မူဝါဒနှင့် ဗျူဟာမရှိဘဲ SME လုပ်ငန်းများကို တွန်းအားပေးနေဟု ဘောဂဗေဒပါမောက္ခ ဝေဖန်

အစိုးရအနေဖြင့် အ သေးစား၊ အလတ်စားစီးပွားရေး (SME)လုပ်ငန်းများကို စီမံကိန်း မူဝါဒနှင့် ဗျူဟာမရှိဘဲတွန်းအား ပေးနေသည်ဟု ရန်ကုန်စီးပွားရေး တက္ကသိုလ် ဘောဂဗေဒဌာနမှူး ပါမောက္ခ ဒေါက်တာသီတာကြူ က ပြောသည်။

ရန်ကုန်မြို့ စက်မှုလက်မှုနှင့် ကုန်သည်လုပ်ငန်းရှင်များအ သင်းချုပ်ရုံးတွင် ဧပြီ ၈ ရက်က ကျင်းပသည့် ‘မျက်မှောက် မြန်မာ့ စီးပွားရေးအလားအလာသုံးသပ် ခြင်း’ ဆွေးနွေးပွဲတွင် ဒေါက်တာ သီတာကြူက ဝေဖန်ထောက်ပြ ခြင်းဖြစ်သည်။

‘‘အထည်ချုပ်ပဲ ပုဂ္ဂလိကဆွဲ ထားတဲ့ နှစ် ၃၀ Plan (စီမံချက်) ရှိတာ။ ကျန်တဲ့ကဏ္ဍတွေမရှိဘူး။ Plan မရှိဘူး။ ပေါ်လစီမရှိဘူး။  Regulation (နည်းဥပဒေ) လည်း သေသေချာချာမရှိဘူး’’ ဟု ၎င်း ကဆက်လက်ပြောသည်။

SME လုပ်ငန်းများမှ လူသုံး ကုန်များ ထုတ်လုပ်ပေးနိုင်ခြင်း ဖြစ်ပြီး ဈေးကွက်လိုအပ်သည့် ကုန်ချောမထုတ်လုပ်နိုင်လျှင်ဝယ် လိုအားကြောင့် ငွေကြေးဖောင်းပွ လာနိုင်သည်ဟု ဒေါက်တာသီတာ ကြူက ပြောသည်။

ထို့အပြင် အစိုးရသည် SME လုပ်ငန်းများအတွက် သတင်းအ ချက်အလက် ဖြန့်ဝေခြင်းလည်း အားနည်းကြောင်း ၎င်းကဆို သည်။ အာဆီယံနိုင်ငံများကြား ရရှိထားသည့် အာဆီယံလွတ်လပ် ရေးကုန်သွယ်ရေးဇုန်နှင့် အမေရိ ကန်နှင့် ဥရောပနိုင်ငံများက အ ခွန်ကင်းလွတ်ခွင့်များကို မြန်မာ့ SME လုပ်ငန်းရှင်အများစု မသိရှိကြောင်းနှင့် ၎င်းတို့ ဌာန၏ သုတေသနပြုလုပ်ချက်အရ စက် ရုံ ၅၀ ကိုစစ်တမ်းပြုလုပ်ရာ အ ဆိုပါအကြောင်း စက်ရုံသုံးခုသာ သိသည်ဟု ဒေါက်တာသီတာကြူ က ပြောသည်။ ထို့အပြင် အစိုးရ တွင် SME လုပ်ငန်းများအတွက် တိကျသည့် အချက်အလက်ပင် မရှိကြောင်း ၎င်းကဆိုသည်။

‘‘SME လုပ်ငန်းတွေ ပိုပြီး တော့ လုပ်သာကိုင်သာရှိဖို့အ တွက်ကျတော့ အစိုးရစီးပွားရေး ပတ်ဝန်းကျင်ဘယ်လောက် ကောင်းလဲဆိုတာ မူတည်ပါတယ်’’ ဟု စီးတီးမတ်ဟိုးလ်ဒင်း ကုမ္ပဏီပိုင်ရှင်ဒေါ်ဝင်းဝင်းတင့်ကပြောသည်။

SME လုပ်ငန်းများအတွက် ဘဏ္ဍာငွေကြေးရရှိရေးထက် စီး ပွားရေးဝန်းကျင်ကောင်းရှိ၊ မရှိ၊ စီးပွားရေးလုပ်ငန်းအလွယ်တကူ လုပ်ကိုင်ခွင့်နှင့် လုပ်ငန်းလုပ်ကိုင် ခွင့်ရှိ၊ မရှိကို အလွယ်တကူ သိရှိရန်လိုအပ်သည်ဟု ၎င်းက ပြောသည်။ လက်ရှိအစိုးရတွင် SME များအတွက် စီးပွားရေးအရ တည်ငြိမ်သည့် မူဝါဒမရှိသေး ကြောင်း ဒေါ်ဝင်းဝင်းတင့်က ဆို သည်။‘‘တခြားနိုင်ငံတွေနဲ့ ဇောင်း ပေးပြီးပြောကြတာပါ။ မြန်မာနိုင် ငံမှာက ကဏ္ဍတစ်ခုကို ဦးစားပေး လုပ်ပေးလို့ရတဲ့အခြေအနေမရှိ သေးပါဘူး’’ ဟု စက်မှုဝန်ကြီးဌာန အသေးစား၊ အလတ်စားစီးပွား ရေးလုပ်ငန်းများဌာန ညွှန်ကြား ရေးမှူးချုပ်ဒေါ်အေးအေးဝင်းက ပြောသည်။

လက်ရှိအစိုးရက စိုက်ပျိုး ရေး၊ ဆောက်လုပ်ရေးနှင့် SME လုပ်ငန်းများအတွက် နှစ်စဉ်ချေး ငွေပေးနေပြီး SME လုပ်ငန်းများ အတွက် ကဏ္ဍတစ်ခုချင်းစီအ တွက် ဦးစားပေးရန်လုံလောက် သည့် လုပ်ငန်းအရေအတွက်နှင့် ပမာဏမရှိသေးကြောင်း ၎င်းက ပြောသည်။