ရန်ကုန်အတွက် ရေပုစ္ဆာ

ဂျိုးဖြူရေစစ်ကန် ဝန်းကျင်ကို တွေ့ရစဉ် (ဓာတ်ပုံ − စိုင်းဇော်)

ရန်ကုန်ရေ သန့်၊ မသန့် ဂယက်

ရန်ကုန်မြို့တော် စည်ပင်သာယာရေးကော်မတီက ဖြန့်ဖြူးပေး နေသော သောက်သုံးရေ သန့်ရှင်း မှုနှင့်ပတ်သက်၍ မကြာမီရက်ပိုင်း အတွင်း ဂယက်ရိုက်ခတ်မှုပြင်းထန်ခဲ့သည်။

ရန်ကုန်မြို့ရှိ ဂျိုးဖြူရေများ တွင် မစင်ပါဝင်နေသည်ဟူသော ပါမောက္ခဒေါက်တာခင်မောင်ဝင်း ၏ ပြောစကားက ရန်ကုန်မြို့တော် စည်ပင်သာယာရေးကော်မတီက ဖြန့်ဝေသည့်ရေသာ အဓိက အသုံးပြုနေသည့် ရန်ကုန် မြို့ပေါ်နေ လူဦးရေ ငါးသန်းကျော်ကို ထိတ်လန့်စေခဲ့ပြီး နောက်ဆက်တွဲ စိုးရိမ်ဝေဖန်မှုများစွာ ပေါ်ပေါက်စေခဲ့သည်။

ရန်ကုန်မြို့တော် စည်ပင်သာယာရေးကော်မတီက ဖြန့်ဝေ နေသည့် သောက်သုံးရေ၏ သန့် ရှင်းမှုအပေါ် မေးခွန်းများ ထွက် ပေါ်ခဲ့သည်။

  ပါမောက္ခဒေါက်တာခင် မောင်ဝင်းက ယင်းဖြစ်ရပ်သည် လွန်ခဲ့သည့် နှစ် ၂၀ ကျော်က သုတေသနတွေ့ရှိချက်တစ်ခုကို အခြေခံပြောကြားခြင်းဖြစ်ပြီး လက်ရှိအခြေအနေကို ဆိုလိုခြင်းမဟုတ် ဟု ပြန်လည်ရှင်းလင်းခဲ့သည်။ ရန်ကုန်စည်ပင်သာယာရေးကော် မတီ တာဝန်ရှိသူများက ဂျိုးဖြူရေ တွင် မစင်ပါဝင်မှုမရှိကြောင်း အ ချက်အလက် အကိုးအကားများ ဖြင့် တုံ့ပြန်ရှင်းလင်းခဲ့သည်။

သို့သော် စည်ပင်က ဖြန့်ဝေ သည့် သောက်သုံးရေအပေါ် မည် မျှ ယုံကြည်စိတ်ချရပါသလဲဆို သော မေးခွန်းသည် ရန်ကုန်မြို့နေ လူထုကြား ပဲ့တင်ထပ်နေခဲ့သည်။

‘‘စည်ပင်ရေနဲ့ပတ်သက်လို့ အရင်ကတည်းက သုံးရတာစိတ် ထဲမသန့်ဘူး။ အဓိကက သောက် ရေအဖြစ်သုံးဖို့ကိုပေါ့နော်’’ဟု ရန်ကင်းမြို့နယ်နေ အိမ်ရှင်မဒေါ်ဌေးမြင့်က ၎င်း၏ စိတ်ခံစားချက်ကို ဖွင့်ဟသည်။

‘‘ရေထဲမှာ တစ်ခါတလေ အ မှိုက်တွေပါလာတတ်တော့ သံသ ယပိုဖြစ်စေတယ်လေ’’ဟု ၎င်းက ဆက်လက်ပြောသည်။

ထိုသို့ ရန်ကုန်လူထု၏ သောက်သုံးရေနှင့်ပတ်သက်၍ စိုးရိမ်မှုများ မြင့်တက်နေစဉ် စိမ်း လန်းအမိမြေ ဖွံ့ဖြိုးတိုးတက်ရေး အသင်းက ရန်ကုန်မြို့တွင်းရှိ မြို့ နယ်အချို့တွင် ရေနမူနာကောက် ယူ၍ အရည်အသွေးစစ်ဆေးတိုင်း တာသည့် သုတေသနစစ်တမ်း ထုတ်ပြန်ခဲ့သည်။

