စိန်ခေါ်မှု ပြင်းထန်မည့် ဆော်ဒီအိမ်ရှေ့မင်းသား၏ ပြုပြင်ပြောင်းလဲရေး အစီအမံများ

ဆော်ဒီအာရေးဗီးယား အိမ်ရှေ့စံမင်းသား မိုဟာမက်ဘင်ဆယ်လ်မန်(အလယ်) reuters

ဆော်ဒီအာရေးဗီးယား အိမ်ရှေ့စံ မင်း သား မိုဟာမက် ဘင်ဆယ်လ်မန်ကို လက်တွေ့ ကျသည့် ပြုပြင်ပြောင်းလဲရေး ဝါဒီအဖြစ် နိုင်ငံတကာက ချီးကျူးသည်။ ငယ်ရွယ်သော် လည်း ထက်မြက်ပြီး လုပ်ရဲကိုင်ရဲ ရှိသည့် မင်းသားကလည်း ချီး ကျူးမှုများနှင့် အမှန်တကယ် ထိုက်တန်သည့် ပြုပြင်ပြောင်းလဲမှု များကို လက်တွေ့လုပ်ဆောင်ပြခဲ့ သူဖြစ်သည်။ သို့သော် ၎င်း၏ စီမံ ဆောင်ရွက်မှုများကို နှစ်သက်သူများရှိသလို အတိုက်အခံပြုလို သည့် အင်အားစုများ ပေါ်ပေါက် လာနိုင်သည်ကိုလည်း မျက်ကွယ် ပြုထား၍မရချေ။


၁၉ ရာစုက ထင်ရှားခဲ့သည့် ပြင်သစ်နိုင်ငံရေးသိပ္ပံနှင့် အတွေး အခေါ်ပညာရှင် အလက်ဆစ်ဒီ တော်ကူဗီးလ်က မှတ်ချက်တစ်ခု ပေးခဲ့ဖူးသည်။ ‘‘သက်ဦးဆံပိုင်ဆန် တဲ့ အုပ်ချုပ်ရေးစနစ်အတွက် အန္တရာယ်အရှိဆုံး အခိုက်အတန့် က ပြုပြင်ပြောင်းလဲရေးအတွက် စတင် လုပ်ဆောင်ချိန်ပဲ’’ဟု ၎င်းက ဆိုသည်။ ထိုစဉ်က တော်ကူဗီးလ် ရည်ညွှန်းခဲ့သည်မှာ လူးဝစ်(၁၆) ဘုရင်၏ ပြုပြင်ပြောင်းလဲရေးလုပ် ငန်းစဉ်များ ဖြစ်သည်။ ပြင်သစ် တွင် တော်လှန်ရေးကြီး ဖြစ်ပေါ် လာပြီး လူးဝစ် (၁၆)လည်း အသတ်ခံခဲ့ရသည်။

ခေတ်သစ်သမိုင်းတွင် ပြုပြင် ပြောင်းလဲရေး ဝါဒီအဖြစ် ထင်ရှား သည့် မီခေးလ် ဂေါ်ဘာချော့ဗ်လက်ထက်၌ ဆိုဗီယက် ယူနီယံကြီးပြိုကွဲ ပျက်စီးခဲ့သည်။ ထို့ကြောင့် ပြုပြင်ပြောင်းလဲရေးဆိုသည်မှာ နုတ်ထွက်ဝေါဟာရအနေဖြင့် သစ် လွင်နိုးကြားနေသော်လည်း လက်တွေ့အကောင်အထည်ဖော်ရန် စွန့်စားရသည့် အခြေအနေအများအပြား ရှိနေသည်။ ယခုအခါ ဘင် ဆယ်လ်မန်သည် ဆော်ဒီ၏ ပြည်တွင်းရေးနှင့် နိုင်ငံခြားရေး မူဝါဒများကို အရှိန်အဟုန်မြန်ဆန်စွာ ပြင်ဆင်ပြောင်းလဲရန် အားထုတ် လာပြီဖြစ်သည်။ ထို့ကြောင့် ၎င်း ၏ လုပ်ရပ်များကို ထောက်ခံ အားပေးသူများရှိသလို စိုးရိမ်စိတ်ဖြင့် စောင့်ကြည့်မှုများ ရှိနေသည် မှာ မဆန်းချေ။

