ပြန်သုံးသပ်ရန်လိုအပ်လာသော ဖေ့စ်ဘွတ်ခ်လူမှုစံနှုန်းများအပေါ် စိစစ်ဖြတ်တောက်မှု

ဖေ့စ်ဘွတ်ခ်တည်ထောင်သူ မာ့ခ်ဇူကာဘက်သည် လတ်တလော ဖိအားများနှင့် ရင်ဆိုင်နေရသည် (ဓာတ်ပုံ - cnet.com)

သမ္မတသမီး၏ အလုပ်အကိုင်နှင့် ပတ်သက်၍ ဝေဖန်မှတ်ချက်ပေး သည့်နိုင်ငံရေးဆောင်းပါးရှင်တစ် ဦး၏ပို့စ်ကို  လူမှုစံနှုန်းနှင့်ကိုက်ညီ မှုမရှိဆိုကာ ဖေ့စ်ဘွတ်ခ်က ၁၅ နာရီအတွင်း ဖြုတ်ချသည်။ ထိုသို့ ဖြုတ်ချသည့်အပေါ် ဝေဖန်မှုများ ရှိခဲ့သည်။ ပို့စ်တင်ခဲ့သည့် ဒေါက် တာရန်မျိုးသိမ်းက ဖေ့စ်ဘွတ်ခ်ကို အကြောင်းပြချက်ပေးရန် စာလှမ်း ပို့ခဲ့သည်။

ထို့နောက် ဧပြီ ၅ ရက်နံနက် တွင် ဖေ့စ်ဘွတ်ခ်သည် ၎င်း၏ပို့စ် ကို မှားယွင်းစွာဖြုတ်ချမိသဖြင့် ပြန်လည်ဖော်ပြပေးခဲ့ကြောင်း အ ကြောင်းပြန်လာသည်။ ဒေါက် တာရန်မျိုးသိမ်း၏ ပို့စ်ဖြုတ်ချခံရ ခြင်းသည် ကျပ်သန်းခြောက် ထောင်ကျော်အသုံးပြုထားသည့် အစိုးရ၏ ‘ဆိုရှယ်မီဒီယာစောင့် ကြည့်ရေးအဖွဲ့’က ပထမဆုံးသော လှုပ်ရှားမှုကိုစတင်ခဲ့သည်ဟု လူ အများက ထင်ကြေးပေးခဲ့သည်။ သို့သော်အဆိုပါကိစ္စသည် စောင့် ကြည့်ရေးအဖွဲ့နှင့် သက်ဆိုင်မှုမရှိ ဘဲ ဖေ့စ်ဘွတ်ခ်၏စိစစ်မှုအားနည်း ချက်ကြောင့်သာ ဖြစ်သည်ဟု နည်းပညာနှင့် လူ့အခွင့်အရေး ဆောင်ရွက်သည့် အရပ်ဘက်အ ဖွဲ့အစည်းများက မှတ်ချက်ပြု သည်။

‘‘ရီပို့တက်လာတဲ့ပမာဏကို ကြည့်ပြီးတော့ ဖေ့စ်ဘွတ်ခ်က အော်တိုဖြုတ်လိုက်တာပါ။ မြန်မာ စာဖတ်တတ်တဲ့ဝန်ထမ်းမရှိတာ၊ မစိစစ်နိုင်တာ၊ စိစစ်နိုင်တဲ့စွမ်း ရည်မရှိတာကို ပြသရာရောက်ပါ တယ်’’ ဟု Burma Monitor စီမံ ကိန်းမန်နေဂျာ ကိုမြတ်သူက ပြောသည်။

