ပြည်ပမှ လာရောက်လည်ပတ်သူများကို မိုင်းလားအဖွဲ့သတိပေးချက် ထုတ်ပြန်

 မိုင်းလားအထူးဒေသ လုံခြုံရေးကာကွယ်ရန်နှင့် ပြစ်မှု ကျူးလွန်မှုများ ထိန်းချုပ်နိုင်ရန် ပြည်ပမှ လာရောက်လည်ပတ်သူ များကို သတိပေးသည့် အချက် ငါးချက်အား မိုင်းလားလက်နက် ကိုင်အဖွဲ့က ထုတ်ပြန်ခဲ့သည်။


ပြည်ပမှ လာရောက်လည် ပတ်သူများကို ရည်ရွယ်သည့် အထက်ပါ သတိပေးချက်ကို ဧပြီ ၂၅ ရက်က ထုတ်ပြန်ခဲ့ကြောင်း မိုင်းလားလက်နက်ကိုင်အဖွဲ့ (NDAA) အထွေထွေအတွင်းရေး မှူး ဦးကြည်မြင့်က ပြောသည်။

သတိပေးချက်တွင် အထူး ဒေသ (၄) အတွင်း ခုနစ်ရက်အ ထက် နေထိုင်မည့်သူများသည် ယာယီနေထိုင်ခွင့်ပြုလုပ်ရန်နှင့် မပြုလုပ်ခြင်း၊ နေထိုင်ခွင့်သက် တမ်းတိုးခြင်းမရှိပါက ဒေသတွင်း သုံး တရုတ်ငွေ ယွမ် ၂၀၀ မှ ၅၀၀ ထိ ဒဏ်ရိုက်မည်ဟု ပါရှိသည်။ မိုင်းလားမြို့တွင်းမှ ကုမ္ပဏီများအနေဖြင့် အလုပ်ခန့်ခြင်း၊ ဖြုတ်ခြင်း များ ပြုလုပ်ပါက ကာယကံရှင်၏ အချက်အလက်များကို တာဝန်ရှိ သူများထံ အချိန်မီသတင်းပို့ရန်၊ ပြည်ပမှ လာရောက်ပြီး ယာယီ နေထိုင်ခွင့်မရှိသူများကို လက်မခံ ရန်၊ အလုပ်မခန့်ရန်နှင့် မလိုက် နာပါက ယွမ် ၅၀၀ မှ ၁,၀၀၀ ထိ ဒဏ်ရိုက်မည်ဟု ပါရှိသည်။

ဒေသတွင်း ဟိုတယ်၊ မိုတယ်နှင့် တည်းခိုခန်းများတွင် လာ ရောက်တည်းခိုသူများ၏ ကိုယ် ရေးအချက်အလက်များ အသေး စိတ်မှတ်တမ်းတင်ထားရန်နှင့် လိုက်နာခြင်းမရှိပါက ယွမ် ၁,၀၀၀ မှ ၂,၀၀၀ အထိ ဒဏ်ရိုက်မည်ဟု သတိပေးထားသည်။ ယင်းသတိ ပေးချက်ကို ၂၀၁၈ မေလ ၅ ရက်ကစတင်၍ အရေးယူမည်ဟု ထုတ်ပြန်ထားသည်။

‘‘ပြည်တွင်းက လာတာတော့ဘာမှ ပြဿနာမရှိဘူး။ ပြည်ပက လာတဲ့သူတွေအတွက် ပြည်တွင်း ကတော့ ပြည်တွင်းအတိုင်းပဲ ဧည့်စာရင်းတိုင်ဖို့ပဲ။ ကျန်တာ ဘာမှ ပြဿနာမရှိဘူး။ နိုင်ငံခြားသား လာတာနဲ့ အဲဒီလိုလုပ်တာ။ဒီဘက်မှာ နယ်စပ်နဲ့နီးတော့ နိုင်ငံခြားသားတွေ ခဏခဏဆက်သွယ်ပြီးလာတယ်လေ’’ဟု ဦးကြည်မြင့်က ပြောသည်။

တစ်နိုင်ငံလုံး အပစ်ရပ်စာ ချုပ်လက်မှတ်မရေးထိုးထားသည့် (NDAA) အခြေစိုက် မိုင်းလား ဒေသသည် ကာစီနိုနှင့် လောင်း ကစား လုပ်ငန်းများကြောင့် တ ရုတ်အပါအဝင် နိုင်ငံခြားသားများ လာရောက်လည်ပတ်မှုများပြား ကြောင်း ယင်းဒေသ ရောက်ဖူးသူ များက ဆိုသည်။