ပါဂျောင်ကိစ္စ မျက်နှာချင်းဆိုင်ရှင်းရန် ဦးသံချောင်းအား မြောက်ပိုင်းကျောင်းသားအဖွဲ့ဝင်ဟောင်းများ ဖိတ်ခေါ်

သမ္မတလွတ်ငြိမ်းချမ်း သာခွင့်ဖြင့် လွတ်မြောက်လာ သည့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ် တပ်ဦး (မြန်မာပြည်မြောက်ပိုင်း) ABSDF (NB) စစ်ရေးတာဝန်ခံ ဟောင်း ဦးသံချောင်းအား ပါဂျောင်သတ်ဖြတ်မှုနှင့် စပ်လျဉ်း၍ မျက် နှာချင်းဆိုင်တွေ့ဆုံဆွေးနွေးရန် ဖိတ်ခေါ်ကြောင်း မြောက်ပိုင်းအ ဖွဲ့ဝင်ဟောင်းများက တောင်းဆို သည်။

မြန်မာပြည် မြောက်ပိုင်း ကျောင်းသားတပ်ဖွဲ့ဝင်ဟောင်း များနှင့် အသက်သေဆုံးခဲ့သူများ ၏ မိသားစုဝင်များက ဧပြီ ၂၄ ရက်တွင် ရန်ကုန်မြို့၌ပြုလုပ် သည့် သတင်းစာရှင်းလင်းပွဲတွင် တောင်းဆိုခြင်းဖြစ်သည်။

မြောက်ပိုင်းကျောင်းသားရဲ ဘော်ဟောင်းများအဖွဲ့နှင့် ၉၂/ ပါဂျောင်ဖြစ်စဉ်တွင် ကာယကံ မြောက် အဓိကပါဝင်ခဲ့သူများ နှစ်ဦးနှစ်ဖက်မှ မတူညီသော အ မြင်ရှုထောင့်များကို အခြေခံပြီး ညှိနှိုင်းအဖြေရှာခြင်းသည် အနာ ဂတ်မြန်မာ့နိုင်ငံရေးကဏ္ဍအတွက် အသုံးဝင်မည့် အလေ့အထကောင်းနှင့် သမိုင်းသင်ခန်းစာကောင်းများ ရရှိလာနိုင်မည်ဟု ယုံကြည်လက် ခံထားကြောင်း၊ ထို့ကြောင့် ဦးသံချောင်းနှင့် တစ်ဦးချင်းဖြစ်စေ၊ ဦးသံချောင်းဦးဆောင်သောအဖွဲ့နှင့်ပင်ဖြစ်စေ  ပါဂျောင်ကိစ္စအပေါ် ဆွေးနွေးရန်အသင့်ရှိကြောင်းဧပြီ ၂၄ ရက် ထုတ်ပြန်ချက်တွင် ထည့်သွင်းထားသည်။

ဖိတ်ကြားချက်ကို ဦးသံ ချောင်းဘက်မှ လက်ခံခဲ့ပါက နှစ် ဦးနှစ်ဖက်သဘောတူသည့် နေ့ ရက်၊ အချိန်နှင့် နေရာကို စိတ်ကြိုက်ရွေးချယ်နိုင်ရန် ညှိနှိုင်း ဆောင်ရွက်ပေးမည်ဖြစ်ပြီး ဆွေးနွေးပွဲကျင်းပရန် လုံခြုံရေးကိစ္စရပ်များ စီစဉ်ဆောင်ရွက်နိုင်ကြောင်း ယင်းထုတ်ပြန်ချက်တွင် ရေးသားထားသည်။

‘‘ကျွန်တော်တို့ရဲဘော်တွေ မကျဆုံးမီက ငါတို့အတွက် အမှန် တရားကိုရှာဖွေပေးသွားပါလို့ ပြောသွားတယ်။ အဲဒီတော့ ကျွန် တော်တို့ အမှန်တရားလိုတယ်။ ကျဆုံးရဲဘော်တွေအတွက် ကျွန် တော်တို့ သံချောင်းနဲ့ အေးအေး ဆေးဆေးဆုံတွေ့ချင်တယ်။ ဖြစ် စဉ်က ဘယ်လိုဖြစ်သွားတာလဲ ဆိုတာ လိုချင်တာ။ သမိုင်းကြောင်းအမှန်ကို ပြန်ဖော်ချင်တာ။ ထောက်လှမ်းရေးမဟုတ်ဘူးဆိုတဲ့ သမိုင်း အမှန်ကို ပြန်လိုချင်တယ်’’ဟု မြန် မာပြည်မြောက်ပိုင်းကျောင်းသား အဖွဲ့ဝင်ဟောင်း ဦးဘိုဘိုက ပြောသည်။

