အယ်ဒီတာ့အာဘော်

မြို့သား၊ ရွာသား ငြင်းခုံရမည့်အချိန်မဟုတ်

မြန်မာ့ရုပ်ရှင်လောကအတွက် သတင်းကောင်းတစ်ရပ် လွန်ခဲ့သည့် နှစ်လကျော်က ထွက်ပေါ်လာခဲ့သည်။ အဆိုပါသတင်းကောင်းမှာ မြန်မာရုပ်ရှင်လောကတွင်နှစ်ပေါင်းများစွာသမားရိုးကျ ချစ်ကွဲညားဇာတ်လမ်းများ၊ ဈေးကွက်နောက်လိုက်ရိုက်သောပေါ် ပင်ဇာတ်လမ်းများထက် သမားရိုးကျမှဖောက်ထွက်၍ အနုပညာနှင့်အတတ်ပညာကိုအဆင့်အတန်းရှိရှိပေါင်းစပ်ထားသော ရုပ်ရှင်များ ကို နှစ်ခြိုက်စွာအားပေးမည့် မြန်မာရုပ်ရှင်ချစ်ပရိသတ်အများအပြားရှိနေသည်ဆိုသော သတင်းစကားဖြစ်၏။ အဆင့်အတန်းရှိသောရုပ် ရှင်ဇာတ်ကားများထုတ်လုပ်၍ အရင်းကျေပါ့မလားဆိုသော စိုးရိမ်စိတ်ကိုဖြေဖျောက်ပေးပြီးအနုပညာမြောက်သောရုပ်ရှင်ဇာတ်လမ်းများကိုသာရိုက်ပါက အားပေးမည့်ပရိသတ်အခိုင်အမာရှိနေကြောင်း ကို ‘ဥပါယ်တံမျဉ်’ရုပ်ရှင်ဇာတ်ကားကသက်သေပြခဲ့ပါသည်။

ထို့ကြောင့် မိမိတို့၏အဆင့်အတန်းမြင့်လာစေလိုပါက၊ တစ် နည်းအားဖြင့် ရုပ်ရှင်အဆင့်အတန်းမြင့်မားလာစေလိုပါက ယခင်က ကဲ့သို့ ပရိသတ်လာရန်သေချာသည်ဆိုသော အတင်းကာရောကလိထိုးကာရယ်မောစေသောဟာသကားများ၊ ပရိသတ်အာရုံကျမှု နောက်လိုက်၍ အလွယ်ရိုက်ကူးသောပေါ်ပင်ဇာတ်ကားများ၊ သရုပ် ဆောင်အားကိုးဖြင့် ပရိသတ်ကိုခေါ်သောသမားရိုးကျဇာတ်ကားများ ကိုထားခဲ့ရမည်ဖြစ်ပါသည်။ ၎င်းတို့အစား အဆင့်အတန်းရှိသော၊ အဆင့်အတန်းမြင့်သောရုပ်ရှင်ထုတ်ကုန်များကို စိတ်ရှင်းရှင်းဖြင့်ဖန်တီးထုတ်လုပ်ရမည့်အချိန်ဖြစ်ပါသည်။

ပညာရေးစနစ်ကို စနစ်တကျဖျက်ဆီးခဲ့သောစစ်အာဏာရှင်  အစိုးရလက်ထက်တွင် မြန်မာ့ရုပ်ရှင်အဆင့်အတန်းမှာလည်း အခြား ကဏ္ဍများနည်းတူနိမ့်ပါးခဲ့ပါသည်။ အနုပညာထုတ်ကုန်များ လွတ်လပ် စွာဖန်တီးခွင့်မရဘဲ ထိန်းချုပ်မှုများကြောင့် နည်းပညာ၊ အတတ်ပညာ ချို့တဲ့မှုများကြောင့် မြန်မာ့ရုပ်ရှင်လောကသည် ခက်ခက်ခဲခဲရုန်းကန်ခဲ့ ရပြီး သိသိသာသာကျဆင်းခဲ့ရသည်။ သို့သော် ထိုသို့အဆင့်အတန်း နိမ့်သွားခြင်း၏လက်သည်အဖြစ် ခေတ်စနစ်ကိုသာလက်ညှိုးထိုးခဲ့ကြ သောအခြေအနေမှ၊ နည်းပညာနှင့်ပံ့ပိုးမှုအားနည်းမှုကိုသာ အပြစ်ပုံချခဲ့ သောအခြေအနေမှ ပေါ်ပင်နှင့်သမားရိုးကျဇာတ်လမ်းများကိုသာ ပရိ သတ်ကကြည့်တတ်သည်ဟု  ပရိသတ်များကို လျှော့တွက်သောယူဆချက် များကို ယနေ့အချိန်တွင် စွန့်ပယ်ရတော့မည်ဖြစ်ပါသည်။ ထို့ကြောင့် သက်သာဇုန်တွင်နေထိုင်ရာမှ ရဲရဲဝံ့ဝံ့ဖောက်ထွက် ပြရတော့မည်ဖြစ်သည်။

