မြင်ယောင်ဆဲ မီးတောက်များ

ဖြစ်ရပ်ဆိုးကြီးမှ လွတ်မြောက်လာသည့် စိတ်ဒဏ်ရာများရနေသည့် မနုဝါစိုးကို တွေ့ရစဉ် (ဓာတ်ပုံ - ညီညီဇော်)

ယခင်က ခန္ဓာကိုယ်ပြည့် ပြည့်ဖြိုးဖြိုးနှင့် မျက်နှာ ဖောင်းဖောင်းအိအိ၊ အပြုံးချိုချို အမျိုးသမီးငယ် လေးတစ်ယောက် ယခုတော့ ခန္ဓာကိုယ်ပိန်ပိန်ပါးပါးဖြင့် မျက်နှာ လည်း ပါးချောင်နားချောင်များ ကျနေသည်။ အသိသာဆုံးက သူ၏ မျက်လုံးများဖြစ်သည်။ ယခင်က ရည်မှန်းချက်များ၊ ရည်ရွယ်ချက်များဖြင့် တောက်ပရွှန်းစိုခဲ့ဖူးသော သူ့မျက်လုံးအစုံသည် ယခုတော့ အားငယ်ဖျော့တော့နေသည်။

ထို့အပြင် ထိုမျက်လုံးအစုံက အရာရာကို ထိတ်လန့်ကြောက်ရွံ့ စွာ မ၀ံ့မရဲဖြစ်နေသည်။ စကား တစ်လုံးတစ်လုံးပြောထွက်ဖို့ အ တော်လေး အားယူနေရပြီး ပြော လိုက်တိုင်းလည်း မျက်ရည်များက ပိုးပိုးပေါက်ပေါက် ကျလာသည်။ ထိုသို့ဖြစ်ရခြင်းမှာ ၎င်းအမျိုးသမီးငယ်လေးသည် သူ့ဘ၀တစ်သက်တာတွင် ကြောက်မက်စရာ ကောင်းလွန်းလှသော၊ ရင်နာစရာ ကောင်းလွန်းလှသော အဖြစ်အ ပျက်ကြီးတစ်ခုကို ကိုယ်တွေ့ ရင် ဆိုင်ဖြတ်သန်းခဲ့ရခြင်းကြောင့် ဖြစ်သည်။

သူ့အမည်က မနုဝါစိုးဖြစ် သည်။ လက်ရှိ အသက်(၂၀)သာရှိသေးပြီး ရမည်းသင်းခရိုင် ပျော် ဘွယ်မြို့နယ် ဖောင်းတောကျေး ရွာသူဖြစ်သည်။ မောင်နှမခုနစ်ဦးအနက် ပဉ္စမမြောက်ဖြစ်သည်။ သူ့အထက်တွင် အစ်ကို၊ အစ်မလေးယောက်ရှိပြီး အစ်မတစ်ယောက်သာ အိမ်ထောင်မကျသေးဘဲ ကျန်ခဲ့သည်။ ထိုကျန်ခဲ့သည့် အစ်မက ယခုဇာတ်လမ်းတွင် အဓိကဖြစ်လာမည့် အသက် (၂၃)နှစ်အရွယ် မငြိမ်းငြိမ်းဌေး (ခ) မနုဝါနှင်း ဖြစ်သည်။ ငြိမ်းငြိမ်းဌေးဆိုသည်က မှတ်ပုံတင်ထဲက အမည်ဖြစ်ပြီး အိမ်နာမည်က မနုဝါနှင်းဖြစ်သည်။ နုဝါစိုးကတော့ သူ့အစ်မကို မနှင်းဟု ခေါ်လေ့ရှိ သည်။

