ပြည်ပသို့ ရေထွက်ကုန်ပစ္စည်း တင်ပို့မှု မျှော်မှန်းပမာဏပြည့်မီ

ပြည်ပသို့ ရေထွက်ကုန်ပစ္စည်းတင်ပို့မှု ၂၀၁၇-၁၈ ဘဏ္ဍာနှစ်အတွင်းမျှော်မှန်း ပမာဏပြည့်မီခဲ့ပြီး နှစ် ၂၀ အတွင်း အများဆုံးတင်ပို့နိုင်ခဲ့ကြောင်း ရန်ကုန်တိုင်း ငါးလုပ်ငန်းဦးစီးဌာန ညွှန်ကြားရေးမှူး ဦးထွန်းဝင်းမြင့်က ပြောသည်။ 


မြန်မာနိုင်ငံမှ ရေထွက်ကုန် ပစ္စည်းများကို ထိုင်း၊ တရုတ်၊ ဂျပန်နှင့် အာရပ်နိုင်ငံများစသည့် နိုင်ငံ ၄၀ ကျော်သို့ တင်ပို့နေပြီး ပြီးခဲ့သည့် ဘဏ္ဍာနှစ်အတွင်း ဒေါ်လာ ၇၁၁ ဒသမ ၇၁၇ သန်း ရရှိခဲ့သည်။

‘‘အဓိကကတော့ လုပ်ငန်း ရှင်တွေရဲ့ တာဝန်သိမှုကြောင့် ပါ။ ငါးတွေကို ပေါက်ဈေးအတိုင်း ဈေးနှုန်းတင်ပြပြီး ပို့တဲ့အခါပို့ ကုန်ပမာဏ ပြည့်မီသွားတာပါ။ နောက်ပိုင်း ဒေါ်လာသန်း၈၀၀၊ သန်း ၁,၀၀၀ အထိ မျှော်မှန်းချက်ထားသွားမှာပါ။ တဖြည်းဖြည်းနဲ့တော့ တိုးသွားမှာပါ’’ ဟု ဦးထွန်းဝင်းမြင့်က ပြောသည်။ 

ပို့ကုန်တန်ဖိုး ပိုမိုတိုးမြင့် လာရန် ငါးကန်များ တိုးချဲ့မွေးမြူ ခြင်း၊ နည်းစနစ်တကျ မွေးမြူ ခြင်းများလိုအပ်ကြောင်း ၎င်းက ဆိုသည်။ 

‘‘ဒေါ်လာ သန်း ၇၀၀ ကို ပြည်ပတင်ပို့မှု မျှော်မှန်းပမာဏ အဖြစ် သတ်မှတ်ထားတာငါးနှစ်၊  ခြောက်နှစ်လောက်ရှိပါပြီ။ မျှော် မှန်းပမာဏ သတ်မှတ်ချက်တွေ ကတစ်ခါနဲ့တစ်ခါတော့ မတူဘူးပေါ့။ အရင်နှစ်တွေကလည်း ဒေါ်လာသန်း ၆၀၀နီးပါးတင်ပို့ ရောင်းချနိုင်ခဲ့ပါတယ်။ မြန်မာ နိုင်ငံကရေထွက်ပစ္စည်းကို ပြည်ပ ကပိုပြီး ကြိုက်နှစ်သက်လာတယ် ဆိုတာထက်ပိုပြီး တင်ပို့ရောင်းချနိုင်ခဲ့လို့ပါ’’ ဟု မြန်မာနိုင်ငံ ငါးလုပ်ငန်းအဖွဲ့ချုပ် ဒုတိယ ဥက္ကဋ္ဌ ဒေါက်တာတိုးနန္ဒာတင်က ပြောသည်။ 

ပြည်ပသို့ ရေထွက်ကုန် ပစ္စည်း တင်ပို့ခြင်းဖြင့် ၂၀၁၄-၁၅ ဘဏ္ဍာနှစ်တွင် ဒေါ်လာ ၄၈၂ သန်းကျော်၊ ၂၀၁၅-၁၆ ဘဏ္ဍာ နှစ်တွင် ကန်ဒေါ်လာ ၅၀၂သန်း ကျော်၊ ၂၀၁၆-၁၇ ဘဏ္ဍာနှစ် တွင် ဒေါ်လာ ၆၅၂သန်းကျော် ရရှိခဲ့သည်။ 

လက်ရှိတွင် ရန်ကုန်တိုင်းဒေကြီးအတွင်း ငါးမွေးမြူရေးဇုန်များ ဖော်ဆောင်ရန် အ စိုးရက ခွင့်ပြုထားပြီး ယင်းဇုန်များ  အကောင်အထည်ပေါ်လာပါက ရေထွက်ကုန်ပစ္စည်းပြည်ပတင်ပို့ မှု ပမာဏများပြားလာနိုင်သည် ဟု လုပ်ငန်းရှင်များက ခန့်မှန်း ထားသည်။

Top News