ဖေ့စ်ဘွတ်ခ်သည် မြန်မာနိုင် ငံမှ အသုံးပြုသူသန်း ၂၀ ကြောင့် အကျိုးစီးပွားများစွာရရှိနေသော် လည်း တာဝန်ယူမှုမရှိသည့်စီးပွား ရေးတစ်ခုသာဖြစ်ကြောင်း ၎င်းက ပြောသည်။ ဖေ့စ်ဘွတ်ခ်အနေဖြင့် လွတ်လပ်စွာလူမျိုးရေး၊ ဘာသာ ရေးပဋိပက္ခကို လှုံ့ဆော်သည့်အ ကြောင်းအရာများနှင့်ပုဂ္ဂိုလ်ရေး ထိခိုက်နစ်နာစေသည့် အမုန်းစ ကားများကိုသာ စိစစ်သင့်ပြီး လွတ်လပ်စွာထုတ်ဖော်ရေးသား ပြောဆိုမှုကို ပိတ်ပင်ခြင်းမပြုလုပ် သင့်ကြောင်း Equality Myanmar ၏ဒါရိုက်တာဦးအောင်မျိုးမင်းက ပြောသည်။

‘‘ကျွန်တော်ဒေါက်တာရန်မျိုး သိမ်းရဲ့ စာကိုဖတ်ကြည့်တယ်။ လူမျိုးရေး၊ ဘာသာရေးမုန်းတီးမှု ကို ဘာမှလှုံ့ဆော်ထားတာမရှိ ဘူး။ သမ္မတသမီးရဲ့လုပ်ငန်းတာ ၀န်နဲ့ပတ်သက်ပြီး အကြံပြုတဲ့သ ဘောပဲရှိတယ်။ ဒါက လွတ်လပ် စွာထုတ်ဖော်ပြောဆိုခွင့်ပဲ။ သမ္မ တကြီးလက်ခံရင် လက်ခံ၊ လက် မခံရင်လည်း ဘယ်သူ့အတွက်မှ အန္တရာယ်မရှိတဲ့အတွက် မထူး ခြားပါဘူး။ ဖေ့စ်ဘွတ်ခ်ကိုလည်း အများအတွက် အန္တရာယ်မရှိတဲ့ ထင်မြင်ယူဆချက်ကို ဖြုတ်တဲ့အ တွက် ပြန်သုံးသပ်ဖို့ကျွန်တော်တို့ ပြောခဲ့တယ်’’ ဟု ၎င်းကပြော ကြားသည်။

ဖေ့စ်ဘွတ်ခ်သည် အသုံးပြု သူများအတွက် လူမှုစံနှုန်းနှင့်ပတ် သက်၍ မူဝါဒချမှတ်ထားပြီးဖြစ် သော်လည်း အတည်ပြုစစ်ဆေးမှု များနှင့်ပတ်သက်၍ တိတိကျကျ ထုတ်ပြန်ထားခြင်းမရှိပေ။ လူမှု စံနှုန်းနှင့်ကိုက်ညီမှုမရှိသည့်အ ချက်အလက်များ တွေ့ရှိပါက ရီ ပို့အနေဖြင့် တိုင်ကြားနိုင်သည်ဟု သာ ထုတ်ပြန်သည်။

ဖေ့စ်ဘွတ်ခ်လူမှုစံနှုန်းတွင် မိမိလုံခြုံရေးကို တိုက်ရိုက်ထိခိုက် နိုင်သည့် ခြိမ်းခြောက်မှုများ၊ မိမိ ကိုယ်ကိုယ် ထိခိုက်အနာတရဖြစ် စေရန် အားပေးလှုံ့ဆော်မှုများ၊ အကြမ်းဖက်အဖွဲ့အစည်းများ၊ ရာ ဇ၀တ်ကျူးလွန်သောအဖွဲ့အစည်း များ၊ လူတစ်ဦးတစ်ယောက်ချင်း ကိုဖြစ်စေ၊ အဖွဲ့အစည်းတစ်ခုခု ကိုဖြစ်စေ မတရားအနိုင်ကျင့်စော် ကားမှုများနှင့် ရာဇ၀တ်မှုပြုလုပ် ရန် ဆွေးနွေးကြံစည်ရေးသားခြင်း များပါဝင်သည်။

