ရန်ကုန်မြို့သစ်နှင့်ပတ်သက်၍ သမ္မတကြီးသို့ အိတ်ဖွင့်ပေးစာ

လေးစားအပ်သောသမ္မတကြီးခင်ဗျား

ယခုအခါ ရန်ကုန်တိုင်းဒေသ ကြီး အစိုးရအဖွဲ့က ရန်ကုန်မြို့သစ်ဆိုတဲ့ မြို့သစ်ကြီးတည်မည် ဖြစ်ကြောင်း၊ စင်ကာပူနှစ်ဆ လောက်အထိ ရှိလာမည်ဖြစ် ကြောင်း စတဲ့ကြွားဝင့်မှုများနှင့်အတူ အစိုးရသက်တမ်း တတိယနှစ်ရဲ့ ပထမခြေလှမ်းအဖြစ် NYDC ကုမ္ပဏီမိတ်ဆက်ခြင်းအခမ်းအနားကိုပါ ကျင်းပလာတာ တွေ့ရှိရ ပါတယ်။

စီးပွားရေးမြို့တော်ဖြစ်တဲ့ ရန်ကုန်မြို့ဖွံ့ဖြိုးရေးဟာ နိုင်ငံ တော်ဖွံ့ဖြိုးရေးနှင့် ဆက်စပ်နေကြောင်း နိုင်ငံတော်၏ အတိုင်ပင်ခံပုဂ္ဂိုလ်ကိုယ်တိုင် ပြောကြားခဲ့ဖူးပါတယ်။ ဒါကြောင့် ရန်ကုန်မြို့ သစ်တည်ဆောက်မယ်၊ အခြေခံ အဆောက်အအုံအတွက်ပင် အမေရိကန်ဒေါ်လာ ၁ ဒသမ ၅ ဘီလီယံခန့်ကုန်ကျမယ်၊ အစိုးရက နိုင်ငံ ပိုင်လယ်မြေဧက နှစ်သောင်းခန့် ရင်းနှီးပြီး ကုမ္ပဏီတွေက ငွေကို ရင်းနှီးမယ်ဆိုတာတွေဟာ ပြည် ထောင်စုကြီးရဲ့ အကျိုးစီးပွားနဲ့ တိုက်ရိုက်ဆက်စပ်နေတာတွေ ဖြစ်လို့ ပြည်ထောင်စုအကြီးအကဲ ဖြစ်တဲ့ နိုင်ငံတော်သမ္မတကြီးအနေနဲ့ ဒီကိစ္စဟာ ပြောတဲ့အတိုင်း ဖြစ် နိုင်၊ မဖြစ်နိုင်၊ လုပ်သင့်၊ မလုပ်သင့် အဆုံးအဖြတ်ပေးနိုင်ပါရန် ယခုကဲ့သို့ အိတ်ဖွင့်ပေးစာအဖြစ် လေးစားစွာ တင်ပြရခြင်းဖြစ်ပါ တယ်ခင်ဗျား... ။

သမိုင်းကိုပြန်ကြည့်ရင် ဒီမြို့သစ်ဟာ လာခြင်းကောင်းတဲ့မြို့လို့ ပြောရန် အလွန်ခက်ခဲတာတွေ့ရပါတယ်။ ရန်ကုန်မြို့သစ်ဆိုတဲ့အမည်ကို ပေးခဲ့သူဟာ ယခင်တပ်မတော်အကြီးအကဲ ဗိုလ်ချုပ်မှူးကြီး သန်းရွှေဖြစ်ပြီး သူကိုယ်တိုင် ဒဂုံဆိပ်ကမ်းမှာ နေရာရွေးချယ် ခြင်း၊ ပုံစံရေးဆွဲစေခြင်း၊ ဟိုတယ်တစ်လုံး စတင်တည်ဆောက်ရန် ပန္နက်တင်ခြင်းများ ပြုလုပ်ခဲ့ပါတယ်။

