ကချင်နှင့်ရှမ်းတွင် မိုင်းအန္တရာယ်ကာကွယ်ရေး ကုလက ကန်ဒေါ်လာသုံးသန်းခွဲ ပံ့ပိုး

ကချင်နှင့် ရှမ်းပြည်နယ် တွင် မိုင်းအန္တရာယ်ကာကွယ်ရေး နှင့် သက်ဆိုင်သည့် လုပ်ငန်းများ အတွက် တစ်နှစ်အတွင်း ကန်ဒေါ်လာ ၃ ဒသမ ၅ သန်းပံ့ပိုးခဲ့ကြောင်း ကုလသမဂ္ဂလူသားချင်း စာနာထောက်ထားမှုဆိုင်ရာညှိနှိုင်းရေး ရုံး (UNOCHA)က သတင်းထုတ် ပြန်သည်။


ကချင်နှင့် ရှမ်းပြည်နယ်တွင် ပြီးခဲ့သည့်နှစ်အတွင်း မိုင်း အန္တရာယ် အသိပညာပေးရေး လုပ်ငန်းများ၊ မိုင်းနှင့် စစ်လက် ကျန် ပေါက်ကွဲစေတတ်သော ပစ္စည်းများကြောင့် ထိခိုက်သေဆုံးသူများနှင့် မိသားစုများအ တွက် ငွေကြေးပံ့ပိုးခြင်း၊ စိတ်ပိုင်း ဆိုင်ရာ နှစ်သိမ့်ပံ့ပိုးခြင်း စသည့် မိုင်းအန္တရာယ် ကာကွယ်ရေးနှင့် ဆိုင်သော လုပ်ငန်းများ လုပ်ကိုင် နိုင်ရန် မြန်မာနိုင်ငံ လူသားချင်း စာနာမှုဆိုင်ရာ ရန်ပုံငွေမှ ပြည် တွင်းနှင့်နိုင်ငံတကာအဖွဲ့အစည်း များအတွက် ယင်းပမာဏ ပံ့ပိုးပေးကြောင်း ဧပြီ ၄ ရက် သတင်း ထုတ်ပြန်ချက်တွင် ဖော်ပြသည်။

ကမ္ဘာတစ်ဝန်းတွင် မြေမြှုပ် မိုင်းနှင့်ဆက်စပ်ပြီး ထိခိုက်၊ သေ ဆုံးမှုမြင့်မားသော နိုင်ငံများအ နက် မြန်မာနိုင်ငံလည်းအပါအဝင် ဖြစ်နေကြောင်း၊ အဆိုပါမိုင်းအန္တရာယ် ကာကွယ်ရေးနှင့်ဆိုင်သော စီမံချက်များမှတစ်ဆင့် ၂၀၁၇ အတွင်း နေရပ်စွန့်ခွာ တိမ်းရှောင်သူများနှင့် မိုင်းအန္တရာယ်ရှိသည့် ရွာများ၌ နေထိုင်သူများအပါအဝင် လူဦးရေ ၄၅,၀၀၀ ကျော်ကို အကူအညီများ ပေးနိုင်ခဲ့ကြောင်း ထုတ် ပြန်ချက်ကဆိုသည်။

၂၀၁၆ နှင့် ၂၀၁၇ တွင် မိုင်းနှင့် စစ်လက်ကျန် ပေါက်ကွဲစေတတ်သော ပစ္စည်းများကြောင့် ထိခိုက်သေဆုံးမှု ၃၃၇ မှုရှိပြီး ထိခိုက်မှုအများအပြား ဖြစ်ပွားခဲ့ သည့် နေရာများသည် လက်နက် ကိုင်ပဋိပက္ခများ ဖြစ်ပွားနေဆဲဖြစ် သည့် ကချင်နှင့် ရှမ်းပြည်နယ်တို့ တွင်ဖြစ်ကြောင်း UNOCHA က ဆိုသည်။

မိုင်းအန္တရာယ်ကာကွယ်ရေး နှင့်ဆိုင်သော လုပ်ငန်းများ လုပ် ကိုင်နိုင်ရန် မြန်မာနိုင်ငံ လူသား ချင်းစာနာမှုဆိုင်ရာ ရန်ပုံငွေအ တွက် သြစတြေးလျ၊ ကနေဒါ၊ လူဇင်ဘတ်၊ မော်လ်တာ၊ ဆွီဒင်၊ ဆွစ်ဇာလန်နှင့် ယူနိုက်တက်ကင်းဒမ်းနိုင်ငံတို့က ထည့်ဝင်လှူဒါန်းခဲ့ ကာ Danish Refugee Council (DRC), DanChurchAid(DCA), HALO Trust နှင့် လူထုအခြေပြု အဖွဲ့အစည်းများဖြစ်သည့်တအန်းကျောင်းသားလူငယ်များအဖွဲ့၊ ရှမ်းပြည်လူငယ်ကွန်ရက် ကော်မတီနှင့် Never End Tomorrow (NET) အဖွဲ့တို့နှင့် လက်တွဲဆောင်ရွက်ခဲ့ကြောင်း UNOCHA က ထုတ်ပြန်သည်။