ကားစလစ်ဈေး တစ်လအတွင်း ကျပ် ၁၀ သိန်းခန့် ဈေးကျ

ကားအရောင်းအဝယ် ဈေးကွက်တွင် တစ်လအတွင်း ကားစလစ်ဈေး ကျပ် ၁၀ သိန်းခန့် ဈေးကျဆင်းပြီး လက်ရှိတွင် ကားစလစ်တစ်စောင် ကျပ်သိန်း ၁၀၀ ခန့်ဖြင့် အရောင်းအဝယ်ဖြစ် နေကြောင်း ယာဉ်အရောင်း အဝယ်လုပ်ကိုင်သူများက ပြော သည်။

ပြီးခဲ့သည့် မတ်လဆန်းက သက်တမ်းနှစ် ၂၀ လူစီးစလစ် တစ်စောင်လျှင် ကျပ်သိန်း ၁၁၀ ခန့်ဖြင့် ရောင်းချမှုရှိပြီး လက်ရှိ တွင် ကျပ်သိန်း ၁၀၀ ခန့်သာ ပေါက်ဈေးရှိကြောင်း ယာဉ် အရောင်းအဝယ်ပြုလုပ်သူ ဦးစိုး မြင့်က ပြောသည်။

ယခင်က ဈေးကွက်အတွင်း အရည်ကျိုအပ်ကားရှားပြီး စလစ် ဝယ်လိုအားများသဖြင့် စလစ် ဈေးကျပ်၁၃၅ သိန်းထိ မြင့်တက်ခဲ့ ဖူးကြောင်း၊ လက်ရှိဈေးကွက်တွင် အပ်ကားရှိသော်လည်း ကား ဝယ်ယူသူနည်းပါး၍ စလစ်ဈေးကျဆင်းလာကြောင်း ၎င်းက ပြောသည်။

ဝင်ငွေခွန် လျှော့မပေးခြင်း၊ ရန်ကုန်လိုင်စင်ကားများ ဘီးခွန်တိုးမြှင့်ကောက်ခံခြင်းနှင့် ရန်ကုန်လိုင်စင်ပေးမည့် YVQC မသတ်မှတ်နိုင်သေးခြင်းတို့ကြောင့် ယာဉ်အရောင်းအဝယ်အေးနေကြောင်း ဝါရင့်ယာဉ် ရောင်းဝယ်သူ ဦးစည်သူထွန်းက ပြောသည်။

‘‘စလစ်ဈေးတွေကျလာလို့ ကားဈေးလိုက်ကျလည်း ဝယ် မယ့်သူကိုမရှိဘူး။ ဈေးလျှော့ ရောင်းတာတောင် အရောင်း အဝယ် မဖြစ်ဘူး’’ဟု ဦးစည်သူ ထွန်းက ပြောသည်။

ဝယ်လက်များသည် ဈေး ကွက် အပြောင်းအလဲ စောင့် ကြည့်နေသဖြင့် ကားဈေးကွက် အေးနေပြီး မေလနှင့်ဇွန်လတွင် ကားအရောင်းအဝယ် ပြန်လည် ကောင်းလာမည်ဟု ယာဉ်ဝယ်ရောင်းတစ်ဦးက ပြောကြားသည်။

More in Business Section