ပြည်ပခရီးလှည့်လည်ရေးလုပ်ငန်းလိုင်စင် လျှောက်ရာတွင် UMTA ထောက်ခံချက်တောင်းခြင်းသည် အာမခံကြေးကင်းလွတ်ရန်ဟုဆို

ခရီးလှည့်လည်ရေးလုပ်ငန်း လိုင်စင်(ပြည်ပ)လျှောက်ထားရာ တွင် မြန်မာနိုင်ငံခရီးသွားလုပ်ငန်း ရှင်အသင်း(UMTA)၏ ထောက်ခံ ချက်တောင်းခံခြင်းသည် လုပ်ငန်း ငယ်များအတွက် အာမခံကြေး ကင်းလွတ်စေရန်ဖြစ်သည်ဟု မြန် မာနိုင်ငံခရီးသွားလုပ်ငန်းရှင်များ အသင်းအထွေထွေအတွင်းရေးမှူးဒေါ်သင်းသင်းအောင်က ပြော သည်။ လုပ်ငန်းလိုင်စင်အတွက် မြန်မာနိုင်ငံ ခရီးသွားလုပ်ငန်းရှင် များအသင်း ထောက်ခံချက်ရရှိ ရန် အသင်းဝင်အဖြစ်ဦးစွာဝင် ရောက်ရသည်မှာ မဖြစ်သင့် ကြောင်း ခရီးသွားလုပ်ငန်းရှင်အ ချို့၏ဝေဖန်မှုအပေါ် ၎င်းကအ ထက်ပါအတိုင်း ရှင်းလင်းခဲ့သည်။


‘‘၀န်ကြီးဌာနက အာမခံသိန်း ၁၀၀ လောက်ထားစေချင်တယ်။ ပြည်ပနဲ့ပေါင်းလုပ်နေတဲ့ကုမ္ပဏီ ကြီးတွေအတွက် မပြောပလောက် ပေမယ့် ခရီးသွားလုပ်ငန်းငယ်တွေ အတွက် အာမခံကြေးသိန်း ၁၀၀  ပေးဖို့ဆိုတာ မဖြစ်နိုင်ဘူး။ ဒီလိုနဲ့ ဖြေလျှော့ပေးဖို့ ပြောရင်းကနေ အ သင်းကနေ ထောက်ခံပေးဖို့ဆိုတာ ဖြစ်လာတယ်’’ ဟု ဒေါ်သင်းသင်း အောင်က ပြောသည်။

အင်တာနက် စာမျက်နှာ၌ သီးခြားဖွဲ့စည်းထားသည့် မြန်မာ့ ခရီးသွားစွန့်ဦးတီထွင်သူများအဖွဲ့ ၀င်အချို့သည် ခရီးလှည့်လည်ရေး လုပ်ငန်းလိုင်စင်(ပြည်ပ)ရရှိရန် မြန်မာနိုင်ငံ ခရီးသွားလုပ်ငန်းရှင် များအသင်းဝင်ရမည်ဟူသောအ ချက်ကို ဧပြီအတွင်း အပြင်းအထန် ဝေဖန်ခဲ့သည်။

ပြည်ပနိုင်ငံခရီးစဉ်များ ပို့ ဆောင်ခြင်းကို ယခင်ကတရား မ၀င်လုပ်ကိုင်ပြီး ခရီးလှည့်လည် ရေးလုပ်ငန်း လိုင်စင်(ပြည်ပ)ကို ဟိုတယ်နှင့်ခရီးသွားလာရေး ၀န်ကြီးဌာနက ၂၀၁၅ အတွင်းစတင်ထုတ်ပေးခဲ့သည်။

လက်ရှိတွင် မြန်မာနိုင်ငံခရီး သွားလုပ်ငန်းရှင်များအသင်း၌အ သင်းဝင်ကုမ္ပဏီ ၁,၅၀၀ ခန့်ရှိ သည့်အနက် ၄၀၀ ကျော်သာ ခရီး လှည့်လည်ရေးလုပ်ငန်းလိုင်စင် (ပြည်ပ)ရရှိထားသည်။

‘‘ပြီးခဲ့တဲ့နှစ်က ဂျပန်မှာ လူ ၁၀ ယောက်ထွက်ပြေးသွားဖူး တော့ လိုင်စင်အတွက်ဂယက်ရိုက် သွားတယ်။ ၀န်ကြီးဌာနကတော့ အာမခံကြေးထားဖို့ဆိုတာကို ပို စဉ်းစားလာတယ်။ အသင်းအနေ နဲ့ကတော့ ခရီးသွားအာမခံကောင်း ကောင်းတွေထားရှိဖို့ပဲ နောက်ဆုံး အကြံပြုထားတယ်’’ ဟု ဒေါ်သင်း သင်းအောင်က ပြောသည်။

ခရီးလှည့်လည်ရေး လုပ်ငန်းလိုင်စင်(ပြည်ပ)ထုတ်ပေးရန်ကုမ္ပဏီ ၂၀၀ ခန့်ကို မြန်မာနိုင်ငံခရီးသွားလုပ်ငန်းရှင်အသင်းက ထောက်ခံထားသည်။

Top News