တစ်ချိန်က ဆော်ဒီတော်ဝင် မိသားစုသည် နိုင်ငံကို အုပ်ချုပ် သည့် အစိုးရအနေဖြင့်သာမကဘဲ အရှေ့အလယ်ပိုင်းဒေသ အာရပ် နိုင်ငံများ၏ ဦးဆောင်နိုင်ငံတစ်ခု အသွင်၊ ဆွန်နီအစ္စလာမ်မစ်နိုင်ငံ ရေး၏ ဦးသျှောင်အသွင် ရပ်တည် ခဲ့သည်။ ဘာသာရေးကို အခြေခံ ရေးဆွဲထားသည့် ဥပဒေများကို ကျင့်သုံးသည်။ ထို့ကြောင့် ဆော်ဒီလူ့အဖွဲ့အစည်းသည် ယေဘုယျ အားဖြင့် ရှေးရိုးဆန်သည်။ ခေတ်အမြင်ကို ငြင်းပယ်သည်။ ဒေသ တွင်း ဩဇာကိုထိန်းချုပ်ပြီး ရေနံ ကို အခြေပြုသည့် ကြွယ်ဝချမ်းသာ မှုများဖြင့် နိုင်ငံတကာစီးပွားရေး နယ်ပယ်တွင် ဝင်ရောက်ခြယ် လှယ်ရန်သာ ဆော်ဒီ တော်ဝင် မိသားစု အသိုက်အဝန်းက စိတ် ဝင်စားလေ့ရှိသည်။

သို့သော် အာရပ်နွေဦးဟု ညွှန်းဆိုသည့် တော်လှန်ရေးလှုပ် ရှားမှုများအပြီးတွင် အရှေ့အ လယ်ပိုင်းဒေသ၏ နိုင်ငံရေး သွင်ပြင်၌ အပြောင်းအလဲများ ဖြစ်ပေါ်လာသည်။ တူနီးရှား၊ အီဂျစ်၊ လစ်ဗျား၊ ယီမင်နှင့် ဆီးရီးယားတို့ တွင် တော်လှန်ရေးများ ဆင်နွှဲခဲ့ သည်။ နောက်ဆက်တွဲအနေဖြင့် ရေနံဈေးအပေါ် ကြီးမားသည့်ရိုက်ခတ်မှုများပါ ရှိလာသည်။ ဆော်ဒီ တွင် အစိုးရကို ပုန်ကန်ခြားနားမှု မဟုတ်သည့်တိုင် ရှေးရိုးဆန်သည့်ဥပဒေနည်းလမ်းများဖြင့် အုပ်ချုပ် သည့်စနစ်အပေါ် ခေတ်ပညာတတ် လူငယ်ပိုင်းက ယခင်က ထက် ဝေဖန်လာသည်။ ထို့ကြောင့် ဆော်ဒီ အစိုးရအနေဖြင့်လည်း အပြောင်းအလဲများ ရှိသင့်ပြီဟု ဘုရင်ဆယ်လ်မန်က ယူဆခဲ့ သည်။ ယင်းတောင်းဆိုမှုအတွက် အဖြေသည် မင်းသား ဘင်ဆယ်လ် မန်ပင် ဖြစ်သည်။

ပြီးခဲ့သည့် နှစ်လယ်ပိုင်းက ဘုရင်ဆယ်လ်မန်သည် အိမ်ရှေ့ မင်းသား မိုဟာမက်ဘင်နာယက်ဖ် ကို ရာထူးမှဖယ်ရှားပြီး သားတော် ဘင်ဆယ်လ်မန်ကို အရိုက်အရာဆက်ခံသူအဖြစ် ရွေးချယ်ခဲ့သည်။ အိမ်ရှေ့မင်းသားဖြစ်လာချိန်တွင် ဘင်ဆယ်လ်မန်၏ အသက်သည် (၃၁) နှစ်မျှသာ ရှိသေးသည်။ ခေတ် ပညာတတ်ဖြစ်သော ဘင်ဆယ်လ်မန်ကို ဆော်ဒီဘုရင်က အာဏာ ကုန်နီးပါး လွှဲအပ်ပေးပြီး ပြုပြင်ပြောင်းလဲရေးကဏ္ဍကို စိတ်တိုင်း ကျကိုင်တွယ်စေသည်။

