မကွေးတိုင်းလစ်လပ်ဝန်ကြီးနှစ်နေရာအတွက် အမည်စာရင်းတင်သွင်းသူနှစ်ဦးအနက် တစ်ဦးကို ဝန်ကြီးချုပ်ဆန္ဒအရ လွှတ်တော်ဆိုင်းငံ့

မြို့ခံအင်ဂျင်နီယာတစ်ဦးကို အမည်စာရင်းထပ်တင်မည်ဟု သတင်းထွက်ပေါ်နေ
မကွေးတိုင်းဒေသကြီးလွှတ်တော်အစည်းအဝေးတွင် အမည်စာရင်း တင်သွင်းထားသော ၀န်ကြီးနှစ်ဦးနှင့်ပတ်သက်၍ ယမန်နေ့က ဆွေးနွေးနေစဉ် (ဓာတ်ပုံ − မိုးကျော်)

မကွေးတိုင်းဒေသကြီး အစိုးရအဖွဲ့တွင် သုံးလကြာလစ် လပ်နေသည့် ဝန်ကြီးနှစ်နေရာ အတွက် ပြန်လည်ခန့်ထားနိုင်ရန် တိုင်းဝန်ကြီးချုပ် ဒေါက်တာ အောင်မိုးညိုက လွှတ်တော်သို့ အမည်စာရင်း တင်သွင်းထားသူ နှစ်ဦးအနက် တစ်ဦးအား ခေတ္တ ဆိုင်းငံ့ထားသည်။


ဧပြီ ၅ ရက်၌ ပြုလုပ်သည့် မကွေးတိုင်းဒေသကြီး လွှတ် တော်အစည်းအဝေးတွင် လွှတ် တော်ဥက္ကဋ္ဌ ဦးတာက ဝန်ကြီးချုပ် ပေးပို့သည့်စာကိုဖတ်ကြားသည်။

ဧပြီ ၂ ရက်တွင် ပြုလုပ်သည့် လွှတ်တော်အစည်းအဝေး၌ ဝန် ကြီးချုပ်က အငြိမ်းစားခရိုင်ပညာ ရေးမှူး (ဒုတိယညွှန်ကြားရေးမှူး) ဦးမြင့်ဆွေ(၆၂)နှစ်နှင့် လယ်ယာ စိုက်ပျိုးရေးနှင့် ဆည်မြောင်းဝန် ကြီးဌာန အငြိမ်းစားညွှန်ကြားရေး မှူးဟောင်း ဦးခင်မောင်ထွန်း(၆၂)နှစ်တို့အား လစ်လပ်ဝန်ကြီးနှစ် နေရာအတွက် တင်ပြခဲ့သည်။

လစ်လပ်နေသည့် အလုပ် သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးနှင့် စိုက် ပျိုးရေး၊ မွေးမြူရေးနှင့် ဆည် မြောင်းဝန်ကြီးနှစ်နေရာတွင် ဝန် ကြီးချုပ် တင်ပြထားသည့် နှစ်ဦး အနက် တစ်ဦးဖြစ်သူ ဦးမြင့်ဆွေ ကို အလုပ်သမားဝန်ကြီး တစ်နေ ရာအတွက် လွှတ်တော်မှအတည် ပြုသဘောတူခဲ့သည်။

သို့သော် ဧပြီ ၅ ရက်၌ပြုလုပ် သည့် လွှတ်တော်အစည်းအဝေး တွင် ဝန်ကြီးချုပ်က ၎င်းတင်ပြ ထားသူနှစ်ဦးအနက် ဦးခင်မောင် ထွန်းအား လွှတ်တော်မှ အတည် ပြုဆွေးနွေးနိုင်ရေး ခေတ္တဆိုင်းငံ့ ထားရန် တင်ပြခဲ့သည်။

‘‘ဘာကြောင့် တစ်ယောက် ကို ဆိုင်းငံ့တယ်ဆိုတာကိုတော့ ကျွန်တော် မသိဘူး။ ဒါက ဝန်ကြီး ချုပ်ရဲ့သဘောပါ’’ ဟု တိုင်းလွှတ် တော်ဥက္ကဋ္ဌဦးတာကပြောသည်။

ဝန်ကြီးချုပ်က ခေတ္တဆိုင်းငံ့ ရန် တောင်းဆိုခဲ့သူ ဦးခင်မောင် ထွန်းသည် စက်မှုသီးနှံဖွံ့ဖြိုးရေးဦး စီးဌာန၊ မကွေးတိုင်း တိုင်းဦးစီးမှူး တာဝန်ထမ်းဆောင်ခဲ့စဉ်က တိုင်းအဆင့်အကြီးအကဲ တစ်ဦးအနေ ဖြင့် လက်အောက်ဝန်ထမ်းများအား စီမံအုပ်ချုပ်ရာတွင်ကြမ်းတမ်းစွာ ပြောဆိုဆုံးမခြင်း၊ ထိခိုက်နာကျင် စေခြင်းများရှိခဲ့ကြောင်း ဒေသခံ အချို့ကဝေဖန်ပြောကြားသည်။

ထိုသို့ စီမံအုပ်ချုပ်မှုသည် အကြောက်တရားဖြင့် ဖိနှိပ်အုပ် ချုပ်သကဲ့သို့ ဖြစ်ပေါ်စေသဖြင့် နောင်မဖြစ်စေရန် ၂၀၁၄ ဇွန်လ ၂၇ ရက်က ဌာနကစာဖြင့် သတိ ပေးခြင်း အပြစ်ဒဏ် ချမှတ်ခံထား ရသူဖြစ်ကြောင်း ဒေသခံအချို့က ပြောသည်။

ယနေ့ (ဧပြီ ၆ ရက်) တွင်ပြုလုပ်မည့် မကွေးတိုင်းလွှတ်တော် အစည်းအဝေးတွင် ၀န်ကြီးချုပ်က ဦးခင်မောင်ထွန်း၏ အမည်စာ ရင်းကို ပြန်လည်ရုပ်သိမ်းမည်ဟု သတင်းများထွက်ပေါ်နေသည်။ 

ယင်းဝန်ကြီးလောင်း နေရာအတွက် မကွေးမြို့ခံ အင်ဂျင်နီယာတစ်ဦးကို အမည်စာရင်း ထပ်မံတင်သွင်းမည်ဖြစ်ကြောင်း တိုင်းအစိုးရ သတင်းရင်းမြစ်များ က ပြောသည်။

More in Politics Section