ထို့အပြင် လိင်ပိုင်းဆိုင်ရာအ ကြမ်းဖက်မှုနှင့်အရွယ်မရောက် သေးသူများအား လိင်ပိုင်းဆိုင်ရာ အခွင့်အရေးရယူမှုကို အားပေး ထောက်ခံပြောဆိုခြင်းများ၊ တရား မ၀င်ပစ္စည်း(ဆေးဝါး)ရောင်းဝယ် ခြင်းများ၊ ၀တ်လစ်စားလစ်ပုံတင် ခြင်းများ၊ လူတစ်ဦးတစ်ယောက် ကို လူမျိုး၊လူမျိုးစုအနွယ်ဝင် ဘာ သာရေးယုံကြည်ရာ၊လိင်စိတ်ခံယူ မှု၊ လိင်ကွဲပြားမှုခန္ဓာကိုယ်ချွတ် ယွင်းကွဲပြားမှုများအပေါ် အခြေခံ သည့် အမုန်းစကားပြောဆိုမှုများ နှင့် လူအများစုကြည့်ရှုရန် မသင့် လျော်သည့် ဓာတ်ပုံဖော်ပြခြင်း များကိုလည်း လူမှုစံနှုန်းအရ တား ဆီးနိုင်သည်။

‘‘စံနှုန်းနဲ့ ငြိနေတာတွေကို ရီပို့မလုပ်ရင် ဖြုတ်မချတော့ဘူး လားလို့ မေးစရာရှိတယ်။ ဖေ့စ် ဘွတ်ခ်အနေနဲ့ကတော့ ဒီထက် ရှင်းလင်းတဲ့ပေါ်လစီတစ်ခုကို ချ မှတ်ထားသင့်တယ်။ ရီပို့လုပ်တဲ့ အကြောင်းအရာတွေကို စောင့် ကြည့်နေတဲ့လူကလည်း ဘက် မလိုက်ဖို့အများကြီးလိုတယ်’’ ဟု ဦးအောင်မျိုးမင်းက ပြောသည်။

ဖေ့စ်ဘွတ်ခ်သည် မြန်မာ ဘာသာစကားဖြင့် ရေးသားဖော် ပြနေသည့် အကြောင်းအရာများ အပေါ် စိစစ်သည့်အခါ ဘာသာ စကားကျွမ်းကျင်စွာဖြင့် စိစစ်နိုင် စွမ်းရှိသူဦးရေ မည်မျှခန့်အပ်ထား သည်ကိုသိရှိလိုကြောင်း နည်း ပညာဆိုင်ရာအရပ်ဘက်အဖွဲ့ အစည်း MIDO မှ မထိုက်ထိုက် အောင်က မေးခွန်းထုတ်သည်။

ဖေ့စ်ဘွတ်ခ်အနေဖြင့် တစ် ကမ္ဘာလုံးအတိုင်းအတာ၌ ရေးသားဖေါ်ပြမှုများကို စိစစ်ရန် ဝန်ထမ်း အင်အားတစ်သောင်းလေးထောင် ခန့် ခန့်အပ်ထားသည်ဟု ထုတ်ပြန် ထားသော်လည်း မြန်မာနိုင်ငံအ တွက် ခန့်အပ်ထားသည့် ဝန်ထမ်း ဦးရေ သီးခြားဖော်ပြခဲ့ခြင်းမရှိပေ။

မြန်မာနိုင်ငံ၏ အသုံးပြုသူ ထက် နှစ်ဆခန့်ရှိသည့် (သန်း ၄၀ ခန့်) ဂျာမနီနိုင်ငံတွင် ဖေ့စ်ဘွတ်ခ် အသုံးပြုမှုအပေါ် စိစစ်ရန် လူအင် အား ၁,၂၀၀ နှင့် ၁,၅၀၀ အတွင်း ခန့်အပ်ထားသော်လည်း မြန်မာ နိုင်ငံအတွက် ခန့်အပ်ထားသည့် အရေအတွက်သည် ဆယ်ဂဏန်း ပင်မရှိသေးကြောင်း မထိုက်ထိုက် အောင်က ပြောသည်။

