အောင်လံမြို့နယ် ရပ်ကျေးရွေးကောက်ပွဲနှင့် ပတ်သက်၍ တိုင်းအစိုးရ၀န်ကြီးထံ တိုင်ကြား

အောင်လံမြို့နယ် ကျောက်ဆည်ကျေးရွာအုပ်စု အုပ်ချုပ်ရေးမှူးရွေးချယ်ရာတွင် အ ခြားကျေးရွာအုပ်စုမှနေအိမ်များ ပါထည့်သွင်းရွေးချယ်သဖြင့် တိုင်ကြားခဲ့ရာ အရေးယူမှုမရှိ၍ ယင်းကျေးရွာအုပ်စု ကြီးကြပ်ရေးမှူးများအပါအ၀င် ဒေသခံအချို့က မကွေးတိုင်းအစိုးရအဖွဲ့စီမံကိန်းဘဏ္ဍာရေးဝန်ကြီးအောင်လံမြို့သို့ လာရောက်စဉ် တိုင်ကြားခဲ့သည်။

ဧပြီ ၇ ရက်က မကွေးတိုင်း အောင်လံမြို့သို့ မကွေးတိုင်း အစိုးရအဖွဲ့စီမံကိန်း ဘဏ္ဍာရေး နှင့် စည်ပင်သာယာရေးဝန်ကြီး ဦးဇော်မင်းလာရောက်စဉ် ယင်း ကျေးရွာဒေသခံများက တွေ့ဆုံ တိုင်ကြားခဲ့သည်။

‘‘ကျေးရွာအုပ်စုထဲမှာမပါ တဲ့ တခြားအုပ်စုထဲက အိမ်တွေကို ပါ မဲပေးတဲ့စာရင်းမှာ ကြီးကြပ် ရေးမှူးတချို့က ထည့်သွင်းက တည်းက ကျန်တဲ့အုပ်ချုပ်ရေးမှူး ရွေးချယ်ရေးကြီးကြပ်ရေးအဖွဲ့ ၀င်တွေက မြို့နယ်အုပ်ချုပ်ရေးမှူးထံကို အကြောင်းကြားခဲ့တယ်။ ဒါကိုပဲ အဲဒီကြီးကြပ်ရေးမှူးနှစ်ဦး က သူတို့သဘောနဲ့ ဆက်လက် ရွေးချယ်ပွဲလုပ်တယ်။ ကျန်တဲ့ကြီးကြပ်ရေးမှူး သုံးဦးအပါအ၀င် ရွာ ဒေသခံတွေက ဥပဒေနဲ့မညီလို့ တိုင်ကြားပေမယ့် အရေးယူမှုတစ် စုံတစ်ရာမရှိဘဲ အဲဒီိတခြားရွာက အိမ်တွေရဲ့ မဲနဲ့တက်လာတဲ့ အုပ် ချုပ်ရေးမှူးကို အတည်ပြုခဲ့တယ်။ ဒါကြောင့် ၀န်ကြီးထံကို ကိုယ်တိုင်တိုင်ကြားတာဖြစ်တယ်’’ဟု တိုင် ကြားမှုတွင် ပါဝင်သူ ကျောက် ဆည်ကျေးရွာအုပ်စု အုပ်ချုပ်ရေး မှူး ရွေးချယ်ရေးကြီးကြပ်အဖွဲ့ဝင် ဦးစိန်ဝင်းက ပြောသည်။

အုပ်ချုပ်ရေးမှူးပြန်လည် ရွေးချယ်သည့် ပြီးခဲ့သည့် ဒီဇင်ဘာက အိမ်ထောင်စုစာရင်းများပြုစုရာတွင် ကြီးကြပ်ရေးအဖွဲ့ဝင် ငါးဦးအနက် နှစ်ဦးက ကျေးရွာအုပ်စုအတွင်းမရှိသည့် အခြားကျေးရွာအုပ်စုမှ နေအိမ်ခြောက်ဆယ်ကျော်ကို ထည့်သွင်းသည့်အပြင် ပွင့်လင်းမြင်သာမှု မရှိဘဲအုပ်စုအုပ်ချုပ်ရေးမှူး ရွေးချယ်ပွဲ ပြုလုပ်သဖြင့် မြို့နယ်အုပ်ချုပ်ရေးမှူးထံ လူကိုယ်တိုင် အပြင် စာဖြင့်ပါရေးသားတိုင်ကြားခဲ့ကြောင်း ယင်းကျေးရွာဒေသခံ ဦးတိုးနိုင်က ပြောသည်။