အမှန်တွင်မြန်မာ့ရုပ်ရှင်ပရိသတ်များက သမားရိုးကျ၊ ချစ်ကွဲညား ရုပ်ရှင်ဇာတ်ကားများကို စိတ်ကုန်နေပြီဖြစ်ကြောင်း လွန်ခဲ့သည့် သုံးနှစ်ခန့်ကတည်းက သတင်းစကားပါးခဲ့သော်လည်း  အချို့သာကြားခဲ့ပြီး အများစုမှာကြားဟန်မတူခဲ့ပေ။ ပြည်တွင်းထုတ်သမား ရိုးကျဇာတ်ကားများကို စိတ်ကုန်လာသော ပရိသတ်များက ဟောလိဝုဒ်၊ ဘောလိဝုဒ်၊ ကိုရီးယား စသောဇာတ်လမ်းများကို သုံးခွေတစ်ထောင်ကျပ်ဖြင့် အလွယ်တကူဝယ်ရလာသောအခါ များစွာ အားပေးခဲ့ကြသည်။ မြန်မာဗီဒီယိုနှင့်ရုပ်ရှင်ဇာတ်ကားများ ရောင်းအားကျလာသည့်အခါ နိုင်ငံခြားဇာတ်ကားများနှင့် လမ်းဘေးအခွေဆိုင်များကို နှိပ်ကွပ်လာသည်။ ထိုအခါ ပရိသတ်များက လူမှုကွန်ရက်မီဒီယာများမှ တစ်ဆင့် ၎င်းတို့၏ဆန္ဒကို တစ်နိုင်ငံလုံး သိစေခဲ့သော ပေါကားရပ်လှုပ်ရှားမှုဖြင့် ၂၀၁၅ တွင် တုံ့ပြန်ခဲ့ကြသည်ကို အားလုံးအသိပင်ဖြစ်သည်။

ထိုလှုပ်ရှားမှုများကြောင့် ရုပ်ရှင်လောကသားအချို့မှာ ယခင်က ထက်အဆင့်အတန်းပိုမိုမြင့်မားသော ဇာတ်လမ်းများဖန်တီးခဲ့၊ ဖန်တီးရန်ကြိုးစားခဲ့သော်လည်း အများစုမှာ ယခင်ပုံစံခွက်ထဲမှာပင်သံသရာ လည်နေခဲ့သည်။ ထိုအခြေအနေတွင် ဒါရိုက်တာခရစ်(စ)တီးနားခီနှင့် သရုပ်ဆောင်ဇဏ်ခီတို့၏ဖန်တီးမှု ‘ဥပါယ်တံမျဉ်’မှာမြန်မာ့ရုပ်ရှင်ကို အလှည့်အပြောင်းဖြစ်စေခဲ့သည်ဟုလည်း ဆိုနိုင်သည်။ သမားရိုးကျ ဇာတ်လမ်းများကို စိတ်ကုန်၍ နှစ်ပေါင်းများစွာရုပ်ရှင်ရုံသို့ခြေဦးမလှည့်သော ရုပ်ရှင်ချစ်ပရိသတ်များကို  ‘ဥပါယ်တံမျဉ်’က ပြန်ခေါ်နိုင်ခဲ့သည်။ မြန်မာ့ရုပ်ရှင်လောကတွင် လိုအပ်နေသည့်ကွက်လပ်ကို ‘ဥပါယ်တံမျဉ်’က မီးမောင်းထိုးပြနိုင်ခဲ့သည်။ ယင်းဇာတ်ကား၏ အောင်မြင်မှုကြောင့် ခီမောင်နှံ၏ယခင်ရုံတင်ခွင့်မရခဲ့သော ‘မုဒြာရဲ့ခေါ်သံ’ ဇာတ်ကားပင် ပြန်လည်ရုံတင်ခွင့်ရပြီး အောင်ပွဲခံနိုင်ခဲ့သည်။ အဆိုပါဇာတ်ကားနှစ်ကား အောင်မြင်ခဲ့ခြင်းမှာ အဆင့်အတန်းမြင့်သည့် ဇာတ်ကားများကို အားပေးမည့်ပရိသတ် အခိုင်အမာရှိနေခြင်းကြောင့်ပင်ဖြစ်သည်။

မြန်မာ့ရုပ်ရှင်ကို နိုင်ငံတကာကဲ့သို့ အဆင့်အတန်းမြင့်မားလာစေ လိုပါက စေတနာသက်သက်ဖြင့်မစွမ်းနိုင်ဘဲ အတတ်ပညာပါရှိရမည်ဖြစ် သည်။ နိုင်ငံတကာကို အမီလိုက်နိုင်ရန်ဆိုပါက ရုပ်ရှင်အနုပညာကိုပြည်တွင်း၌ သမားရိုးကျလေ့လာသင်ယူခြင်းအပြင် နိုင်ငံတကာအဆင့်ရုပ်ရှင် အတတ်ပညာများကို စနစ်တကျလေ့လာသင်ယူရန်လည်းလိုအပ်ပါသည်။ ထို့အတွက် ရုပ်ရှင်အတတ်ပညာကို စနစ်တကျလေ့လာသင် ယူခဲ့သော လူငယ်များကိုလက်ကမ်းကြိုဆိုနိုင်ရမည်ဖြစ်သလို လူငယ်များကလည်းဝါရင့်အနုပညာရှင်များအပေါ် အပြန်အလှန်လေးစားမှုရှိရမည်ဖြစ်သည်။ထို့ကြောင့် ယခုအချိန်သည်မြို့သား၊ ရွာသားဟုငြင်းခုံနေရမည့်အချိန်မဟုတ်တော့ဘဲ မိမိတို့၏အလုပ် အပေါ်တန်ဖိုးထား၍ အရည်အသွေးမြင့်သော၊ အဆင့်အတန်းမြင့်သောဇာတ်ကားများကို အပြိုင်ရိုက်ကူးထုတ်လုပ်ဖန်တီးနိုင်ရေး ယှဉ်ပြိုင်ရမည့် အချိန်သာဖြစ်ပါသည်။