ပထမစစ်တမ်းသည် ရန်ကုန် မြို့အတွင်းရှိ တောင်ဥက္ကလာပ၊ စမ်းချောင်း၊ လှိုင်၊ သာကေတ၊ တာမွေနှင့် မြောက်ဥက္ကလာပ ခြောက်မြို့နယ်မှ ရေနမူနာရှစ်ခုကိုမတ်လဆန်းက စမ်းသပ် သုတေသနပြုခဲ့သည့် ရလဒ်များ ပါဝင်သည်။

ထိုသို့ စစ်ဆေးခဲ့ရာ တောင် ဥက္ကလာပ (၉)ရပ်ကွက်တွင် တွေ့ ရသော ရေနမူနာကလွဲ၍ ကျန်ရေ နမူနာများအားလုံးသည် စံသတ် မှတ်ချက် ကျော်လွန်နေကြောင်း တွေ့ရပြီး အီကိုလိုင်ပိုး (မစင်ပိုး)ကိုမူ မည်သည့်ရေနမူနာများတွင်မှ မတွေ့ရှိရဟု ထုတ်ပြန်ခဲ့သည်။

ပထမအကြိမ်တွင် နေအိမ် များမှ လက်ရှိသုံးစွဲနေသော ရေ များကိုသာ ကောက်ယူစစ်ဆေးခဲ့ သော်လည်း ဒုတိယအကြိမ်တွင် နေအိမ်များသို့ ပေးဝေနေသည့် ရေရင်းမြစ်များဖြစ်သော ဂျိုးဖြူရေလှောင်ကန်နှင့် ကမ္ဘာအေးရေကူး ရေတွန်းစက်ရုံတို့မှ ရေနမူနာများ ကို စစ်ဆေးခဲ့သည်။

ယင်းရေနမူနာများတွင် ကျန်းမာရေးနှင့်ပတ်သက်၍ လူကိုအန္တ ရာယ်ဖြစ်စေသော ရောဂါပိုးများ ပါဝင်မှု ရှိ၊ မရှိ တိုင်းတာခြင်းဖြစ်သည်။

အဆိုပါ ရေနမူနာလေးခုတို့ကို ဓာတ်ခွဲခန်းတွင် စမ်းသပ်စစ် ဆေးရာ ပင်မဖြစ်သော ဂျိုးဖြူရေ လှောင်ကန်နှင့် ကမ္ဘာအေးရေကူး ရေတွန်းစက်ရုံတို့ရှိ ရေနမူနာများ တွင် စံသတ်မှတ်ချက်ထက်အ နည်းငယ်မြင့်မားနေသည်ကို တွေ့ရှိရသော်လည်း လူကိုအန္တရာယ် ဖြစ်စေနိုင်သည့် အဆင့်သတ်မှတ် ချက်မဟုတ်ကြောင်း သုတေသန ပြုသူများက ဆိုသည်။

‘‘နေအိမ်တွေက ရေမှာက သတ်မှတ်ချက်နဲ့ကိုက်ညီတယ်။ ဂျိုးဖြူကန်ရေကတော့ သတ်မှတ် ချက်ထက်နည်းနည်းမြင့်တယ်’’ဟု စိမ်းလန်းအမိမြေ ဖွံ့ဖြိုးတိုးတက် ရေးအသင်းမှ သုတေသနပညာရှင် ဒေါက်တာနီတာနွယ်က ဆိုသည်။

အဆိုပါ သုတေသနတွေ့ရှိချက်ကြောင့် စည်ပင်မှ ဖြန့်ဖြူး သည့်ရေကို သုံးစွဲနေသော ပြည်သူများကို အနည်းနှင့်အများ စိတ်သက်သာရာရစေခဲ့ပြီး ရန်ကုန်မြို့ တော် စည်ပင်သာယာရေးကော်မတီအတွက် အသက်ရှူချောင်စေ ခဲ့သည်။

လက်ရှိတွင် ရန်ကုန်မြို့တော်စည်ပင်သာယာရေးကော်မတီက ဖြန့်ဝေသောရေကို သုံးရေအဖြစ်သာ လက်ခံသုံးစွဲနိုင်သေးပြီး မြို့နေလူထုက သောက်သုံးရန် ယုံကြည်မှုနည်းပါးနေဆဲဖြစ်သည်။