နုဝါစိုးနှင့် မနှင်းသည် အ ထက်အောက်ညီအစ်မဖြစ်ပြီး အစ်ကို၊ အစ်မတွေ အိမ်ထောင်ကျကုန် သဖြင့် သူတို့နှစ်ယောက်က အ တော်လေးတွဲမိသည်။ ဖခင်ဆုံးပါးသွားသောကြောင့် မနှင်းကသာ အိမ်ကိုဦးဆောင်ခဲ့သည်။ မနှင်း၏ ဦးဆောင်မှုအောက် မိခင်နှင့်အတူ မောင်နှမတစ်တွေလိုက်ပါကြသည်။ မနှင်းက အလုပ်လည်းအတော်လေးလုပ်သည်။ မိခင်ကလည်း အသက်ကြီး၊ ဖခင်ကလည်း မရှိတော့သဖြင့် အိမ်ထောင်ဦးစီးနေရာကို သူလိုလိုချင်ချင်ယူသည်။ ရွာမှာပင် တောင်သူအလုပ် လူငှားလိုက်ကာ မောင်နှမတစ်တွေ ရုန်းကန်ကြသည်။ သို့သော် တောင်သူလုပ်ငန်းက ထင်သလောက် မ ဟုတ်၍ ရရစားစားဖြင့် မနှင်းတို့မိသားစု လုံးလည်ချာလည်လိုက် နေသည်။ ထိုအနေအထားကို မနှင်း မနှစ်မြို့။ ယိုင်နဲ့နေသည့် အိမ်ကလေးကို ကောင်းကောင်းမွန်မွန်လေး ဆောက်ချင်သည်။ မိသားစုကို သူများအောက်မကျအောင် ထားချင်သည်။

ရွာထဲက အမျိုးတစ်ယောက် ၏ အဆက်အသွယ်ဖြင့် ထိုင်းနိုင်ငံ က ကြက်သားစက်ရုံတစ်ရုံတွင် အ လုပ်သွားလုပ်ဖို့ စီစဉ်သည်။ မနှင်း အောက် နုဝါစိုးကလည်း အစ်မကို ခင်တွယ်သည်။ မနှင်းကလည်း သူ့ညီမကို ခေါ်ချင်သည်။ ဒါမှ ညီအစ်မနှစ်ယောက် လုပ်အားဖြင့် မိသားစုဘ၀ ပြောင်းလဲနိုင်မည်မဟုတ် လား။ သို့ဖြင့် ညီအစ်မနှစ်ယောက် ထိုင်းနိုင်ငံတွင် အလုပ်သွားလုပ်ရန် ဆုံးဖြတ်ခဲ့သည်။ မိခင်မုဆိုးမကြီးက စိတ်မချသော်လည်း မ တားနိုင်တော့။ မိသားစုဘ၀အခြေ အနေဆိုးသထက်မဆိုးစေဖို့ လိုက်လျောခဲ့ရသည်။

 သမီးများက တော်ရှာပါ သည်။ ရောက်ခါစက ငွေသိပ်မလွှဲနိုင်သော်လည်း သိပ်မကြာမီ တစ်ခါလွှဲ ၁၅ သိန်း၊ ၁၆ သိန်း လွှဲနိုင်လာသည်။ အဲဒီလိုလွှဲနိုင်ဖို့ သမီးနှစ်ယောက် ဘယ်လိုများနေရရှာပါလိမ့် မိခင်ကြီး စိတ်ပူရသည်။ မိခင်ကြီးမမြင်နိုင်၊ မသိနိုင်သည့်အပိုင်းမှာတော့ မနှင်းတို့ညီအစ်မနှစ်ယောက် ယခုလိုဖြစ်နေခဲ့ပါသည်။

ထိုင်းသို့ရောက်ခါစက လုပ် ခကလည်း ပြောသလောက်မရ သေး၍ သိပ်အဆင်မပြေ။ အ ဆောင်လခ၊ ထမင်းဖိုး၊ ဟင်းဖိုး၊ ရေဖိုး၊ မီးဖိုးဖြင့် လက်ထဲရှိ ငွေက သိပ်မကျန်။ ထို့အတွက် မိခင်ထံ ငွေမပို့နိုင်။ ထို့ကြောင့် မနှင်းတစ် ယောက် အစားအသောက်ကို ခြိုး ခြံချွေတာကာ ငွေကို အတင်းစု သည်။