ဖေ့စ်ဘွတ်ခ်၏ တွဲဖက်တည် ထောင်သူ မာ့ခ်ဇူကာဘက်သည် အမေရိကန်အခြေစိုက် Vox သ တင်းဌာနနှင့် တွေ့ဆုံစဉ် မြန်မာ နိုင်ငံ၌ ဗုဒ္ဓဘာသာဝင်များနှင့် မွတ် စလင်အသိုက်အဝန်းအကြား အ ပြန်အလှန်သွေးထိုးသည့် အမုန်း စကားများ ဖြန့်ဝေနေကြောင်း ပြောကြားသည်။

အဆိုပါကဲ့သို့သော အ ကြောင်းအရာများကို ဖေ့စ်ဘွတ်ခ် ၏ ထောက်လှမ်းရေးစနစ်က ရှာ ဖွေတွေ့ရှိခဲ့သည့်နောက်ပိုင်း ဖြုတ်ချနိုင်ခဲ့သည်ဟုလည်း ၎င်းက ပြောသည်။ သို့သော်ပြည်တွင်း အ ရပ်ဘက်အဖွဲ့အစည်း ရှစ်ခုကမူ ဖေ့စ်ဘွတ်ခ်သည် ဘာသာရေး၊ လူမျိုးရေး အခြေခံသည့် ပဋိပက္ခ များကို လှုံ့ဆော်သည့်စာများ ၎င်းတို့၏ ထောက်လှမ်းရေး စနစ် က ရှာဖွေတွေ့ရှိခဲ့ခြင်းမဟုတ်ဘဲ ရှာဖွေတွေ့ရှိသူများက အသိပေး အကြောင်းကြားခဲ့ခြင်းကြောင့်သာ ဖယ်ရှားနိုင်ခဲ့ကြောင်း ထုတ်ပြန် သည်။

‘‘အမုန်းစကားတွေ၊ ပဋိပက္ခ လှုံ့ဆော်တဲ့စကားတွေနဲ့ ပတ် သက်ပြီး စောင့်ကြည့်ပြီး မှတ်တမ်း တင်လိုက်တာတွေရှိတယ်။ အဲဒါ တွေကျတော့ မပျက်ဘူး။ ဘာမ ဟုတ်တဲ့ (ဒေါက်တာရန်မျိုးသိမ်း) ပို့စ်တွေက ပျက်နေတယ်။ ဒီနေ ရာမှာ ထိရောက်မှုမရှိဘူးဆိုတာ ပြသနေတယ်’’ ဟု မထိုက်ထိုက် အောင်က ပြောသည်။

၂၀၁၇ စက်တင်ဘာအတွင်း ဗုဒ္ဓဘာသာဝင်များနှင့် မွတ်စလင် အသိုက်အဝန်းအကြား အပြန်အ လှန်ခိုက်ရန်ဖြစ်ပွားရန် လှုံ့ဆော် နေသည့် စာသားများ Messenger ၌ နေ့ရက်အတန်ကြာ ပျံ့နှံ့ခဲ့သည် ကို ဥပမာပြု၍ အရပ်ဘက်အဖွဲ့အ စည်းများက ဖေ့စ်ဘွတ်ခ်၏ ထောက်လှမ်းရေးစနစ် ညံ့ဖျင်း ကြောင်း ကြေညာခဲ့သည်။

ပြည်တွင်းအရပ်ဘက်အဖွဲ့ အစည်းများ၏ စွပ်စွဲပြစ်တင်မှုနှင့် ပတ်သက်၍ အာရှပစိဖိတ်မှ ဖေ့စ်ဘွတ်ခ်မူဝါဒပိုင်း ကိုင်တွယ်သူတစ်ဦးက ပြန်လည်တောင်းပန်သည့် အကြောင်းကြားစာကို ဧပြီ ၆ ရက်တွင် ပြန်လည်ပေးပို့ခဲ့သည်။