‘‘ဖွံ့ဖြိုးပြီးနိုင်ငံတွေမှာတော့ အစိုးရကပိုက်လိုင်းက ရေကို သောက်သုံးဖို့ အာမခံချက်ပေးနိုင်တယ်။ ကျွန်မတို့အနေနဲ့လည်း ရန်ကုန်မြို့က ဖြန့်ဝေတဲ့ရေကို သောက်သုံးနိုင်လောက်တဲ့အထိ ဖြစ်စေချင်တယ်’’ဟု စင်ကာပူ နိုင်ငံရှိ နည်းပညာကုမ္ပဏီတစ်ခု တွင် လုပ်ကိုင်နေသည့် ဒေါ်သီတာ ဆွေက ပြောသည်။

ရန်ကုန်မြို့တော် စည်ပင်သာယာရေးကော်မတီသည် ပိုးမွှားကင်းစင်၍ ကျန်းမာရေးနှင့် ညီ ညွတ်သော သောက်သုံးရေဖြစ်စေရန် ပေးဝေသည့် သောက်သုံးရေအား ကလိုရင်းခတ်ခြင်းကို ၂၀၁၂ -၂၀၁၃ ဘဏ္ဍာနှစ်၌ စတင်နိုင်ခဲ့ ကြောင်း ယင်းဌာန၏ ထုတ်ပြန် ချက်များ၌ ဖော်ပြထားသည်။

လက်ရှိတွင် ကလိုရင်းခတ် သည့် စက်ငါးခုဖြင့် ဂျိုးဖြူရေ လှောင်ကန်နှင့် လှော်ကားရေ လှောင်ကန်တို့မှ ရေများကို ဖြန့်ဖြူးပေးနေသော်လည်း ကလိုရင်းခတ် ပြီးသားရေကို မြို့နယ်အချို့သို့ သာ ပေးဝေနိုင်သေးကြောင်း ဦးမျိုးသိန်းက ဆိုသည်။

ကလိုရင်းခတ်ရန် ကျန်ရှိနေ သည့် ဒဂုံမြို့သစ် လေးမြို့နယ် အပါအဝင် သင်္ဃန်းကျွန်း၊ တောင်ဥက္ကလာပ အစရှိသော ရန်ကုန် အရှေ့ပိုင်းမြို့နယ်များ၌ ကလို ရင်းခတ်စက်ငါးခု ထပ်မံတပ်ဆင် ၍ ကလိုရင်းခတ်မည်ဖြစ်ပြီး ၂၀၂၀-၂၁ တွင် ရန်ကုန်တစ်မြို့ လုံးအတိုင်းအတာဖြင့် ကလိုရင်းအပြည့်အဝခတ်ပြီးသား သောက်သုံးရေများ ဖြစ်လာမည်ဟု ဦးမျိုး သိန်းက ရှင်းပြသည်။


သင်္ကြန်တွင် ပျော်ရွှင်စွာ ရေကစားနေသူများ (ဓာတ်ပုံ − ဂျေမောင်မောင်(အမရပူရ))

သို့သော် လက်ရှိတွင် မြို့နယ်အားလုံးသို့ ကလိုရင်းခတ်ထားသည့်ရေကို ဖြန့်ဝေနိုင်ခြင်းမရှိသေးခြင်းကြောင့် ယင်းရေသုံး စွဲသူအများစုသည် သောက်ရေအ ဖြစ် သုံးစွဲရန် စိုးရိမ်နေဆဲဖြစ်သည်။

‘‘စိတ်ကမသန့်တော့ သောက်မယ်ဆိုရင်တောင် ကျိုသောက်တယ်’’ဟု ဒေါ်ဌေးမြင့်က ပြောသည်။

ရန်ကုန်မြို့ကို ရေဘယ်လိုပေးဝေနေလဲ

ရန်ကုန်မြို့တော် စည်ပင်သာယာရေးကော်မတီသည် ရန်ကုန် မြို့တွင်း နေထိုင်သူများကို ဂျိုးဖြူ၊ ငမိုးရိပ်၊ လှော်ကား၊ ဖူးကြီး စသည့်ရေလှောင်ကန်များမှ ရေပေးဝေ နေခြင်းဖြစ်သည်။

ဂျိုးဖြူ၊ လှော်ကား၊ ဖူးကြီး နှင့် ငမိုးရိပ်ရေလှောင်ကန်တို့မှ တစ်ရက်လျှင် ရေဂါလန် ၁၈၅ သန်း၊ ကော်မတီပိုင်ရေတွင်းများမှ ဂါလန် သန်း ၂၀ နှင့် စုစုပေါင်း ရေဂါလန် ၂၀၅ သန်းနှုန်း ရန်ကုန် မြို့သို့ ပေးဝေနေသည်။