၁၉၉၁ တွင် ရှစ်လေးလုံးနှစ်ပတ်လည် အထိမ်းအမှတ် အခမ်းအနားတစ်ခုကို ABSDF (NB) ရုံးချုပ်တည်ရှိရာ ပါဂျောင် တွင်ပြုလုပ်မည်ဖြစ်၍ အဖွဲ့အ စည်းခေါင်းဆောင်များကို ညစာ  စားပွဲပြုလုပ်ရန် ဖိတ်ကြားခဲ့ရာ အစားအစာများထဲတွင် အဆိပ် ထည့်ပြီး လုပ်ကြံရန် န၀တအစိုးရ က စေခိုင်းသည်ဆိုသည့် သတင်း ကို ကျောင်းသားတပ်မတော် ထောက်လှမ်းရေးအဖွဲ့က ဖော်ထုတ်နိုင်ခဲ့သည်ဟု ဆိုကာ မသင်္ကာသူများကို ဖမ်းဆီးချုပ်နှောင်စစ်ဆေးခဲ့သည်။

ထိုသို့စစ်ဆေးခံရမှုကြောင့် ကျောင်းသား ခေါင်းဆောင် ကိုထွန်းအောင်ကျော်၊ ကိုချိုကြီး အပါအ၀င် ရဲဘော် ၁၅ ဦး လူမဆန်စွာ သတ်ဖြတ်ခံခဲ့ရကြောင်း သတင်းစာရှင်းလင်းပွဲ ပြုလုပ်သည့် မြောက်ပိုင်းကျောင်း သားအဖွဲ့ဝင်ဟောင်းများက ပြော သည်။ ဦးသံချောင်းသည် မြန်မာ နိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) တပ်ဖွဲ့ဝင်ဟောင်းဖြစ်ပြီး ၁၉၉၂ ABSDF (မြောက်ပိုင်း) ပါဂျောင် ဒေသ၌ ကျောင်းသားခေါင်းဆောင်များသတ်ဖြတ်ခံရမှုတွင် အဓိက တာဝန်ရှိသူဟု ဝေဖန်ခံနေရသူ ဖြစ်သည်။

မြောက်ပိုင်းကျောင်းသားအ ဖွဲ့ဝင်ဟောင်းများအဖွဲ့အနေဖြင့် ဦးသံချောင်းကို တရားစွဲဆိုမည်မဟုတ်ဘဲ အမှန်တရားအတွက် တွေ့ဆုံဆွေးနွေးမည်ဟု ပြောသည်။

‘‘ကျွန်တော့်တစ်ဦးတည်း အမြင်အရပြောရင်တော့ ကလဲ့ စားပြန်ချေချင်တယ်။ ကိုသံချောင်းက ကျွန်တော်တို့ရဲ့ စစ်ရေးတာဝန်ခံ။ ကျွန်တော်တို့ကလည်း တက် ကြွနေတဲ့ လူငယ်လေးတွေ။ အဲဒီ အချိန်မှာ လူတွေကို ခေါင်းဖြတ် သတ်နေတာတွေက ABSDF ရဲ့ သမိုင်းကို မိုက်ရိုင်းသွားတာ။ ဒါ့ အပြင် ကျွန်တော်တို့ စိတ်ဓာတ်ကို လည်း ရိုက်ချိုးလိုက်တယ်။ ပွင့် ပွင့်လင်းလင်းပြောရရင် ကျွန် တော်ကလဲ့စားပြန်ချေချင်တယ်’’ ဟု မြန်မာပြည်မြောက်ပိုင်းကျောင်း သားတပ်ဖွဲ့ဝင်ဟောင်း ကိုစိုးလွင် က ပြောသည်။

ထို့အပြင် လူ့အခွင့်အရေး ချိုးဖောက်မှုများ ပြုလုပ်ပြီး လူမျိုးသုဉ်းသတ်ဖြတ်မှုများပြုလုပ်ခဲ့ သည့် ဦးသံချောင်းကို နိုင်ငံရေး အကျဉ်းသားအဖြစ် အသိအမှတ်ပြုခြင်းကို ပြင်းထန်စွာရှုတ်ချကန့် ကွက်ကြောင်း မြန်မာပြည်မြောက်ပိုင်း ကျောင်းသားတပ်ဖွဲ့ဝင်ဟောင်းများနှင့် သေဆုံးသူများ၏ မိသားစုဝင်များက ပြောဆိုသည်။

‘‘နိုင်ငံရေး အကျဉ်းသားအ ဖြစ် သတ်မှတ်လိုက်တဲ့ သံချောင်း ဟာ ကိုယ့်ကျောင်းသားအချင်း ချင်းသတ်ခဲ့တဲ့အတွက် လူ့အဖွဲ့ အစည်းက ဘယ်လိုမှလက်ခံလို့ မရဘူး။ နိုင်ငံရေးအကျဉ်းသားအ ဖြစ် သတ်မှတ်လိုက်တာက နိုင်ငံ ရေးအကျဉ်းသားတွေရဲ့ ဂုဏ်သိက္ခာကို ရိုက်ချိုးသလိုခံစားရ တယ်’’ဟု နိုင်ငံရေးအကျဉ်းသား ဟောင်း ဦးရဲလင်း (ABSDF တပ်ဖွဲ့ဝင်ဟောင်း)က ပြောသည်။