ဖေ့စ်ဘွတ်ခ်၏ အကြောင်း ပြန်စာတွင် မြန်မာနိုင်ငံ၌ ၎င်းတို့ ဆောင်ရွက်ခဲ့ဖူးသည့် လူမှုစံနှုန်း ဘာသာပြန်ကိစ္စရပ်များ၊ ပညာ ပေး ရုပ်သံရိုက်ကူးသည့် အစီအ စဉ်များနှင့် ရှေ့ဆက်ဆောင်ရွက် မည့်အကြောင်းအရာများ ပါဝင် သည်။

မြန်မာအစိုးရနှင့် ဖေ့စ် ဘွတ်ခ်ကုမ္ပဏီတို့သည် ၂၀၁၅ သြဂုတ်အတွင်း နေပြည်တော်၌ တွေ့ဆုံဆွေးနွေးမှု ပြုလုပ်ခဲ့သည့်အပြင် မြန်မာနိုင်ငံ၌ တာဝန်ယူမှု၊ တာဝန်ခံမှုရှိသည့် အွန်လိုင်းအသုံးပြုမှုဖြစ်ပေါ်လာစေရေး အလုပ်ရုံဆွေးနွေးပွဲကိုလည်း ကျင်းပခဲ့သည်။

‘‘ဒီဆွေးနွေးပွဲတွေရဲ့ ရည် ရွယ်ချက်တွေကတော့ မြန်မာနိုင်ငံ  မှာ ဖေ့စ်ဘွတ်ခ်ကို ဘယ်လိုကျယ် ကျယ်ပြန့်ပြန့် အကျိုးရှိရှိသုံးနိုင်ဖို့၊ ဆိုးကျိုးပေါ်ပေါက်စေနိုင်တဲ့ အ သုံးချမှုတွေကို လျော့နည်းစေဖို့ ဖြစ်ပါတယ်’’ ဟု သမ္မတရုံးပြော ရေးဆိုခွင့်ရှိသူ ဦးဇော်ဌေးက ၎င်း ၏ ဖေ့စ်ဘွတ်ခ်စာမျက်နှာတွင် ရေးသားခဲ့သည်။

ဆွေးနွေးပွဲရလဒ်အနေဖြင့် ၂၀၁၈ ဖေဖော်ဝါရီ ၁၅ ရက်တွင် Facebook Safety ပေ့ခ်ျ၌ ‘ဖေ့စ် ဘွတ်ခ်၏ လူမှုကွန်ရက်ဆိုင်ရာ စံ နှုန်းများ’ ကို ကာတွန်းရုပ်ပုံများနှင့် အတူ မြန်မာဘာသာဖြင့် ရေးသား ဖော်ပြခဲ့သည်။

ဖန်တီးရာအဖွဲ့၊ Joosk Studio တို့နှင့် ပူးပေါင်း၍ ဖေ့စ် ဘွတ်ခ်က စံနှုန်းသတ်မှတ်ချက် များ ထုတ်ပြန်ခဲ့သည်။ ဖေ့စ် ဘွတ်ခ်အသုံးပြုသူများအနေဖြင့် စံနှုန်းများကို လိုက်နာမှုမရှိပါက ဆက်သွယ် တိုင်ကြားရန် မြန်မာဘာသာဖြင့် ရေးသားဖော်ပြခဲ့သည်။

စံနှုန်းသတ်မှတ်ချက်တွင် လွတ်လပ်စွာ ထုတ်ဖော်ပြောဆို ရေးသားခြင်းနှင့် ပတ်သက်၍ ပါ ဝင်ခြင်းမရှိသော်လည်း အသုံးပြု သူ ကိုယ်ရေးဆိုင်ရာအချက်အ လက်နှင့် လွတ်လပ်မှုကို ၎င်းတို့ အနေဖြင့် အထူးအလေးထား ကြောင်း ဖော်ပြခဲ့သည်။