ကျောက်ဆည်ကျေးရွာအုပ် စုတွင် ရေငံကြီး၊ တမာကျော၊ ကျောက်ဆည်ကျေးရွာတို့ပါဝင်ပြီး အိမ်ထောင်စုငါးရာကျော်ရှိသော်လည်း အုပ်စုအုပ်ချုပ်ရေးမှူးရွေးချယ်ပွဲတွင် ထပ်တိုးထားသည့် အိမ်ထောင်စု ၆၀ ကျော်အပါအ ၀င် အိမ်ထောင်စု ၂၀၀ ကျော်သာ မဲပေးခွင့်ရခဲ့ကြောင်း ဒေသခံ ဦးဝင်းကြိုင်က ပြောသည်။

ရေငံကြီးကျေးရွာနှင့် တမာ ကျောကျေးရွာသည် အိမ်ထောင်စုဝင်တစ်ဦးမျှ မဲပေးခွင့်မရခဲ့ကြောင်း၎င်းကဆိုသည်။

မဲပေးမည့်စာရင်းတွင် ထည့် သွင်းဖွဲ့စည်းထားသည့် အိမ်ခြေ ၆၀ ကျော်သည် ကျောက်ဆည်ကျေးရွာနှင့် နီးကပ်သည့် တောင်နံ့သာ ကျေးရွာအုပ်စုအတွင်းနေထိုင်ခြင်း ဖြစ်သည်။

ယင်းအိမ်ခြေ ၆၀ ကျော်အ နက် အများစုသည် အခြားကျေးရွာ များမှ လာရောက်အခြေချနေထိုင် သည့် ကျူးကျော်များဖြစ်ပြီး ကျောက်ဆည်ကျေးရွာအုပ်စုမှ ချောင်းကမ်းပါးပြိုကျသဖြင့် သွားရောက်နေထိုင်သူ သုံးအိမ်ခန့်သာ ရှိကြောင်း အောင်လံမြို့နယ် မြေ ယာအငြင်းပွားမှုစိစစ်ရေးအဖွဲ့ ၀င် ကိုလှမျိုးသိန်းက ပြောသည်။

မြို့နယ်အုပ်ချုပ်ရေးမှူးက အဖွဲ့ဖွဲ့ကာကွင်းစစ်ဆေးသော် လည်း ပွင့်လင်းမြင်သာစွာ စစ် ဆေးမှုမရှိသဖြင့် ယင်းအုပ်ချုပ် ရေးမှူးကို အတည်ပြုစာ ထုတ် ပြန်သောကြောင့် ယခုကဲ့သို့ ထပ်မံ တိုင်ကြားခြင်း ဖြစ်ကြောင်း ဦးတိုးနိုင်က ပြောသည်။

အထက်ပါကိစ္စနှင့် ပတ် သက်၍ မကွေးတိုင်းအစိုးရအဖွဲ့ စီမံကိန်း၊ ဘဏ္ဍာရေးနှင့် စည်ပင် သာယာရေးဝန်ကြီး ဦးဇော်မင်းက ယင်းကိစ္စသည် ပြည်ထဲရေးဝန်ကြီးဌာန အထွေထွေအုပ်ချုပ်ရေးဦးစီးဌာနကသာ ဆုံးဖြတ်ဆောင်ရွက်ရမည့်ကိစ္စဖြစ်ပြီး သက်ဆိုင်ရာဌာနများကို အရေးယူဆောင်ရွက်ပေးရန် မကွေးတိုင်းအစိုးရအဖွဲ့အစည်းအဝေးသို့ တင်ပြမည်ဖြစ်ကြောင်း ဖြေကြားသည်။

အောင်လံမြို့နယ် အထွေ ထွေအုပ်ချုပ်ရေး ဦးစီးဌာနသို့ ဆက်သွယ်မေးမြန်းရာ ယင်းတိုင်ကြားမှုကို မြို့နယ်ဦးစီးမှူးအဆင့်ရှိသူတစ်ဦးနှင့် အဖွဲ့ဖွဲ့ကာ ကွင်းဆင်းစစ်ဆေးစေသည့်အပြင် မြို့နယ်စီမံခန့်ခွဲမှုအဖွဲ့ အစည်းအဝေးတွင် ထည့်သွင်းဆွေးနွေးဆုံးဖြတ်ခဲ့ကြောင်း တာဝန်ရှိသူတစ်ဦးက ဖြေကြားသည်။