တပ်မတော်သားများကို လူ့အခွင့်အရေးဆိုင်ရာ သင်ခန်းစာများ ပို့ချနေဟုဆို

နိုင်ငံတော်ကာကွယ်ရေး တက္ကသိုလ်၊ စစ်ဦးစီးတက္ကသိုလ် နှင့် တပ်မတော်(ကြည်း)တိုက် ခိုက်ရေးကျောင်းများတွင် လူ့ အခွင့်အရေးဆိုင်ရာ သင်ခန်းစာ များ ပို့ချနေကြောင်း မြန်မာနိုင်ငံ အမျိုးသားလူ့အခွင့်အရေး ကော် မရှင် ပြောရေးဆိုခွင့်ရှိသူ ဦးယု လွင်အောင်က ပြောသည်။


‘‘တပ်မတော်က လူ့အခွင့် အရေးချိုးဖောက်မှုတွေ ရှိတယ် ဆိုပြီး စွပ်စွဲချက်တွေ ရှိခဲ့တယ်။ အဲဒီအတွက်ကြောင့် ကျွန်တော် တို့က တပ်မတော်သားတွေ လူ့ အခွင့်အရေးဆိုင်ရာကို သိဖို့လို တယ်ဆိုပြီးတော့ ဘယ်ဟာက လူ့ အခွင့်အရေး ချိုးဖောက်တာ၊ ဘယ်လို၊ လူ့အခွင့်အရေးဆိုတာ ဘာဆိုတာကို ဆွေးနွေးပို့ချတာ ပါ’’ဟု ၎င်းပြောသည်။

တပ်မတော်(ကြည်း) တိုက် ခိုက်ရေးကျောင်း (ဘုရင့်နောင်) နှင့် တပ်မတော်(ကြည်း) တိုက် ခိုက်ရေးကျောင်း (ဗထူး)တွင် ဖွင့် လှစ်နေသော ခြေလျင်တပ်မှူး သင်တန်း၊ သင်တန်းသားအရာရှိ များကို မတ်လ ၂၉ ရက်တွင် လည်းကောင်း၊ ခြေလျင်တပ်ရင်း မှူးသင်တန်း သင်တန်းသားအရာ ရှိများကို မတ်လ ၃၀ ရက်တွင် လည်းကောင်းသင်ကြားခဲ့ကြောင်း ကော်မရှင်က ဧပြီ ၄ ရက်တွင် သတင်းထုတ်ပြန်သည်။

လူ့အခွင့်အရေးဆိုင်ရာ သဘောတရားများကို ပြည်သူလူ ထုနှင့် အစိုးရတာဝန်ရှိသူ အဖွဲ့ အစည်းအတွင်း နားလည်လက်ခံ ကျင့်သုံးနိုင်စေရေး လူ့အခွင့်အ ရေးမြှင့်တင်ရေး လုပ်ငန်းများကို အရှိန်အဟုန်ဖြင့် ဆောင်ရွက်နေ ကြောင်း ကော်မရှင်သတင်းထုတ် ပြန်ချက်တွင် ဖော်ပြထားသည်။

ထို့အပြင် တပ်မတော်သား များကို လူ့အခွင့်အရေးသင်တန်း များပို့ချရန် တတ်စွမ်းသမျှဆောင်ရွက်မည်ဖြစ်ကြောင်း ဦးယုလွင် အောင်က ပြောသည်။

မြန်မာနိုင်ငံ အမျိုးသားလူ့အ ခွင့်အရေးကော်မရှင်သည် ၂၀၁၅ ကစတင်ကာ နိုင်ငံတော်ကာကွယ် ရေးတက္ကသိုလ်တွင် ဗိုလ်မှူးကြီး များတက်သည့် သင်တန်းများ၌ လူ့အခွင့်အရေးဆိုင်ရာများ ပို့ချခဲ့ သည်။

၂၀၁၆ တွင် နှစ်ကြိမ်သင် ကြားပြီး ၂၀၁၇ တွင် တစ်ကြိမ် သင်ကြားပေးခဲ့ကြောင်းဦးယုလွင်အောင်က ပြောသည်။

More in Politics Section