အဲဒီနောက် နေပြည်တော်ဘက်ကို စိတ်ကူးရောက်သွားပြန်ပါတယ်။ မကြာမီ ရန်ကုန်မြို့သစ်ကို အကောင်အထည်ဖော်ပေးရတဲ့ သူ့ရဲ့ဝန်ကြီးချုပ်ကို သူကိုယ်တိုင် ဖမ်းဆီးအရေးယူခဲ့ခြင်းနဲ့ ဇာတ်သိမ်းခဲ့ပါတယ်။ သမ္မတကြီး ဦးသိန်းစိန်လက်ထက်မှာလည်း ယခင်တပ်မတော်အကြီးအကဲပေးခဲ့တဲ့ ရန်ကုန်မြို့သစ် အမည်နာမကိုယူပြီး ကြည့်မြင်တိုင်တစ်ဖက် ကမ်းမှာ ဆောင်ရွက်မယ်လို့ သတင်းထွက်ပေါ်လာပါတယ်။ JICA ရဲ့ စီမံကိန်းမှာ ဒုတိယဦးစား ပေးဖြစ်တာကို ပထမဖြစ်အောင် ဇွတ်အတင်းဖန်တီးမှုနဲ့အတူ ပြည်သူတွေရဲ့ ယုံကြည်မှုမရရှိတဲ့အတွက် အစိုးရအပေါ် ထောက်ခံမှုများစွာ ကျဆင်းခဲ့ရပါတယ်။ ယခု အစိုးရလက်ထက်မှာ ရန်ကုန်တိုင်းဒေသကြီး အစိုးရက အငြိမ်းစား ဗိုလ်ချုပ်မှူးကြီး သန်းရွှေပေးခဲ့တဲ့ ရန်ကုန်မြို့သစ်ဟူသော အမည်နာမကိုပင် နှစ်ခြိုက်စွာ အမွေဆက်ခံပြီး အထက်ပါနေရာမှာ တည် ဆောက်ဦးမယ်လို့ ကြေညာခဲ့ခြင်း ဖြစ်ပါတယ် ခင်ဗျား။

သမ္မတကြီးခင်ဗျား

မြန်မာနိုင်ငံမှာ မြို့သစ်တည်ရင် မူလသမိုင်းဝင်မြို့အမည်ကို သုံးစွဲလေ့မရှိကြောင်း တွေ့ရှိရပါ တယ်။ ဥပမာ- ပဲခူးမြို့ကြီးအနီး မြို့သစ်တည်ရာမှာ ပဲခူးမြို့သစ်လို့ မသုံးပါဘူး။ ဥဿာမြို့သစ်လို့ သုံး စွဲခဲ့ပါတယ်။ ဒီလိုပါပဲ တောင်ကြီး မှာ အေးသာယာမြို့သစ်၊ မန္တလေးမှာ ရတနာပုံမြို့သစ်၊ တောင်ငူမှာ ကေတုမတီမြို့သစ်လို့ အမည်ပေးထားတာ တွေ့ရှိရပါတယ်။ ပုဂံမှာတော့ မူလရှေးဟောင်း ပုဂံမြို့ထဲက အိမ်ခြေအားလုံးကို ပြောင်းရွှေ့ ပြီး တည်ရလို့ ပုဂံမြို့သစ်ဆိုပြီး ပေးခဲ့တာ တွေ့ရပါတယ်။ ရန်ကုန်မှာရန်ကုန်သစ် (New Yangon) အမည်နဲ့ သင်္ဃန်းကျွန်းမှာ ရပ်ကွက်တစ်ခုရှိနေပါတယ်။ ရန်ကုန်မြို့သစ်ဆိုတဲ့ အမည်ကြောင့် မူလ ရန်ကုန်ဟာ နေရင်းထိုင်ရင်း မြို့ဟောင်းဘဝ ရောက်ရှိသွားပြီး သမိုင်းဝင် မြို့ရဲ့ဂုဏ်အင်္ဂါကို အဆင့်ချလိုက်သလို ဖြစ်သွားမှာကိုလည်းထည့်သွင်း စဉ်းစားပေးစေလိုပါတယ် ခင်ဗျား... ။