ကွယ်လွန်သူ မငြိမ်းငြိမ်းဌေး (ခ) နုဝါနှင်း(ဘယ်)နှင့် ညီမဖြစ်သူ မနုဝါစိုး(ညာ)တို့ အမှတ်တရဓာတ်ပုံရိုက်ကူးခဲ့စဉ်

အိမ်ကပါလာသည့် လက် ဖက်ကလေးဘာလေးဖြင့် ချွေတာ စားသည်။ မနှင်း စိတ်ကသာ ဆောင်နေသော်လည်း လူကမဟန်တော့။ အာဟာရမရှိ၍ ကျန်းမာ ရေးချို့တဲ့လာသည်။ ညီမ နုဝါစိုးက ပြောသည်။ ‘‘မနှင်း။ စားစရာရှိတာတော့ စားပါ။ မနှင်း ကျန်းမာရေးမကောင်းရင် ဒီမှာဆေးထိုးတာဈေးတအားကြီးတယ်တဲ့။ တစ်သိန်းကျော်တောင် ကုန်တယ်ပြောတယ်’’ဟု နုဝါစိုးကြားဖူးသမျှ ပြောလိုက်တော့ မနှင်းလန့်သွားသည်။ ဆင်ဖိုးထက် ချွန်းဖိုးကြီးမှာကို မနှင်းမလိုလား။ ထိုသို့ပြောပြီးနောက်ပိုင်းမှ မနှင်း စားသင့်သလောက်လေး စားလာခဲ့သည်။ သို့သော် အပိုကုန်စေမည့် အလုပ်တွေတော့ မနှင်းမလုပ်။ မိသားစုအတွက်သာ အရေးကြီးဆုံးမဟုတ်လား။

မနှင်းက သူ့ညီမလေး နုဝါစိုးကို အတော်ချစ်သည်။ သူ့ညီမမျက်နှာတစ်ချက်အညှိုးမခံ။ နေ ထိုင်မကောင်းလျှင်လည်း ပြုစု သည်။ ‘‘ငါ့ညီမလေး ဘာစားချင် လဲ။ နေမကောင်းဘူးလား’’ဟု မကြာခဏမေးသည်။ မိဝေးဖဝေးတိုင်းတစ်ပါးမှာ ညီမလေးကို သူအထိအခိုက်မခံနိုင်။ ပြီးတော့ ညီမလေးကို သူစိမ်းယောက်ျားသားတွေနှင့် ရောရောနှောနှောမနေခိုင်း။ သူကိုယ်တိုင်လည်း ကင်းအောင်နေသည်။ မိန်းမသားတွေ မို့ မတော်သူနှင့်တွေ့က ကိုယ်ကျိုးနည်းနိုင်တာကြောင့် ကိုယ့်အန္တရာယ်ကို ကိုယ်ကြည့်ရှောင်ရခြင်း ဖြစ်သည်။

ထိုရောက်ပြီးလအနည်းငယ် ကြာတော့ သင်္ကြန်ရောက်သည်။ မနှင်းတို့ညီအစ်မတစ်တွေ ရွာကို လွမ်းမိသည်။ ရွာရဲ့ သင်္ကြန်ရက် တွေကို သတိရသည်။ အလုပ်ကလည်း မြန်မာသင်္ကြန်ရက်အတိုင်း လေးရက်ပိတ်ပေးသည်။ ရွာပြန်ချင်သပဆို ပြန်လို့ရသည်။ သို့သော် မနှင်းတို့ညီအစ်မ မပြန်။ ပြန်လျှင်လမ်းစရိတ်ကုန်မှာမို့ မိမိတို့အခန်းလေး၌ပင် မြန်မာသင်္ကြန်အလွမ်းပြေ မုန့်လုံးရေပေါ်လုပ်ကာ အခန်းတွေကို လိုက်ဝေသည်။ ရေပက်ကစားသည်။