ဖေ့စ်ဘွတ်ခ်အသုံးပြုသူများ အတွက် လွတ်လပ်စွာ ထုတ်ဖော် ပြောဆိုခွင့်ရှိရန် လိုအပ်ကြောင်း၊ သို့သော် လွတ်လပ်စွာ ထုတ်ဖော်ပြောဆိုခွင့်၏ မူဘောင်ကို ကျော် လွန်နေသည့် အကြောင်းအရာ များကို ထိရောက်စွာဖြေရှင်းပေး သင့်ကြောင်း မထိုက်ထိုက်အောင်ကပြောသည်။‘‘ဖေ့စ်ဘွတ်ခ်က မြန်မာမှာ လွှမ်းမိုးမှုအားကောင်းတဲ့ ပလက် ဖောင်းတစ်ခုပါ။ မြန်မာနိုင်ငံနဲ့ ပတ်သက်တဲ့ အကြောင်းအရာ တွေအပေါ် စိစစ်တဲ့အဖွဲ့အနေနဲ့ ပိုမိုအလေးထားသင့်တယ်လို့ ထင် ပါတယ်’’ဟု ၎င်းကပြောသည်။

ရီပို့ပြုလုပ်သည့် ပမာဏကို ဖေ့စ်ဘွတ်ခ်က အလိုအလျောက် ဖြုတ်ချခြင်းသည် အပြည်ပြည်ဆိုင် ရာ လူ့အခွင့်အရေးကြေညာစာ တမ်း အပိုဒ်-၁၉ကိုဖောက်ဖျက်ရာ  ရောက်နေသည်။

အပိုဒ်-၁၉၌ လူတိုင်းသည် လွတ်လပ်စွာ ထင်မြင်ယူဆနိုင်ခွင့် နှင့် လွတ်လပ်စွာဖွင့်ဟ ဖော်ပြနိုင် ခွင့်ရှိသည်။ အဆိုပါအခွင့်အရေး များ၌ အနှောင့်အယှက်မရှိဘဲ လွတ်လပ်စွာ ထင်မြင်ယူဆနိုင်ခွင့်  ပါဝင်သည့်အပြင် နိုင်ငံနယ်နိ မိတ်များကို ထောက်ထားရန်မလို ဘဲ သတင်းအကြောင်းအရာနှင့် သဘောတရားများကို တစ်နည်း  နည်းဖြင့် လွတ်လပ်စွာရှာယူဆည်း ပူးနိုင်ခွင့်၊ လက်ခံနိုင်ခွင့်နှင့် ဝေငှ ဖြန့်ချိခွင့်တို့ပါဝင်သည်။

သို့သော် လွတ်လပ်စွာထုတ် ဖော်ပြောဆိုရေးသားရာတွင် အ ကြမ်းဖက်မှုကို လှုံ့ဆော်ခြင်း၊စိတ် ၀မ်းကွဲရန် သွေးထိုးခြင်း၊ ကြမ်း တမ်းစွာဆဲခြင်း၊ အခြားလူနာမည် ပျက်ရန် လုပ်ဆောင်ခြင်း၊ ညစ် ညမ်းစကားပြောဆိုခြင်း၊ ငြိမ်းချမ်း  ရေးပျက်ပြားရန်ဆောင်ရွက်ခြင်း စသည်တို့ကို မပြုလုပ်ရန်နှင့် ကိုယ်ရေးကိုယ်တာကိစ္စရပ်များ ပါ ၀င်ခြင်းမရှိရန် လိုအပ်သည်ဟု International covenant on Civil and Political Right အဖွဲ့ က ထုတ်ပြန်ထားသည်။

မြန်မာနိုင်ငံလူဦးရေ သန်း ၂၀ခန့်အသုံးပြုနေသည့် ဖေ့စ် ဘွတ်ခ်စာမျက်နှာတွင် အထက်ပါ ကဲ့သို့သောအချက်များနှင့် ငြိစွန်း နေသည့် ပြောဆိုရေးသားမှုများ နေ့စဉ်မြင်တွေ့နေသော်လည်း  ဖေ့စ်ဘွတ်ခ်အဖွဲ့အစည်းအနေ ဖြင့် ဟန့်တားထိန်းချုပ်နိုင်ခြင်းမရှိ ခဲ့ပေ။