ထိုသို့ ရေဂါလန် ၂၀၅ သန်း ဖြန့်ဝေပေးနေသော်လည်း ယင်း ရေပမာဏသည် ရန်ကုန်တစ်တိုင်း လုံးအနေဖြင့် လုံလောက်အောင် လွှမ်းခြုံပေးဝေနိုင်ခြင်းမရှိသေး ပေ။

၂၀၁၄ သန်းခေါင်စာရင်းအရ ရန်ကုန်မြို့တွင် နေထိုင်သူဦးရေ ငါးသန်းကျော် (၅,၁၆၀,၅၁၂)ဦးရှိပြီး တစ်ရက်လျှင် ရေဂါလန် ၂၀၅ သန်း ပေးဝေနေခြင်းကြောင့် ရေဖြန့်ဝေမှုနှုန်းဖြင့် ပျမ်းမျှတွက်ချက်ပါက တစ်ဦးလျှင် တစ်ရက် သုံးစွဲမှု ၃၉ ဂါလန်နှုန်းရှိသည်။

ထို့ကြောင့် ဒလ၊ ဆိပ်ကြီးခနောင်တို၊ လှိုင်သာယာနှင့် ဒဂုံမြို့သစ် လေးမြို့နယ်အပါအဝင် ဆင် ခြေဖုံးမြို့နယ်အချို့ရှိ ရပ်ကွက်များတွင် ရန်ကုန်မြို့တော် စည်ပင်သာယာရေးကော်မတီကပေးမည့် ပိုက်လိုင်းရေရရှိရန် စောင့်ဆိုင်းနေ ရဆဲဖြစ်သည်။

‘‘အဝီစိရေဆိုတော့ သိတဲ့အတိုင်းပဲ။ အဝတ်လျှော်လည်း မဖြူ ဘူး။ သုံးရင်လည်း ရေညှိဖတ်တွေနဲ့ သုံးရတာ အဆင်မပြေဘူး။ ကျွန်မတို့ဆီလည်း ဂျိုးဖြူရေလို ပေးရင် ကောင်းတာပေါ့နော်’’ဟု လှိုင်သာယာမြို့နယ် ပင်လုံဈေး အနီးနေ ဒေါ်သန်းသန်းဝင်းက ဆိုသည်။

ထိုသို့ ရန်ကုန်တိုင်းဒေသကြီး အတွင်း ရေမလုံလောက်မှုပြဿနာ များ ဖြေလျှော့နိုင်ရန် ရေလုံ လောက်စွာရရှိရေး စီမံကိန်းများကို ဂျပန်နိုင်ငံ အထောက်အပံ့ဖြင့် ဆောင်ရွက်နေသည်ဟု ရန်ကုန်မြို့တော် စည်ပင်သာယာရေးကော် မတီ (ရေနှင့် သန့်ရှင်းမှုဌာန)ဒုတိယဌာနမှူး ဦးမျိုးသိန်းက ပြောသည်။

ရန်ကုန်မြို့တော် စည်ပင်သာယာရေးကော်မတီအနေဖြင့် တစ်နေ့လျှင် ရေဂါလန် သန်း ၁၀၀ ထပ်မံပေးဝေနိုင်မည့် ကုက္ကိုဝမြစ် ရေတင်စီမံကိန်းနှင့် လဂွန်းပြင်စီမံကိန်းများ ဆက်လက်အကောင်အထည်ဖော်နေသည်။

ယင်းစီမံကိန်းများ ပြီးစီးပါက တစ်နေ့လျှင် ရေဂါလန် သန်း ၃၀၀ ကျော် ပေးဝေနိုင်မည်ဖြစ်၍ ရေမရရှိသေးသည့် မြို့နယ်များအတွက် တိုးချဲ့ပေးဝေနိုင်မည်ဟု ဦးမျိုးသိန်းက ဆိုသည်။

လဂွန်းပြင် ရေပေးဝေရေး စီမံကိန်းသည် ၂၀၂၀-၂၁ ဘဏ္ဍာ နှစ်တွင် ပြီးစီးမည်ဖြစ်ပြီး ယင်းစီမံကိန်းမှ ဒဂုံမြို့သစ် လေးမြို့နယ်၊ ဒေါပုံ၊ သီလဝါစက်မှုဇုန်စီမံကိန်းတို့သို့ တစ်နေ့လျှင် ရေဂါလန်သန်း ၄၀ ပေးဝေနိုင်မည်ဖြစ်သည်။

