစုရေးသားထားရာ ပအိုဝ်းဒေသနောက်ခံပုံရိပ်များ၊ ဦးအောင်ခမ်းထီ၏ ငယ်ဘ၀၊ ရဟန်းဘ၀၊ ပအိုဝ်းတိုင်းရင်းသားတို့၏ ဒုတိယတော်လှန်ရေး၊ ဗကပဦး ဆောင်မှုခံယူစဉ်က၊ အမျိုးသားဒီမိုကရေစီတပ်ပေါင်း စုသို့၊ တတိယအကြိမ် ငြိမ်းချမ်းရေးရယူခြင်း၊ အမျိုး သားကော်မတီဖွဲ့စည်းခြင်း၊ ပအိုဝ်းအမျိုးသားညီလာ ခံများကျင်းပခြင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေ သဖွံ့ဖြိုးရေး၊ အမျိုးဘာသာ၊ သာသနာနှင့် စီးပွားရေး လုပ်ငန်းများဆောင်ရွက်ခြင်း၊ ပအိုဝ်းဒေသပညာရေး စီမံချက်၊ ရွေးကောက်ပွဲများ၌ ၀င်ရောက်ယှဉ်ပြိုင် ခြင်း၊ ဦးအောင်ခမ်းထီ၏ မိန့်ခွန်းများ၊ တပ်မတော်နှင့် ပအိုဝ်းအမျိုးသားအဖွဲ့ချုပ် PNO စသည့်အခန်းကဏ္ဍ များခွဲကာ ရေးထားသည်။ စစ်နှင့်ငြိမ်းချမ်းရေး အခန်း တွင် မြန်မာနိုင်ငံ၌ တိုင်းရင်းသားလူမျိုးများလက်နက် ကိုင်တော်လှန်ရေးနှင့်ပတ်သက်၍ ‘မြန်မာနိုင်ငံအ တွင်း ပေါ်ပေါက်ခဲ့ကြသော လက်နက်ကိုင်အဖွဲ့များစတင်ခဲ့ကြသည့် ခုနှစ်သက္ကရာဇ်များကို လေ့လာ ကြည့်သောအခါ ရခိုင်အမျိုးသားလက်နက်ကိုင်အဖွဲ့ သည် ၁၉၄၇ ခုနှစ် ဇွန်လတွင် စတင်ခဲ့သည်။ ဗမာ အမျိုးသားလက်နက်ကိုင်တော်လှန်ရေးကို ၁၉၄၈ ခုနှစ် မတ်လ ၂၈ ရက်နေ့တွင် စတင်ခဲ့သည်။ ကရင်နီအမျိုးသားလက်နက်ကိုင် တော်လှန်ရေးကို ၁၉၄၈ ခုနှစ် ဩဂုတ် ၈ ရက်နေ့တွင် စခဲ့သည်။ ပအိုဝ်းအမျိုး သားလက်နက်ကိုင်တော်လှန်ရေးကို ၁၉၄၉ ခုနှစ် ဒီဇင်ဘာလ ၁၁ ရက်တွင်စခဲ့သည်။ ကရင်အမျိုးသား တော်လှန်ရေးကို ၁၉၄၉ ခုနှစ် ဇန်န၀ါရီ ၃၁ ရက်နေ့ တွင် စတင်ခဲ့သည်။ ရှမ်းအမျိုးသားလက်နက်ကိုင် တော်လှန်ရေးကို ၁၉၅၈ ခုနှစ် မေလ ၂၁ ရက်နေ့တွင် စတင်ခဲ့သည်။ ကချင်အမျိုးသားလက်နက်ကိုင်တော် လှန်ရေးကို ၁၉၆၁ ခုနှစ်ဖေဖော်ဝါရီလ ၈ ရက်နေ့တွင် စတင်ခဲ့သည်။ တောင်ပေါ်ချင်းအမျိုးသားလက်နက်ကိုင် တော်လှန်ရေးကို ၁၉၆၄ ခုနှစ်တွင် စခဲ့သည်။ ပလောင်အမျိုးသားလက်နက်ကိုင် တော်လှန်ရေးကို ၁၉၆၄ ခုနှစ်တွင်စခဲ့သည်။ ကယန်းအမျိုးသားလက်နက်ကိုင်တော်လှန်ရေးကို ၁၉၆၆ ခုနှစ်တွင်စခဲ့သည်။ ပအိုဝ်းအမျိုးသားဒုတိယအကြိမ် လက်နက်ကိုင်တော် လှန်ရေးကို ၁၉၆၆ ခုနှစ်တွင် စခဲ့သည်။  ရခိုင်အမျိုးသားဒုတိယတော်လှန်ရေးကို ၁၉၆၇ ခုနှစ်တွင် စခဲ့ သည်။ အာခါအမျိုးသား လက်နက်ကိုင်တော်လှန်ရေး ကို ၁၉၇၂ ခုနှစ်တွင်စတင်ခဲ့သည်။ လားဟူအမျိုးသား လက်နက်ကိုင်တော်လှန်ရေးကို ၁၉၇၃ ခုနှစ်တွင် အသီးသီးစတင်ခဲ့ကြကြောင်း သိရသည်’ ဟု ဖော်ပြ ထားသည်။ စာအုပ်တွင် သမိုင်းဝင်ဓာတ်ပုံအများအ ပြားပါဝင်ပြီး စာမျက်နှာ ၅၀၀ ကျော်ရှိကာအရုဏ်သစ် စာပေက တန်ဖိုး ၁၀,၀၀၀ ကျပ်ဖြင့် ဖြန့်ချိသည်။