နှစ် ၆၀ ခန့်အတွင်း ကက်စထရိုမိသားစုဝင်မပါသည့် ကျူးဘားခေါင်းဆောင်သစ် ရွေးချယ်မည်

 မျှော်မှန်းထားသလို အရာအားလုံး အဆင်ပြေချောမွေ့ပါက ကျူးဘားနိုင်ငံသည် သမ္မတ သစ်အမည်ကို သီတင်းနှစ်ပတ်အတွင်း တင်သွင်းနိုင်မည်ဖြစ်ပြီး ယင်းမှာ နှစ်(၆၀)ခန့်အတွင်း ကွန်မြူနစ်ခေါင်းဆောင် ကက်စထရို မိသားစုဝင်တစ်ဦးမျှ မပါဝင်သော ပထမဆုံးအကြိမ်ဖြစ်သည်။

 သက်တမ်းကုန်တော့မည့် လက်ရှိသမ္မတ ရာအူးလ်ကက်စထရိုသည် အစ်ကို ဖီဒယ်လ် ကက်စထရိုကဲ့သို့ ရာထူးမှ အနားယူ၊ မယူ ပဟေဠိဖြစ်နေဆဲဖြစ်သည်။


 ဖီဒယ်လ်ကက်စထရိုသည် ရာထူးမှ အနားယူခဲ့သော်လည်း တိုင်းပြည်ရေးရာ ကိစ္စရပ်များကို ကွယ်လွန်ချိန် ၂၀၁၆ အထိ ကြိုး ကိုင်အုပ်ချုပ်ခဲ့သည်။

သို့သော် ကျူးဘားအမျိုး သားညီလာခံအနေဖြင့် ဧပြီ ၁၉ ရက် အစည်းအဝေး ကျင်းပသည့် အခါ သမ္မတသစ် အမည်တင် သွင်းနိုင်မည်ဖြစ်သည်။

 ယင်းမှာ အမေရိကန်ကို ဆယ်စုနှစ်ပေါင်းများစွာ ရန်လို မုန်းထားခဲ့သည့် ကျူးဘားသမိုင်း တွင် အဓိကအပြောင်းအလဲတစ် ခု ဖြစ်လာမည်ဖြစ်သည်။

‘‘ဒါက ဒီမိုကရေစီဆီ အသွင် ကူးပြောင်းမှုတစ်ခုမဟုတ်ပါဘူး။ ဒါပေမဲ့ ဒါက ကြီးမားတဲ့ အချိုး အကွေ့ပါ’’ဟု ကျူးဘား၌ စီးပွား ရေးလုပ်ငန်း လုပ်ကိုင်နေသော အမေရိကန်ကုမ္ပဏီ အမြောက် အမြားကို ကိုယ်စားပြုသည့် Akerman ဥပဒေကုမ္ပဏီ၏ ရှေ့ နေ ပက်ဒရိုဖရေးရီကပြောသည်။

ရာအူးလ်ကက်စထရို၏ နေ ရာကို ကျူးဘားကွန်မြူနစ်ပါတီ တွင် ရာထူးအဆင့်ဆင့် ပုံမှန် တက်ခဲ့ပြီး ပြည်ပတွင် လူမသိ နည်းသည့် လက်ရှိသမ္မတ မီဂွယ် ဒီယာ့ဇ်နယ်လ် (၅၇)နှစ်က ဆက်ခံဖွယ်ရှိသည်။

သမ္မတအဖြစ် ၎င်းရွေးချယ် ခံရပါက ဘာတစ္စတာအစိုးရကို ဖြုတ်ချခဲ့သည့် ၁၉၅၉ တော်လှန် ရေးအတွင်း ဖီဒယ်လ်ကက်စထရို ညီအစ်ကိုနှင့်အတူ တိုက်ပွဲဝင်ခဲ့ သော ပြောက်ကျားစစ်သည်များ က အများစု ဦးဆောင်ခဲ့သော ကျူးဘားအစိုးရအတွက် အထင် ကရပြောင်းလဲမှုအဖြစ် ကိုယ်စား ပြုမည်ဖြစ်သည်။

သို့သော် ယာ့ဇ်နယ်လ်အနေ ဖြင့် သမ္မတဖြစ်၊ မဖြစ်ဆိုခြင်းမှာ အာမခံချက်မရှိသေးပေ။

—Ref: usatoday.com