ထိုကြက်သားစက်ရုံတွင် ၂ နှစ်ခန့်ကြာလာတော့ အိမ်ကို ထိုက်သင့်သလောက် ငွေပို့နိုင်သော် လည်း လစာအနေအထား၊ အချိန်ပိုကြေးရရှိမှု နည်းလာသဖြင့် ညီအစ်မနှစ်ယောက် အခြားအလုပ်ပြောင်းရန် ရွာပြန်ခဲ့သည်။ ရွာပြန်လာတော့ အအားမနေကြ။ သူတို့ပြန်လာချိန် ဆီးသီးတွေသီးချိန်မို့ ဆီးသီးကောက်သည်။ ဘယ်သူ့ယာခင်း မပြီးသေးဘူးလဲ စုံစမ်းကာ လူငှားလိုက်သည်။ ပဲစင်းငုံရိတ်၊ ကုလားပဲရိတ်လိုက်သည်။ အိမ်မှာရောက်နေချိန်လေး အိမ်အတွက် ဆန်တစ်အိတ်ဖိုးရရ ၀င်လုပ်ခြင်းဖြစ်သည်။

 ရွာထဲက အစ်ကိုတစ်ယောက်၏ အဆက်အသွယ်ဖြင့် ထိုင်းက အီလက်ထရွန်နစ်စက်ရုံတစ်ခုမှာ အလုပ်ပြန်ရသည်။ အစကတော့ လာမည့်သင်္ကြန်ပြီးမှ ထွက်ရမည်ဟု သိထားသည်။ သို့သော် လုပ်ငန်းလိုအပ်ချက်အရ မတ်လကုန်ပိုင်းတွင် ပြန်ထွက်ခဲ့ရသည်။ မြန်မာသင်္ကြန်၊ ရွာသင်္ကြန်ကို ဆင်နွှဲရန် အားခဲထားသော် လည်း စားဝတ်နေရေး၊ အလုပ်အကိုင်အရေးက အရေးကြီးသဖြင့် ပြန်ထွက်ဖို့ ပြင်ရသည်။

တကယ်တမ်းတော့ မနှင်း ရော ညီမ နုဝါစိုးပါ ပြန်မထွက်ချင်တော့။ ကိုယ့်ရွာမှာတင် ကိုယ်အလုပ်ကလေးတစ်ခုခုလုပ်ကာ ဘ၀ကို ဖြတ်သန်းချင်သည်။ မိသားစု၊ ကိုယ့်ရပ်ကိုယ့်ရွာနှင့် အဝေးကြီး ဖြစ်သည့် တိုင်းတစ်ပါးမှာ လုပ်ကိုင်မစားချင်တော့။ သို့သော် ယခုအနေအထားနှင့်တော့ ကိုယ့်ရွာပြန်အခြေချဖို့ ဘယ်လိုမှ မဖြစ်နိုင် သေး။ အရင်းအနှီးလေးတစ်ခုတော့ ရအောင်ရှာရဦးမည်။ ပြီးတော့ မိသားစုအတွက် ဆောက်နေသည့် နံကပ်တိုက်ကလေးက ယခုမှ တိုင်ထောင်၊ အုတ်စီအဆင့်သာရှိသေးသည်။ ထိုဆန္ဒတွေ၊ ထိုရည်မှန်းချက်တွေဖြင့် မနှင်းတို့၊ နုဝါစိုးတို့ ညီအစ်မ ထိုင်းနိုင်ငံသို့ ပြန်ဝင်လာခဲ့သည်။

မတ်လ ၂၆ ရက်နေ့မှာ ရန်ကုန် ဆင်းခဲ့သည်။ ထို့နောက် ရန်ကုန်မှ မြ၀တီသို့ကူးသည်။ မတ်လ ၂၉ ရက်နေ့မှာ မဲဆောက်မှတစ်ဆင့် အလုပ်လုပ်ရမည့် ဘန်ကောက်သို့ ဆက်ကူးရသည်။ နုဝါစိုးတို့လို မြန်မာအလုပ်သမားများ အား ကားနှစ်စီးခွဲကာ ပို့ပေးသည်။ နုဝါစိုးရယ်၊ မနှင်းရယ်၊ သူတို့နှင့် ညီအစ်မ၀မ်းကွဲအိမ်ထောင်သည် မအိဖြူရယ် ကားနောက်ပိုင်းနည်းနည်းကျသည့် နေရာတွင် သုံးယောက်တန်းစီးကြသည်။ မအိဖြူက သူ့အမျိုးသားနှင့် တစ်ကားစီဖြစ်သွားသည်။ အစကတော့ ဆင်းမလို့ လုပ်သေးသည်။ သို့သော် လူကခွဲထားပြီးသားမို့ ပြန်ထိုင်လိုက်ရသည်။ သူတို့ကားပေါ်မှာ မြန်မာအလုပ်သမား ၄၇ ဦးတိတိ ပါသည်။