သမ္မတကြီးခင်ဗျား

ဆက်လက်ပြီး ရန်ကုန်မြို့သစ် တည်ဆောက်ရန် လိုအပ်၊ မလိုအပ်နဲ့ပတ်သက်ပြီး လေ့လာ တွေ့ရှိချက်အချို့ကို တင်ပြလိုပါတယ်။ ရန်ကုန်မြို့ကြီးမှာ မြို့အင်္ဂါနဲ့မညီတဲ့ ဌာနဆိုင်ရာ ခြံဝင်းကြီးတွေ၊ အိမ်ရာစခန်းအဟောင်းတွေ၊ မြေကွက်လပ်ကြီးတွေ အမြောက်အမြားတည်ရှိနေပါတယ်။ ကမ္ဘာ အေးဘုရားလမ်းနဲ့ ချော်တွင်းကုန်း ဝဲယာမှ ယခင်က ကစလဝင်းကြီး တွေ၊ တပ်မတော်မှတ်တမ်းရုံးဝင်း ကြီးတွေ၊ ပုသိမ်ညွန့်နဲ့ ပုဇွန်တောင်အကြား ယခင်ကုန်သွယ်ရေးဂို ဒေါင်အဟောင်းများနဲ့ သစ်ပုံဝင်း ကြီးတွေ၊ အလုပ်မဖြစ်တော့တဲ့ သာကေတ ဂုန်နီကော်ဇောစက်ရုံ ဝင်းကြီးတွေ၊ ခရေပင်လမ်းဆုံနဲ့ တညင်းကုန်းလမ်းဆုံအကြား ကြ ခတ်ဝိုင်းနဲ့ မျက်စိတစ်ဆုံးရှိနေတဲ့ မြေကွက်လပ်ကြီးတွေ၊ ခရေပင် လမ်းဆုံနဲ့ အမှတ် (၃)လမ်းအကြားဧကထောင်ချီရှိတဲ့ မြေကွက်လပ် တွေ၊ ရန်ကင်း၊ သုဝဏ္ဏ၊ ဦးဝိစာရ အစရှိတဲ့ အစိုးရပိုင်အိမ်ရာ စခန်း အဟောင်းတွေအပြင် ချောက်ချား နေတဲ့ မင်္ဂလာဒုံမြောက်ဖျားမှမြေ တွေ စသည်စသည်ဖြင့် များစွာ တည်ရှိနေပါတယ်။ ဒါ့အပြင် ဒဂုံ မြို့သစ်များမှာ ကုမ္ပဏီတွေကို စက်မှုလယ်ယာအတွက် ခွင့်ပြုပေးထားပြီး အကောင်အထည်မပေါ် လာလို့ ပြန်သိမ်းရမယ့် ဧကပေါင်း ၈,၀၀၀ ကျော်၊ အမှတ် (၂) လမ်း လေးထောင့်ကန်အလွန် လန (၃၉) ရထားတဲ့ ဧကပေါင်း တစ်သောင်း ကျော်လည်း ရှိပါသေးတယ်။ ထိုမျှမက စုစုပေါင်း ရန်ကုန်စည်ပင် နယ်နိမိတ် ၃၀၆ စတုရန်းမိုင်မှာ ၅၀ ရာခိုင်နှုန်းကျော်တဲ့ ၁၇၀ စတုရန်းမိုင်ဟာလည်း မြို့သစ်တွေဖြစ်ပြီး ပြန့်ကျဲမှု (Spraw) များစွာဖြစ်ထွန်းနေပါတယ်။ စနစ်တကျ လူ နေသိပ်သည်းမှု (Guided Densi- fication) ဖြစ်အောင် ဆောင်ရွက် ပေးနိုင်တဲ့ အနေအထားမှာရှိနေပါတယ်။ Ideal Land ဆိုတဲ့ ပစ်ထားတဲ့ မြေကွက်လပ်တွေဟာ ဒဂုံဆိပ်ကမ်းမှာ လက်ညှိုးထိုးမလွဲရှိနေတာလည်း ကောင်းစွာတွေ့မြင်နိုင်ပါတယ် ခင်ဗျား... ။

သမ္မတကြီးခင်ဗျား

အထက်ပါအချက်များအရ နောင် ၁၀ နှစ်အကြာ ရန်ကုန်ဟာ မီဂါစီးတီးဖြစ်ပြီး လူဦးရေ ၁၀ သန်းရှိလာသည့်တိုင်အောင် မြို့သစ် တည်ရန် မလိုအပ်သေးကြောင်း အထင်အရှားတွေ့ရှိနိုင်ပါတယ်။ လက်ရှိ လူဦးရေ ငါးသန်းကျော်ရှိ တဲ့ ရန်ကုန်ရဲ့ လူဦးရေသိပ်သည်း မှုဟာ တစ်စတုရန်းကီလိုမီတာမှာ ၄,၅၉၈ ဦးရှိပါတယ်။ လူဦးရေ ၁၀ သန်းရှိတဲ့ ဘန်ကောက်ရဲ့ လူဦး ရေသိပ်သည်းမှုဟာ တစ်စတုရန်း ကီလိုမီတာမှာ ၉,၅၁၀ ဦးရှိပါ တယ်။

