ရုံးချုပ်တည်ဆောက်မှုနှင့်စပ်လျဉ်း၍ သမုဒ္ဒရာပိုင်းဆိုင်ရာ ဘောလုံးအဖွဲ့ချုပ်ကို စတင်စုံစမ်းစစ်ဆေးမည်

ဝယ်လင်တန်- သမုဒ္ဒရာပိုင်းဆိုင် ရာ ဘောလုံးအဖွဲ့ချုပ် (OFC) ၏ ခမ်းနားထည်ဝါသော အုတ်က လန်မြို့ရုံးချုပ် တည်ဆောက်မှု တွင် ကမ္ဘာ့ဘောလုံးအဖွဲ့ချုပ် (FIFA) က စာရင်းစစ်ဝင်ရာ၌ အဂတိလိုက်စားမှု စိုးရိမ်ဖွယ်ရာများ ပေါ်ထွက်လာပြီးနောက် မသမာမှု ဖြစ်နိုင်ခြေကို စုံစမ်းစစ် ဆေးမည်ဟု OFC အဖွဲ့က ပြော သည်။

ဖီဖာအဖွဲ့၏ တွေ့ရှိချက် များကို ဆွေးနွေးရေး အစည်းအ ဝေးမတိုင်မီ နှစ်ရက်တွင် OFC ဥက္ကဋ္ဌ ဒေးဗစ်ချွန် ရုတ်တရက် နုတ်ထွက်ခဲ့ပြီးနောက် ယခုကိစ္စ ထွက်ပေါ်လာခြင်းဖြစ်သည်။

ချွန်သည် ပုဂ္ဂိုလ်ရေးကိစ္စ များကို အကြောင်းပြ၍ ဧပြီ ၆ ရက်တွင် ရာထူးမှ နုတ်ထွက်ခဲ့ သည်။

သို့သော် အုတ်ကလန် စီမံ ကိန်းနှင့်စပ်လျဉ်း၍ မိမိတို့ စာရင်း စစ်ချက်တွင် ပုံမှန်မဟုတ်သော အကြောင်းအရာများ တွေ့ရှိခဲ့ သည်ဟု ဖီဖာက နောက်ပိုင်းတွင် ပြောကြားသည်။

ယင်းအတွက် OFC ကို ရန်ပုံ ငွေ ထောက်ပံ့မှု ယာယီဆိုင်းငံ့မည်ဟု ဖီဖာက ပြောကြားသည်။

ထိုသို့ ဆိုင်းငံ့ခြင်းသည် မကြာသေးမီနှစ်အတွင်း ဖီဖာ၏ပုံရိပ်ကို ထိခိုက်ခဲ့သော အရှုပ် တော်ပုံများဖြစ်ပေါ်ခဲ့ပြီးနောက် မိတ်ဆက်ခဲ့သော အဂတိလိုက် စားမှုကို လုံးဝသည်းမခံသည့် အစီ အစဉ်၏ တစ်စိတ်တစ်ပိုင်းဖြစ် သည်။

ရန်ပုံငွေ ပြန်လည်ရရှိရန် ဖီဖာ၏ လိုအပ်ချက်အားလုံး ပြည့် မီအောင် ဆောင်ရွက်ရေး OFC က သဘောတူညီထားပြီး ကိုယ်ပိုင်စုံစမ်းစစ်ဆေးမှုနှင့် စီမံကိန်း အပေါ် စာရင်းစစ်ခြင်း ထပ်မံလုပ် ဆောင်ရန် OFC က သဘောတူခဲ့ သည်။ ရာထူးမှ နုတ်ထွက်သွား သော ဒေးဗစ်ချွန်သည် ပါပူးဝါး နယူးဂီနီဘောလုံးအဖွဲ့ချုပ် အကြီး အကဲဖြစ်ပြီး ၂၀၁၀ ကစ၍ OFC၏ ဘောလုံးအဖွဲ့ချုပ်ဥက္ကဋ္ဌ တာဝန်ယူခဲ့သည်။

—Ref: AFP