ဘင်ဆယ်လ်မန်သည် ဆော် ဒီအစိုးရ၏ ကာကွယ်ရေးဝန်ကြီး၊ လက်ထောက် ဝန်ကြီးချုပ်(၁)၊ စီးပွားရေးနှင့် ဖွံ့ဖြိုးရေးကောင်စီ အကြီးအကဲ စသောရာထူးများကို လည်း ရယူထားသေးသည်။ တစ် နည်းအားဖြင့် နိုင်ငံ၏ စီးပွားရေးနှင့် စစ်ရေး မူဝါဒအားလုံးကို ၎င်း တစ်ဦးတည်း ချုပ်ကိုင်ခွင့်ရထား သည့် သဘောဖြစ်သည်။ ဘင်ဆယ်လ်မန်သည် အိမ်ရှေ့မင်း သား ဖြစ်လာချိန်ကတည်းက ဆော်ဒီကို ဘာသာရေးအပေါ် လွန်လွန်ကဲကဲ အမှီပြုသည့်ပုံရိပ်မှ ဖယ်ခွာပြီး အလယ်အလတ်ကျ သည့် အစ္စလာမ်မစ်ဝါဒကို ပြောင်းလဲ ကျင့်သုံးမည်ဟု ကြွေးကြော်ခဲ့ သည်။ ၎င်း၏ စကားနှင့်အညီ လည်း လက်တွေ့အကောင်အ ထည်ဖော်ခဲ့သည်။

၎င်းလက်ထက်တွင် ဆော်ဒီ ၏ လူနေမှုကို ကန့်သတ်ထားသည့် စည်းမျဉ်းအများအပြားကို လျှော့ ပေါ့ပေးခဲ့သည်။ အမျိုးသမီးများကိုယ်တိုင် ကားမောင်းခွင့်ရလာ သည်။ ဆယ်စုနှစ် အတော်ကြာ ပိတ်ထားသည့် ရုပ်ရှင်ရုံများကို ပြန်ဖွင့်ပေးခဲ့သည်။ အားကစား ပွဲများတွင် အမျိုးသမီးများပါ တက်ရောက် အားပေးနိုင်ရန် စီစဉ်ပေးခဲ့ သည်။ ဘင်ဆယ်လ်မန်၏ လူမှု ရေးဆိုင်ရာ မူဝါဒအပြောင်းအလဲ များကို လူငယ်ပိုင်းနှင့် ခေတ်အမြင် ရှိသူများက ဝမ်းမြောက်ဝမ်းသာ ကြိုဆိုသည်။ သို့သော် ဆန့်ကျင် ဘက်အမြင်အရ ရှေးရိုးဆန်သူ များအတွက် မျက်စိစပါးမွေးစူး စရာ ဖြစ်လာသည်မှာ မဆန်းချေ။

ထို့ထက်ပိုသော အတိုက်အခံရပ်တည်မှုမျိုးလည်း ရှိနေသေး သည်။ ဆော်ဒီ တော်ဝင်မိသားစု ဝင်များထဲတွင် ငွေကြေးဓန အလွန်ကြွယ်ဝချမ်းသာသည့် ဘီလျံနာ သူဌေးများရှိနေသည်။ ငွေရှိသည့်နည်းတူ ၎င်းတို့သည် ဩဇာအာ ဏာလည်း ကြီးမားသည်။ နောက် မှပေါက်သည့် ရွှေကြာပင်သဖွယ် ဖြစ်နေသည့် လူငယ်တစ်ဦးက ပြုပြင်ပြောင်းလဲရေး လုပ်ငန်းများကို စိတ်တိုင်းကျ ခြယ်လှယ်နေ သည့်အပေါ် တော်ဝင်မိသားစုနှင့် ဩဇာကြီးမားသည့် ဆော်ဒီနိုင်ငံ ရေးသမားအချို့က မကျေနပ်ချေ။

ထိုကိစ္စကို ဘင်ဆယ်လ်မန် ကလည်း ကြိုတင်သဘောပေါက် ထားသည်။ ထို့ကြောင့် နောက် ကျောကို ဦးတည်လာနိုင်သည့် ဓားများကို ကြိုရှင်းရန် ၎င်းက အစီအမံရေးဆွဲခဲ့သည်။ ဘုရင် ကိုယ်တိုင် သတ်မှတ်သည်ဆိုသော အဂတိလိုက်စားမှု တိုက်ဖျက်ရေး စီမံချက်ကို အသက်သွင်းသည်။ တော်ဝင်မိသားစုဝင်များနှင့် ဆော်ဒီသူဌေးသူကြွယ် အများအပြား ထိုစီမံချက်ခေါင်းစဉ်အောက်ထဲ ဆွဲသွင်းကာ လိုက်လံဖမ်းဆီး သည်။ ဘင်ဆယ်လ်မန်က ၎င်း၏ အစွယ်ကို ထုတ်ပြပြီးနောက် အ တိုက်အခံများ ဦးကျိုးချိန်တွင် ပြန် လွှတ်ပေးခဲ့သည်။ ထိုလုပ်ရပ်သည် အာဏာအားကိုးဖြင့် အနိုင်ကျင့် သည့် သဘောမျိုးဆန်သော်လည်း အခြေအနေအရ အဖြစ်သင့်ဆုံး လမ်းကို အိမ်ရှေ့မင်းသားအနေ ဖြင့် ရွေးချယ်ခဲ့ခြင်းဖြစ်ဟန်ရှိ သည်။