ရန်ကုန်ရဲ့ လက်ရှိသိပ်သည်းမှုဟာ လူဦးရေ နောက်ထပ် ငါးသန်းတိုးလာသည့်တိုင်အောင် ဘန်ကောက်ထက် လျော့နည်းနေ ဦးမှာ ဖြစ်ပါတယ်။ လက်ရှိဧက ၁,၄၀၀ ရှိတဲ့ Eco Green City၊ ဒဂုံဆိပ်ကမ်းမှ Smart District၊ ရန်ကင်း Golden City၊ KAJIMA City၊ ပါရမီ Inno City၊ ကန်ဘဲ့ City၊ လမ်းသစ်အိမ်ရာနဲ့ အခြား သော ပုဂ္ဂလိက အထပ်မြင့်တွေ ပြီးစီးရင် အိမ်ခန်းတွေ သိန်းနဲ့ချီပြီး ပေါ်ထွက်လာမှာ ဖြစ်ပါတယ်။ စနစ်တကျ သိပ်သည်းမှုမြှင့်တင် ခြင်းနဲ့တကွ မြောက်ဖျားမှာ ချောက် ချားနေတဲ့ ဧရိယာအပါအဝင် ဌာနဆိုင်ရာ ခြံဝင်းတွေ၊ မြေကွက်လပ် တွေ၊ ယိုယွင်းနေတဲ့ အိမ်ရာစခန်း အဟောင်းပေါင်း ၁၀ ခုရှိတဲ့နေရာ တွေကို ထိရောက်တဲ့ အသုံးချမှု (Effective Utilization) ဖြစ်ပေါ် လာရင် လူဦးရေ ၁၀ သန်းကျော် လာစေဦးတော့ ‘လာလှည့်ကုန်- နေလှည့်ကုန်’လို့ ရန်ကုန်က ထွေး ပွေ့ထားနိုင်မှာ ဖြစ်ပါတယ်။ နောင်အခါ ဒလအပါအဝင် ရန် ကုန်ပတ်ဝန်းကျင်မြို့များမှာ ပိုမို ဖွံ့ဖြိုးအောင် ဆောင်ရွက်ပေးနိုင် တာနဲ့အမျှ ရန်ကုန်ကို မှီခိုတဲ့ လူ ဦးရေဟာလည်း လျော့နည်းသွား မှာဖြစ်ပြီး နောက်ထပ် သုံးသန်းနေမယ့် မြို့သစ်ကြီး တည်ဆောက် ခြင်းဟာ လုံးဝလွဲမှားတဲ့ နည်းဗျူ ဟာဖြစ်ကြောင်း အလွန်သေချာပါ တယ်ခင်ဗျား... ။

သမ္မတကြီးခင်ဗျား

လက်ရှိ မြို့သစ်တည်မယ့် ကြည့်မြင်တိုင်တစ်ဖက်ကမ်းနေ ရာဟာ Soft Soil Area ဖြစ် ကြောင်း ဘူမိဗေဒပညာရှင်များရဲ့ Soil Study ပြုလုပ်မှုများအရ အ ထင်အရှားသိရှိနေရပါတယ်။ ‘မြေ ပျော့ရာမြို့တည်’ မယ့် ၎င်းနေရာ ဟာ လက်ရှိ လှိုင်သာယာမြို့ထက် ပင်လယ်ရေမျက်နှာပြင်အောက် ၁၀ ပေခန့်အထိ နိမ့်ကျနေကြောင်း လည်း ယခင်အစိုးရ မြို့သစ်စီမံ ကိန်း အဆိုပြုချက်တွေကို လေ့လာကြည့်ရင် တွေ့ရှိနိုင်ပါတယ်။ ဒါ ကြောင့် ခေတ်မီမြို့တည်ရန် အ နည်းဆုံး အမြင့်ပေ ၂၀ မှ ၃၀ ပေ အထိ မြေဖို့ရမယ်လို့ တင်ပြချက် တွေလည်း အထင်အရှားရှိခဲ့ပါ တယ်။ အထပ်မြင့်တွေ တည် ဆောက်ရင် ကုန်ကျစရိတ်ဟာ ‘မြေ ပျော့ထဲမှာ ပလုံစွပ်’ ဆိုသလို ကုန် ကျစရိတ်ပမာဏများစွာ ကြီးမားပြီးငလျင်ကဲ့သို့ သဘာဝဘေး အန္တရာယ် ခြိမ်းခြောက်မှုကိုလည်း ပိုမိုစိုးရွံ့နေရမှာ ဖြစ်ပါတယ်ခင်ဗျား..။

သမ္မတကြီးခင်ဗျား

၁၈၉၈ ခုနှစ်အောက် မြန်မာ နိုင်ငံမြို့နှင့် ကျေးရွာမြေများ နည်း ဥပဒေမှာ အစိုးရအနေနဲ့ မြို့သစ် တည်ခြင်းဟာ ‘စီးပွားရေးအကျိုး အမြတ်’အတွက်မဟုတ်ဘဲ ‘အများပြည်သူအကျိုးစီးပွား’ အတွက်သာ ဖြစ်ရမယ်လို့ ပါရှိတာ တွေ့ရှိရပါ တယ်။

လက်ရှိ ရန်ကုန်မြို့သစ်ကို PPP နဲ့ တည်ဆောက်ရင် စီးပွား ရေးအကျိုးအမြတ်ရှိမှ တည်နိုင်မှာ ဖြစ်ပါတယ်။ ကိုလိုနီခေတ်မှာ နယ်ချဲ့အစိုးရသည်ပင် အများ ပြည်သူအကျိုးကို ဦးစားပေးရမယ် လို့ ဖွင့်ဆိုချက်နဲ့ ယခုလုပ်ရပ်ကို နှိုင်းယှဉ် ချိန်ထိုးကြည့်သင့်ပါ တယ်။