ကုက္ကိုဝမြစ်ရေတင်စီမံကိန်းသည် ၂၀၂၄ တွင် ပြီးစီးမည်ဖြစ် ပြီး လက်ရှိ ရေမရရှိသေးသည့် လှိုင်သာယာမြို့နယ် တစ်ခုလုံးအ ပြင် ရေလိုအပ်ချက် ကျန်ရှိနေ သေးသော မြို့တွင်းခြောက်မြို့ နယ်၊ အလုံ၊ ကြည့်မြင်တိုင်၊ စမ်း ချောင်း၊ ကမာရွတ်၊ ဗဟန်း၊ ဒဂုံ နှင့် မင်္ဂလာတောင်ညွန့် အစရှိ သော မြို့နယ်များသို့ တစ်နေ့လျှင် ရေဂါလန်သန်း ၆၀ ပေးဝေနိုင် မည်ဖြစ်သည်။

‘‘နောင်လည်း ဆက်တိုက် လုပ်နိုင်အောင် ကျွန်တော်တို့ဘက် က ပြင်ဆင်နေတာရှိပါတယ်။ နောက် ရန်ကုန်နဲ့ ပတ်ဝန်းကျင်က မြစ်တွေကနေ ရေချိုရနိုင်မယ့်နေ ရာတွေကို လေ့လာချက်လုပ်နေ တာတွေရှိပါတယ်’’ဟု ဦးမျိုးသိန်း က ပြောသည်။

ရန်ကုန်သင်္ကြန်အတွက်ရေလောက်ပါရဲ့လား

ရန်ကုန်မြို့တွင် ရေသုံးစွဲမှုသည် သာမန်ရက်များ၌ ပုံမှန်ပမာဏအတိုင်းသာ ရှိသော်လည်း သင်္ကြန်ကာလတွင် သုံးစွဲမှု ပိုများ လေ့ရှိသည်။

ထို့ကြောင့် ရေအရင်းအမြစ်စောင့်ကြည့် သုတေသနပြုလုပ်သည့် အဖွဲ့အစည်းများက သင်္ကြန်ကာလအတွင်း အများပြည်သူထံဖြန့်ဝေသည့် သောက်သုံးရေများကို အလွန်အကျွံဆော့ကစားခြင်း မပြုလုပ်သင့်ကြောင်း သတိပေးခဲ့ သည်။

သို့သော် လက်ရှိရေလှောင်ကန်များတွင် စုဆောင်းထားနိုင်သည့် ရေပမာဏအရ သင်္ကြန်ကာလအတွက် သောက်သုံးရေလုံလောက်စွာရှိသည်ဟု ဦးမျိုးသိန်းက ဆိုသည်။

‘‘သင်္ကြန်အတွက်က ရေကိုကန်တွေမှာ သိုလှောင်တဲ့အပိုင်းဆို ကန်မှာ ရေအလုံအလောက်ရှိတယ်။ ဖြန့်ဝေတဲ့အပိုင်းအနေနဲ့လည်း ကျွန်တော်တို့က အလုံအ လောက်ရှိတဲ့အတွက် သိပ်ပြီး တော့ နောက်ပိုင်းကို ပူစရာမရှိပါ ဘူး။ သင်္ကြန်အတွက် ကျွန်တော်တို့က အလုံအလောက်ပေးနိုင်ပါ တယ်’’ဟု ၎င်းက ပြောသည်။

ထို့ကြောင့် ရန်ကုန်မြို့တော် စည်ပင်သာယာရေးကော်မတီအ နေဖြင့် လက်ရှိရေပေးဝေမှုတွင် အခက်အခဲမရှိဘဲ ရေမရရှိသေးသည့် မြို့နယ်များသို့ တိုးချဲ့ပေးရန် ပို၍ရုန်းကန်နေရသည်။

၂၀၁၄ လူဦးရေနှင့် အိမ်အ ကြောင်းအရာ သန်းခေါင်းစာရင်းအရ ရန်ကုန်တိုင်းဒေသကြီး၏ မြို့ပေါ်နေ လူဦးရေသည် ၅ ဒသမ ၂ သန်းရှိရာ ၂၀၄၀ တွင် လူဦးရေ ၁၀ သန်းခန့် တိုးပွားလာမှုနှင့်အတူ ရေလိုအပ်ချက် သန်း ၅၀၀ ခန့် ဖြစ်လာမည်ဟု ရန်ကုန်မြို့တော် စည်ပင်သာယာရေးကော်မတီက ခန့်မှန်းထားသည်။