နိုင်ငံရေးတွင်သာမကဘဲ စစ် ဘက်တွင်လည်း အတိုက်အခံအင်အားစု ဖြစ်လာနိုင်သူများကို ဘင် ဆယ်လ်မန်က ရှင်းလင်းခဲ့သည်။ယီမင်၌ စစ်ဆင်ရေးအားနည်းချက် များရှိနေသည်ကို အကြောင်းပြ ကာ ဆော်ဒီ စစ်ဦးစီးချုပ်အပါ အဝင် ထိပ်တန်းစစ်ဘက်အရာရှိ အများအပြားကို ညတွင်းချင်း ရာထူးမှ ထုတ်ပယ်ခဲ့သည်။ အဆို ပါ ထုတ်ပယ်သူများ၏ နေရာတွင် နောက်တစ်နေ့ မနက်၌ ကာကွယ် ရေးဝန်ကြီး လုပ်ပိုင်ခွင့်ဖြင့် ဘင် ဆယ်လ်မန်ကိုယ်တိုင် ခန့်အပ် သည့် အရာရှိကြီးများက အစား ထိုးနေရာယူထားပြီး ဖြစ်နေသည်။ 

အိမ်ရှေ့မင်းသားသည် ပြည် တွင်း မူဝါဒများကို ကြပ်မတ်နေချိန်တွင် ဒေသတွင်း၌ ဆော်ဒီ၏ ဩဇာကို ဆက်လက်ဖြန့်ကြက်ထားရန် လည်း စစ်အင်အားကို မွမ်းမံဖြည့် တင်းခဲ့သည်။ ဆွန်နီ အစ္စလာမ်မစ် ဘာသာရေး၏ တိုက်ရိုက်ပြိုင် ဘက်ဟုဆိုနိုင်သည့် ရှီးဟိုက်အစ္စ လာမ်တို့အပေါ် ပိုမိုဖိနှိပ်ရန် ပြင် ဆင်လာခဲ့သည်။ ယီမင်ပြည်တွင်း ရေးကို ထဲထဲဝင်ဝင်စွက်ဖက်ကာ ရှီးဟိုက်အနွယ် ဟိုသီသူပုန်များကို တိုက်ခိုက်နေသည့် အာရပ်မဟာ မိတ်အုပ်စုကို ဆော်ဒီက ဦးဆောင် ခဲ့သည်။ အင်အားအကြီးဆုံး ရှီး ဟိုက်နိုင်ငံဖြစ်သည့် အီရန်အပေါ် ပိုမိုတင်းမာသည့် သဘောထားမျိုး ပြသခဲ့သည်။

ဘင်ဆယ်လ်မန်၏ အရေးအကြီးဆုံး နိုင်ငံတကာမူဝါဒအ ပြောင်းအလဲတစ်ခုက အစ္စရေးနှင့် တိုက်ရိုက်ပတ်သက်နေသည်။ အ စဉ်အလာအားဖြင့် အရှေ့အလယ် ပိုင်း အာရပ်နိုင်ငံများအနေဖြင့် အစ္စရေးကို တရားဝင်အသိအမှတ် မပြုလိုကြချေ။ ဂျူးများက ပါလက် စတိုင်းနယ်မြေများကို မတရား နယ်ချဲ့ရယူကာ အစ္စရေးနိုင်ငံဟု သတ်မှတ် ထူထောင်ထားသဖြင့် တရားမဝင်ကြောင်း အစ္စလာမ်မစ် အာရပ်နိုင်ငံများက စွပ်စွဲခဲ့သည်။ သို့သော် ပြီးခဲ့သည့် သီတင်းပတ် တွင် ဘင်ဆယ်လ်မန်က ဂျူးပြည် သူများအနေဖြင့် ကိုယ်ပိုင်နိုင်ငံ တစ်ခုထူထောင်ကာ အခြေချနေ ထိုင်ခွင့်ရှိကြောင်း တရားဝင်ပြော ကြားခဲ့သည်။