နောက်ပြီး စီးပွားရေးအကျိုး အမြတ်ဆိုရာမှာလည်း လက်ရှိ အိမ်ရာဈေးကွက်ဟာ မြန်မာနိုင်ငံ မှာ မကြုံစဖူး အေးခဲနေတာဖြစ်ပါ တယ်။ ဝယ်သူကြိုက်ဈေးဖြစ်နေ တယ်ဆိုတာ ပြောဖို့မလိုပါဘူး။ အထူးသဖြင့် မကြုံစဖူးဝယ်လိုအား ကျဆင်းမှုကြောင့် အိမ်ရာဆောက် လုပ်ရေးလုပ်ငန်းများအားလုံး ရပ် ဆိုင်းလုနီးပါးဖြစ်နေတဲ့အချိန်မှာ PPP နဲ့ မြို့သစ်တည်ပြီး အိမ်ရာ ဖော်ထုတ်ရောင်းချတဲ့လုပ်ငန်း ဟာ ‘သေမယ့်အပတ် စစ်ထဲလိုက်’ ဆိုတဲ့အတိုင်း ဖြစ်နေပါ့မယ်ခင် ဗျား... ။

သမ္မတကြီးခင်ဗျား

မြို့သစ်တည်ခြင်းဆိုရာမှာ ဝင်ငွေအမျိုးမျိုးရှိတဲ့ ပြည်သူတွေ ရဲ့ အိမ်ရာလိုအပ်ချက်ကို ဖြည့် ဆည်းပြီး လူမှုရေးအရ ရောထွေး တည်ရှိမှု (Social Mix) ကို ဖန်တီး ရတာ ဖြစ်ပါတယ်။ ဖန်တီးမှုပုံစံ နှစ်မျိုးရှိကြောင်းလည်း တွေ့ရှိရ ပါတယ်။ ကိုရီးယား၊ ဂျပန်၊ စင် ကာပူ စတဲ့ချမ်းသာတဲ့ နိုင်ငံတွေ မှာ ‘လူလတ်တန်းစား’ အတွက် အိမ်ရာများကို ပိုမိုဦးစားပေးပြီး ဝင်ငွေနည်းသူတွေအတွက် အိမ် ရာက အနည်းစုဖြစ်ပါတယ်။ စီးပွားရေးအကျိုးအမြတ်လည်းရရှိတာ တွေ့နိုင်ပါတယ်။ မြန်မာ၊ ကမ္ဘော ဒီးယား၊ လာအို စတဲ့နိုင်ငံများအပါ အဝင် လက်တင်အမေရိကဒေသ နဲ့ အာဖရိကဒေသမှ ဆင်းရဲနွမ်းပါး တဲ့ နိုင်ငံတွေမှာတော့ လူလတ် တန်းစားက အလွန်နည်းပြီး ဆင်းရဲနွမ်းပါးသူ အလွန်များတဲ့အတွက် ကျူးကျော် အစရှိတဲ့ ‘ဝင်ငွေနည်း ပြည်သူများ’အတွက် အိမ်ရာကို သာ အထူးဦးစားပေးပြီး ဝင်ငွေအ လယ်အလတ်နဲ့ ချမ်းသာကြွယ်ဝ သူတို့အတွက် အိမ်ရာအနည်းစု သာ ရောနှောပါဝင်တာကို တွေ့ရှိ နိုင်ပါတယ်။ အထူးသဖြင့် အစိုးရ ရဲ့ ထောက်ပံ့မှု (Subsidy) ကို ပိုမို အားပြုရပါတယ်။ အလွန်ဆင်းရဲ တဲ့နိုင်ငံမှာ ရန်ကုန်မြို့သစ်ဟာ ပထမအမျိုးအစားကို ရည်မှန်း လျှင် စေတနာကောင်းဖြင့်ဆောင်ရွက်သော်လည်း မြေယာသယံဇာတနဲ့ ငွေကြေးသယံ ဇာတတွေ ပြုန်းတီးပြီး တစ္ဆေမြို့ကြီး (Ghost City) ဖြစ်လာနိုင်ပါတယ်။ သို့မဟုတ် ငွေကြေးချမ်းသာသူတို့ ဝယ်လှောင်ဈေးကစားမယ့် မြေကွက်များနဲ့ Second Home များတည်ရှိရာ မြို့ကြီးဖြစ်လာမှာ သေချာပါတယ်ခင်ဗျား...။ (ယခုဆောင်းပါးရေးနေစဉ်မှာပင် ယခင်မရောင်းရသေးတဲ့ လယ်တွေကို တစ်ဧက သိန်း ၂၅၀ မှ ၃၀၀ အထိ အရောင်းအဝယ်ဖြစ်နေကြောင်း သိရှိရပါတယ်ခင်ဗျား။)