ရန်ကုန်မြို့တွင် ၂၀၁၀ မတိုင်မီကာလများက ရေလှောင်ကန်များ၌ ရေအလုံအလောက် စုဆောင်းထားနိုင်ခြင်းမရှိ၍ သင်္ကြန်ရက်အတွင်း ရေကစားရန် နှင့် သောက်သုံးရေပေးဝေနိုင်ရန် ပူပန်ခဲ့ရသည်ဟု ရန်ကုန်မြို့ တော် စည်ပင်သာယာရေးကော် မတီ ရေ နှင့် သန့်ရှင်းရေးဌာန ဒုတိယဌာနမှူး ဦးမျိုးသိန်းက ဆိုသည်။ သင်္ကြန်နေ့ရက်များသည် ရေရှားပါးမှု အများဆုံး ကြုံတွေ့ရသည့် နွေရာသီတွင် ရောက်ရှိနေ ခြင်းက စည်ပင်သာယာရေးကော် မတီကို ပို၍အကျပ်ရိုက်စေခဲ့ သည်။

သို့သော် ၂၀၁၀ နောက်ပိုင်း ယင်းအခက်အခဲများ ကျော်လွှားနိုင်ခဲ့သည်ဟု ဦးမျိုးသိန်းကပြောသည်။ ရေလှောင်ကန်များထဲတွင် နွေရာသီမတိုင်မီကတည်းက ရေအလုံအလောက်သို လှောင်ထားနိုင်ခြင်း၊ ရေတွန်းစက်များကို လိုအပ်သည့် အတိုင်းအတာအထိ ကြံ့ခိုင်အောင်လုပ် ဆောင်ထားနိုင်ခြင်းများကြောင့် ရေပေးဝေရေးလုပ်ငန်းများ အခက်အခဲမရှိ ဆောင်ရွက်နိုင်ခဲ့သည်။

သို့သော် ယခုနှစ်တွင် ပြည်လမ်းအင်းလျားကန်ပေါင်မှအပ အင်းလျားကန်ရှေ့ ကမ္ဘာအေးဘုရားလမ်း၊ ကန်တော်ကြီး ကန် ပတ်လမ်းတို့တွင် မဏ္ဍပ်ဆောက် လုပ်ခွင့်မပြုခြင်းက သင်္ကြန်မဏ္ဍပ် များ၏ ရေအရင်းအမြစ်အသုံးချ မည့်အပေါ် စိုးရိမ်စရာဖြစ်စေသည်။

ရန်ကုန်တိုင်းဒေသကြီး အစိုးရသည် ယခုနှစ်တွင် ရေကစားမဏ္ဍပ် ၃၀ ကျော် ဆောက်လုပ်ခွင့်ပြုထားရာ အင်းလျားကန်ရေ ကို ပြည်လမ်းရှိ မဏ္ဍပ် ၁၀ ခုခန့်ကသာ အသုံးပြုမည်ဖြစ်၍ ကျန် မဏ္ဍပ်များသည် အများပြည်သူထံ ဖြန့်ဝေနေသည့် သောက်သုံးရေများထဲမှ ထုတ်ယူသုံးစွဲရမည့် သဘောဖြစ်သည်။

သို့သော် ယင်းသင်္ကြန်မဏ္ဍပ်များ အသုံးပြုမည့် ရေပမာဏကို ကြိုတင်တွက်ချက်ပြီး ရေပေးဝေမှုအပေါ် ထိခိုက်မှုမရှိဟု ယုံကြည်ရသဖြင့် ဆောက်လုပ်ရေကစားခွင့်ပေးခြင်းဖြစ်ကြောင်း ရန်ကုန်တိုင်းဒေသကြီး အစိုးရတာဝန်ရှိ သူတစ်ဦးက ဆိုသည်။

‘‘တိုင်းဒေသကြီး အစိုးရက မဏ္ဍပ် ၉၅ ခုအထိတောင် ခွင့်ပြုဖို့ လျာထားတာလေ။ အဲဒီ ၉၅ ခု ခွင့်ပြုမယ်ဆိုရင်တောင် ရေပေး ဝေမှု မထိခိုက်စေဘူးလို့ စစ်ဆေးလက်ခံထားပြီးဖြစ်တာကြောင့် အခုမဏ္ဍပ်အရေအတွက်လောက် နဲ့ဆို ပိုပြီးတောင် စိုးရိမ်စရာမရှိ နိုင်ဘူးပေါ့’’ဟု ၎င်းက ဆိုလေ သည်။