ဘင်ဆယ်လ်မန်သည် ဘုံရန်သူအဖြစ် ရှိနေသော အီရန်ကို ပိုမို ထိရောက်စွာ ဖိနှိပ်ရန် အစ္စရေးကိုလက်ကမ်းခဲ့ခြင်းဖြစ်နိုင်သည်။ အစ္စရေးနှင့် ဆော်ဒီတို့သည် လက် ရှိအချိန်ထိ တရားဝင်သံတမန် ဆက်ဆံရေးပင် မထူထောင်ရသေး ချေ။ သို့သော် လတ်တလောအ နေအထားများအရ နှစ်နိုင်ငံ ဆက်ဆံရေး လျင်မြန်စွာ ဖွံ့ဖြိုးနွေး ထွေးလာမည့် အလားအလာသို့ ဦးတည်နေသည်။ အစ္စလာမ်ဘာ သာရေး ဦးသျှောင်နိုင်ငံတစ် ခုအနေဖြင့် ဆော်ဒီက အစ္စရေးကို အသိအမှတ်ပြုသည်ဆိုခြင်းမှာ အံ့ဩစရာကိစ္စဖြစ်သည်။ ဆော်ဒီ ၏ အရှိန်အဝါကြောင့် အာရပ်နိုင်ငံ အစိုးရအချို့က ပွင့်ပွင့်လင်းလင်း မကန့်ကွက်သည့်တိုင် ထိုကိစ္စအ ပေါ် မကျေလည်မှုများ ခိုအောင်း နေနိုင်သည်မှာ သံသယရှိစရာ မလိုချေ။ ဂါဇာအပါအဝင် ဒေသ အလိုက် လှုပ်ရှားနေသည့် အစွန်း ရောက် အစ္စလာမ်မစ်အုပ်စုအချို့ ကမူ ဘင်ဆယ်လ်မန်၏ စကား အပေါ် ပွင့်လင်းစွာ ရှုတ်ချလာခဲ့ သည်။

လက်ရှိအချိန်ထိ ဆော်ဒီ အိမ်ရှေ့မင်းသား၏ ပြုပြင်ပြောင်းလဲရေး လုပ်ငန်းစဉ်များသည် ထိရောက်ပြီး ရဲတင်းလွန်းနေ ကြောင်း တွေ့မြင်နိုင်သည်။ ၎င်း သည် ဘက်ပေါင်းစုံ စီမံသုံးသပ် ပြီးမှ အပြောင်းအလဲများကို လက် တွေ့အကောင်အထည်ဖော်နေ မှန်းလည်း သိသာသည်။ သို့သော်တော်ကူဗီးလ်၏ စကားကဲ့သို့ပင် နှစ်ပေါင်းများစွာ အရိုးစွဲလာသည့်အရာများကို ရုတ်တရက် မြန်မြန် ဆန်ဆန် ပြင်ဆင်နေခြင်းသည် အန္တရာယ်များလွန်းသည်မှာ အမှန်ပင်။ အငြင်းပွားစရာ၊ ထောက်ပြစရာ ကြီးကြီးမားမား ရှာမတွေ့သေးသည့်အချိန်တွင် ထိုပြဿနာ က မသိသာသော်လည်း ဘင် ဆယ်လ်မန်၏ ခြေလှမ်းအမှား တစ်ခု ကြုံလာသည်နှင့် ၎င်းကိုအမဲဖျက်မည့်သူများ စုပြုံပေါ် ထွက်လာမည်မှာ သေချာသည်။ ဘင်ဆယ်လ်မန်တစ်ယောက် ၎င်းကြွေးကြော်ထားသည့်အတိုင်း ဆော်ဒီအာရေးဗီးယားကို ခေတ် မီပြီး အလယ်အလတ်လမ်းစဉ်ကျ သည့် အစ္စလာမ်မစ်နိုင်ငံတစ်ခု အသွင် အောင်မြင်စွာပြောင်းလဲ နိုင်ခြင်း ရှိ၊ မရှိ အချိန်ကာလက အဖြေပေးမည်ဖြစ်သည်။

—Ref: Haaretz, CNN


ဘောလုံးပွဲအားပေးနေသော ဆော်ဒီအမျိုးသမီးအချို့ကို တွေ့ရစဉ်
AFP


ရီးယာ့ဒ်မြို့တွင်ပြုလုပ်သော ဇာတ်လမ်းတိုရုပ်ရှင်ပြိုင်ပွဲ ပွဲတော်သို့တက်ရောက်လာသော ဆော်ဒီအမျိုးသမီးများ
 FAYEZ NURELDINE / AFP


ဆော်ဒီအမျိုးသမီးများအား ကားမောင်းနှင်ခွင့်ပေးလိုက်ပြီးနောက် ကားမောင်းနေသော ဆော်ဒီအမျိုးသမီးတစ်ဦး
EPA