ငယ်ငယ်ရွယ်ရွယ် အ၀လွန်သူများ အသက်(၈)နှစ်ကစ၍ အသည်းထိခိုက်ပျက်စီးလာနိုင်

အ၀လွန်ဖြစ်ခြင်းကြောင့် အသက်(၈)နှစ်အရွယ် ကလေးများ၌ပင် အသည်းထိခိုက်ပျက်စီးမှုဆီ ဦးတည်နိုင်ကြောင်း လေ့လာမှုအသစ်တစ်ရပ်က သတိပေးထားသည်။

မက်ဆာချူးဆက်ပြည်နယ်၌ ကလေး ၆၃၅ ဦးကို ကာလကြာရှည်လေ့လာရာတွင် အသက်(၃)နှစ်အရွယ်၌ ခါးအတိုင်းအတာ ပိုများနေသော ကလေးတစ်ဦးအနေဖြင့် အသက်(၈)နှစ်တွင် အသည်းထိခိုက်ပျက်စီးမှုနှင့် အရက်သောက်ခြင်းကြောင့် မဟုတ်သော အသည်းအဆီဖုံးရောဂါနှင့် ကြုံတွေ့နိုင်သည့်အန္တရာယ် မြင့်မားကြောင်း တွေ့ရသည်။


ယင်းကဲ့သို့ အခြေအနေများကြုံနိုင်သော အမှတ်အသားတစ် ခုဖြစ်သည့် သွေးထဲရှိ ALT ဟုခေါ်သော ဓာတ်တစ်မျိုး၏ ပမာဏ သည် အသက်(၈)နှစ်အရွယ်တွင် မြင့်မားလာကြောင်းတွေ့ရသည်။

အသက်(၃)နှစ်တွင် အလေးချိန်ပိုများနေပြီး အသက်(၃)နှစ်နှင့် (၈)နှစ်ကြားတွင် ဆက်၍အ၀လွန်ဖြစ်လာသူသည် အသည်းထိခိုက် ပျက်စီးမှုနှင့် ကြုံတွေ့နိုင်သည့်အန္တရာယ်ပိုများကြောင်း သုတေသီ များက ပြောသည်။

ကလေးဘ၀ အ၀လွန်လာစဉ် အရက်သောက်ခြင်းကြောင့် မဟုတ်သော အသည်းအဆီဖုံးရောဂါဖြင့် ဆေးရုံသို့ ရောက်လာ သော ကလေးဦးရေ ပိုများလာသည်ဟု သုတေသီအဖွဲ့ခေါင်းဆောင် ဒေါက်တာဂျနီဖာခူးဘိုင်ဒယ်ကပြောသည်။

အ၀လွန်ဖြစ်ခြင်းကနေ၍ အမျိုးအစား-၂ ဆီးချိုနှင့် အခြားဇီဝ ဖြစ်ပျက်မှုဆိုင်ရာပြဿနာဆီ ဦးတည်သွားနိုင်ကြောင်း လူအများစု က သိထားသော်လည်း ယင်းက ငယ်ရွယ်သော ကလေးများ၌ပင် ပြင်းထန်သော အသည်းရောဂါဆီသို့ ဦးတည်သွားနိုင်ကြောင်း သိ သူနည်းပါးသည်ဟု သုတေသီများကပြောသည်။

အသည်းထဲတွင် အဆီစုဝေးဖြစ်ပေါ်မှုများလာသောအခါ အ ရက်သောက်ခြင်းကြောင့်မဟုတ်သည့် အသည်းအဆီဖုံးရောဂါဖြစ် လာသည်။ ယင်းအခြေအနေကြောင့် အသည်းရောင်ပြီး ထိခိုက်ပျက် စီးနိုင်သည်။ အရက်သောက်ခြင်းကြောင့် မဟုတ်သော အသည်းအ ဆီဖုံးရောဂါသည် လက္ခဏာပြသလေ့မရှိသောကြောင့် ကင်ဆာနှင့် အသည်းဒဏ်ရာဖြစ်ခြင်းဆီသို့ ဦးတည်သွားနိုင်သည်။

—Ref: UPI