သမ္မတကြီးခင်ဗျား

၂၀၁၂ ခုနှစ် လယ်ယာမြေ နည်းဥပဒေမှာ လယ်ယာမြေလျော် ကြေးတွက်ချက်ပုံကို နှစ်မျိုးခွဲခြား ထားပါတယ်။ စီးပွားရေးအကျိုးအ မြတ်ဖြစ်ထွန်းနိုင်မှုမရှိတဲ့ကိစ္စနဲ့ လုံခြုံရေးကိစ္စများအတွက်ဆိုရင် ကာလပေါက်ဈေးနဲ့ လျော်ကြေး ပေးရမှာ ဖြစ်ပါတယ်။ စီးပွားရေး အကျိုးအမြတ် ဖြစ်ထွန်းနိုင်တဲ့ လုပ်ငန်းဖြစ်ရင် ညှိနှိုင်းသဘောတူညီ တဲ့ ငွေကြေးပမာဏ (သို့မဟုတ်)ဗဟိုလယ်ယာမြေစီမံခန့်ခွဲမှုအဖွဲ့ က ဖွဲ့စည်းပေးတဲ့ ‘လျော်ကြေးငွေ သတ်မှတ်ရေးအဖွဲ့’က ကာလ ပေါက်ဈေးဖြင့် တွက်ချက်သော တန်ဖိုးအောက် မနိမ့်သော ငွေ ကြေးပမာဏကို ပေးရမယ်လို့ ပြဋ္ဌာန်းထားပါတယ်။

ဒါကြောင့် မြေလျော်ကြေး ပေးတဲ့စနစ်ကို Master Plan ကြည့်ပြီး ဘယ်မြေတွေဟာ စီးပွား ရေးအကျိုးအမြတ်မရှိတဲ့ လုပ်ငန်း အတွက် သုံးမယ်၊ ဘယ်မြေတွေ ကို စီးပွားရေးအကျိုးအမြတ်ရှိတဲ့ လုပ်ငန်းအတွက်သုံးမယ်ဆိုတာ ပွင့်လင်းမြင်သာမှုရှိဖို့နဲ့ နှစ်မျိုးခွဲပြီး လျော်ကြေးပေးရန် လိုအပ်ပါ တယ်။ ယခုအခါ လယ်မြေတွေကို တစ်ပြေးညီ လျော်ကြေးငွေ သိန်း ၁၀၀ (သို့မဟုတ်) အသိမ်းခံမြေကို ဖွံ့ဖြိုးအောင် ပြုလုပ်ပြီးတဲ့အခါ မူလမြေပမာဏရဲ့ ၂၁ ရာခိုင်နှုန်း (ဥပမာ- ဧက ၂၀ သိမ်းရင် ဖွံ့ဖြိုး မှုပြုလုပ်ပြီးတဲ့အခါ မြေနှစ်ဧက) ပြန်ရမယ်လို့ သတ်မှတ်ထား ကြောင်း သိရှိရပါတယ်။ ဒီအချက်ဟာ ဥပဒေနဲ့ ညီညွတ်မှုမရှိလို့ ဆိုနိုင်မယ်ထင်ပါတယ်။ ဥပဒေအရ‘လျော်ကြေး’ ဆိုတဲ့အတိုင်း ‘ငွေကြေး’နဲ့သာ ပေးအပ်ရမှာဖြစ်ကြောင်း ထင်ရှားပါတယ်။ အခြားနည်းပေး လျော်ရန် ပြဋ္ဌာန်းထားတာလည်း မတွေ့ရှိရကြောင်းပါ ခင်ဗျား... ။

သမ္မတကြီးခင်ဗျား

ရန်ကုန်မြို့သစ် စီမံကိန်းတစ်ခုလုံးကို ကြီးကြပ်ရန် တိုင်းဒေသကြီးအစိုးရက ကျပ်ငွေ ၁၀ ဘီလီ ယံ မ,တည်ပြီး ကုမ္ပဏီတည် ထောင်ခြင်းဟာ မြန်မာနိုင်ငံပြည် ထောင်စုအစိုးရရဲ့ လက်အောက် မှာ အဲဒီလုပ်ငန်းမျိုးကို ကြီးကြပ်မှု တာဝန်ယူရမယ့် အစိုးရဌာန၊ အဖွဲ့အစည်းလုံးဝမရှိခြင်းကြောင့်လားလို့ မေးခွန်းထုတ်စရာရှိလာပြန်ပါ တယ်။

