မြန်မာနိုင်ငံတွင် လူ့အခွင့်အရေးချိုးဖောက်မှုများရှိနေဆဲဟု အမေရိကန်အစီရင်ခံစာဖော်ပြ

 မြန်မာနိုင်ငံတွင် အကျင့်ပျက်ခြစားမှုများအပါအဝင် လူ့ အခွင့်အရေးချိုးဖောက်မှုအများ အပြားဖြစ်ပေါ်နေကြောင်း အမေ ရိကန်နိုင်ငံခြားရေးဌာနက ထုတ် ပြန်သည့် ၂၀၁၇ နိုင်ငံတကာလူ့ အခွင့်အရေး အစီရင်ခံစာတွင် ဖော်ပြထားသည်။


တရားစီရင်ရေးကဏ္ဍအ တွင်း အကျင့်ပျက်ခြစားမှုများ၊ ပဋိပက္ခဖြစ်ပွားရာ ဒေသတွင်းရှိ အရပ်သားများအပေါ် ဥပဒေမဲ့ သတ်ဖြတ်မှုများ၊ လွတ်လပ်စွာ သဘောထားထုတ်ဖော်ခွင့်နှင့် စုဝေးခွင့်များအပေါ် ကန့်သတ် တားမြစ်မှုများနှင့် အမျိုးသမီးများ အပေါ် လိင်ပိုင်းဆိုင်ရာ ထိပါးစော်ကားခြင်းနှင့် အိမ်တွင်းအကြမ်း ဖက်မှုများကို တရားဥပဒေအရ အကာအကွယ် မပေးနိုင်သေး ကြောင်း စသည်တို့ကို ဖော်ပြထား သည်။

လူ့အခွင့်အရေးအစီရင်ခံစာ ၌ တရားရေးကဏ္ဍတွင် ရဲတပ်ဖွဲ့ က ဖမ်းဆီးထားသော သူကို တွေ့ ဆုံခွင့်ရရေးမှ စ၍ အမှုဆုံးဖြတ် ချက်ကို ပြောင်းလဲစေနိုင်သည်အ ထိ လာဘ်ပေးလာဘ်ယူမှုများရှိ နေကြောင်း၊ ရှာဖွေဖမ်းဆီးမှုများ အတွက် ဖမ်းဝရမ်းလိုအပ်သော် လည်း ဆန္ဒရှိသလို ဖမ်းဆီး ကြောင်း၊ တရားသူကြီးများ အ ကျင့်ပျက်ခြစားသော်လည်း အ ရေးမယူဘဲ သတိပေးမှုသာရှိ ကြောင်း၊ မြို့နယ်တရားသူကြီး ၂၅ ဦးနှင့် ခရိုင်တရားသူကြီး ၂၃ ဦးကို သတိပေးခဲ့ခြင်းသာရှိကြောင်း အစီရင်ခံစာတွင် ဖော်ပြထား သည်။

ထို့အပြင် အကျဉ်းထောင်နှင့် ထိန်းသိမ်းရေးစင်တာများတွင် နေရာနှင့် အကျဉ်းသားဦးရေမမျှ တသည့် အခြေအနေများ၊ အကျဉ်းသားများအပေါ် နှိမ့်ချဆက်ဆံခြင်း အပြင် ဆေးဝါး၊ အမိုးအကာနှင့် အစားအသောက်များ မသန့်ရှင်း ခြင်း စသည့်အကြောင်းလည်း ပါ ဝင်သည်။

ပဋိပက္ခဖြစ်ပွားရာဒေသများ ဖြစ်သည့် ကချင်ပြည်နယ်၊  ရှမ်း ပြည်နယ်ရှိ အရပ်သားများနှင့် ရခိုင်ပြည်နယ်ရှိ ဘင်္ဂါလီများ (မူရင်းတွင် ရိုဟင်ဂျာဟု သုံးနှုန်း)အပေါ် လုံခြုံရေးရဲတပ်ဖွဲ့များနှင့် အစိုးရမဟုတ်သည့် အုပ်စုများက ဥပဒေမဲ့ သတ်ဖြတ်ခြင်း၊ ညှဉ်းပန်းနှိပ်စက်ခြင်း၊ အဓမ္မကျင့်ခြင်းများ ပြုလုပ်ပြီး အရပ်သားများကို အကာအကွယ်ပေးရန် ပျက်ကွက် နေကြောင်း အစီရင်ခံစာတွင် ဖော်ပြသည်။

အဆိုပါ အစီရင်ခံစာနှင့်ပတ်သက်၍သမ္မတရုံး ပြောရေးဆိုခွင့်ရှိသူကို ဆက်သွယ် မေးမြန်းရာတွင် ယင်းအစီရင်ခံစာကို မဖတ်ရသေးကြောင်းနှင့် နိုင်ငံခြားရေးဝန်ကြီးဌာနကိုသာ မေးမြန်းရန် ဖြေကြားသည်။ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူများထံဆက်သွယ်ခဲ့သော်လည်း အဆက်အသွယ်မရရှိခဲ့ပေ။

ထို့အပြင် လိင်တူဆက်ဆံမှု ကို ရာဇဝတ်မှုအဖြစ် တားမြစ်ခြင်းများ ရှိနေကြောင်း ရေးသားထား သည်။

ယင်းအစီရင်ခံစာသည် နိုင်ငံ ၂၀၀ ခန့်၏ လူ့အခွင့်အရေးအခြေ အနေကို ထုတ်ပြန်ခြင်းဖြစ်ပြီး တရုတ်၊ ရုရှား၊ အီရန်နှင့် မြောက်ကိုရီးယားနိုင်ငံများသည်  စိုးရိမ်ရသည့် ချိုးဖောက်မှု အခြေအနေတွင် ရှိနေကြောင်း ယာယီနိုင်ငံခြားရေးဝန်ကြီး ဂျွန်ဆူလီဗန်က မှတ်ချက်ပြုသည်။

မကြာမီက ရွေးချယ်ခံရ သည့် သမ္မတဦးဝင်းမြင့်က အစိုးရ အနေဖြင့် နိုင်ငံသားများ၏မူလ အခွင့်အရေးများ၊ အခြေခံရပိုင် ခွင့်များကို လူ့အခွင့်အရေးကော် မရှင်အနေဖြင့် နေရာဒေသမရွေး ကာကွယ်ပေးနိုင်ရေးဆောင်ရွက် မည်ဟု ၎င်း၏နှစ်သစ်ကူးမိန့်ခွန်း တွင် ကတိပြုပြောဆိုထားသည်။

မြန်မာနိုင်ငံအမျိုးသားလူ့အ ခွင့်အရေးကော်မရှင်ကလည်း သမ္မတ၏လမ်းညွှန်ချက်နှင့်အညီ လူ့အခွင့်အရေးချိုးဖောက်ခံရခြင်း များကို ကာကွယ်စောင့်ရှောက် ရန် ပိုမိုအရှိန်တင်ဆောင်ရွက်မည် ဖြစ်ကြောင်း ဧပြီ ၁၉ ရက်တွင် သတင်းထုတ်ပြန်ထားသည်။