နုဝါစိုးသည် လူကလည်း နည်းနည်းနုသည်မို့ ခရီးပန်းလာသောကြောင့် ခြေထောက်တွေအတော်လေး ညောင်းနေခဲ့သည်။ ကားစီးရင်း ‘‘ညောင်းလိုက်တာ မနှင်းရယ်’’ဟု ညည်းလိုက်တော့ မနှင်းက သူ့ညီမခြေထောက်နှစ်ဖက်ကို သူ့ပေါင်ပေါ် ဆွဲတင် သည်။ နုဝါစိုးက ‘‘မနှင်း ဘာလုပ်မလို့လဲ’’မေးတော့ နှိပ်ပေးမလို့လေဟု ဖြေသည်။ ‘‘မနှင်းရယ် ငါငရဲကြီးပါလိမ့်မယ် မလုပ်ပါနဲ့’’ပြောတော့  အသာနေစမ်းပါအေဟုဆိုကာ နှိပ်ပေးသည်။

တစ်လမ်းလုံး စစ်ဆေးရေး ဂိတ်တွေဖြတ်ရ၊ လမ်းဆင်းလျှောက်ရ၊ တက်ရလုပ်ရသည်။ ပြီးတော့ သွေးလည်းစစ်ထားရသဖြင့် ကားပေါ်ပါလာသူတွေ အတော်လေး ပင်ပန်းခဲ့သည်။ ထို့ကြောင့် ကားပေါ်ပါလာသူတွေ ညဘက်ရောက်လာတော့ နှစ်ခြိုက်စွာ အိပ်ပျော်သွားသည်။ ထိုသို့စီးလာရင်း ၀ုန်းခနဲဆို အသံကြီးထွက်ပေါ်လာသည်။ ‘‘ကယ်ကြပါဦး၊ ကယ်ကြပါဦး’’ဆိုသည့် အသံတွေ ဆူညံနေသည်။ နုဝါစိုးတို့ ထိုင်နေသည့်နေရာ၏ ရှေ့ပိုင်းကားအလယ်ပိုင်းလောက်မှာ မီးတွေထလောင်လာပြီး တစ်ကားလုံး မီးခိုးငွေ့တွေ မွှန်ထူနေသည်။ ဘာမှမမြင်ရ။ နုဝါစိုး ကြောက်အားလန့်အား ထပြေးသည်။ ဘယ်လိုကနေ ဘယ်လို အောက်ရောက်လာသည်မသိတော့။

နုဝါစိုးအောက်ရောက်တော့ သူ့အစ်မ မနှင်းနှင့် အစ်မ၀မ်းကွဲ မအိဖြူတို့ကိုရှာသည်။ လမ်းပေါ် ကလည်း မှောင်မည်းနေတာမို့ ရှာ မရ။


မိခင်နှင့်အတူ တွေ့ရသည့် မနုဝါစိုး (ဓာတ်ပုံ - ညီညီဇော်)

 နုဝါစိုး ကားနားသွားကာ အော်ခေါ်သည်။ ကားပေါ်မှာ မီးတောက်တွေ ကြီးလာပြီဖြစ်သည်။ အိတ်တွေထည့်သည့် အောက်က တံခါးကို ဖွင့်သူတွေ ဖွင့်သည်။

