လေလံတင်သစ်များကို နယ်ကျော်သယ်ဆောင်ခွင့်မပြု၊ သယ်ယူလိုပါက ခွင့်ပြုချက်ယူရမည်

သစ်တောဦးစီးဌာနက လေ လံတင်ရောင်းချသည့် မည်သည့် သစ်ကိုမဆို နယ်ကျော်သယ်ဆောင်ခွင့်မပြုကြောင်း သစ်တောဦးစီး ဌာန ညွှန်ကြားရေးမှူးရုံးက ဧပြီ ၃ ရက်တွင် သတင်းထုတ်ပြန်သည်။


မြို့နယ်သစ်တောဦးစီးဌာန များမှ ဖမ်းဆီးရရှိသော သစ်များ ကို ခရိုင်သစ်တောဦးစီးဌာနသို့ တင်ပြပြီး သစ်တန်ချိန်အရ ခရိုင်က လေလံတင်ရောင်းချသည်။

လေလံတင်ရောင်းချသည့် ကျွန်း၊ ပိတောက်၊ တမလန်း၊ သင်းဝင်သစ်များကို ကချင်ပြည် နယ် မြစ်ကြီးနားနှင့် ဗန်းမော်တို့မှအပ အခြားမြို့နယ်အားလုံး၊ကယားပြည်နယ်တွင် ဖားဆောင်း၊ မယ်စဲ့၊ ကရင်ပြည်နယ်တွင် မြ၀တီ၊ဖာပွန်၊ လှိုင်းဘွဲ့၊ ကြာအင်းဆိပ်ကြီး၊ကော့ကရိတ်၊ တနင်္သာရီတိုင်းဒေသကြီးတစ်ခုလုံး၊ မကွေးတိုင်းဒေသကြီးတွင် ငဖဲ၊ မင်းဘူး၊ မန္တလေးတိုင်းဒေသကြီးတွင် ပြင်ဦးလွင်၊ မွန်ပြည်နယ်တွင် ရေး၊ သထုံ၊ မုဒုံ၊ သံဖြူဇရပ်၊ ရခိုင်ပြည်နယ်တစ်ခုလုံး၊ ရှမ်းပြည်နယ် တောင်ပိုင်းတွင် တောင်ကြီးခရိုင်မှအပ ရှမ်းပြည်နယ်တောင်ပိုင်းတစ်ခုလုံး၊ ရှမ်းပြည်နယ် မြောက်ပိုင်းတစ်ခုလုံး၊ ရှမ်းပြည်နယ် အရှေ့ပိုင်းတစ်ခုလုံး၊ ဧရာဝတီတိုင်းဒေသကြီးတွင် ဘိုကလေး၊ ဖျာပုံ၊ လပွတ္တာတို့ကို သယ်ယူခွင့်ကန့်သတ်ထားကြောင်း ထုတ်ပြန်ချက်တွင် ဖော်ပြထားသည်။

သစ်လုပ်ငန်းမှရောင်းချသော ပြည်တွင်းလေလံသစ်များကို ယခင်က တစ်နိုင်ငံလုံးသို့ သယ်ယူခွင့်ပြုခဲ့ ပြီး အထူးသစ်မာများဖြစ်သော ကျွန်း၊ ပိတောက်၊ တမလန်း၊ သင်းဝင်သစ်များကို ကန့်သတ်ဧရိ ယာများလုပ်ဆောင်သော်လည်း နယ်စပ်ကန့်သတ်နေရာများတွင် တရားမ၀င်သစ်မာများတွေ့ရှိနေ သဖြင့် ပြန်လည်ထိန်းချုပ်ရာ ပြီးခဲ့သည့် ဇန်န၀ါရီ ၂၂ ရက်တွင် ရန်ကုန်နှင့် မန္တလေးတို့ကလွဲ၍ ကျန်နေရာများကို ခွင့်မပြုဟု ထုတ်ပြန်ထားကြောင်း လွိုင်ကော်သစ် ထုတ်ရေးမန်နေဂျာ ဦးမြင့်ဆွေက ပြောသည်။

လေလံသစ်များကို မြန်မာ သစ်ထုတ်ရေးက အများဆုံးလေလံဆွဲသော်လည်း မြန်မာသစ်ထုတ်ရေးမှ အကြောင်းအမျိုးမျိုးကြောင့် မယူသောသစ်များကို ပုဂ္ဂလိက လုပ်ငန်းရှင်များလေလံရရှိကြောင်း မင်းပြားမြို့နယ် သစ်တောဦးစီးဌာန ဦးစီးအရာရှိ ဦးမြင့်အေးက ပြောသည်။

‘‘ပြည်တွင်းသစ်မာဈေးက တစ်တန်ကို သိန်း ၃၀၊ ၄၀  ဖြစ်နေ တော့ သစ်တွေတရားမ၀င်ရောင်း ၀ယ်မှုတွေ ဖြစ်နေတယ်။ အခုလို ထိန်းချုပ်တာ နိုင်ငံခြားကို တရား မ၀င်ထွက်မှာစိုးလို့ပါ’’ဟု ဦးမြင့်ဆွေက ပြောသည်။

 သစ်လေလံအောင်သူက သစ်သယ်ယူလိုသောမြို့နယ်ကို ခွင့်ပြုမိန့်တင်ရမည်ဖြစ်ပြီး သစ် တောဦးစီးဌာနက မျှောစာထုတ်ပေးမှသာ သယ်ဆောင်ခွင့်ရှိပြီး ခွင့်ပြုမြို့နယ် ထက်ကျော်လွန်သယ်ဆောင်ပါက တရားမ၀င်နယ်စပ် ဖြတ်ကျော်မှုဖြင့် အရေးယူခံရနိုင်သည်။ ခွင့်ပြုချက်မတင်ပြဘဲ သစ်များသယ်ဆောင်ပါက သစ်တောဥပဒေဖြင့် အရေးယူမည်ဖြစ်ပြီး ကျွန်းသစ်ကိုအမြင့်ဆုံးပုဒ်မဖြင့် အရေးယူကာ သစ်တန်ချိန်အလိုက် အရေးယူ ဆောင်ရွက်ကြောင်း ဦးမြင့်ဆွေက ပြောသည်။