ဒေါ်အောင်ဆန်းစုကြည် တောင်ကိုရီးယားကုန်သွယ်ရေးဝန်ကြီးအား နေပြည်တော်၌ လက်ခံတွေ့ဆုံ

ဒေါ်အောင်ဆန်းစုကြည်နှင့် တောင်ကိုရီးယားကုန်သွယ်ရေးဝန်ကြီးတို့ ယမန်နေ့က တွေ့ဆုံဆွေးနွေးနေစဉ် (ဓာတ်ပုံ −Myanmar State Counsellor Office)

နိုင်ငံတော်၏အတိုင်ပင် ခံပုဂ္ဂိုလ် ဒေါ်အောင်ဆန်းစုကြည် သည် တောင်ကိုရီးယားကုန်သွယ် ရေးဆိုင်ရာ ဝန်ကြီးမစ္စတာကင် ဟွန်ချောင်အား နေပြည်တော်၌ ယမန်နေ့တွင် လက်ခံတွေ့ဆုံခဲ့ ကြောင်း နိုင်ငံခြားရေးဝန်ကြီးဌာန က သတင်းထုတ်ပြန်သည်။ 

ထိုသို့တွေ့ဆုံစဉ် မြန်မာ-ကိုရီးယားနှစ်နိုင်ငံအကြား ကုန်သွယ် မှုမြှင့်တင်ရန်နှင့် ကိုရီးယားကုမ္ပ ဏီများ လာရောက်ရင်းနှီးမြှုပ်နှံ ရန် ကိစ္စရပ်များ ထည့်သွင်းဆွေး နွေးခဲ့ကြောင်း နိုင်ငံခြားရေးဝန် ကြီးဌာန အပြည်ပြည်ဆိုင်ရာအဖွဲ့ အစည်းများနှင့် စီးပွားရေးဦးစီးဌာ န ညွှန်ကြားရေးမှူးချုပ် ဦးကျော် မိုးထွန်းက ပြောသည်။ 

‘‘စီးပွားရေးဇုန်တွေ တည် ထောင်တဲ့နေရာမှာ ကိုရီးယား အနေနဲ့ သူတို့အတွေ့အကြုံနဲ့ ရင်းနှီးမြှုပ်နှံချင်တဲ့ အပိုင်းတွေ ဆွေးနွေးကြတယ်’’ဟု အထက်ပါ ညွှန်ကြားရေးမှူးချုပ်က ရှင်းပြ သည်။ 

တောင်ကိုရီးယားကုန်သွယ် ရေးဆိုင်ရာ ဝန်ကြီး မစ္စတာကင် ဟွန်ချောင်သည် ဖွံ့ဖြိုးဆဲမှ ဖွံ့ဖြိုး ပြီးသို့ ကူးပြောင်းခဲ့သော တောင် ကိုရီးယား၏အခြေအနေများနှင့် နည်းပညာပိုင်းဆိုင်ရာ အကူအညီပေးရန် ကိစ္စရပ်များလည်း ဆွေးနွေးခဲ့သည်ဟု ဆိုသည်။

ကင်ဟွန်ချောင်သည် သမ္မ တမွန်ဂျေအင်ပြီးခဲ့သည့်နှစ်မေလ က အာဏာရပြီးနောက်ပိုင်းမြန် မာနိုင်ငံသို့ ပထမဆုံးလာရောက် သည့် ၀န်ကြီးအဆင့်တောင်ကိုရီး ယားအရာရှိဖြစ်သည်။

တောင်ကိုရီးယား၏ ကား ကုမ္ပဏီများအနေဖြင့် မြန်မာနိုင်ငံ ၌ မော်တော်ကားတပ်ဆင်ထုတ် လုပ်ရေးလုပ်ငန်းချင်းပူးပေါင်း ဆောင်ရွက်ခွင့်ရရန် ကားအသေး စားများနှင့် ပတ်သက်သောဥပဒေ အချို့ပြန်သုံးသပ်ပေးရန် ကင် ဟွန်ချောင်က မြန်မာအစိုးရကို တိုက်တွန်းကြောင်း Yonhap သတင်းဌာနက ဖော်ပြသည်။

ယင်းသို့ဆောင်ရွက်ပါက တောင်ကိုရီးယားမော်တော်ယာဉ် ထုတ်လုပ်သူများသည် သံမဏိ သွင်းကုန်အခွန်များ သက်သာ ကာ မြန်မာနိုင်ငံ၏ကားလုပ်ငန်း ဖွံ့ဖြိုးရန်ကူညီနိုင်မည်ဟု ၎င်းက ပြောသည်။

ဒေါ်အောင်ဆန်းစုကြည်က မြန်မာအနေဖြင့် ကမ္ဘာလုံးဆိုင်ရာ ယှဉ်ပြိုင်နိုင်မှုပိုကောင်းလာစေ ရေးကဏ္ဍများစွာ တိုးတက်လာ ရန် ကြိုးပမ်းနေသည်ဟုပြန် လည်ပြောကြားကြောင်း Yonhap သတင်းဌာနက ဖော်ပြသည်။

နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် နှင့်တွေ့ဆုံစဉ် တောင်ကိုရီးယား ကုန်သွယ်ရေး၊ စက်မှုနှင့် စွမ်းအင် ဝန်ကြီးဌာနနှင့် မြန်မာနိုင်ငံ စီးပွား ရေးနှင့် ကူးသန်းရောင်းဝယ်ရေး ဝန်ကြီးဌာနတို့အကြား ပူးပေါင်း၍ ဖွံ့ဖြိုးရေး၊ ကုန်သွယ်ရေးနှင့် ရင်း နှီးမြှုပ်နှံရေးကဏ္ဍတို့တွင် စွမ်း ဆောင်ရည်မြှင့်တင်မှုဆိုင်ရာကိစ္စ ရပ်များ ပိုမိုတိုးချဲ့ဆောင်ရွက်ရေး ဆွေးနွေးခဲ့ကြောင်း နိုင်ငံခြားရေးဝန်ကြီးဌာန၏ ထုတ်ပြန်ချက်တွင် ဖော်ပြသည်။ 

ထို့အပြင် ၎င်းသည် စီးပွား ရေးနှင့် ကူးသန်းရောင်းဝယ်ရေး ဝန်ကြီး ဒေါက်တာသန်းမြင့်နှင့် လည်း ယမန်နေ့တွင် တွေ့ဆုံဆွေးနွေးခဲ့ပြီး မြန်မာနိုင်ငံသို့ နှစ်ရက် ကြာ လာရောက်ခြင်းဖြစ်သည်။

More in News Section