 မီးတောက်တွေ ၀ုန်းခနဲထွက်လာသည်။ ‘‘မနှင်းရေ၊ မအိဖြူရေ’’။ သူတို့ထိုင်ခဲ့သည့်နေရာ လောက် မှန်းသွားကာ အော်ခေါ်တော့ မနှင်းတို့နှစ်ယောက် မတ်တတ်ထရပ်လိုက်တာ မြင်လိုက်သည်။ ‘‘ဟိုဘက်ကခုန်ချခဲ့။ မနှင်း’’နုဝါစိုး အော်သည်။ သို့သော် သူတို့ နှစ်ယောက်စလုံးကို မီးခိုးတွေ၊ မီးတောက်တွေ ဖုံးလွှမ်းသွားခဲ့သည်။ တချို့တွေက မီးလောင်နေသည့်အပေါ်က လူအချို့ကို လှမ်းဆွဲ သည်။ အရေပြားကြီးတွေသာပါလာပြီး အရိုးတွေ ကျန်နေခဲ့ သည်။ သူကားကိုပတ်ကာ အစ်မတွေကို ရှာသည်။ မတွေ့။

ကားက ချောက်နားနီးတာ မို့ အစ်မ ပြေးရင်းလွှားရင်းများ ချောက်ထဲကျလား နုဝါစိုး အော် ခေါ်သည်။ ဘာမှမထူး။ အတော် ကြာတော့ တာဝန်ရှိသူတွေ ရောက်လာပြီး ကားနှင့်ဝေးရာတွင် စုဝေးပြီး ထိုင်နေခိုင်းသည်။ ကားကြီး မီးလောင်တာကိုတော့ မြင်နေရသည်။ ခဏနေတော့ သူ့အစ်မလွယ်သည့် အိတ်အနီပုံစံဖြင့် ကျောပိုးအိတ်လွယ်ထားသည့် အမျိုးသမီးတစ်ဦးကို တွေ့တော့ နုဝါစိုးတစ်ယောက် ‘‘မနှင်းရေ’’ဟု အော်ကာ ကားတွေလာနေသည့် ကြားက လမ်းတစ်ဖက်ကို ပြေးကူးသည်။ သို့သော် အနားရောက် တော့ကြည့်လိုက်တော့ သူ့အစ်မ မဟုတ်။ အခြားအမျိုးသမီးတစ် ဦးဖြစ်နေသည်။ ကားမီးကတော့ တ၀ုန်းဝုန်းလောင်နေဆဲ။

ထိုညက အဖြစ်အပျက်တွေ ပြန်တွေးတိုင်း နုဝါစိုးမျက်ရည်တွေ ပိုးပိုးပေါက်ပေါက်ကျသည်။ တက်မတတ်ချက်မတတ်လည်း မကြာခဏဖြစ်သည်။ မုန်လုံကားလည်း မစီးရဲတော့။ မီးတောက်တွေကိုလည်း သူကြောက်သည်။ အထူးသဖြင့် သူ၏ချစ်လှစွာသော အစ်မကြီး သူ့မျက်စိရှေ့တွင် ဆုံးရှုံးလိုက်ရခြင်းကို ဘယ်လိုမှ မေ့ပျောက်၍မရ။

 ယခုတော့ နုဝါစိုးတစ်ယောက် အဖြစ်အပျက်ဆိုးကြီးကနေ လွတ်မြောက်ကာ ပျော်ဘွယ်ဖောင်းတောရွာက အမေ့အိမ်ကိုပြန်ရောက်နေသည်။ သို့သော် ချစ်လှစွာသော အစ်မကြီး မနှင်း (ခေါ်) ငြိမ်းငြိမ်းဌေးတော့ ပါမလာနိုင်တော့ပေ။ သင်္ကြန်ကျလျှင် ရွာကို သတိရတတ်သော၊ မိသားစုနှင့်အတူ ပျော်ရွှင်စွာနေထိုင်လိုသော မနှင်းကတော့ ဟိုးခပ်ဝေးဝေးကို ထွက်သွားခဲ့ရပြီဖြစ်သည်။ ညှိုးငယ်နေသည့် နုဝါစိုး၏ မျက်လုံးအစုံထဲတွင်တော့ မှန်လုံကားကြီး တစ်စီး မီးဟုန်းဟုန်းတောက် လောင်နေဆဲ။         ။