ဦးသံချောင်းအနေဖြင့် မျက် နှာချင်းဆိုင်တွေ့ဆုံဆွေးနွေးမှုကို ငြင်းပယ်ပြီး လာရောက်မှုမရှိပါကမျိုးဆက်တစ်ခုလုံးနာကျင်မှုကို ခံ စားရမည်ဖြစ်ကြောင်း ဦးဘိုဘိုက ပြောသည်။

‘‘ဥပမာ ဂဠုန်ဦးစောမျိုး ဆက်လိုပဲ သူတို့မျိုးဆက်က ဘယ်လိုမှပြန်ပြီး မထောင်နိုင်ဘူးဖြစ် သွားမယ်။ အဲဒီတော့ ကျွန်တော် တို့က တွေ့ချင်ပါတယ်။ လာချင် ပါတယ်ပြောတယ်။ လာခြင်း၊ မလားခြင်းက သူ့သမိုင်းပါ။ ပါဂျောင်ဖြစ်စဉ်မှာ သူက တာဝန်အရှိဆုံးသူ ဖြစ်နေတယ်’’ဟု ၎င်းက ပြောသည်။

နိုင်ငံတော်သမ္မတ ဦးဝင်းမြင့်၏ လွတ်ငြိမ်းချမ်းသာခွင့်ဖြင့် လွတ်မြောက်လာသူ ရှမ်းပြည်ပြန်လည် ထူထောင်ရေးကောင်စီ (RCSS/ SSA) တပ်မှူး ဒုဗိုလ်မှူးကြီး ခွန် ကျော် (ခ) ဦးသံချောင်းသည် ဧပြီ၁၉ ရက်တွင် RCSS တပ်သို့ ပြန် လည်ရောက်ရှိနေပြီ ဖြစ်သည်။

 လူ့အခွင့်အရေးဆိုင်ရာ ရာဇ၀တ်မှုများ ကျူးလွန်ခဲ့သူ ဦးသံချောင်းနှင့် အပေါင်းအပါ များအား နယ်ခြားဖြတ်ကျော်လွတ် မြောက်ထွက်သွားခြင်းမပြုစေရန် ၀ိုင်းဝန်း၍ ကြိုတင်တားဆီးကာကွယ်ပိတ်ပင်ပေးပါရန် တရုတ်ပြည်သူ့သမ္မတနိုင်ငံ အာဏာပိုင်များ၊ ထိုင်းနိုင်ငံအာဏာပိုင်များ၊ RCSS နှင့် တိုင်းရင်းသားလက်နက်ကိုင်အဖွဲ့အစည်းများအားလုံးကို မေတ္တာရပ်ခံကြောင်း  အခြေခံပညာကျောင်းသားများသမဂ္ဂ အကသ (၈၈ မျိုးဆက်)က ဧပြီ ၂၄ ရက်၌ သဘောထား ထုတ်ပြန်သည်။ ‘‘ဒီမိုကရေစီအစိုးရလက် ထက်မှာ ကိုသံချောင်းကို တရား ဥပဒေကြောင်းအရ ထိရောက်စွာ တရားဆွဲဆိုနိုင်ရေးအတွက် ကျန် ရစ်သူမိသားစုများ၊ တရားဥပဒေ စိုးမိုးရေး၊ တရားမျှတရေးနှင့် အမှန်တရားကိုလိုလားသော အ ဖွဲ့အစည်းများနှင့် ထိရောက်တက် ကြွစွာ ပူးပေါင်းဆောင်ရွက်သွား ပါမယ်’’ဟု အခြေခံပညာကျောင်း သားများသမဂ္ဂ အကသ (၈၈ မျိုး ဆက်)အဖွဲ့မှ ကိုရဲကျော်စွာက ပြောသည်။

မြန်မာပြည် မြောက်ပိုင်း ကျောင်းသားတပ်ဖွဲ့ဝင်ဟောင်း များအနေဖြင့် ပါဂျောင်ဖြစ်စဉ် တွင် မတရားဖမ်းဆီးသတ်ဖြတ်ခံ ရသူများသည် စစ်ထောက်လှမ်း ရေးမဟုတ်ဆိုသည့် အမှန်တရား ကို လိုချင်သောကြောင့် ဦးသံ ချောင်းနှင့် တွေ့ဆုံခွင့်ပေးရန် အဖွဲ့အစည်းအသီးသီးတို့က ကူညီပေးရန် သတင်းစာရှင်းလင်းပွဲတွင် တောင်းဆိုခဲ့သည်။