၂၀၁၇ စက်တင်ဘာအတွင်း ဗုဒ္ဓဘာသာဝင်များနှင့် မွတ်စလင် အသိုက်အ၀န်းအကြား အပြန်အ လှန်ခိုက်ရန်ဖြစ်ပွားရန် လှုံ့ဆော် နေသည့် စာသားများကြောင့် နိုင်ငံအတွင်းအကြမ်းဖက်မှု သုံးခု ခန့်ဖြစ်ပွားခဲ့ကြောင်း ပြည်တွင်းအရပ်ဘက်အဖွဲ့အစည်း ရှစ်ခု၏ စိ စစ်တွေ့ရှိချက်အရ ဖော်ထုတ်နိုင် ခဲ့သည်။

ထို့ကြောင့် ဖေ့စ်ဘွတ်ခ်၏ လူမှုစံနှုန်းများအပေါ် စီစစ်ဖြတ် တောက်သည့် မူဝါဒကို ပြည်တွင်း  ရှိအရပ်ဘက်အဖွဲ့အစည်းများက မေးခွန်းထုတ်ခဲ့သည်။ လွတ်လပ် စွာထုတ်ဖော်ပြောဆိုရေးသားခြင်း ကိုထိခိုက်မှုမရှိဘဲ လူမျိုးရေး၊ ဘာ  သာရေးလှုံ့ဆော်မှုများနှင့် အမုန်း စကားများအပေါ် ပိုမိုစိစစ်ဖြတ် တောက်နိုင်ရန် ဖေ့စ်ဘွတ်အနေ ဖြင့် ရင်းနှီးမြှုပ်နှံမှု ထပ်မံတိုးချဲ့ သင့်ကြောင်း အကြံပြုခဲ့သည်။

‘‘ဖေ့စ်ဘွတ်ခ် အသုံးပြုသူ တွေအတွက် ယဉ်ကျေးမှုပိုမိုထွန်း ကားလာဖို့ အသိပညာတွေလည်း  အများကြီး ပေးသင့်တယ်လို့ထင် တယ်’’ ဟု ဦးအောင်မျိုးမင်းက ပြောသည်။ ရီပို့ကြောင့် တင် ဆက်သည့် ပို့စ်ဖြုတ်ချခံခဲ့ရသည့် နောက် ‘‘ကျွန်တေယ်တို့သွားနေ တာဒီမိုကရေစီနိုင်ငံရေး၊ဒီမိုကရေ စီပန်းတိုင်ပါ။ အမြင်သဘောထား မတူ ကွဲပြားခြားနားတာတွေကို လက်ခံနိုင်ရမှာဖြစ်သလို လူကြီး လူကောင်းဆန်ဆန်၊ အဆင့်အ တန်းရှိရှိ အပြန်အလှန်ဆွေးနွေး နိုင်ရမှာဖြစ်ပါတယ်’’ ဟု ဒေါက် တာရန်မျိုးသိမ်းက ပြောဆိုသည်။

လွတ်လပ်စွာဖြင့် ဝေဖန်အ ကြံပြုထားသည့် ၎င်း၏ပို့စ်ကို ငါး ရက်အတွင်း ပြန်လည်မှတ်ချက် ပေးသူ ၁,၄၀၀ ခန့်ရှိပြီး ပြန်လည်ဝေမျှ သူ ၁,၇၀၀ ကျော်ရှိခဲ့သည်။ ‘‘ကျွန်တော့်ပို့စ်ကို ဖြုတ်လိုက်တာက လွတ်လပ်စွာထုတ်ဖော်ပြောဆို ရေးသားခွင့်ကို ပိတ်လိုက်တာပဲ’’ ဟု ဒေါက်တာရန်မျိုးသိမ်းက ပြော သည်။