သူငယ်တန်းမတက်ရသေးသူများ (၆)နှစ်ပြည့်ပါက ပထမတန်းသို့ တိုက်ရိုက်တက်ရောက်ခွင့်ပြုမည်

သင်ရိုးသစ်ပထမတန်းသည် သူငယ်တန်းမတက်ရောက်ခဲ့သည့် ကလေးများ တိုက်ရိုက်လိုက်ပါ သင်ကြားနိုင်သော သင်ရိုးဖြစ်၍ ယင်းသို့ခွင့်ပြုခြင်းဖြစ်သည်။ (ဓာတ်ပုံ - ဂျေမောင်မောင်(အမရပူရ))

အသက် (၅)နှစ်ပြည့်ချိန်တွင် သူငယ်တန်းမတက်ရောက်ခဲ့ရသော ကလေးများ (၆)နှစ်ပြည့်ပါက ပထမတန်းသို့ တိုက်ရိုက်တက်ရောက်ခွင့်ပြုမည်ဟု အခြေခံပညာဦးစီးဌာနမှ တာဝန်ရှိသူတစ်ဦးက ပြောသည်။

သင်ရိုးသစ်ပထမတန်းသည် သူငယ်တန်း မတက်ရောက်ခဲ့ သည့် ကလေးငယ်များအတွက် တိုက်ရိုက်လိုက်ပါသင်ကြားနိုင် သည့် သင်ရိုးညွှန်းတမ်းဖြစ်၍ ယင်းသို့ တက်ရောက်ခွင့်ပြုခြင်း ဖြစ်သည်ဟု ဆိုသည်။


‘‘သူငယ်တန်းက ကလေး တွေကို ကစားတာ၊ ကတာ၊ ခုန် တာမျိုးကို သင်ပေးတာ၊ အရင်က လို အရေး၊ အဖတ်အတွက် Heavyတွေ မပါသေးတော့ ကလေးက သူငယ်တန်း မတက်ဖြစ်ဖူးလား၊ ဒါဆို သူ (၆)နှစ်ပြည့်ပြီလား၊ ပြည့်ရင် ပထမတန်း တန်းတက်လို့ရတဲ့ သဘောပေါ့။ ဖြစ်နိုင်ရင် သူငယ် တန်းက စတက်၊ မတက်နိုင်ရင် တစ်တန်း တန်းတက်လည်း (၆) နှစ် ကလေးဉာဏ်ရည်နဲ့ဆို မီတဲ့ သဘောပေါ့’’ဟု အဆိုပါတာဝန် ရှိသူက ရှင်းပြသည်။

(၆)နှစ်ပြည့်ပါက ပထမတန်းသို့ တိုက်ရိုက်တက်ရောက် ခွင့်ပြုထားပြီး (၆)နှစ်ပြည့်ရန် သုံးလအလိုအထိ ကလေးငယ်များကို သက်ဆိုင်ရာထောက်ခံ ချက်များဖြင့် ကျောင်းအပ်နှံခွင့်ပြုရန် ဆောင်ရွက်ထားသည်ဟု ကျောင်းကုန်းမြို့နယ်မှ ကျောင်း အုပ်ကြီးတစ်ဦးက ဆိုသည်။

(၆)နှစ်ပြည့်ပါက ကလေး၏ ကိုယ်ကာယနှင့် ဉာဏ်ရည်ဖွံ့ဖြိုး မှုကိုကြည့်ရှု၍ ပထမတန်း တိုက်ရိုက်တက်ခွင့်ရှိနိုင်ရန် သင်ရိုးညွှန်းတမ်းသစ်များ ရေးဆွဲထားသည်ဟု သင်ရိုးရေးဆွဲရေးအဖွဲ့မှဒေါက်တာကေသီမော်က ရှင်းပြ သည်။

 ပညာရေးဝန်ကြီးဌာနက သူငယ်တန်း +  ၁၂ တန်း ပညာရေး စနစ်သစ်ကို ၂၀၁၆-၁၇ ပညာ သင်နှစ်က စတင်အကောင်အ ထည်ဖော်နေပြီး သူငယ်တန်း၊ ပထမတန်းတို့ကို သင်ရိုးသစ်များ ဖြင့် သင်ကြားနေသည်။

ယခုပညာသင်နှစ်တွင် ဒုတိယတန်းကို သင်ရိုးသစ်ဖြင့် စတင် သင်ကြားမည်ဖြစ်သည်။