၁၉၅၁ ခုနှစ် နိုင်ငံတော် ပြည်သူ့အိုးအိမ်ပြန်လည်ထူထောင် ရေးနှင့် မြို့ရွာစည်ပင်ရေးအဖွဲ့ အက်ဥပဒေအရ ဆောက်လုပ်ရေး ဝန်ကြီးဌာန၊ မြို့ပြနှင့် အိမ်ရာ ဖွံ့ဖြိုးရေးဦးစီးဌာနဟာ အထက်ပါ လုပ်ငန်းတွေကို လုပ်ဆောင်ရန် တာဝန်ရှိပြီး ခေတ်အဆက်ဆက် ဆောင်ရွက်လာခဲ့တာ လက်ရှိ အစိုးရလက်ထက်တိုင်အောင်ပဲ ဖြစ်ပါတယ်။ ဖဆပလခေတ် တစ် နိုင်ငံလုံးမှာ အိမ်ရာပြန်လည်ထူ ထောင်ရေး စီမံကိန်းတွေ၊ အိမ် စောင့်အစိုးရခေတ် မြို့သစ်စီမံ ကိန်းတွေ၊ မဆလခေတ် သန်လျင် ကျောက်တန်းဒေသ ဖွံ့ဖြိုးရေးစီမံ ကိန်း (Regional Plan) တွေ၊ သုဝဏ္ဏမြို့သစ်စီမံကိန်းတွေ၊ တပ် မတော်အစိုးရလက်ထက် မြို့သစ် စီမံကိန်းတွေ၊ ပြည်နယ်များရဲ့ ဖွံ့ဖြိုးရေးစီမံကိန်းတွေ၊ ဝေးလံ ခေါင်ဖျား တိုင်းရင်းသားများရဲ့ မြို့ရွာဖွံ့ဖြိုးရေးစီမံကိန်းတွေ ရေး ဆွဲခြင်း၊ အကောင်အထည်ဖော်မှု ကို ကြီးကြပ်ခြင်း စတဲ့လုပ်ငန်းတွေ ကို ခေတ်အဆက်ဆက် တာဝန်ယူ ဆောင်ရွက်ပေးခဲ့တာ ဖြစ်ပါ တယ်။ နေပြည်တော်စီမံကိန်းကို လည်း ရေးဆွဲပေးခဲ့ရုံမျှမက အ ကောင်အထည်ဖော်ရာမှာလည်း ပါဝင်ဆောင်ရွက်ပေးကြရပါ တယ်။

 နိုင်ငံခြားမှ ဘာသာရပ်ဆိုင်ရာ ဘွဲ့လွန်ပညာတွေ သင်ကြားပြီး နိုင်ငံတကာအတွေ့အကြုံရင့် ကျက်တဲ့ မြို့ပြစီမံကိန်းနှင့် အိမ်ရာ စီမံကိန်းပညာရှင်တွေလည်း များ စွာရှိနေပါတယ်။ အမှန်အားဖြင့် Master Plan ကို တာဝန်ရှိတဲ့ အစိုးရဌာနကသာ တာဝန်ယူရေးဆွဲရမှာ ဖြစ်ပါတယ်။ အဲဒီလို ဥပဒေနဲ့အညီ Legal Entity ရှိနေပါလျက် စီမံကြီးကြပ်ရန် သီးခြားကုမ္ပဏီ ဖွဲ့ပြီး ဆောင်ရွက်ခြင်းဟာ သက် ဆိုင်ရာဌာနကို ဥပေက္ခာပြု လျစ် လျူရှုရာလည်း ရောက်ရှိနေမှာ ဖြစ်ကြောင်း တင်ပြလိုပါတယ်။  ပြည်ထောင်စုအစိုးရ ၀န်ကြီးဌာန နှင့် တကွ သက်ဆိုင်ရာဌာန၊ ရန် ကုန်တိုင်းဒေသကြီး အစိုးရတို့ ပူး ပေါင်းဆောင်ရွက်မှု အားကောင်း ရန်လည်း အထူးလိုအပ်ပါတယ်။ ပူးပေါင်းဆောင်ရွက်မှု အားကောင်းရင် ဖွံ့ဖြိုးရေးစီမံကိန်းများ ပိုမို အောင်မြင်မှု ရရှိမှာ ဖြစ်ပါတယ်။

သမ္မတကြီးခင်ဗျား

ရန်ကုန်မြို့သစ်ထက် ဦးစား ပေးလုပ်ရမယ့် လုပ်ငန်းလေးရပ်ကိုလည်း တင်ပြခွင့်ပြုစေလိုပါတယ်။

