မြို့ ၄၂ မြို့တွင် မြစ်ရေအနည်းငယ်မြင့်တက်လာနိုင်ကြောင်း သတိပေး

 မြန်မာနိုင်ငံဒေသအနှံ့ နေရာကွက်မိုးရွာပြီးနောက် ဧရာဝတီမြစ်အပါအ၀င် မြစ် ၁၂ စင်း ဖြတ်သန်းစီးဆင်းရာ ၄၂ မြို့တွင် မေလပထမပတ်အတွင်း လက်ရှိ ရေမှတ်များထက် အနည်းငယ်မြင့် တက်နိုင်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာနကသတင်းထုတ်ပြန်သည်။


လက်ရှိ မိုးကြိုကာလအ တွင်း ဒေသအနှံ့နေရာကွက် မိုးရွာ ပြီးနောက် မြစ်ရေမြင့်တက်လာရာ မေလ ၁ ရက်မှ  ၁၀ ရက်အထိ ပ ထမပတ်အတွင်း မြစ်ရေသတိပေး ချက်ကို မိုးဇလကထုတ်ပြန်သည်။

လက်ရှိသည် မိုးကြိုကာလ ဖြစ်ပြီး ဒေသအများစုတွင်နေရာ ကွက် မိုးရွာနေသည်။ အနောက် တောင် မုတ်သုံလေသည် မေလလယ်ခန့်ကစ၍ မြန်မာနိုင်ငံသို့ ၀င်ရောက်လာနိုင်ခြေရှိရာ မိုးဆက်လက်ကောင်းနိုင်သည့် အ ခြေအနေကြောင့် မြစ်ရေသတိ ပေးချက် ထုတ်ပြန်ရကြောင်း မိုးလေ၀သနှင့်ဇလဗေဒညွှန်ကြားမှု ဦးစီးဌာန ညွှန်ကြားရေးမှူးချုပ် ဒေါက်တာကျော်မိုးဦးက ပြော သည်။

အမြင့်ဆုံးရေမှတ်အနေဖြင့် ဧရာဝတီမြစ်ရေသည်မြစ်ကြီးနား၊ ဗန်းမော်၊ ရွှေကူ၊ကသာနှင့်သပိတ်ကျင်းမြို့တို့တွင် ၅ ပေမှ ၆ ပေခန့်မြင့်တက်နိုင်ပြီး မန္တလေး၊ စစ်ကိုင်း၊ မြင်းမူ၊ ပခုက္ကူနှင့်ညောင်ဦး မြို့တို့တွင် ၃ ပေမှ ၄ ပေခန့်၊ ချောက်၊ မင်းဘူး၊ မကွေး၊ အောင် လံ၊ ပြည်၊ ဆိပ်သာ၊ဟင်္သာတနှင့် ဇလွန်မြို့တို့တွင် ၁ ပေမှ ၂ပေခန့် မြင့်တက်လာနိုင်ကြောင်း သတင်း ထုတ်ပြန်ထားသည်။

စစ်ကိုင်းတိုင်းဒေသကြီးအ တွင်း စီးဆင်းကာ ဧရာဝတီမြစ်နှင့် ထိစပ်နေသော ချင်းတွင်းမြစ်ရေ သည် ခန္တီး၊ ဟုမ္မလင်းနှင့် ဖောင်း ပြင်မြို့တွင် ၃ ပေမှ ၄ ပေခန့်၊ မော်လိုက်၊ ကလေးဝ၊ မင်းကင်း၊ ကနီနှင့် မုံရွာမြို့တို့တွင် ၁ ပေမှ ၂ ပေခန့်မြင့်တက်လာနိုင်ကြောင်း သတိပေးထားသည်။

သံလွင်မြစ်ရေသည် ကရင် ပြည်နယ်ဘားအံမြို့တွင် ၃ ပေမှ ၅ ပေခန့်နှင့် စစ်တောင်းမြစ်ရေ သည် တောင်ငူနှင့်မဒေါက်မြို့တွင် ၂ ပေမှ ၄ ပေခန့်မြင့်တက်လာနိုင် ကြောင်း သတိပေးသည်။

အထက်ပါအဓိကမြစ်လေး စင်းအပြင် စစ်ကိုင်းတိုင်းဒေသ ကြီးရှိ မြစ်သာမြစ်၊ ပဲခူးတိုင်းဒေသ ကြီးရှိ ပဲခူးမြစ်နှင့် ရွှေကျင်မြစ်၊ ရှမ်းပြည်နယ်နှင့် မန္တလေးတိုင်းဒေ သကြီးအတွင်း ဖြတ်သန်းစီးဆင်း နေသော ဒုဋ္ဌ၀တီမြစ်၊ ဧရာဝတီ တိုင်းဒေသကြီးရှိ တိုးမြစ်နှင့် င၀န် မြစ်၊ ချင်းပြည်နယ်နှင့် ရခိုင်ပြည် နယ်အတွင်း ဖြတ်သန်းစီးဆင်းနေ သော ကုလားတန်မြစ်နှင့်လေးမြို့ မြစ်တို့တွင် မြစ်ရေအနည်းငယ် မြင့်တက်လာနိုင်ကြောင်း သ တင်းထုတ်ပြန်ထားသည်။

မြစ်သာမြစ်ရေသည် ပြင် သာမြို့တွင် ၃ ပေမှ ၄ ပေခန့်၊ပဲခူး မြစ်သည် ဇောင်းတူနှင့် ပဲခူးမြို့ တွင် ၄ ပေမှ ၆ ပေခန့်၊ရွှေကျင်မြစ် ရေသည် ရွှေကျင်မြို့တွင် ၁ ပေမှ ၂ ပေခန့်၊ ဒုဋ္ဌ၀တီမြစ်ရေသည် သီ ပေါမြို့တွင် ၂ ပေမှ ၃ ပေခန့်၊ ရွှေ စာရံနှင့်မြစ်ငယ်မြို့တို့တွင် ၄ပေမှ ၆ ပေခန့်မြင့်တက်လာနိုင်ကြောင်း သတင်းထုတ်ပြန်ထားသည်။ ထို့ပြင် တိုးမြစ်ရေသည် မအူပင်မြို့ တွင် ၂ ပေမှ ၃ ပေခန့်၊ကုလားတန်မြစ်ရေသည် ပလက်ဝမြို့တွင် ၃ ပေမှ ၅ ပေခန့်နှင့် ကျောက်တော် မြို့တွင် ၂ ပေမှ ၃ ပေခန့်၊ လေးမြို့မြစ်ရေသည် မြောက်ဦးမြို့တွင် ၂ ပေမှ ၃ ပေ ခန့် လက်ရှိရေမှတ်များ၏အထက် မြင့်တက်လာနိုင် ကြောင်း သတိပေးထားသည်။

ပင်လယ်ဝနှင့်ထိစပ်နေပြီး စိုးရိမ်ရေမှတ်အထက်တွင် ကာ လအတန်ကြာမြင့်တက်နေသော င၀န်မြစ်ရေသည် ငါးသိုင်းချောင်း မြို့နှင့်ပုသိမ်မြို့တို့တွင် ၂ ပေမှ ၄ ပေခန့် မြင့်တက်လာနိုင်ကြောင်း သတင်းထုတ်ပြန်ထားသည်။