(၁) အစိုးရအတွက် မဖြစ်မနေ ဆောင်ရွက်ရမယ့် ‘မြို့ပြဖွံ့ဖြိုးရေး လုပ်ငန်း’ ဟာ ဒလတံတားတစ် ဖက်မှာရှိတဲ့ ဒလမြို့ အဆင့်မြှင့် တင်ရေး စီမံကိန်း (Upgrading Project)သာ ဖြစ်ပါတယ်။ ကြည့်မြင်တိုင်တစ်ဖက်ကမ်း မြို့ သစ်စီမံကိန်းဆိုတာ ဒလတံတား စီမံကိန်း မတည်ဆောက်မီက JICA က သတ်မှတ်ခဲ့တာဖြစ်ပြီး ဒလတံတား တည်ဆောက်မှု ပေါ် ပေါက်လာတဲ့အခါ ရန်ကုန်မြို့ လယ်ဒေသရဲ့ တစ်ဖက်ကမ်းမှာ ဖွံ့ဖြိုးရေးအတွက် စီမံကိန်းဦးစား ပေးအစီအစဉ်ကို မဖြစ်မနေ ပြောင်းလဲရမှာ ဖြစ်ပါတယ်။

(၂) ဦးစားပေးဆောင်ရွက်ရမယ့် ‘အိမ်ရာစီမံကိန်း’ကို ဖော်ပြပါဆို ရင် စမတ်ကတ်ပေးထားတဲ့ ကျူး ကျော်အိမ်ထောင်စု တစ်သိန်းခွဲအ တွက် အိမ်ရာဖြည့်ဆည်းရေးလုပ် ငန်းနဲ့ အခြားဝင်ငွေနည်း ပြည်သူ များအတွက်ပါ အိမ်ရာများကို နေ ရာအနှံ့၊ ဒေသအနှံ့မှာ ဖြန့်ကြက် ပြီး အလုံးအရင်းနဲ့ တည်ဆောက် ပေးရေးပဲ ဖြစ်ပါတယ်။

(၃) မဖြစ်မနေ ဆောင်ရွက်ရမယ့် ‘အခြေခံအဆောက်အအုံဖွံ့ဖြိုး ရေး’ လုပ်ငန်းကို ဖော်ပြရရင် မိုး လေးနည်းနည်းရွာတာနဲ့ ရေမြုပ် နေတဲ့ ရန်ကုန်မြို့လယ်သာမက ဆင်ခြေဖုံးမြို့သစ်များပါ ရေစီးရေ လာ၊ အမှိုက်သိမ်းစနစ်၊ မြေယာ ရှုခင်းနဲ့ လမ်းများကောင်းမွန်ရေး၊ ယာဉ်ကြောကျပ်တည်းမှုများ ဖြေ ရှင်းရေးပဲ ဖြစ်ပါတယ်။

(၄) နောက်ဆုံး မဖြစ်မနေတည် ဆောက်ရမယ့် ‘စီးပွားရေးဖွံ့ဖြိုးမှု လုပ်ငန်း’ ကို ဖော်ပြရမယ်ဆိုရင် ‘စက်မှုဇုန်နှင့် အထူးစီးပွားရေးဇုန် များ’ ထပ်မံဖော်ထုတ်ရေးသာဖြစ် ပါတယ်။ အဲဒီလုပ်ငန်း လေးရပ် စလုံး (မြို့သစ်မပါ)ဟာ အလုပ်အ ကိုင်အခွင့်အလမ်းသာမက ရန် ကုန်ရဲ့ လူမှုစီးပွားဖွံ့ဖြိုးရေးကို လက်တွေ့ဖြစ်ထွန်းစေမှာ ဖြစ်ပါ တယ်ခင်ဗျား။

သမ္မတကြီးခင်ဗျား

နိဂုံးချုပ်အားဖြင့် အထက်ပါ ကျိုးကြောင်းဖော်ပြချက်များအရ ဦးစားပေးရန် မလိုအပ်သည့် ရန် ကုန်မြို့သစ်တည်ဆောက်ခြင်းကို လုံးဝရပ်ဆိုင်းပေးသင့်ပါကြောင်း အလေးအနက်တင်ပြအပ်ပါတယ် ခင်ဗျား။ ပြည်ထောင်စုရဲ့ အနာ ဂတ်အကျိုးစီးပွားကိုပါ များစွာရိုက်ခတ်လာနိုင်တာဖြစ်တဲ့အတွက် ပညာရှင်များပါဝင်တဲ့ ကော်မရှင် တစ်ရပ် ဖွဲ့စည်း၍ စုံစမ်းစစ်ဆေး စေပြီး တိုင်းဒေသကြီး လွှတ်တော် ရဲ့ အဆုံးအဖြတ်ကိုပါ ရယူသင့်ပါ ကြောင်းလည်း လေးစားစွာ တင်ပြ အပ်ပါတယ်ခင်ဗျား။

သမ္မတကြီး ကျန်းမာပါစေ။

(ဖော်ပြပါ ဆောင်းပါးသည် စာရေးသူ၏ အာဘော်သာဖြစ်ပါသည်)